jose77_hk's Profile

同朋友約會，依家係香港都好難選餐廳，有D太熱門的...又等好鬼耐 ! 見呢間新開冇幾耐 ~ 又話係釜山料理就想試佢一下 !!小菜有6款，2個人算多 ?? 裡面有炒粉絲 / 蜜黑豆 / 羅白泡菜 / 薯仔絲 ~ 開開胃 ! 不錯 ~我地叫左個龍頭山塔辣豬骨鍋，沿住個盤都有芝士，中間會有菜同豬骨，配埋辛辣醬黎煮勁惹味 ! 豬骨其實已經煮到好淋，再加D味落去令佢再好食D ~ 再包埋芝士一齊食 !!!! 勁邪惡 ~再黎就係釜山豬肉湯飯，個湯濃到爆炸 ! 仲有豬肉都唔錯 ~ 又唔會真係好淋 ! 有咬口 ~ 湯飯入面仲有一堆蔬菜 ! 好健康的感覺 ~我地2個人...好似點得有D多 !! 哈哈 ~ 但又好想食埋佢個麵試下 !! 個麵好彈呀 ~ 唔錯 ! 就好似冇湯飯咁濃，同埋同湯飯唔同既豬，湯飯係一舊一舊，而麵係一片一片 ! 都好好味 ~今日實在太滿足 !!!!! 仲好很飽添 ~ 我地決定鍋食唔哂既打包番去同屋企人再食過，哈哈 !!…Read More

同朋友行街街，見到新開既銷魂麵銷！入去試一試佢～ 我去台灣前都有睇過，依家可以香港食到喇！選擇唔太多！但一場黎到梗係食佢麻辣三寶啦！餐會有個乾撈麵、再加一個湯餸！我覺得咁樣幾好喎～ 又唔會浸到個麵淋哂！個鹵雞蛋係糖心蛋，好入味 👍🏻👍🏻👍🏻個麵硬身少少，如果可以選到軟硬就最好喇！味道都唔錯～ 咸淡適中，如果食到覺得乾身又可以有湯撈一撈佢！個湯麻辣都夠味，唔會太麻太辣食唔到，我幾鍾意！牛𦟌好淋又入味，牛筋勁淋！有入口即溶既感覺！正～ 牛五花我就唔太鍾意 🤣🤣 好似打邊爐既感覺 朋友叫左清燉，個湯我飲左佢一啖！都唔錯～我地個餐有跟小食，叫左個鹵豆腐同麻辣鴨血！豆腐算鹵得有味，豆腐內好多氣孔！但鴨血…我以為係水血軟身…但佢係硬身。仲額外加錢加左小食，有微辣青瓜同麻辣魚蛋！個青瓜好開胃。但魚蛋唔知係味係香港特色🤣 因為冇油條，我地又想試埋 🤣🤣咁近我～ 梗係時常食啦！隔離仲有鮮芋仙😌台灣美食一條龍👍🏻…Read More

新既一年轉左新工，開始係道搜尋一下新蒲崗美食。今日食晏同同事食飽飯要行下，咁岩行到去 Mikiki 就見到呢家麵包鋪，原來佢地既每日都有製造十多款既新鮮 Bagel，好正呀 !! 香港依家都真係冇呢D類型既鋪頭。今日我選左3款做呢幾日既早餐，正 !!伯爵草莓乳酪，我有焗熱黎食，個面好脆，一入口有好香既伯爵茶香，入面每一啖都有草莓乳酪醬，我個人認為佢有 Cream Cheese，味道好夠，唔錯 !!芋泥麻糬，我隻佬話入面滿滿既芋泥，唔太甜，麻糬有增加到個口感，佢有讚呢個麵粉好香。睇黎我下次要買多個試下...最後係雙重巧克力麻糬，一入口有香濃既朱古力味，本來好期待佢有朱古力醬，夾心只有麻糬。原來仲可以做熱壓貝果三文治，要試一試佢 !! 如果朝早行呢邊既話，仲可以 order 咖啡或茶 添 !店鋪好貼心，個袋入面有指示教你點樣翻熱 Bagel呢個櫃睇到都開心 ~~…Read More

