Hcl_jun's Profile

見menu都幾吸引就訂左位，第一次去既cafe，完全唔伏，整體我比4/5分。食物味道ok，正常cafe份量，有芝士係裏面既會更加易飽，加錢包埋飲品、蒜蓉包及餐湯，好抵食。最正係可以同朋友慢慢吹水，店家唔會趕人，而且會不時收走食完既碗碟，等我地有空間玩埋卡game，非常好。廚師好細心，竟然走左出黎問我食物會唔會太淡味道，好似因爲落少左鹽，不過我覺得岩岩好，絕對加分。跟餐既蜂蜜綠茶好好飲！雖然我本身就好鍾意蜂蜜綠茶，我仲加左珍珠，可惜珍珠沒特飲店既咁好食，原因係唔夠彈牙，似係煮唔夠耐，所以個心有少少硬，呢個可以再改善一下。環境方面，除左冷氣偏勁之外一切都好正常:)。整體黎講係我會推薦比其他人去食既cafe。…Read More

5人行盛八75品燒肉放題，每人$298 +$1服務費 總共$1639。上網見盛八好似唔錯，於是決定一家5口去試一試水溫，即日訂左星期五7:30時段。打電話訂位既時候心諗點解接聽電話果一位既態度可以咁差......仲話只收現金，咁算啦，我地都係為左食好野，好食就得啦。當晚7:10分早到左，人未算多，即時就入座計時，成個氣氛好怪，包括服務員既語氣同埋店內既燈光昏暗，我已經feel到伏味，坐低之後服務員完全沒行過埋黎，算啦唔浪費時間我同啲屋企人就開始叫野啦，最奇怪既係當時完全沒人問過我地係食75品/90品，當我地親身行出去交完第一張張點餐紙之後就再行出去問，沒錯係行出去，因為啲人根本唔係係我地既視線範圍，咁既氣氛真係搞到大家好唔舒服。問既時候佢竟然係答''咁你地係選邊個''，好似錯既係我地，然後送第一輪野食黎既時候就話我地張紙寫既有d係90品先可以叫....其實如果我地如果沒問又真係唔小心叫到90品既野食，咁結果咪要硬食個貴價錢.....話哂比300舊水竟然點解會係咁既待遇，咁既質素真心仲差過漢陽苑。至於食物（75品），海鮮種類少得可憐，叫極都係蛤同魷魚鬚，d恰又燒十年都未開，霸哂個爐既位，牛肉就食黎食去都係差唔多味道，除左牛舌係唔同質感，所有野既味道都偏淡.....我地5個人圍住一個爐，又沒抽氣，真係焗到要拎芭蕉扇出黎吹。燒黎燒去都係幾塊肉最後我地決定丟哂落去用炒既方式😓，真係心諗不如比個鑊我地好過，個爐細到阿媽都唔認得，燒十年都回唔到本啊，仲要係5個人一齊用......我地全家都係第一次食盛八，我細佬一路食一路話仲差過喜來稀，唔會推介盛八比friend，到叫左個豆腐雪糕既時候仲好諷刺咁話成餐最正常係個雪糕，盛八燒肉應該改做盛八豆腐雪糕🙄店內全部係男侍應，個個都一係染哂髮一係紋哂身好似要去劈友咁既款，普遍態度惡劣.....食完盛八我又再一次對網上既食評失去信任，網絡世界到底仲有咩係真實🤦🏻‍♂️總結黎講，唔會再幫襯👋🏻…Read More