milkyemily's Profile

呢間餐廳嗰嗰staff都發緊夢咁 一去到張枱有污漬叫佢抹，龜速地抹左2分鐘。。。跟住落單嘅時候，個侍應竟然係拎住人哋啲信用卡收據背面黎落，仲要一路寫一路跌哂啲單🙃 我見到咁樣就心諗唔好用信用卡俾錢 咁唔安全😑 有無搞錯🙄我地叫左2個5 course set 同一個羊扒，個staff上菜係狂手震，好驚佢倒落黎😑 5 course set 有starter+soup+main course+dessert+drink. 我地叫左個豬扒, 牛扒，成個賣相都唔多吸引… ✨ 重點係: 啲嘢食係唔熱架！！！個豬扒同牛都係要佢再整過😞食食下無啦啦個staff叫我地要喺個卡位度行出黎，因為佢要拎野😶 呢個都o哂嘴連個湯同咖啡都係水黎勁稀。。。 唯一好食啲嘅叫做係個cheesecake. 雖然都硬得滯。。。🫨完全係勁難食的一餐，永無下次😮‍💨簡直係食咗個空虛大家唔好俾佢個餐廳外表呃左啊😵‍💫 食物唔掂👎 Service都好唔掂👎👎 …Read More

自問都唔係嘴刁嘅人，但呢間餐廳真係好伏好難食 等勁耐又好難食…明太子櫻花蝦意粉$88 啲意粉勁硬，不夠汁份量比較少南瓜蘆筍雜菌意大利飯$88 啲意大利飯又係勁硬，未煮熟無咖啡香味又勁苦的Iced Latte😣😣 當日舖頭好少人，都等左起碼45分鐘先黎齊呢啲全部都煮唔熟的食物 一定無下次…Read More

平時好少寫食評，呢間真係難食到未出門口就要寫😑 希望大家唔好中伏🤮 喺開業嗰陣食過一次，嗰時係亂到爆 又落錯單又整錯野食，點知過左咁耐都係無改善一樣咁難食🤢 間舖係超細 完全係枱貼枱 好逼隨餐附送嘅湯好咸，好重味精叫左個雞肉金邊粉，賣相已經比平時嗰啲唔夠橙色，食落去係無酸味又無汁勁乾感覺係超級乾炒粉🤯 只係靠啲青檸汁先有青檸味 仲加左杯泰色奶茶，點知成杯都係糖水甜到飲唔落去 完全無茶味，普通餐廳都好飲過佢下次要食泰國野🇹🇭 都係唔好貪近，行番遠少少去東大街食正宗高質泰菜😌 …Read More

同朋友慶祝生日 食放題是常識吧😛😛 上網見到呢間放題評價好似唔錯仲要係新開的就訂左位去食~~ 😋點菜紙相比其他放題較多 除左一般嘅刺身壽司外 仲有好多款特色燒物同小食 正😍唔知係咪有預約嘅關係 所以一行四人都有得坐大卡位 好舒服闊落呢😘先叫左我最鐘意食嘅海膽手卷😍 有好大粒海膽！ 味道好濃又唔腥~~ 跟住出埸嘅就係好大盤刺身！😎 有三文魚腩 帶子 甜蝦等等~ 件件都好大件又鮮甜😋 刺身好新鮮肥美😌 大大啖咬落口 入口即溶真係好好味🤩🤩 值得一提嘅係呢個黑松露壽司系列~ 黑松露味好濃好香 非常特別😝 煙三文魚配黑松露 咸咸的 幾好味🙂佢地嘅天婦羅都好值得一試 唔會過多炸粉 啲蝦食落口都好乾身彈牙 🤓熟食方面，羊架都整得幾好食燒得唔會過火岩岩好 肉汁完全鎖住咬落口啖啖肉好juicy! 加埋香草🌿 嘅味道都好夾！芝士燒蠔都係另一個推介菜式！新鮮即燒 粒蠔同拉絲芝士一齊食都係絕配啊！訂左先有的優惠~ 有得食movenpick😍😍😍😍 總括來說 啲野食都有好多款式選擇同幾新鮮！ 不過略嫌等候時間長及有漏單cut單情況發生呢🙈🙈 …Read More