今日行開尖沙咀，見到文化中心開左間牧羊少年，應該係我地太早，門口竟然冇人等位，就一於入去。原來入面位置已經 full，安排我地坐係比較近門口既位，都幾舒服，空間感好夠。原來呢間鋪已經係第9間分店，入到黎先發覺餐廳同酒吧一齊既全新概念。隔離酒吧既位置好 Chill，三五知己可以係果邊吹下水都幾好，唔知有冇D小食類既野呢，可以試一試。坐底冇耐就有 Menu 同 QR Code，就可以慢慢點菜喇 ~ 2個人唔係叫到好多野，只係叫左兩個 Main 同 兩杯野飲。隻衰佬個肚唔係好舒服，叫左焙茶，我就叫左 Home Made Lemonade，唔知點解每次野飲我都係鍾意人地果杯 🤣🤣🤣獨子蒜蕃茄蓉意大利辣肉腸醬扁意粉，入面料好多，比例上料多過意粉，肉醬多到好想食埋碟上面既汁 👍🏻 唔錯！再黎就係 慢煮法國豬鞍 配火灸粟米 及烤新薯 伴芥末籽蘋果醬，呢個整得好好 ! 豬鞍超級 JUICE，勁香！粟米好甜，燒過好似有點焦香既感覺，唔錯！薯仔點個芥末籽醬都好好食，加多少少鹽更好！牧羊整體都係唔錯 👍🏻 …Read More

呢排做野做到個人燥燥地，我老公話係網上見到呢間餐廳唔錯，話同我一齊去 Chill 下。坐底之後侍應妹妹同我地介紹一下餐廳既野食，同埋酒精  正呀 ~和牛京蔥金鎗魚蓉沙律 ($288)，呢個黎到個樣好吸引，D京蔥炸到好香脆，沙律配醋都真係冇得輸，值得一提當然係和牛，好香牛味，又夠淋 ! 反而要壇既係，米通炸得唔夠透，稍微硬左D。金華鯖魚刺身 ($288)，鯖魚刺身唔係道道有得食，聽完侍應妹妹講今日有3款刺身，諗都唔諗選左佢 ! 好鮮甜 ~ 我地仲同侍應妹妹話，攪咩刺身得6片，但個新鮮 Wasabi 咁大舊，浪費左  呢個好滿意，係價錢可以調底少少，又或者又幾片就好D。厚切牛舌芯串 ($48) / 露荀 ($28) / 煙肉蕃茄串 ($28)，飲酒配串燒都真係好開心 ~ 免治雞肉軟骨捧 ($48)，呢支捧捧好好食 ! 如果唔係驚食唔哂D野，我一定會叫多支 !燒鰻魚 (鱺) ($298)，呢個燒到勁香脆，個魚皮好似食緊薯片咁，好開心 ! 法國鵝肝赤蝦茶碗蒸 ($128)，隻赤蝦又大又甜，唔錯 !! 但配鵝肝有少少搶左味，當然鵝肝我好鍾意食，但配蛋同蝦太搶位，但整體都好食既 ~蟹肉海膽三文魚籽蟹膏釜飯 (2人前)，由大廚拎出黎有D驚喜，一打開個飯煲勁香 ! 之後係我地面前放番個蟹殼既材料入去個飯道撈好，再倒左一碗蟹膏入去，嘩 ! 邪惡到呢 ~ 大廚一路撈飯，我地已經聽到有飯蕉食，勁開心 ! 到最後，仲有一小碗既蟹膏，話我地如果覺得唔夠，可以加落去飯道一齊食。嘩 ~ 每一啖都蟹膏撈飯，對於我呢D蟹痴黎講，每一啖都幸福到爆炸 !我隻佬叫我都係唔好飲酒... 好啦 ! 我只好飲 Mocktail，仲要叫 Child 添 ! 襯哂我 ~佢自己就叫杯 Kaen Signature Cocktail，勁串咀囉 ! 仲有 Wisky，我唔執輸飲左佢一啖，唔錯，勁易入口 !…Read More

