Riannefung's Profile

已經來過呢間餐廳好多次，覺得呢度環境好好，地方大，食物選擇亦都好多！侍應服務都好好，好有禮貌！今次都係平日食午餐自助餐！每次來都係食午餐自助餐都有生蠔，亦都係我鍾意來呢個自助午餐嘅原因之一！但係今日就冇咗生蠔🦪，變咗長腳蟹好失望…而且今日特別多人😅食物質素都係同平時差唔多，好味！只係生蠔，變咗長腳蟹…雪糕一樣有Häagen-Dazs。飲品選擇都係有咖啡，茶，凍飲有清水同埋一款寫住檸檬紅茶，但係啲味道好奇怪…呢度好在食物選擇好多，有串燒款，有炸物，有壽司🍣刺身，有燒味等等…不過今次最推薦係佢啲甜品真係好好味，唔會超甜，而且每款甜品味道都好特別！尤其係個榴槤蛋糕，真係超正！ 最後同Alva house 講返句，好想你地自助午餐有返生蠔供應！🥹🥹…Read More

之前喺另一間排隊餅店都想買呢一款麵包，但因為限量，所以一直都買唔到！今日經過呢間餅店見到，就買咗來試吓，一次過買左幾隻味！有原味，焦糖味，朱古力味，同埋芒果味！買返屋企當飯後甜品食！焗返熱佢黎食，我覺得有驚喜喎外脆內軟，入邊啲布甸重滑脫脫好味呀！…Read More

第一次幫襯，買咗腸粉，燒賣同咖喱魷魚！魷魚係新鮮煮嘅，跟住淋咖喱汁上去！之前喺其他地方都試過啲咁樣嘅做法，通常唔係幾好食，魷魚都唔入味🙈 但係估唔到呢間做得幾好，一樣嘅方法但係就好好味唔錯喎！咖喱夠辣！魷魚都入味又爽口而且魷魚有𠝹花嘅，真係好正！我重見到有好多唔同款嘅小食，有椒鹽魷魚，椒鹽酥雞，碗仔翅，懷舊粉仔，仲有我鍾意嘅炸饅頭😆仲有好多其他款！下次一定要去再試！而且老闆好好人，下次一定會再嚟幫襯😄👍…Read More

去大澳必試嘅菜館！想要有位坐，就最好去之前打電話去book位！因為之前試過去過好幾次都冇位！今次去開又係必點荔蓉酥卷同埋菠蘿脆卷，呢兩款都真係好好味㗎！今次重打電話時預先訂咗鹽焗雞先有得食，去到都聽到有人想叫鹽焗雞都已經話賣晒啦！我諗好多人都應該會試過呢個荔茸酥卷但係呢個菠蘿脆卷好多人都會忽略咗！其實呢個菠蘿脆卷都好好味！好脆！同埋呢一款好似係出邊都未試過，好特別！值得一試！所以次次嚟到呢間小祈園都一定會叫菠蘿脆卷同埋荔茸酥卷！環境雖然有啲舊但坐得都算乾淨企理…Read More

好耐冇去馬鞍山，咁啱有個展覽去睇完之後搵嘢食。所以都唔知有咩好食...原本見到商場啲海報諗住食牛扒，點知喺商場行吓行吓見到呢間拉麵店，俾個Menu吸引咗，所以就入去試！嗰陣時係下午茶時間，但因為下午茶嗰啲大部份都係丼飯所以我哋冇叫到！叫咗兩碗拉麵，估唔到個拉麵湯底好正，而且覺得個叉燒唔算太肥！仲叫咗個炸雞同埋餃子試！炸雞令我最有驚喜！識落有少少好似家鄉雞味😅但係味道好好味，而且好脆，一啲都唔乾！而且份量好足夠價錢亦好合理！值得一試！反而個餃子就冇乜特別啦...…Read More

之前都聽過呢間生煎包店，但係冇諗過特別去試～ 今日行完街搵餐廳食嘢時，原本諗住食隔離嗰間上海野，點知行多幾步見到呢間，就俾佢個生煎包海報吸引咗，入咗去試啦三個人叫左好多嘢食，又上海粗炒，回鍋肉+菜飯，四川擔擔面，厚切豬扒，小籠包同埋當然唔少得俾佢吸引入去試嘅招牌生煎包啦！！我自己覺得樣樣都好好味，尤其是個生煎包的確好好味多汁皮又脆擔擔面都好推介好香花生味同帶少少麻辣味，面又彈牙臨走時見到個招牌，好想試個粢飯，好想買返去做早餐，但係好可惜日頭先有賣...唯有等下次有機會再試啦！仲有特別要提下，覺得舖頭嘅服務員，態度好好，好有禮貌…Read More

今晚突然想食pizza, 原本想叫Pizzahut，但佢話要等成兩個鐘先有🙈所以就試吓叫呢間啦！我都係第一次試，係屋企附近，貪佢快同方便！估唔到來左之後，個pizza好大個好足料，比起pizzahut的大批仲要大😀😀而且價錢都好平！為起$208，有意粉，大Pizza仲有2個湯添！👍👍而且打電話叫pizza時，服務員都好好態度好有禮貌之後我意粉想改味道再打返去改，佢都好有禮貌幫我！而且佢話要等一個小時但最後好似唔使半個鐘頭就已經有Pizza到啦好快而且送貨員都好好！來到個Pizza熱辣辣！有機會再試吓其他味…Read More

好喜歡有唔同嘅湯底選擇，仲可以一人一鍋！最鍾意壽喜燒連🥚蛋👍👍雖然訂咗位，但係去到餐廳，想搵一個服務生都冇，連行都入餐廳都搵唔到，得啲客人喺度！服務員都唔知去晒邊🤦🏻‍♀️呢樣我覺得餐廳要留意一點，就算幾忙都好，都要有服務員係店面！食物方面都幾滿意！有唔同嘅蔬菜，丸類，仲有菇類選擇，幾鍾意個烏冬，除咗白飯仲有款好特別嘅飯，好重黑胡椒味！重有肉類任食有唔同種類嘅飲品任你飲，甜品重有frozen yogurt😊👍…Read More