Misha28's Profile

置身於上水中心的crostini，其店裡悠閒的空氣，與店外川流不息的人群熾熱形成強烈的對比！我悠然自得地獨自啖著味道與甜度都非常適中的cappuccino，咀上不其然哼著一首老歌：衣香飄灑輕撲鼻，人獨處咖啡座心昏睡......夢在浪漫街道，啖着Cappucino擁抱你......！在云云同類比倒模式的cafe中，帶出非快餐式調制風味！難得碰巧能嚐到分店限定的迷李牛角包套餐，暫時只有大埔、荃灣及上水分店能嚐到！由木盤盛上四款不同味道的迷李牛角包！味道包括芝士黑松露、九牙菜蟹肉醬、牛油果車厘茄及吉士朱古力等。完全符合近年的健康飲食風氣！當中尤以吉士朱古力最為美味。我常感覺一般咸點甜吃是最為破了食物本身應有的味道風格。但，這次crostini的調制，令我改觀，味道非常之調和，感覺就像吃泡芙一樣美味！我個人建議品嚐四款牛角包餐的先後次序為1/牛油果車厘茄、2/芝士黑松露、3/九牙菜蟹肉醬及最後的吉士朱古力！不過，對我們一般大個子的男士來說，牛角包份量未必足夠，可以補上迷李辣肉腸薄餅，就剛剛好！…Read More

位處灣仔蘭杜街的老爺點心，一間別具創意的新派小店，創新的中式點心輔以帶點西式酒吧裝修格局，套用曾經的一句說話：「只環有創意，我愛蔡一智！」老爺有沒有喜歡蔡一智我沒在意，我只知道老爺喜歡家的感覺，不論店內的裝潢與食物的款式，在創作中以傳統輕食為主調，為食客帶來不經意的亮點！「金沙骨」是以炭火燒製，溫柔的鎖著肉汁，上桌時賣相甚為一般，可是食在口中，炭香與肉香水乳交融，尋常的一道家常菜，創製出多層次的風味。由於我們只是happy hour時段，盡點的食物都是佐酒小食為主，極些推介這道「酥炸櫻花蝦」，貨源來自日本的櫻花蝦，鬆化鮮甜，只溶於口不溶於手！其他的出色精點食物包括：「酥炸蘿蔔糕」、「串燒煙肉牛肉球」及除非不試，一試難忘的「口水雞翼」！口水雞可能大家就食得多，而這道「口水雞翼」醬汁，並不是普通吃到超味濃的那一種。而是經重新調製，而且非常配合女生口味！入口時會感到很辛辣，但那種辛辣感來得快退得快，捉摸不到又非常懷念！食物款式雖不算驚艷，不造作的淡淡然的驚喜，環境非常舒適，絕對沒有酒吧那些拳腳兵器1520及6個6大戰的嘈吵！啤酒一個價錢任飲不同牌子的啤酒，絕對超值！…Read More

放假成班friend想一齊食餐飯，一係就唱k一係就食放題架喇，食放題唔使就住就住，食都食得開心d啦。講番正題，係openrice見到呢間日滿屋，睇落又唔錯，決定就黎呢間試一試先，話說我都係第一次黎九龍城廣場，地方都幾靚下。入到去鋪頭即刻就見到好多名人黎食既相，我地張枱隔離就痴住細細粒…幅相，牆上仲有好多日本風味裝飾，其中一個就係呢幅七福神畫喇，畫得好得意呀d公仔 （左邊有細細粒呀）放題梗係要多d唔同既野食先正架啦，呢間日滿屋點野食既紙由A排到L，我個人黎講就覺得幾足夠喇。一坐得嗌番杯野飲消下暑先，我就嗌左杯綠茶消下脂先，都幾大杯下，我成餐都淨係嗌左一杯，不過好彩杯茶唔太甜，唔會確喉。有個friend就嗌左啤酒，我就唔飲既，不過見個樣幾靚影番幅相，餐廳用個杯咁裝住靚係靚既，不過當成枱都係野食既時候都幾阻著下。餐廳仲有另一隻啤酒，個friend就話呢隻就好飲過日本果隻飲飲下刺身就黎lu～有海膽，青口，蝦，帶子，螺同蟹，蝦呢就有熟蝦同牡丹蝦，牡丹蝦好鮮甜，我一個人食左兩隻，帶子大大粒，食落口果下超滿足，海膽睇個樣都幾靚，食落去咸咸地甜甜地，好濃郁。呢個燒牛舌真係不得不提，有牛味，咬落去係唔un，食放題有好味牛舌我都真係估唔到，推介～呵呵，仲有燒蕃薯仔，我成日好鍾意買黎食，見到呢間放題有點可以唔嗌呢？一個人食哂兩串都未夠喉，呢間燒蕃薯真係唔錯，有口感又不太甜有人嗌未夠喉，於是就嗌左個蟹粥就食，睇個樣都好咁，食落綿綿地啖啖蟹味，食放題嗌下粥都幾好，冇咁濟仲有呢個辣酒煮蜆，唔係講笑，都真係幾辣下，成班唔食得辣既都投哂降，結果由我同另外一個friend兩條友清左佢，成鍋都幾多隻蜆，d蜆食落冇沙，甜甜地既酒味，我覺得送酒應該唔錯。其實仲有好多野冇影到，成班人一路吹水一路食就唔記左影，Overall黎講都唔錯既一間放題，下次gathering又可以黎呢到，仲有好多野食都未試架我！…Read More

