YeungNelson's Profile

放咗工有時想喺中環搵杯嘢飲坐下輕鬆下，可惜荷包唔爭氣，最多一杯起兩杯止。呢間餐廳卻係濁世中嘅清泉，價錢實惠不在話下，伴酒美食都非常精彩。fish and chips 真係一食上癮：份量夠、外脆內軟、肉質鮮甜豐厚（最怕果種魚生份量但落勁多粉炸出來嘅所謂炸魚）、啲肉唔會「散收收」，伴菜薯條炸到啱啱火路、香脆、絕唔油膩、咬落有質感，掂！其他炸物都好多選擇，花多眼亂叫個併盤，樣樣試吓都好滿足。店舖雖然座位唔多，但唔會覺得焗促，靜靜地同朋友愛人坐成晚傾下計食下野絕對一流。…Read More

見網站推介，抱住一試無妨心態出發疫情關係，完全唔駛等位，仲要一人坐四人枱店內裝飾舒服親切，不過坐位窄咗少少點咗個中午套餐，有麵有野飲仲有小食麵係半筋半肉幼麵，湯底好深色，一睇覺得足料，一啖飲落去，濃郁香醇帶少少甜味，令人不自覺狂飲一輪。牛筋入口帶花膠果種少少黏黏哋感覺，非常正。牛肉就不過不失。至於個麵，真係好食到不得了，雖然幼身，但都帶少少嚼勁，完全滿足麵控嘅口感需要小食叫咗紅油抄手，唔太夠辣，份量就非常足夠，有成半打珍珠奶茶都係果啲水平啦，個人下次就唔打算叫，可以留番啲位飲多兩啖湯…Read More

雖然被困愁城唔能夠親身去台灣品嘗美食，但都可享受到超高水準嘅台灣牛肉麵，算是苦中作樂吧講番碗麵，湯底另外用個壺仔上，可以隨喜好淋上麵度、或者倒落碗仔另外品嘗，都幾得意又有心思，不過洗碗個位就辛苦喇；個人為免拌麵嘅醬汁被湯沖淡，選擇後者：湯底濃厚微辛，非常醒胃，忍唔隊咗兩碗麵質有些驚喜，粗幼適中，吸收水份嘅程度啱啱好，爽口帶些煙靭，如果係麵控相信一定收貨，如果胃納夠真係值得叫多碗蔥油拌麵品嘗牛腱牛肚非常入味帶少少彈牙，如果可以加錢加多幾塊就最好不過…Read More

一直好想光顧，無奈每次都好多人排隊今天早起路過適逢有位，二話不說衝入去店面雖小，勝在乾淨利落，坐得都舒服留意到好多客人都會同老細店員吹一輪水，或者最少互相問侯一下（善意果種），今時今日竟然仲有呢種街坊街里咖啡店嘅感覺，實在難得All Day Breakfast： 都係果幾款料，煙三文魚攤開嚟都有幾片，特別喜歡件多士，厚身有質感，咬落煙韌有種自家手制面包感覺（可能真係自制都唔定）Cappuccino : 奶泡厚厚一層，啡味濃郁，嗒吓嗒吓刺激味蕾之餘都令人幾醒神，正，攪到飲完之後要追啡飲Latte：最怕果D落超多奶蓋過晒咖啡味嘅沖調，呢杯Latte完全冇呢個問題，保留到香濃咖啡味之餘，仲有少少苦澀同酸酸哋嘅餘韻，一個字，掂老實講個人雖然鍾意飲咖啡，可惜唔識分辨咩為之靚咖啡，一向只靠條脷做判斷，按個人喜好呢間算區內最好飲幾間之一，值得推介…Read More

入到元朗，諗住去sure win朝聖一番，可惜上水屠房關閉攪到冇新鮮牛整牛丸，當然即時走人啦；正如去到KFC話冇🐔，你會唔會退而求其次食蘑菇飯？正當極度徬徨之際，眼球被$19蚊大碗面吸引，諗都唔諗即時入場，皆因同錢作對非常不智未坐低已經成場蠔餅蠔餅蠔餅聲不斷重複又重複，攪到自己都被流腦不自覺嗌咗出嚟，結果多咗碟嘢喺枱面…蠔餅香、脆、鬆化，一D都唔油膩，蠔仔、蛋同粉比例剛剛好，最怕果D落超多粉炸完出來成塊pizza餅底、變咗蒸蠔餅嘅感覺牛腩其實都唔錯，爽口彈牙，牛味又濃，不過蠔餅實在太熱氣，始終被寵幸多D…Read More

店面：簡約的小店，坐位也不多，店員數目跟客人數基本上是1比2以左右，青春富熱誠的店員，令人份外親切All Day Breakfast： 用上煙三文及大蘑菇，特別讚賞用bagel做多士，頗有心思，附上芝味醬，實非方包牛油多士程度可比擬，如果焗豆加些溫度會更好咖啡：目測約8安士，小小一杯份量剛好。奉上時沒有附上茶匙，原來整杯咖啡不用再攪拌味道已非常均勻，似乎沖調時技巧拿捏得很好，配上抺茶，甘中帶些綠茶澀刺激味蕾效果也不錯如果無聊，呆上一個上午也不賴👍…Read More

未去已經好失望話說一個人去，佢只話得返高枱，再試第二個日期，都係話得返高枱；直接問佢係咪一個人關係只可安排高枱，佢先認假日人多只可咁樣安排其實一開始講清楚，唔駛去到門口先點你坐高枱，都算佢有少少良心，都明白土地問題仲未解決但始終受到區別對待，都會感到失望；更加唔敢想像到時如果多人等會唔會未等您食完又迫您走，到時真係雙重打擊，惟有等有人陪先再考慮去唔去……Read More