我個 "親愛的" 生日，梗係搵間好野齊齊嘆下啦 ! 話哂飛唔到咪豪D囉 ~~ 我地準時7點到達，今晚除左我地2個，師傅要等埋其他客人一齊開始，Omakase 一齊上一齊食。等既期間，侍應妹妹真係勁 Nice ~ 首先會問下我地有冇咩唔食，我地答佢冇野唔食，佢話實在太好喇 !! 有人答佢唔食牛...又有人答佢唔食雞，但明明呢間鋪係專門店，可以整咩野呢D人食呢 ... 其實佢係咪黎飲下酒架咋 ? 我要同我既 "親愛的" 講 Sorry ... 姐今晚飲唔到酒。YEAH ~ 齊人喇 !! 師傅開始喇 ~~ 首先係冷鉢 Chilled shabu-shabu, Tosa vinegar, Sprinkle Karasumi入面有粉紅色既和牛，睇住師傅係你面前低溫處理煮熟，口感好軟滑，入面仲有日本蕃茄、翠玉瓜同埋秋葵，食果陣撈埋土佐醋啫喱同底下既山芋泥，面仲有烏魚籽乾即刻磨出黎既碎，完全係開左個胃。我地以為呢個牛味應該唔會太重，因為睇到佢既油花都好足，但估唔到都好重牛味。再黎就係 座付 Beef tongue soup, Water Shield, Yuzu隻金碗好靚，入面既清湯唔好以為佢係鰹魚湯類既清湯，佢入面除左用牛煲左3個鐘既湯，仲有混合埋隔離店用鹿兒島的走地雞煲左6個鐘既湯而成，見到佢個湯咁清，都真係好佩服日本人做懷石料理既精神。因為依家日本出口唔到牛內臟，所以呢湯用澳洲既，但估唔到呢條脷好淋好滑，牛脷下面仲有件冬瓜，加埋柚子皮既香味，好清新。之後係 凌ぎ Today's beef sushi呢件係今日師傅推介既和牛壽司，位置應該會係大概 PAT PAT 位既肉，面磨左D炭既烏魚籽碎上面，冇 Sauce 去食呢件壽司，入口雖然都有D咬口，但幾下之後就好似溶化左。到向付 Beef Tartar, Imperial Seaweed, Pickles, Caviar, Sea Urchin呢個牛他他入面有洋蔥同埋酸瓜，入口好清新，個牛肉第一啖入口好重牛味，之後開始覺得有筋，但又係咬左兩下之後，就好似化開，我地覺得應該係師傅有切開D筋，令到你食既時候除左有咬口外，但有化開既效果。第2啖佢叫我地混口哂所有野一齊食，用塊紫菜天婦羅黎當匙庚咁食，我覺得紫菜實在太濃味，蓋過左本來的食材味道，兩樣野獨立食開心好多。再黎就係我地一入座，就聞到勁香既 sukiyaki溫物 Sukiyaki, Soft boiled egg呢個我地都真係好期待，每次去日本...呢個我地都唔會選黎試，原因係個汁好多朋友都同我講好漏，所以每次都放棄左呢個。今日係呢道試過，我諗我愛上，師傅既調味濃得黎唔會死甜。首先師傅煮之前俾我地影下咁靚既和牛片，都真係食慾大增呀 ~ 入面仲有松茸，都真係要好好品嚐一下。睇住師傅整又真係一個吸引之處黎，臨上枱之前會叫我地等佢一下，佢會再刨D新鮮既黑松露上面，呢D Moment 梗係拍片啦。碗入面有3層，第一層師傅要我地以牛包煮左好耐既洋蔥一齊進食，嘩 ~ 痴線 ! 好幸福呀 ~ 再黎就係混合下蛋汁加飯同埋師傅既秘制醬汁一齊食，都真係唔捨得食最後一口吞落去。其實之前侍應妹妹仲教我地匙庾除左以右手拎住黎食之外，佢話師傅仲擔心大家覺得個汁太濃味，你都可以係個碗既好似漏斗既位置倒少少汁液撈飯，駛唔駛咁貼心呀 !!!!!箸休 Sweet Green Plum其實食到黎呢道，都真係有D漏，呢個時間出動青梅係好岩，梅係由甜水醃漬，味道唔會好酸。師傅加左D用梅汁做既糖水落個冰道，呢個就太淡身，食唔出有梅味，但粒梅都真係有消滯既作用。凌ぎ Today's beef sushi食完粒梅，清左個味蕾，再黎既都係和牛壽司，呢個係肉眼部分，面配以蘋果紅酒汁，唔會太濃，配呢個汁幾清爽。強肴 Sirloin Cutlet Sandwich呢個我地一路睇住師傅整，一路見佢切頭切尾，好想同佢講留番俾我地食。笑死人 ~多士入面既係吉列牛，佢底下既醬係黑松露整既，而面配料分別一件係魚籽醬，另一件係海膽。師傅有建議可以一口食，會多D唔同層次既味道。但我呢D粗人，我淨係食到幸福味 ~ 我比較鍾意魚籽醬既配搭。替鉢 Chateaubriand special sauce師傅又叫我地等陣喇 ~~ 哈哈 ! 呢個原來入面有D煙薰，嘩 ~~ 勁香 ! 個木味好吸引 ~一打開木既煙燻味飄出黎，牛係菲力黎，好軟淋，底下既係茄子，仲有一舊假既茄子魚糕，好味 ! 底下紅酒既醬汁又係勁香，唔錯 ~燒物 Grilled sirloin with seasonal vegetables呢道菜，師傅係用備長炭燒，個爐正正係我面前。炭燒和牛肉勁 Juice，仲可以選合銀碟上兩款調味，我個人覺得配柚子醋好味，Washibi 搶左牛味，但佢個辣又唔會搶到喉。另外蒜片同炸牛蒡絲冇得頂呀 !! 勁脆 ~ 好似食緊薯片小食咁，個粟米芯甜到呢 ~ 個水楊梅我放到最尾，我覺得應該可以解到我既滯，我以為佢酸啦，點知又係超甜。到最後一道 食事 Chilled Noodle, tail gelee師傅呢個素麵整到好精緻，個麵佢係綁好一扎扎去煮，再切走左部份。醬汁既部份用花生、櫻花蝦乾同埋三文魚子去做配料，我地係道笑話呢道菜好似口水雞。仲有伴麵既牛肉，好攪笑 ! 侍應妹妹話佢先唔開估，佢地自己都有食過，呢個味你一食落去會覺得好熟識。勁好笑呀 !!!! 薑蓉黎架，食落去都唔似牛呀，好似雞呀個口感，好得意 ~最尾黎到 水菓子 Monaka Icecream, Ushidoki Special Pudding花形既威化餅好鬆脆，夾住Wisky 味雪糕有淡淡酒味，但我接受到，同埋佢話冇酒精我應該OK，餅皮入面仲有紅豆蓉好夾。另外蛋布甸勁滑，又唔會太甜，唔錯！…Read More