自從係台灣食過蛋包飯之後，香港都好少有蛋包飯可以滿足到我呢間絕對係其中一間令我滿意既蛋包飯餐廳店內裝潢幾靚，特別鐘意蛋蛋吊燈同相中既蛋牆，隻隻蛋都有d好鬼馬既表情，我係望住d蛋食蛋包飯是日午餐菜單，我既目標係蛋包飯所以都冇留意其他，蛋包飯有4款，加$18就可以轉流心蛋，不過第一次食呢間野，我都係穩穩陣陣食住個普通既先跟餐既沙律，幾開胃，餐前食d菜又健康d好快就黎喇個蛋包飯，我叫左個日式海鮮蛋包飯，簡左最經典既茄汁，成個賣相都好靚，食蛋包飯個賣相係重點，呢個蛋包飯就夠飽滿喇篤開個蛋就見到好多海鮮既飯，值得一提係呢個飯材料好足，啖啖飯都有好多海鮮，仲有好多蛋汁，本來我意為流心蛋先會有咁多蛋汁，原來普通都好有蛋味，美中不足既係海鮮有少少沙總括黎講，呢間餐廳都係中上水準，咁既價錢直頭係抵，下次我都係再試下唔同味既蛋包飯，其實見到隔離枱既流心蛋都有d後悔自己冇嗌到，下次一定要試下！…Read More

兩個大細路小聚，好好彩搵到一間值得再去嘅餐廳一坐低見到個menu, 就煩死人, 因為個個菜都好吸引, 個個好想食, 所以選咗兩個特別嘅一齊share下次一定叫一大班人再嚟, 可以試多幾款呢碟豬扒一嚟到出晒煙, 聞到好濃烈嘅黑椒味. 初時一聞到都心諗會唔會好辣? 但食落口又啱啱好, 個辣度又接受到個豬扒肉質好滑同冧身，因好多時出去D豬扒都好有口感要咬好耐雖然叫粗粒黑椒，但我就覺得個粗粒適中, 一咬到黑椒粒時個剌激感覺就好正呢碟菜一嚟到,我就 “嘩”一聲 因為見到D泡沫好靘同好開心, 見到D泡沫慢慢消失有少少浪漫嘅感覺, 哈哈紐西蘭A級牛柳好嫩滑,order 4成熟, 煮到啱啱好. 仲要好有肉汁同肉香味, 因我平時出去食牛柳會叫人俾其他調味料我, 但呢個牛柳絕對唔需要大蝦肉質唔鞋口, 撈少少汁食已經夠晒味自家野菌燒汁 好有濃郁嘅野菌味,仲要個汁唔太稀,剛剛黏上D蝦同牛柳上, 個味道match加錢要咗自家製甜品香濃硬身嘅芝士旦糕，簡直係我嘅至愛. 仲要一間餐廳可以做到有酒店feel 嘅芝士旦糕，真係好難得.…Read More

行行下街想食野，見到呢間韓國餐廳就諗住試下啦2個人叫左3樣野，再加2杯紅棗茶不知咩黎既前菜我諗係黑椒粉絲加翠肉瓜2樣都唔好食，尤其係粉絲，涷冰冰又勁重黑椒味其實我唔明點解韓國餐廳唔係俾泡菜果d醃菜做前菜？第一道黎既炸醬麵我之前未食過韓國炸醬麵，所以都唔知呢個算唔算係正宗味道普普通通，但係又有黑椒味…炒年糕賣相幾好但味道一般呢間野既泡菜好酸，唔岩我口味藍青口一向係我既至愛呢間既藍青口真係唔係好掂成碟得果6隻，重要好“鞋“口，藍青口最緊既滑口都冇埋中間一堆我唔鍾意既泡菜（平時我會食，但係呢間泡菜真係唔岩我）全餐最好味既就係紅棗茶……Read More

