ysl_suma's Profile

出開觀塘當然要試下之前已bookmark 既餐廳la, 餐廳內有一d 好特別既poster 裝飾，店主good taste👍打開menu 真係有選擇困難ga, 樣樣都好正咁，最終就試左IC 水牛城炸雞burger, 果然不負所望🤩一黎到已經比個勁厚既外型吸引左。講下個burger 先，上下層麵包好有心機地用牛油煎到香脆再加埋大量既楓糖，齋食包都好好食。中間夾左兩大球gelato 同一大舊炸到好脆又淋左滿滿水牛城醬既炸雞🤤 本人非常鐘意鹹甜一齊食既效果，真係好正。成個lunch set 除左burger 仲跟埋薯條，沙律仲有冷泡茶。真係非常飽肚。超推薦lee 間餐廳，如果大家鐘意鹹甜鹹甜既感覺絕對唔可以錯過呀！…Read More

之前bookmark 左一排終於有機會去試下，夜晚差唔多8半walk in 勁多位。睇完menu 最後決定order 個焙茶巴斯克同草莓大福pancake。兩個個presentation 都唔錯。焙茶巴斯克上枱前係邊位燒左d 焦糖，整到好似cream brulee個頂咁脆令個口感加晒分，巴斯克本體唔錯中間做到順滑口感，有茶味既但個扣分位係唔夠焙茶味。大福pancake 個樣勁得意好似舖左張被咁，內有雪糕同細細粒大福，pancake 唔係平時d 空氣soufflé個種，成個combination 夾埋確係不錯。…Read More

係openrice search 到lee 間專食tart 同閃電泡芙既舖頭，難得去開上環決定要試一試。係門口已經見到有好多唔同款既葡撻同泡芙，如果有選擇困難既，真係要d 時間先諗到食咩諗左一輪，最後決定試下蒜味葡撻 加埋杏子朱古力閃電泡芙。泡芙有d 失望朱古力味唔太出，甜度唔夠，而且單價高。但葡撻好有驚喜 ,蒜頭味好香好夾，估唔到葡撻都有lee 種食法。推薦大家試下另外，舖頭雖然唔大，都有幾張枱可以比客人食野，買完直接同staff 講聲就會直接用tray 放好食物，pastry 類產品會建議現場食…Read More

中上環區近期開左好多唔同雪糕店，今次決定試下食Gelato ,lee 到d 口味係特別既但唔係每款都好食。赤肉蜜瓜好味，真係好似食緊蜜瓜咁，味道好清新。東方美人茶係有茶味但唔似平時飲茶既味😅南瓜個口感真係有d 南瓜蓉既feel, 但咁就無左Gelato 既口感，Olive oil 味係最失望，無olive oil 平時既果味，而且食幾啖就覺得有種厚重感😢整體質素好普通，價錢都係同其他既Gelato 差唔多，感覺只係名氣大先多人食…Read More

lee 間有d 好特別既set, 非常啱有選擇困難既朋友仔去😆😆佢會好似酒樓叫點心咁。每人一張紙，一張最少叫滿60 蚊就可以。而每張入面都有d 唔同既主食，小食，野飲咁。同朋友一齊叫左唔同既小食share, 每樣食d 係開心既。 開頭以為每款廿幾三十蚊唔會好大份，但有d 黎到好有驚喜wo.叫左個大size 既蔥油溫泉蛋飯，個蛋黃見到都流口水，加埋本人由細就鐘意蔥油撈飯，無得輸啦油炸鬼入面有d 蝦滑，外面勁脆內裡既肉都有咬口，推介…Read More

平時唔多食新加坡野，見出開旺角不如試下新野。餐廳環境乾淨而且d 位都好寬闊，坐得都舒服！Menu d 名好搞笑，有d 完全估唔到係咩野黎，店員都勁nice 咁解釋比我地聽。 仲認真推薦唔同野飲比我地。巴東牛肉好濃味，牛肉都夠淋，用黎配飯或者酥餅真係勁夾。斑蘭椰子冰 雖然有個冰字但唔係沙冰黎，有好重班蘭味，又唔會太甜，值得一試。炸榴槤波波 好好味，脆皮面一咬開d 榴槤香味係湧出黎ga, ,雖然係炸但又唔會好油膩，鐘意食榴槤既一定要order.…Read More

專程搭車去試下，小店係球場隔離就算唔係粉嶺人都好容易搵。老闆一人經營，每個order 即叫即整好新鮮👍 三十幾度飲返杯真係好正。雞蛋布甸 好滑有陣香甜既焦糖味 同椰汁mix 埋勁夾，芋圓有唔同口味，綠茶既茶味幾出，亦都好有咬口。 老闆勁nice 仲會建議埋加d 咩野料可以再好味d 🥰 重點係所有料既量都唔少。小店人手有限，但有service 又有quality 都只係lee 個價錢。就算要等下都值la, 真係十個推薦👍👍…Read More

鐘意食蕃茄既朋友，一定要試下蕃茄仔既蕃茄湯。個湯既濃厚程度，我會話暫時未有其他餐廳比佢做得更好🥰湯底好濃好杰，好似用左好多新鮮蕃茄打出黎既醬汁咁。無咩味精味，而且好重蕃茄味，係會食完個麵都想飲晒d 湯。麵既份量相對係偏少，但個湯太正既關係。一定會忍唔住想飲埋佢，咁就會超級飽😆炭燒雞扒真係有炭燒既香味，而且個皮係燒到脆口，非常好味。雖然一碗麵唔包野飲要$68 確實係唔平。但以佢個湯實在太高質素加埋個雞扒，真係物有所值👍👍 …Read More