同呢3個八婆勁耐冇見，梗係要搵間好野一齊食，雖然只係2個鐘，但足夠大家吹吹水。今日我地選擇黎蟹仙，除左覺得尖沙咀方便大家之餘，佢地既海鮮都好新鮮。我地今日選左4個 $439 既海鮮餐，本來店員推介我地食2個二人餐抵食D，但因為3個八婆都唔太食得，所以都係 Keep 餐會好少少。首先黎左個海鮮拼盤，入面有大蝦、元貝、蠔、青口、鮑魚同月光貝，佢地洗得好乾淨，安坐等食 !!首先蒸左條東星班仔 ~ 勁滑，又鮮甜 ! 個豉油又唔會過甜，好味 ! 每一件，份量其實岩岩好 !!隻鮑魚都真係要一讚，佢地洗得好乾淨，好安心咁食 !! 鮑魚勁鮮甜又淋，唔會咬唔開 ~蠔雖然縮左，但都無損佢既鮮甜，又爽口 ~呢隻貝又係勁正 ! 佢入面好似含住泡汁咁，一咬落去勁 Juicy !!再黎就係 龍蝦 同 今晚重頭戲 ! 蟹喇 ~每人半隻龍蝦，好正，唔係好大隻，但好好肉 !! 條尾啖啖肉，我連佢D細腳仔都唔放過，都真係好好食 !終於黎到尾聲，有菜食，大家都飽到爆燈，但娃娃菜同粟米都勁甜，好難唔清左佢。本來都諗住好唔好拆左D粟米放粥食，但都忍唔住...大家去到呢道都抱住個肚... 但個粥係精華，侍應哥哥問我地食唔食蔥同菜蒲，例哂入去撈兩撈都得 ! 正呀 ~最尾仲醒左我地每人一碗甜品，肯定同枱有靚女啦 ~~ 哈哈…Read More

