吃貨Gobby's Profile

已經很久沒吃麻辣火鍋了, 今次同朋友試下~睇下挑戰成點先~麻辣湯底辣中帶甜，可以接受呀~非常惹味以前台灣食過麻辣火鍋, 覺得太辣，不合香港人口味~終於第一次在香港食~南非飽魚南非飽魚是品質優良的一個飽魚品種~口感非常柔軟及卻有韌度，肉質非常鮮美，且耐嚼，其鮑魚味濃，推介。食神醬爆瀨尿牛丸是其中一個推介呢~大大粒又有鮮肉味~ 好有口感同埋彈性，不過咬開小心醬爆汁彈出黎呀~牛小排見到D，賣脂肪分布平均，又夠紅~一定係靚牛~灼一灼已經好好味，牛肉好鮮味呢~真心覺得好食呢~…Read More

今日係green Monday但唔係mean Monday😂約Baby去食放題，佢有佢做食肉獸，我有我做綠色大使😂😂成晚最欣賞的係個「吃到飽菜盤」，羽衣甘蘭最驚喜，嫩綠又爽口；冬菇鮮甜大隻！一籃邊夠食，另外叫左任添長條，扁身年糕，彈彈薯粉要咬耐些少，如果唔係會胃痛，京蔥切段平均、新鮮，大蔥中既蒜素亦可以提升免疫力，多食無誤！Baby話至愛個滷肉飯，佢話外面賣的滷肉飯太油了，呢碗不但少油，反而吃起來會比較滑口、比較香。why????…Read More

之前黎過呢度食semi-buffet，今日再同兩個同事黎，原來轉左餐牌，變左食set lunch，都無所謂，最緊要有個舒服地方比我地take a break，仲要坐到balcony位勁開心，啲風吹埋黎勁好feel！望望Menu有近20款選擇，都幾多元化，三個人口味各有不同，所以分別點左三款唔同嘅main course。由於大家都無食早餐，所以齊齊加十蚊配凱撒沙律，再加十蚊配埋蘑菇湯，兩樣野都係正常size，唔會因為跟餐而變細左，抵讚！同事A揀左Carbonara， 佢話濃濃嘅芝士味同忌廉煙肉mix埋，入口好rich，條條意粉都勁掛汁，見佢食到"雪雪"聲，搞到我都好想食~同事B食咖喱牛尾，平時牛尾通常夾紅酒，夾咖喱係完全唔同風味。我忍唔住叉左少少黎試，個咖喱汁香多於辣，送飯一流，牛尾咬落幾有膠質，脂肪少而肉嫩。哈，點解次次我都係隔離飯香？至於愛牛如命嘅我就毫無疑問點左安格斯肉眼扒，見到扒面頭好深嘅坑紋，果種坑燒味真係超正，油脂同肉汁都頗豐富，所以入口好juicy，終於唔洗葡萄人地個餐！下次再黎，想試下呢度啲牛柳………Read More

兩個女孩子唔係好肚餓，只係行完街想搵個地方可以坐低舒舒服服傾下計，同埋可以食少少輕食，行過呢度門面望到入面好似幾好mood，見有位就推門入去try try~唔太肚餓的兩個人，竟然最好都可以點左四道菜，你唔係唔知咩叫口痕呀嘛？邊個話食野一定係為左醫肚，哈哈……不過我地叫嘅全部都係好輕口、好清新嘅菜式，最啱一邊傾計一邊慢慢歎~我地兩個都係沙律狂迷，平時lunch都係食沙律多，所以點左木瓜沙律同柚子沙律，兩個味道都係酸酸甜甜好醒胃，配菜勁多，又有大大隻鮮蝦，勁好味，柚子勁大粒又甜，一人清一碟絕對無難度，yummy~繼續係蔬菜系列，叫左個炒芥蘭苗，呢d平時屋企好少煮，而且聽阿媽講比較貴，所以難得見到呢度有得食就梗係要試下啦！芥蘭呢種深綠色嘅菜幾有益就唔洗多講，食落好清翠好新鮮，簡單用蒜炒已經好味到暈~為食二人組最後點埋個生菜包，就咁食肉就梗係覺得膩啦，但夾左入生菜入面食就完完全全係兩回事，入口好有口感，d肉碎好惹味，入味都混入左d蔥蒜，唔係得肉only咁齋！邊個話泰菜一定係濃味又辣又heavy，我地呢餐可以話係十級清腸胃呀~…Read More

同朋友行過韓國街見到呢間新餐廳幾有人氣，一向鍾意試食野就即管等一等。喺門口等入座嘅時候，睇到貼左張menu力sell三大鍋物，入到去叫左幾款小食，不過掛住食唔記得影相，淨係影左呢個「傳說的部隊鍋」($238)，可以一次過嘗到韓國香腸、年糕同即食辣麵嘅滋味。一上檯真係嘩嘩聲，因為真係超級大鍋，勁多配料睇見都即刻流晒口水果隻~其實都唔洗我多介紹，部隊鍋係同打仗有關，係d軍人想念家鄉，所以將唔同既罐頭食物共冶一爐整出呢個部隊鍋。入面有香腸、午餐肉、豆腐、年糕、金菇，同一d瓜瓜菜菜，浸晒喺熱辣辣嘅湯底入面泡住食，非常滋味。雖然d配料睇落唔係乜矜貴野，但難得就難得在普通食材都可以咁滋味，當然精華所有一定係最後落果個即食麵啦，食埋個麵感覺好完滿，good!…Read More

食拉麵通常都要配埋小食先算得上”完美”，今次就揀左日式海帶絲配黑醬油拉麵，一綠一黑。日式海帶絲係，清淡卻帶少少麻油香氣，酸酸甜甜，食起黎口感爽脆，有少少海洋味，唔腥。至於黑醬油拉麵湯底味道微甜清香，唔會太過濃厚，亦唔會太過油膩，相比豬骨湯底，呢個比較清新。麵質屬於粗拉麵，煙煙韌韌都幾彈。叉燒多又入味，加分！…Read More

近排天氣都係忽冷忽熱, 本身天氣預告話中秋前後幾日橫風橫雨, 結果又係喎, 反而勁好天陽光普照, 仲覺得有D熱, 所以趁假期約左個姊妹談心兼食D消暑嘢冷麵可以話係非常適合胃口細細嘅女孩子食, 好似呢個水冷麵, 冰冰涼涼食落口好舒暢, 酸酸甜甜令人開胃, 配料有梨, 青瓜, 蛋, 食完完全唔洗怕會肥, 蕎麥麵感覺加倍健康有益腸道 好姊妹叫左個全新嘅宮廷冷麵, 一樣清新怡人, 賣相又靚, 一放相上網即引嚟勁多朋友爆like狂問邊度有得食 J 有青瓜絲, 蛋絲, 蘿蔔絲, 芽菜等等, 全部都係健康之選飲品方面見佢都有幾多特飲梳打, 所以一人叫左一杯, 荔枝梳打同魔法梳打, 味道幾天然, 甜味唔會好人造好假, 同冷麵好夾, 成個人真係refresh晒食完上面嘅嘢我地已經好透心涼, 最後再嚟個紫薯冰沬, 份量相當多, 好在先前嘅冷面唔heavy, 先可以好好歎埋呢個甜品, 冰沫味道酸酸地有點似益X多，紫薯味濃，但係係薯味重而唔係甜味重, 可以按個人口味加入淡奶 …Read More