相信觀塘區既人都知，係lee 區食飯就好似打仗咁，人勁多，lunch 想搵個地方食飯都要爭😢又坐得好逼。今次就試左lee 間餐廳，佢好特別，order 位同堂食係分開舖位，落左單再入另一邊坐，d 位置非常寬敞，唔洗人逼人同趕住走人，確實係不錯。menu 除左有日式丼飯之外 仲有d西式意粉，加錢就有埋沙律同湯，選擇都幾多元化。今次我就叫左個三文魚甜蝦丼，份量適中，唔會過多或太少，甜蝦都新鮮食完好滿足，會搵多次去試埋佢地d 意粉😆…Read More

之前有朋友推薦過花斑茶社話幾好飲，不過一直未試，今次終於有機會啦🥰叫左杯桂花烏龍加芝士奶蓋，佢有好香既桂花味，當個芝士奶蓋mix 晒入去杯茶後佢完全將杯茶提升左去另一個層次呀🤩 杯茶變到好似奶茶咁滑👅咁講好似好誇張，但真係無扼人ga, 超smooth 勁正👍因為本人係螞蟻人，所以完全接受到全糖，如果唔好甜既會建議飲少甜好d另外，lee 間店既裝修好舒服有好大既空間感，可能仲係新，人流唔多，可以同朋友坐低chill 住咁傾下計飲野，really nice🥳…Read More

本身都聽聞過木衛二d 茶唔錯，去開九龍灣就梗喺去試下啦！lee 間分店同其他唔同有唔少位，可以比你坐係到飲野之餘仲有d 野食，cake 咁。同friend 一齊去，可以坐住飲下野傾下計係不錯👍去到見到個menu, 竟然有我鐘意飲既lady grey (店內中文名為藍伯爵茶）😍即刻諗都唔洗諗就試下個lady grey tea latte. 市面上真係好少茶飲店會有lee 款茶，最多都只係有伯爵茶。試完真係完全無令人失望，佢夠茶味之餘又唔會過甜，飲得到lady grey 個種特別既citrus 味。朋友叫左個奶霜鐵觀音，連佢非常重口味飲開濃茶既都話好有茶味，就知木衛二d 茶真係做得唔錯！…Read More

自問每次係觀塘，只要想食芋圓就一定會諗起佢🥰已經食過唔少次，真係好好食，就算唔係芋圓，其他配料，例如：奶茶凍會食到唔死甜既奶茶味，桂花凍有個陣清香味，芋泥球啖啖芋泥唔會過甜，真係每次食都一定要加lee 幾款配料可能因為小店人手唔夠，去得都要排一段時間，但因為食物quality 好，而且價錢又親民，排下又有咩所謂呢😊 真心推介去開觀塘既要試一試，friendly remind 佢地會不定期會休息，所以去之前都係睇下佢地社交媒體先。如果唔係就好似我咁試過摸門釘🙈…Read More

食左幾次真係要推介下♥️每次D野食都好足料 feel到有心機整🤩唔係HEA你New York Burger 用Bagel 🥯取代普通麵包感覺幾新奇, 因為係Bagel 口感會比較Chewy, 但食落又唔會同D 料唔夾幾有驚喜. sauce 又好味. 成個burger唔會好乾,feel到D 蔬菜係新鮮,食完好有滿足感.  🌯California Chicken Burrito 好足料, 成個Burrito 卷埋係滿滿既餡仲有好多芝士, 加埋D 薯條勁有飽足感!🥚Carbonara 大份得黎又唔會唔夠sauce, 個sauce 好creamy 撈埋隻Poached egg 加晒分🍝Arrabbiata  同樣都係大份又夠sauce,但係對於食開小辣既人黎講有可能會偏辣🌮Quesadillas 呢款會偏重口味一D, 一份都幾多件, 外皮煎得脆脆, 滿滿既餡內有唔少墨西哥辣椒好惹味🍟Fries 跟Burger同Burrito而食到唔係獨立order. lee 款係粗身著條,每條外皮都係脆口,內裡有好多薯仔蓉. 超正!! 再次證明左小店都可以有質素同有heart👍, 唔會好似D 連鎖店咁單價同質素唔成正比地copy&paste D 野出黎.一定會再幫襯🥰…Read More

$88 一份New Zealand 肉眼，諗住個量都應該唔會好多，點知打開真係呆左，size 都幾大件有厚度。唔會好似其他food court 咁比d 紙咁薄既扒比你。肉質夠淋身食落唔會柴口仲會有返原本既肉汁。飯量真心多，重點竟然用珍珠米。仲要跟埋個salad 同湯本身食量唔細都覺得好飽肚如果細食既真係可以兩份share 都唔會食空氣咁。以$88 呢個價錢加上呢種食物質素，唔比返個good comment 真係對唔住自己…Read More

將軍澳區本身真係唔多food court , 而且food court 入面又有質素既飲品鋪就更難搵。呢間鋪如其名，奶茶真係好正！ 叫左杯黑糖奶茶 只要一打開蓋就聞到濃濃既黑糖味，勁香！重點係個奶茶滑到呢，真係做到港式絲襪奶茶個種絲滑口感。飲完唔會"鞋"口之餘又無港式奶茶既苦味，話佢係將軍澳區最滑既奶茶真係唔誇張。 而家仲有優惠只要係同一food court 消費有單可減$11👍 店員們都好nice,野飲又good 絕對值得一試🤤 …Read More