今日隻佬生日，搵間居酒屋同埋兩個表妹開心下，正 ~  呢間好方便，係正諾士佛臺第一楝 ! 斜路一上黎就係好方便 ~我地安排四方枱，夠位放野，都好舒服 ! 睇下有咩野食先 ~ 首先今日生日就梗係要叫酒呀 !! 我地有 ：巨峰燒酌梳打 <~ 我既 !! 不錯哦 ~原味乳酸燒酌梳打柚子清酒梅酒再黎就係 吞拿魚溫泉玉子沙律，個溫泉蛋係有D難分，我都食左少少，個蛋黃好香。吞拿魚個油份都好夠，正 !三文魚魚鬆豆腐凍，個三文魚鬆用醋汁同豆腐一齊食好開胃，但個豆腐豆味好重河蝦厚玉子，入面既係蝦仁，淨係個蛋都好香，又鬆軟，雖然未去到滑蛋既效果，呢個要壇一壇個蝦仁。刺身拼盤，我地俾左個 budget 侍應，叫師傅做個拼盤，都唔錯喎 ~ 入面有帶子/三文魚/吞拿魚腩/吞拿魚同牡丹蝦，正呀 !!揚櫻花蝦，呢個有驚喜，好好送酒 ! 飲酒必叫，好香口 ~ 豚肉露荀串 / 燒牛舌 / 豚肉車厘茄串 / 燒溫室青椒串 / 雞肉京蔥串 / 雞肉明太子串 / 金山寺雞肉串 當中我最鍾意既，當然係牛舌啦，再黎就係金山寺雞肉串，個麵豉醬冇得輸 !!軟殼蟹卷，呢個內熱外冷，好好食，軟殼蟹岩岩炸起拎黎卷，配米同沙律醬，剛剛好 !燒豆腐，本來以為係好似我地既豆腐卜咁，點知原來係大件既豆腐，這個外面好脆，入面既豆腐好嫩滑 ! 高菜明太子(和風味) 意大利粉，呢個我覺得應該同意粉好夾，係我想要既野黎，但過咸，如果唔係應該好好食，入面有大量既菇，明太子又唔係好咸，可能真係師傅調味重手左，個意粉岩岩好 ! 軟硬適中 !最後就係蟹肉煎薄餅，其實食唔係好到個蟹肉，但最緊要唔鯹，好食，亦冇毒死我既紅羅白就好 !…Read More