喺apm行完街之後見到呢間好出名嘅越南餐廳就走左去試下~ 我地去食嗰日係平日夜晚黎~ 但都要等一陣位 值得留意嘅係 佢一定要你齊哂人先會俾你入去坐🙈 原來錦麗嘅餐牌只有5款河粉 (其實都係將佢拆開咁😂😂😂😂) 我地叫左佢最出名嘅綜合河粉 有生熟牛肉 牛丸 都算幾多材料 湯底好香好濃 撈埋個河粉一齊食好正~ 牛丸好彈牙小食方面, 我哋叫咗個大蝦米紙卷~ 其實即係粉皮包住啲菜粉絲同埋大蝦係一齊 幾特別不過略嫌乾身呢 呢間冇想像中咁好食 可能地方比較細嘅關係搭枱之餘都食得好急因為店員會係咁叫你走呢😐 …Read More

最近有一排時間無食放題, 就決定同朋友去兆萬食餐放題~~ 因為我哋去嗰日係平日所以唔算太多人~ 放題一開波食刺身拼盤是常識吧 我哋叫咗好多唔同種類嘅刺身 好似係三文魚鮑魚片甜蝦泰式蝦蟹柳帶子北寄貝等等 😍 啲刺身全部都勁厚切仲要係好肥美 入口即溶嘅感覺非常之正🙆 甜蝦好大隻有手掌咁長㗎! 北寄貝同埋帶子都非常鮮甜 好新鮮😗 呢個係我最鍾意食嘅泰式大蝦 肉質爽口彈牙 啖啖都係肉~ 我哋不斷encore咗好多次刺身拼盤呢😗 每一次嘅水準都非常之高😛 至於熟食方面 佢哋都整得好好食~ 紅黃椒炒牛肉粒~ 呢個炒得好香好惹味 好似食緊小炒咁好食! 啲肉汁完全鎖住曬 舊牛肉唔會變得乾柴柴~ 清酒煮蜆~ 上枱時熱辣辣勁香酒味 食落去嗰個湯底同個酒味係非常之夾 啲蜆肉都索曬酒味肉質非常之好 仲要啲蜆係冇沙嘅 😊😊 呢個係豉椒炒蜆 不過估唔到佢係同炒牛肉粒係一樣嘅汁😂 但炒出嚟又意外地香口惹味喎 仲有啲少少黑椒粒辣辣地 幾好食 🙆 炸物方面亦都做得非常之出色冇令我哋失望❤ 每次放題必叫嘅炸蠔炸天婦羅同埋炸香芋圓😍😍😍 炸蠔同炸天婦羅唔會包得好多粉 😋 最怕食天婦羅全部都係食炸粉咁嘅樣😡 食落去非常乾身 唔會感到好油膩 炸香芋圓同埋榴槤圓都好好味😍 食落去都係即炸熱辣辣的~~芝士焗帶子 帶子雖然係細細粒 但夾埋啲汁撈埋一齊嚟食好正~ 值得一提嘅係 佢竟然有呢個韓國芒果啤酒呀😍 冇乜酒味好似飲緊芒果汽水咁 女生必試呀👍👍 總括嚟講 呢次放題出菜時間好快 亦都冇漏單嘅情況🙆🙆 放題食品嘅水準非常之高 仲要係旺角有咁抵食嘅放題真係好難得呀👍 …Read More

同將要去外國嘅朋友餞行~ 就去左佢介紹位於九龍城嘅一間泰國菜館食好耐都無食嘅泰國野~~ 明爐烏頭~ 呢個烏頭比較多骨🙈 食嗰陣要小心啲😂 佢配埋一個酸酸甜甜嘅汁~ 點埋佢黎食好開胃☺ 不過嫌條魚上面放得太多雜菜😂 泰式刺身蝦 幾新鮮 蝦肉好滑 一碟有7隻 蝦頭都有蝦膏可以食~泰式烤雞 呢個真係出乎意料之外地好食😊 通常烤雞啲都肉都會比較乾身 但呢個係勁滑勁好味~ 鎖住啲肉汁 菜包肉粒~ 啲炒肉粒有小小辣幾惹味！總括黎講呢間泰國菜都幾正宗~ 但略嫌份量較細🙈🙈 同埋店舖位置比較偏僻比較難揾😦 舖頭嘅裝修係幾靚 好似cafe咁😊 不過綠色餐具同雲石枱面好唔夾😂😂😂 有個失望位喺老闆娘無啦啦講左我地有個生日蛋糕 搞到無左個俾朋友嘅surprise 😑😑 …Read More

去開太古行街 又去左食pizza hut 😍 今次試左佢個芝士醬扭扭批套餐~ 套餐個名叫做點芝扭扭批~~ 前菜係大蝦nachos脆片沙律~ 但塊nachos略嫌太硬好難咬開... 同埋唔知點解個水果沙律入面會有啲豆喺度有點奇怪加錢叫嘅炸蝴蝶蝦勁抵食今日嘅主角扭扭批~ 但芝士味唔算突出 餡料都同普通批差唔多呢扭扭批嘅芝士醬~ 原先以為呢個會係有好濃嘅芝士味但結果好令人失望😑 呢個應該係呢個餐嘅精粹但真係無乜芝士味呢... 餐入面包嘅2款飯~ 可任選總括黎講, 呢個套餐其實真係唔值呢個價錢 因為佢比平時嘅芝士扭扭批差得多 完全無驚喜呢... …Read More

