Yip yung's Profile

今日經外賣平台試咗呢間pizza店，order咗一個夏威夷薄餅、辣肉腸薄餅、肉醬意粉、原味炸雞同香辣炸雞，開頭都擔心咁遠送到，啲食物品質一定會有所影響，但出乎意料地，食物送到都依然好味，又夠熱！夏威夷薄餅餡料夠，餅底鬆軟，味道唔錯辣肉腸薄餅，味道夠，辣肉腸配蕃茄醬簡直絕配炸雞叫咗兩款，一款原味，一款香辣，咬落都好脆口，依然熱辣辣真係脆口又非常Juice 兩種口味都好食，不過個人比較鍾意原味多啲，好好食肉醬意粉真係世一，唔會太乾又唔會太濕，肉醬又惹味，無得頂，食晒無影相…Read More

呢排好多朋友都推介呢間店好食，話超多人，排晒長龍，成日都好想試，卒之今日行過見人少少，唔使等位，直入就有位坐！ 座位有空內室外，我同朋友今日選擇坐室內，坐低四周環境都好清幽，好舒服嘅感覺，如果天氣涼涼哋，室外座位都真係幾寫意！ 我哋點咗一份牛扒包跟沙津，另一份豬扒包，叫飲品送薯條牛扒包超多汁，牛扒入口即溶，非常之正豬扒包好香濃，啲醬汁恰到好處，唔會太漏粗身薯條剛炸起，又脆又夠味👍🏻沙律菜好新鮮latte夠晒香濃呢餐直頭頂瓜瓜…Read More

和朋友行完街街都十點幾，又係宵夜時間了，我地選擇呢間係因為呢度夠闊落，環境冇咁壓迫，而且營業時又夠夜，坐耐啲都唔驚被人趕今晚我地點左…味道就一般般，勝在頂一下酸辣癮、又唔怕太大碗食唔晒另外再叫左個宵夜餐“肉片炒河粉”河粉炒得幾乾身，唔太油，肉片夠腍，不過就唔覺有xo醬味，我自己本身喜愛食小小辣，所以加左枱面辣油，味道就好好多茶夠濃，不會淡而無味整體來說，算不過不失，價錢亦算合理，宵夜談天，算不錯的選擇:)…Read More

今日收工行完街，記得附近有間餐廳開左冇幾耐，都未試過添，一於去試一試!一入到去環境一般餐廳，幾闊落，冷氣好勁、感覺有啲凍，於是就揀左門口附近卡位坐好了，怕裡面仲凍…坐底睇完餐牌搵條“菜”睇下都冇，問左個伙記還有冇其他選擇，佢話全部喺晒度，咁我再睇多次，之後叫左個“雜扒飯餐”!等左10分鐘左右，茶和飯都齊了係雞扒、豬扒、餐肉和腸仔，配中式蔥油汁…心諗…這個配搭又點樣連繫到“超級”這二字呢？有點莫名奇妙不過，味道是可以的，豬扒是厚切的、雞扒皮脆，肉質夠腍沒有雪味，但係配上那個蔥油就真係格格不入!我好快就食完個飯，飲完杯茶，開始有啲凍，真係“冰廳”…Read More

今晚收工冇約，自己一個就食完飯先返屋企啦！見七點幾間餐廳都唔係太多客，入去仲唔洗搭枱添，跟住就叫左個咸魚雞粒炒飯、熱檸茶…杯茶就好快嚟到，不過個炒飯就等左十幾分鐘先到…杯茶就稍為細杯左少少，不過碟飯就夠晒大碟自己一個，真係食唔晒碟飯…飯就炒得夠乾身，不過啲雞粒似白烚咁淡、又食唔到有咸魚，所以只食到一半，食唔落了本來想坐多一陣，但係見啲烏蠅仔飛飛下，唔知同天氣有沒有關係呢？!都係快啲飲完杯茶，早點回家算吧!…Read More

今日天氣又熱又悶，真的想不到吃什麼的時間，看見這間西餐廳，外面還有客人在等位，心想難得嚟到筲箕灣，即管試一試吧；等了一會就有位，雖然是搭枱…但中午繁忙時間，唔駛等、又唔駛搭枱嘅…都唔好入去啦!餐廳裡面都裝修華麗，坐位都算闊落，幾舒服!看完餐牌，我就點左個“香煎挪威三文魚蜜糖芥末籽忌廉汁配月桂百花蜜焗南瓜及紫薯茸”，菜名好長，但睇個菜名應該幾開胃，又唔會太肉，啱晒依家熱辣辣嘅天氣!不到10分鐘，我的午餐就放在眼前，真的十分感恩，一看就知道沒有來錯…三文魚肉質嫩滑夠鮮味，配上那個汁濃香而又不會蓋過三文魚本來的鮮味，令人一試難忘…在這種悶熱天氣下，這個餐實在我食慾大增，但份量亦啱啱好，非常滿足，下次必定再來!…Read More