今日同隻佬好想打邊爐，平時食黎食去都係D任食既。今次選間高質既食下。果陣見佢係旺角都想食...食到今時今日人地搬左黎尖沙咀先食。SSSSORRRY ~上到黎未滿人，安排窗邊入座，環境舒服。兩個人坐4人枱好舒服 ~ 上到黎就梗係要試佢地既花膠雞濃湯啦 ! 侍應哥哥仔話滾左佢會過黎幫我地處理果半隻雞，係呀 ! 原來係有一隻同半隻，2個人梗係半隻啦 ! 唔係等陣仲駛食野既 ~ Btw 半隻都夠 ~ 都好鬼飽 !! 入面除左半隻雞，就係花膠，花膠個量都好多 ! 仲有差唔多10件花膠，正呀 ! 仲要唔細隻架 ~ 個湯都真係勁濃，好好味呀 !!! 差D清底先叫人加湯邊爐 ! 哈哈 ~兩個人唔係叫到好多野，仲左個 原粒帶子水餃 同 唐生菜餃子都幾大隻下，入面都仲2粒帶子仔，味道鮮甜，豬肉都比較實，但整體都好味，見咁大隻都唔敢好快就食，滾耐D好 ~另外叫左個 美國極上A級手切牛，呢個牛味好濃正呀 ~ 但細片左少少。再黎有少少覺得唔夠喉，又唔想浪費左個濃湯，叫左個冬瓜吸一吸味。正 ~當然少不了野飲啦 ~…Read More

之前睇廣告話呢間餐廳係韓式扒房同Omakase，今日同我隻佬黎會一會佢。因為我地有訂位既關係，完全唔駛等，一入去就有個熟成櫃係你既右手邊，吊住左好多 dry aged 既牛肉，28-45日熟成牛肉不等，正 ~我地坐二人卡位，好舒服，燈光暗暗好有情調咁 !! 侍應有推介我地食佢地既 Omakase，因為我地唔係好餓，我地最後選左 $420 既餐。再加其他野。首先黎左個醃漬沙律，韓式前菜，生菜盤，同佢地既自家包飯醬。沙律既份量都幾大碟，入面除左羅馬生菜之外，仲有牛油果同大蝦。小菜都仲4款，除左泡菜，仲有芽菜仔、菠菜同酸蘿蔔。食燒肉梗係唔少得野飲啦，我地叫左個青檸梳打同埋茉莉花水果綠茶。再黎就係餐入面既朝鮮小品，我地選左韓式豬手，我諗呢個一定係必食啦 ! 味道唔錯，如果你覺得淡加佢既辣醬同包飯醬配埋個酸菜同大葉，岩岩好 !再黎就係今日重頭戲，有4款唔同既豬牛肉，都係廚師推介。分別有和牛羽下肉、和牛羽下肉、韓國五花肉同埋熟成醬油牛肋肉呢4款，入面仲有d蔬菜俾你，當中既菠羅都真係一解油膩。侍應姐姐話我地知由淡味食到濃味，仲幫我地燒，實在太好喇 ~個和牛羽下肉牛味好濃，但太有口感，其他都好正 ~侍應姐姐幫我地燒得太好。之後再黎就係水泡菜同埋韓式小菜。當中個醬潰蟹仔好好食 !!我睇開飯，個個都有叫呢個鰻魚，而我又好掛住韓國果條，問準隻佬就叫，哈哈 ~ 因為我地驚食唔哂，當然最後都飽到呢 !個鰻魚唔錯，但可以再燒耐少少令到皮可以脆D。但可以一解我冇得飛想念 ~再黎就係餐既主食，我地選左大醬湯飯同埋平壤冷麵，細細份實在太好。要提提個大醬湯，真係正 ! 配飯既咸度剛剛好。入面好似羅白炆牛腩既味咁濃，呢個可以 Encore !!食左個完美既飯，當然要食多個甜品開心吓。我叫左個蜂蜜雪糕，有件蜂巢係道好正 !…Read More