又係一個下雨天😢 因為唔想去街嘅關係唯有落去屋企樓下食大家樂醫肚啦😂 餐牌上黎黎去去都係得個幾樣 唯獨有一個特別吸引我 就係他他汁烤雞套餐 本身都無咩期待 因為食雞通常都去k家架嘛😂😂😂 但點知呢個套餐係完全出乎意料之外 好味又抵食呢隻雞係即烤的，所以食個陣仲係熱辣辣的！ 抵讚！烤雞唔會烤過火 肉質好滑 😛 隻雞嘅分量都幾大 2個人都食唔哂😂 點埋個他他汁酸酸甜甜好開胃呢跟餐仲有薯餅, 栗米, 肉醬意粉同2杯特飲~~ 好抵食呢…Read More

之前都有聽過朋友介紹過小桃咖啡室 話佢啲嘢食好好味 環境又好好 所以今次決定一行四個人上去試試呢間樓上cafe~ 我哋今日好好彩畀安排坐喺一間包房入面私隱度極高 💕 間房入面仲有部xbox可以玩 不過女仔就梗係會把握時間吹水啦😂😂 我哋嗌咗嗰個晚餐set係會根據人數而加減份量的😄 前菜我哋嗌咗一個泰式炸蝦餅同埋一個吞拿魚沙律醬通粉 泰式炸蝦餅炸得好鬆脆 點埋個甜酸醬非常開胃~~ 個吞拿魚沙律都好好味 佢仲配埋小法包可以一齊食😀 主菜方面 我哋嗌咗一碟carbonara同埋煎雞翼😄 碟carbonara一放上枱即刻wa wa聲因為真係好大盤 佢呢個carbonara真係落足料 😂 除咗有勁多白汁之外 仲有好多蘑菇, 煙肉, 香草等等😁 係勁飽肚的😂 正當我哋好辛苦ko完呢一碟carbonara之後更驚人嘅事發生咗😂 原來我哋仲有個pizza啊啊啊😮😮😮 由於太飽嘅關係我哋要咗個夏威夷薄批😂 我第一次食薄批但估唔到個皮係好鬆脆👍👍 我以為會變到軟淋淋嘅添😂 個pizza都好足料有煙肉芝士青椒紅椒 😊 食落個口感好有層次至於飲品方面 佢有成本menu俾你揀 我同朋友都揀咗勁耐先揀得落手 因為真係款款都好似好好飲咁樣😂😂😂最後食到極飽之後就食埋呢個朱古力泡芙做甜品😀😀 真係超級大滿足啊 …Read More

