JoeTse5219's Profile

今天落大雨，又一城的Food Court 迫爆，買咗嘢食都冇位，揾咗幾間都排長龍，已經下午兩點幾，點解咁多人咁得閒？行行下見呢間有位兼冇人，心諗會唔會瀨嘢，睇個餐牌，下午茶套餐都成80幾90蚊，心諗收咁貴應該渣極有限，結果就50/50啦，應該都冇下次。小籠包確實有驚喜，皮薄多汁，略嫌唔夠喉，得兩隻，隊多幾隻都仲得。牛肉麵説是招牌，但係好失望囉，見到碗面擺到咁整齊就知中伏，佢地冇再淥熱個面就交貨岀嚟俾我食，估計已擺放超過一個鐘，把面攪混後，就把湯的溫度拉好低，變成一碗半冷不熱的湯面，湯底有味精，飲完好頸渴。點餐時問服務員，下午茶套餐是餐牌上都可以點，即係有頭盤，主食，飲品和甜品，但點完飲品佢先話飲品甜品祗限選一樣，但餐後上冇寫，佢話係就係，吹漲！…Read More

最近經常來這一區看電影，因為早場戲飛特平，今天試幫趁這間燒味店，店鋪雖小但五臓俱全，中午時間客人絡繹不絕，大部分都是附近返工的，年齡層也廣，廿零歲到五六十歲都有，看似是家庭式作業，招呼熱情，待客有禮，例湯夠料，無味精，點了燒肉切鷄飯，阿叔隨即問要什麼醬，叫了薑蔥，來了一大兜，燒肉皮脆肉汁多，切鷄雖然都是鷄胸鷄肋，但肉質一點也不“鞋”口，很多時候都寧願幫趁小店，因為那種待客如朋友般的感覺，連鎖店是沒辦法找到的。…Read More

第一次在西環這一區食早晨，連凍飲收$41.00唔算平，但位於德輔道西係咁上下，叫咗沙嗲牛腸仔麵，火腿煎旦油多，凍檸茶，一般茶記水準，都是以街坊客為主，不能奢求太高，起碼只旦係即煎，好多快餐店茶記會煎定，好多時都要硬食凍旦，卡位多，坐得舒服，唯獨是碗面等咗十幾分鐘，有啲耐，不過都食得過，有機會會再幫趁。…Read More

因為疫情，女人街的排檔關了不少，因而街道兩旁的食肆便容易睇到，放眼望去不難發現很多新餐廳進駐，看到一家賣臺式牛肉麵的，便進去一試，點了一份牛肉粗麵，一客蝦多士，牛肉入口即溶，略嫌太林，沒嚼勁，湯底濃厚，估計冇落味精，因為吃後幾小時不算太口渴，麵質豐滿，祗嫌不夠熱，蝦多士則沒太大驚喜，估計廚師為了迎合香港人的口味而改良了湯底，因為吃不到在臺灣吃過的那種豐厚的濃湯，值得回頭幫趁。…Read More

很少到美孚這一邊吃東西，今天祗是順路經過，點了下午茶餐的越式生牛肉湯河粉，先喝一口湯，已知中伏，那股味精攪到要狅飲幾樽水，牛肉勁“鞋”，有榨，唔新鮮，好似擺成朝俾風吹到乾，九重塔又係擺咗幾日咁干，唔使講都冇下次，難怪每次坐車經過都好似冇乜客，呢個位轉咗幾手，希望佢可以嘅話就提早離場，讓個位俾有質量嘅餐廳。…Read More

廿多年前住元朗時未有這餐廳，昨晚應朋友邀請來此晚膳，點了一份沙律，一份鷄翼，一份炸魷魚圈，每人一份粟米忌廉湯，感覺平平無奇，不明為何價錢那麼高，但當那份2磅重的西冷牛排上嚟之後，再試吃一口，就知道物有所值，祗是朋友不喜歡太生，所以點了Medium，下次要點medium rare 才能盡興，牛排肉嫩多汁，看得岀廚師是從選料到烹調都非常講究，這價錢在一些連鎖餐廳也找不到這樣高質素的牛排和烹調，絶對值得再幫趁，餐後點了杯凍朱古力，但勁甜！…Read More

他們開了有幾年，因不算經常路過，祗幫趁過一兩次，已是一兩年前的事，今天本想跟朋友去飲中茶，朋友見這餐廳就停下來問是否好味，因他見中午飯時間，外面有7-8人等枱，我説前幾年幫趁過，算是質優價位略高的餐廳，他馬上問服務員拿了籌，約等了15分鐘，服務員已岀來説差不多到我們，並説可以先行落單，我倆都點了牛柳套餐，朋友要求medium rare，我要求medium，服務員溫馨提示medium rare比較好點，到餐後，嘗了一口，亦同意服務員的推介。食物質素是先決條件，其次是價錢服務和環境，下次一定再幫趁。…Read More

因為“飲食男女”的推介，所以今天專程去了幫趁他們的招牌炸醬面，湯的味道不過不失，略為唔夠熱，亦細碗了少少，，點了粗麵，略為韌，亦不夠熱，最難頂係炸醬，一來放於小碟上又放於麵的旁邊，感覺碟邊如有不潔的話會污染整碟麵，而最失望的是整碟炸醬都是冰冷的，想把面和炸醬撈在一起，希望可解決問題，但可惜面不夠熱，加上撈入冰凍的炸醬，把麵也一起降溫，不知道他們憑什麼攞米芝蓮，祗憑今天這碟冰冷的炸醬面，不會有下次！…Read More