好似好耐冇試過4個人一齊出黎食飯咁，今日收工我地約左去尖沙咀，突然好想食日本野，記得漁道樂D刺身好新鮮，一於會一會佢 !我地行完街就黎左搵位，本來以為要等，出奇地唔駛 ~ 我地坐中間，不錯 ~ 整間鋪都好日本味 ~首先梗係叫酒精啦 ! 尋開心嘛 ~ 我隻佬叫左 highball，而我同表妹叫左梅酒梳打，細表妹今日最乖，竟然叫白桃梳打。我既梅酒梳打唔夠味，多少少酒會好D。首先係 黑豚露荀卷，每人一串，豚肉唔會柴，露荀亦岩岩好，正 ~薩摩手羽，燒到勁香脆，個面好似食薯片咁，入面仲 Juice。而隻雞尖仲可以連骨食埋 ~ 正 !秋刀魚刺身 + 生蠔，得我同一個表妹食，兩隻蠔就夠 ! 個秋刀魚差唔多季尾，但仲係好肥，呢條勁好油香 ! 正呀 ~海膽蟹肉反卷，點都要食下飯既，又唔想只食海膽刺身咁 DRY，呢個岩岩好。唔係太大粒，但就海膽都算多。蟹肉相對係少，多番D就好喇 !伊勢海老鍋，呢個都真係唔打得都睇得呀 ! 正 ~ 個湯鮮甜到爆，係我地唔記得加烏冬失敗 !牡蠣天婦羅，每隻都勁飽滿又大隻，連我隻佬唔like蠔都食左隻 ! GOOD ~最後梗係黎個飽肚之作啦 ! 鰻魚炒飯，粒粒分明，冇得輸，料仲好多 !…Read More

今晚同隻佬過海搵食，朋友話呢間好抵食又好味，所以過黎試一試佢。朋友話佢真心推介佢既大閘蟹，堅抵食，我呢D為食精梗係俾個機會試一試佢啦 !!黎到冇咩人，上到去就有位坐。款式唔算太多俾你選擇，但足以選擇困難，原因好簡單，價錢好抵，好多樣野都好想試。呢個係 "冰鎮南非鮑魚" $58/隻 (2隻起)，呢個冷盤唔錯，我睇相以為好細隻，但黎到又還好。味道唔錯，個醬汁有Wasabi，好開胃，個鮑魚都好入味。重頭戲，朋友推介，必食 $68 大閘蟹，宣傳單張上寫係四兩。雖然我地落左唔夠十分鐘，就已經黎左9成既菜，我諗佢都係蒸定左，但唔緊要 ! 最重要係新唔新鮮！睇外貌佢係有四兩，打開好開心呀 ~ 白膏都唔少，橙黃色既蟹膏好軟滑，果然係對得起 68蚊 !!! 大澳生菜煲 $68，個份量都唔少，入面當然除左生菜之外，大澳當然係蝦醬啦 ! 仲有D豬肉碎同蝦米添 ~ 好惹味，又唔會過咸。再黎呢個我一坐底就話要試，半隻片皮鴨又係好抵 $98，大概有12塊左右。一放底已經好想食，個皮仲脆架 ! 呢個價錢同份量對於2人出街食飯，相對可以叫多幾樣野。呢個係八味豆腐粒 $58，我地見佢係小食，先諗住叫，點知...黎到份量大到呢。哈哈哈 ~ 可能我地想像得太細，以為得半碟左右。豆腐個皮唔厚脆口，豆腐有豆味，呢個食食下會好漏，我用佢黎點蟹醋岩岩好 !ANYWAY，呢餐食得好開心，好少何我地兩個人可以叫咁多野，可能你地會覺得誇張，我地出街食飯都食得哂先會叫。但今餐有少少意外，哈哈 ! 就係食剩幾粒豆腐，我地盡左力架喇！好味 ~ 會再 Encore！…Read More