之前一直都有聽過人哋話薯仔屋係聚會嘅好地方 所以今次就帶埋喺外國返嚟嘅朋友一齊走咗上去試下😂 果然冇令我失望呀😍😍 我哋一行三個人嗌咗個二人晚餐再另加一個pizza同特色飲品😍 個晚餐set係一個個course上嘅 有前菜主菜飲品同甜品的👍個吞拿魚粟米長通粉沙律非常惹味 食完勁開胃 可能因為有吞拿魚醬 所以食完之後即刻冇咁肚餓喇 😄 有好fresh嘅感覺呀😂😂 個蒜蓉包係即烤的 非常香脆 熱辣辣咁食好好味蒜香燒汁雞翼 個汁好濃好惹味🙉夏威夷pizza上面有火腿同菠蘿 我哋個嗌咗薄皮 佢食落去好鬆化好脆口出面好少食到薄皮嘅pizza 個口感好特別 淋淋地又脆脆地咁 好似食緊餅乾咁樣😂😂呢個意粉充滿咗茄汁嘅鮮味 加埋佢有磨菇同青椒 食落去酸酸甜甜非常開胃哦～ 仲有佢份量好大三個女仔都食唔曬呀😂😂呢個就係老闆引以為傲嘅得獎菜式 燒肋骨同埋肉醬瘋薯條呀 果然冇介紹錯呀 真係值得攞獎嘅一個菜式😍 燒肋骨啲肉好林好好食 唔會煮到過曬火有燶味🙈🙈 加埋個燒汁真係冇得彈 兩者混埋嘅味道係非常之夾好match 😄 至於個薯條都係超好食 因為係厚切仲要係即炸 食落去係仲出緊煙㗎 😚 食薯條最緊要就熱辣辣咁食😏 配埋個酸酸地嘅忌廉醬 點住黎食真係勁香口Menu入面仲有勁多不同嘅特色飲品 我同朋友睇咗好耐先揀到呀 😢😢 唔係講笑個menu差唔多有成10頁都係特色飲品😂 對於我哋呢啲選擇困難症嘅嚴重患者嚟講實在係一大折磨呢😧😧 特色飲品都係即叫即做 整得幾好飲的😍 推薦兩色沙冰 咁就可以兩種水果味都試哂喇😂除咗啲嘢食特別之外 薯仔屋係有極多遊戲玩㗎 有好多出面cafe無嘅特別board game 😛 好多都好新好乾淨 d配件都非常齊全唔會少緊一忽😊 好多都係第一次見而且都好刺激好好玩😌😌 真係一大班朋友嚟嗰陣時必備的 😍 cafe仲有好多其他適合一大班朋友玩嘅遊戲例如係機鋪先有嘅打機器材, 足球機 掟飛鏢機 最搞笑係連畀bb玩嘅corner都有 真係太貼心啦😌 啱曬啲媽媽帶埋啲bb一齊嚟傾偈呀😁 仲有大量老闆珍藏嘅機械人同極多漫畫 鐘意嘅朋友不妨去朝聖交流一下呢😚薯仔屋個佈置好溫馨好有屋企嘅感覺 真係愈玩愈唔捨得走 超舒服😢😢 最後食埋一個朱古力雪糕泡芙先走😚 啲醬令到成碟嘢靚咗勁多 個泡芙唔會太甜超級冰凍呀 我地最後好似喺嗰度玩咗成三個幾鐘呀😂😂😂😂 朋友都已經約定下次再有gathering都要呢番薯仔屋啊😂😂😂 …Read More

今日又去咗屋企樓下食牛涮鍋啦😊😊 牛涮鍋啲lunch set永遠都好抵食😛 六十幾蚊一個餐仲包無限添飲同埋蔬菜, 年糕魚蛋等任夾 真心勁抵食👍 咁啱琴日佢搞咗個泰式主題嘅火鍋 有得揀勁香嘅泰式冬陰功湯底😍 個湯底真係冇得彈聞落去勁香椰子味 入面仲有好多香料添 令到個湯底好濃郁好香 超正😊 放心 佢只係飲落有小小辣但淥熟左其實唔辣只有香味呢😍 推介大家去試下哦除咗平時嘅沙律吧之外 仲有一個泰式沙律吧可以俾你自己整泰式柚子沙律😛 有辣椒粉 有柚子 泰式甜辣醬等等 撈埋一齊酸酸甜甜好開胃㗎😌😌 我哋一行四個人嗌咗四份丹麥豬肉 佢啲豬肉好滑 一啲都唔"hai" 食多都唔會覺得好濟 至於火鍋配料方面 有我最愛嘅芝士魚蛋 芋頭年糕 仲有特別嘅泰式魚糕可以試😄 😌好爽口彈牙😍😍 食到飽一飽又係時候食甜品啦 今次我哋食咗朱古力泡芙 芝士蛋糕 大福餅 仲擠咗乳酪雪糕食㖭😂 個乳酪雪糕佢話係櫻花味🌸 但食落去就係酸酸地好搞笑😂😂 又食到抱住個肚腩番屋企😂😂😂😂 …Read More

聽朋友推介話呢間放題好抵食咁我哋就試一試佢 一早打左電話嚟訂咗位😚 一坐低侍應姐姐即刻畀咗好多好多張贈送食物嘅紙畀我哋 當中包括有送海膽, 生蠔, 壽喜燒或部隊鍋😁😁 真係超級驚喜 估唔到呀 讚讚👍👍👍 作為海膽粉絲就梗係揀左送海膽啦😍😍😍 為咗留肚我哋又點會咁早晏個壽喜燒呀😂😂😂 結果流到差唔多食哂其他食物先叫😋2 pat 海膽😊😊 睇啲色就知佢勁新鮮 食落去入口即溶 好滑身非常有甘香嘅味道 😌😌自製世界級之極高享受- 帶子加海膽😂😂 一啖食落口嗰個口感 實在難以用筆墨去形容呀 😍😍😍刺身每一件都勁肥美超厚切!!! 尤其是係三文魚全部都係畀三文魚腩真係一啲都唔孤寒呀❤至於燒物方面有芝士燒帶子同埋芝士燒生蠔, 都燒得好香口好惹味😊 壽司啲卷物都唔錯的 睇下呢幅圖就知啦啲蟹子多到爆曬出嚟呀😛😛😛 原來蟹鉗同蟹棒係有分別㗎😂😂😂 蟹鉗係得半條蟹肉而蟹棒就有成大條蟹肉😌呢個超級麻辣鴨舌 唔食辣嘅朋友就唔好嗌啦😅 就算食辣嘅我哋嗌咗都中伏啊因為啲汁真係勁辣 就算唔食鴨舌就咁點啲汁條脷都即刻痹曬呀好辣呀 😭😭😭😭 建議各位自稱勇士的可以去嘗試一下嘅💪💪💪 最後我哋終於嗌咗個壽喜燒嚟食 個肚已經飽到要爆開啦😂😂😂…Read More

