Do_R's Profile

疫情下都知道飲食業都難經營，但都要講下呢間餐廳。一入餐廳得兩、三台客，都諗緊會唔會中伏！離開嘅時候終於知點解冇回頭客！首先都要讚下啲生蠔同個章魚薯仔呢啲頭盤都真係唔錯嘅，真係新鮮嘅好食嘅！之後嘅西班牙乳豬就真係肥咗D嘞，仲有個墨汁意粉真係搞唔掂，淡茂茂咁！其實野食都中規中矩咁啦，因為始終食物價錢唔算太高！去到其實我最想講嘅，舖頭收10點，我地8點左右開始開餐，嚟咗一兩個頭盤之後，突然餐廳8:40話last order… 仲要連嘢飲都係，我地問下餐廳幾點收咖，個職員講大話話930⋯我地”下”左一句，佢先話10點⋯然後9:05叫人埋單，然後9:40開曬D燈最光同開盡音樂，真係耳聾果隻，其實人均消費都6、7百（因為飲酒）可唔可以比返少少禮貌同服務呢？同埋我覺得接受唔到嘅係order左D飲品（白酒同Cocktail）杯墊都冇隻，成枱濕唒，我以為佢冇啦，點知黎杯啤酒無啦啦又有一個杯墊，其實係想點㗎⋯總之結論係以後都唔會再去啦！…Read More

Worst customer service and Informing ever !The receptionist called and cancelled my booking literally 3 hours before my arrival due to the out door area not opening cause of rain, the problem is that the indoor area is fully booked therefore we werent even able to switch, the fact that they did not even offer a wait list for us and it is extremely frustrating that we had to find an alternative in such rush for a birthday occasion . The customer service is poor and clearly their management has no experience at all as to how to deal with Ambiguity, if their restaurant has no shelter outdoor and the weather is likely to be raining for the day , call your customer in advance , not 3 hours before the booking , I will not recommend this place to anyone !…Read More

呢間蛋糕店係銅鑼灣舊址一直幫襯開，下午茶或者收工會去食件cake。數數下都應該一個星期去一次，朋友生日、同事farewell 又會買下蛋糕！加上以前環境舒適，蛋糕唔太甜好食，生果又多款不同，性價比高，最緊要係個個員工禮貌有笑容又好好服務態度，所以都幾喜歡去！不過而家搬咗去時代廣場，無得堂食已經有D失色，有D似快餐店模式，繁忙時間得一個員工，等候時間好長，仲要得幾個款選擇，加上個員工無乜禮貌，感覺有D直情降左格咁！…Read More

我用外賣app訂，叫左三樣嘢：木瓜沙律、肉碎煎蛋飯、香茅豬扒湯粉-木瓜沙律：得個咸字，木瓜一食就知唔唔新鮮-肉碎煎蛋飯：肉碎超少分量，肉碎無味仲要白色好似無醃製過，食唔出係咩肉，個樣似生菜包啲肉，總之好難食-香茅豬扒湯粉：一打開嚇死我，啲豬扒黑色㗎，燶到唔想食，加左$10要個冬陰功湯，一滴湯都無，湯無分開上變左撈粉，粉漲到變咗三碗粉，係我食過最難食嘅粉附上照片比大家睇，如果佢唔改良，坦白講應該以後唔會再食…Read More

一入到店內覺得店比較細小，坐位只有十個八個，但正正因為咁，師傅先可以上菜時逐一介紹食物調味同食用方法，好細心，食到日本的味道！最印象深刻係個立濱丼同海膽壽司，新鮮食材，食完就已經諗定下星期幾時要再去。食完之後都返唔到轉頭，食其他地方的壽司都會比下去。仲有得叫Omakase 師傅自選無菜單料理，好少有小店有呢個服務，我下次一定要試試！值得推介，是一間有品質的小黃店，師傅好好傾，店內一直播放住榮光音樂，令人心裏食得更舒暢。我一直會常常光顧的！…Read More

The service was greatFood were delicious and felt like it was made very traditionally . We ordered the prawn salad and the dressing was amazing !Then we had the butter chicken curry and it went so well with the plain naan! We will be back......…Read More

同男朋友放假行完街，突然好想食潮州打冷，所以去左先達旁邊的九記潮州打冷，其實印象中兩、三年前食過，唔錯，所以決定encore 。點知中唒伏！同大家分享一下，我地兩個人叫左四個餸：一）椒鹽豬頸肉，呢個緊要呀，全部炸粉，真係完全一啲都食唔到有豬頭肉。二）豉汁蒸倉魚，我真係第一次食到蒸魚用D鼓油好似日本餐廳魚生點D鼓油，直頭用難食來形容。三) 啫啫雞煲，完全就是將D白切雞放入個煲到，仲要放上枱面凍冰冰嘅感覺，簡直食到想喊。四）蒜蓉白菜仔，呢個係唯一一個可以放入口既菜，而炒呢個餸，相信大家都會認同難度分係一分⋯總之最後結論：好失望，每碟餸份量不多，但因為味道不佳，每一碟都食淨，而最後我地唯有係叫多幾支啤酒填飽個肚離開。短時間內不回頭了！…Read More

平時同男朋友都係喺銅鑼灣飲飲食食多，食到悶悶地諗住去大坑睇吓有乜食，之後上網搵到呢間日本居酒屋，環境好似唔錯，仲有好多好評，所以就專登去試一試，點知⋯⋯⋯真係10萬個失望⋯令我地第一次咁有恆心，一定要開個account 寫劣評。希望大家唔好再中伏。晚上7點左右，正值晚飯繁忙時間，我們一到達門口，見到環境確實幾似日本居酒屋，1秒都冇考慮就入去坐低。餐廳內只有一枱食客2個人，可見非常清幽！總共有三個職員，兩個在廚房內，一個女侍應。首先服務員不能說的服務態度差，因為他們跟本沒有提供任何服務。坐下就自己照顧自己，餐牌上其實食物選擇不算多，如果晚餐來的話，一定要order 大白飯。我們order 了三文魚、帆立貝刺生，海鰻、蝦天婦羅，龍蝦沙律，芥末燒蠔，牛之鍋加2杯生啤。帆立貝刺生可見職員刀法高明，感覺有點像一粒開4片，三文魚就不是很薄，但感覺不太新鮮，天婦羅以炸粉為主，口感很差，龍蝦沙律的份量，真的奇少，牛之鍋湯底極鹹，芥末燒蠔是全晚覺得味道不錯的唯一。結帳總數七百蚊左右。成個晚飯時間不足45分鐘，我哋就速速離開，出到門口男朋友就主動建議去食多碗雲吞麵或魚蛋粉。因為這一餐味道一般而份量更極為少。總結幾句，環境不錯，沒有服務態度，食物味道不佳，份量少！真心覺得浪費左餐廳的環境，希望老闆多多改善，不過我倆都決定永久不會再光顧！…Read More