今日出去土瓜灣見客，因為唔熟地頭，就由個客訂枱啦！佢話呢一間餐廳坐得都幾舒服同食物都幾好又平又正。一去到門口見到個門面裝飾都好靚，地方幾大入到去個感覺真係坐得幾舒服，心諗下次同區見客又多一個好選擇 ，因為個環境真係唔失禮。明太子雞翼個客指明要叫呢個小食，仍話之前食過好好味。雞皮咬落去有脆皮香口感覺但唔覺油膩，雞肉好滑；加少少檸檬汁同埋明太子有少少咸鮮味一齊食味道剛剛好。真係冇介紹錯三色定食刺身牡丹蝦頭我怕唔太新鮮所以平時都好少食的，但個客又叫我試一試，佢話呢間餐廳d刺身好新鮮可以試吓。咁我見食完個牡丹蝦個蝦身肉質好彈牙好甘甜，之後再食個蝦頭又真係好新鮮。三文魚同油甘魚個各兩片，仲要係我最鍾意嘅厚切，真係滿足晒我。蔥吞拿魚腩飯吞拿魚腩幼細香滑，軟綿綿加上小小脂肪嘅香，蔥花更加可以帶出吞拿魚嘅鮮味，最後配珍珠飯食，好快就食晒啦！蟹肉 & 蟹籽 & 旦絲飯最後食埋嗰三色飯，有蟹肉 & 蟹籽 & 旦絲係珍珠飯面，顏色好吸引，蟹肉食得出係新鮮的，不是雪藏貨。蟹籽SIZE 都好大粒，粒粒咬落去都 POP POP 聲，逐樣嘢試完味之後，我將所有野撈埋食，每一口都有以上講嘅嘢，加啲豉油同wasabi仲正。飯後感：呢間餐廳個Menu 仲見到好多自家製小食同 Sushi，因為見客唔想失禮人，所以有叫到。以呢間餐廳嘅價錢同食物嘅高質素嚟講都好低食，下次一定要同成班朋友再試埋其他特式食物…Read More

又係一家人食飯時間呢次簡左呢間食中餐 好彩有BOOK位唔使等好耐魚香茄子成日出面都食到呢間好在唔多油，食落唔肥膩女仔食都唔怕肥啦 聽個名就知架勢 出面D牛肉卷成日都包金菇，呢間就包鮮蟲草，夠哂特別蟲草咁有營養就岩哂小朋友同老人家食喇！屋企人至鍾意食蝦同蘆筍，一見到呢個都即刻話要叫黎食蝦球大大隻又彈牙，食落啖啖肉蘆筍爽口無渣，黑松露更加唔使講:)睇落好似腸粉，其實係好有營養既鮮淮山黎架加埋芝麻醬感覺好清新，又唔肥同多纖維冰鎮涼瓜個樣超靚，排到咁靚都唔忍心食TIM 個涼瓜涷涷地食又幾易入口平時唔食涼瓜既我都食左唔少 總括而言，呢間新式中菜館D菜又健康又得意，下次會再黎食！！…Read More

又同媽咪周圍搵食:)今次2個就試下成日都想食既白熊咖哩門口既白熊好可愛搵白熊公仔做招牌真係引女仔黎媽咪叫既蔬菜咖哩, 配菜有菇同南瓜餅話就話蔬菜咖哩, 但係冇咩蔬菜d菇似就咁煮, 冇咩味....跟餐有南瓜湯同沙津南瓜湯好飲, 連媽咪都讚好!!口感creamy, 咸咸地咁, 冇咩南瓜蓉, 但係就有南瓜味我叫既咖哩芝士好濃味, 岩哂愛芝士之人豬肉漢堡大大份, 一個波咁擺係中間食食下都覺得幾膩, 所以食唔哂...日本咖哩出名唔辣..所以2個咖哩係一d辣都冇叫左既玄米茶..竟然係茶包唔會再叫跟餐雪糕牛奶公司好食過佢....裝修靚係最大優點…Read More

第一次黎呢間食, 睇中佢個甜品, 不過到最尾都冇食到晚餐時間都幾多人, 都等左一陣先有位, 所以訂位先就好d叫比小朋友既兒童餐個盒好靚, 好有日本便當feel個餐有意粉, 飯團, 炸雞, 日本年糕, etc份量極多, 小朋友連一半都食唔哂我食左個年糕, 根本係魚板:(意粉食左一淡都幾好食Dinner Set既前菜無咩特別, 幾靚既, 但係味道普通Dinner Set意粉好食不過芝士味太重, 食多兩啖都好漏, 老人家唔係咁鐘意另一個意粉, 呢個最好食不過本來係叫扁意粉, 上到枱變左闊條面冇人講一聲.. 雞肉有雪藏味幾好食豬扒好脆不過咖哩有d咸...全部都係炸3最好食係洋蔥圈個醬幾配洋蔥圈炸豬果d普普通通全部份量都極多!!!! 冇一樣食得哂叫既時間要預下, 基本上2個人叫個意粉再加個小食/甜品就好足夠…Read More

第二次食Outback因為已經訂位, 所以一黎到就有位坐可能因為時間早, 店內客人不算多一坐低就有一班(唔係一個)waiter介紹自己同招呼我地服務幾好:)食飯前影下餐巾每次一定叫的黑糖面包!! 好味, 甜甜地, 口感軟熟, order左2次!!跟牛扒既沙津芝士好鹹, 唔係跟餐都唔會嗌~_~3款小食由上至下: 豬仔骨, 芝士薯條, 炸雞芝士著條一貫水準, 十個GOOD!!炸雞唔係乾爭爭, juicy幾好食最好既係豬仔骨, 肉又入味又"淋"呢個拼盆份量我地5個人食岩岩好,冇特別:(呢個價錢唔值,我自己買包蝦整仲好好食!! 個汁味道岩岩好!! 而且好食過肉醬意粉!!下次會再叫主菜安格斯牛扒五成熟普普通通~_~仲要切極唔斷...:(配菜有薯蓉同番薯薯蓉taste good!番薯頗甜, 鐘意食甜野會接受到…Read More