為左慶祝朋友生日 黎左佢一直都好想食嘅rosie cafe🌹 由於一早book左位 一行6個人 所以好快就入左坐了 ☺ 我地叫左2個麵同1個飯同pizza 🍕 仲有就梗係叫左佢好出名嘅pancake la ~ 呢個明太子意粉幾好味 唔會偏咸 佢仲有小小辣味令整個意粉味道更突出👍pizza 加左温泉蛋唔錯 但略嫌番茄味同啲肉嘅分量有啲小 Carbonara 入面有蘑菇同煙肉☺ 啲白汁醬好 濃郁好creamy😍 正😄但係相比起兩個咁好食嘅意粉嗰個咖哩飯就失色咗囉 ... 雖然個蛋好滑但係醬汁比較鹹就算撈飯都覺得好鹹 😯 我哋叫咗兩個pancake 其中一個鹹味嘅我哋叫左嚟做主食 不過嗰個好似普通蛋餅咁冇乜驚喜 相反呢個水果蛋餅就幾好味😛 果然甜品都係甜先好食嘅😂😂 鹹味都係怪怪哋嘅😰 我鍾意佢配上新鮮生果同埋嗰邊整得脆脆地口感好特別😄 撈埋嗰個cream就幾好食😍😍 總括嚟講呢間餐廳 環境幾舒服好似一般cafe咁樣 係好適合一大班人嘅聚會好地方 🙆提一提大家餐廳規定每人最少叫一款食物 即係兩個人唔可以只係叫一樣食物架😄 不過啲食物份量偏細 我哋六個人好似半個鐘就食曬啲嘢啦 😩😩😩 餐廳的員工好helpful 幫我地影左好多次相😂😂 真係唔該曬佢哋呢👍👍 …Read More

同朋友喺旺角行行下街覺得肚餓 上網揾到呢一間喺我哋附近嘅火鍋店見到佢有咁多好評就走上去試一試😊😊 果然冇令我哋失望! ❤ 我哋叫咗一個蕃茄湯底 但估唔到入面竟然有大大隻龍蝦!!! 唔係講笑真係一隻有手掌咁大嘅龍蝦頭 放咗喺入面好似浸緊溫泉咁勁好笑😂😂😂 通常去打邊爐其實我揀咩湯底都冇乜所謂因為淥熟咗出嚟之後其實都冇乜味嘅🙈🙈 但呢個真係有好鮮甜嘅龍蝦味㗎 真心好推介大家可以去試下呢個湯底😍 個湯底好濃郁仲有好香嘅番茄同龍蝦味真係非常之特別👍從未喺出邊試過有啲咁特別嘅湯底嘅😂😂 我哋一開始就叫左一大盤刺身 啲刺身都好厚切都好新鮮😊 仲有手指咁長嘅甜蝦💖 之後就叫咗唔同嘅肉類 佢擺得好搞笑好似喺度晾緊衫咁樣😂 啲牛肉豬頸肉嗰啲都好有咬口 冇乜肥膏嘅💁 我哋都叫咗好多唔同嘅海鮮 好似 蝦 帶子 生蠔 青口 嗰啲😊佢本身應該冇乜味嘅 但係因為佢吸收咗湯底嘅精華之後就變得好香好入味啦 帶曬嗰啲海鮮嘅鮮甜味出嚟😌😌😌 至於飲品方面有好多款可以選擇 有忌廉溝鮮奶 蜜桃茶竹蔗茅根精 +c都有 😝 順便一提 食火鍋最緊要就梗係個醬料架啦 🙆佢有好多種醬料可以畀你自己溝😏 最搞笑係佢仲有生雞蛋畀你可以撈埋一齊😁 甜品方面有雪米糍可以任拎 好似有四隻味的👅 食得超飽超滿足!!! 💛 下次會再嚟的😄😄 …Read More