今日約左個勁耐冇見既港島朋友食晚飯，諗住要搵間又抵食，又坐得耐既，依家食放題都真係不二選。呢間牛之鍋見D人食評唔錯，就打電話訂位。都唔算好 FULL !! GOOD ~ 地點好方便，直情係 TS 隔離街市附近，好快就搵到。唔錯 ~ 上面黎登記完就可以入座，我地既座位都好舒服。我地選每人一鍋，如果叫左大鍋，就放唔到野食，每人一個開心好多 ! 我叫既係沙爹湯，朋友叫左蟲草花湯，我個湯底唔錯，我地每人都整左一碟醬料都冇用過，呵 ~ 個牛黎到都覺得唔錯，呢個係極尚牛，另一款美國牛好肥，我直情唔記得影相。哈哈 ~丸仔我地每樣都叫左2粒黎試，又唔駛食太多，每人一粒岩岩好。極尚牛我地仲 encore 左碟，都真係幾好 ！但薄左D ~熟食都有唔少既選擇，我地叫左D刺身同壽司，刺身都好新鮮，壽司又唔會好大件，唔錯 ! 個芝麻雞翼好脆，我地叫左兩轉 !! 仲有串燒都唔錯 ~ 好多種選擇。甜品仲勁多種，我地飽到都叫左4種黎食，好癲 !! 當中最好食係 抹茶扭紋雪糕 ，勁正 ~ 朋友最想食係芒果糯米飯，點知今晚冇... 好在有其他佢都想食既野 ! 甜品都真係令人開心 ~ …Read More

裕民坊搬左上商場都冇試過堂食，今晚屋企冇飯開，梗係搵一間試下啦，今晚想食酸菜魚，見佢咁多人幫襯，又咁多分店，應該冇問題 ! 一於食佢 ~ 拎飛等左一陣，都好快有位。入面既位置都幾好坐，我地睇下有咩野叫，全部都用 QR CODE 落單，GOOD !! 我地叫左3樣野，諗住仲可以番屋企食個生果...太天真 ...D碟頭大到呢 ... 盡力去食唔浪費 ! 其實都只係叫左3樣...首先係前菜，酸辣木耳 (HKD43.0)，呢個前菜我以為都係細細碟，好快可以KO左佢...點知...都要D時間 ! 味道唔錯，帶酸好開胃口！木耳又爽，雖然佢寫既辣度係小辣，都唔野少，但都接受到。再黎就係我好想食既 人見人愛酸菜魚 (配粉條) 小辣 (HKD286.0)，黎到俾隻大碗盤嚇親，大到呢 !!!!入面既份量都唔野少，都勁多魚，配料既種類唔算多，入面有窩荀 / 酸菜 / 粉條，仲有大量既魚。其實呢個算好抵食，味道又好，魚又滑 !! 正 ~ 要壇既野就係花椒太多，我地不停咁隔。粉條都唔少架，又彈牙，正 ~再黎諗住點都要叫個菜食下既，我地叫左 乾煸四季豆 (HKD68.0)，呢道平時係出面既餐廳食...起碼兩碟 !! 份量大，又好味 !! 呢個都好夾個酸菜魚 ~ 正 !我地見隔離枱杯野飲大到咁，不如叫一杯 SHARE，我地叫左 慾望酸梅 (HKD28.0)，佢唔係我地一般飲既酸梅湯或者汁，唔識點形容，個人認為太甜，叫梳打應該會好D！下次我會識叫 ~…Read More

係我公司附近沒有太多台式茶飲既選擇，好飲既又要行到好遠。咁岩拎外賣見到呢間新開，又唔係行得好遠，一於買黎試下。位置大概係大中華附近，都算方便，店面唔係好大，入面亦只有2人工作，需要少少時間等侯，我們拎完個外賣再番轉頭都未得，原來前一單太大單，所以我地等耐左 ... 我地兩個人每人一杯，只有一個大小，都幾大杯下。我叫左杯 霸氣金菠羅 同埋 同事既 芝戀芒芒。首先係左手邊我既 "霸氣金菠羅" ，一入口好香既菠羅味同埋果蓉，唔會好酸，整個都好夏日，隨之味道仲有一陣茶香，我估計佢係四季春類既茶，好清香 !! 唔錯 ~ 但打出黎既泡實太多，好在杯既容量好大，哈哈 ! 另外同事話佢杯花戀芒芒都好味，佢話個芝士奶蓋好厚好滑，味道咸咸地，芒果既打蓉既份量都應該唔少，因為佢入口話都幾多果蓉，亦都同我一樣，飲到陣茶味，所以大家都估佢係四季春茶。近近地都可以下次再買 ~ YEAH !…Read More