AndyEatOut's Profile

想食高級嘅日式料理🍱 又唔知去邊好。咁Omakase 應該係其中一個好選擇🤪有選擇困難嘅我，一切食咩都由廚師發板，唔洗自己諗，開心🤩店內環境優雅，滿滿嘅竹林盆景🎋 仲有金魚魚池 ⛲️ 一陣陣流水聲，好似去左京都一轉⛩ 另外，由於餐廳只有大約二十個座位左右，比較隱蔽清幽，坐得亦非常舒服☺️講返最重要嘅野😂 食物質素都唔錯。今次我地去食嘅係Lunch Omakase, 🐟食物有: 有口魚、鯖魚、鰓魚、池魚、北寄貝、深海池魚、拖羅、海膽等等。食材新鮮可口，值得一試😋…Read More

中環嘅雞髀拉麵🍗🍜🍜Soy Sauce Ramen @ HK$148 💰原隻雞髀，成隻手板咁大🤩 好正，唔似平時拉麵嘅兩片薄薄叉燒，超滿足😆 雞髀肉質嫩滑，非常入味，再加上半隻溏心蛋和蔥花。NOJO出品嘅拉麵有啲似蕎麥麵，掛湯能力高👍 豉油湯底味道濃郁，我都差不多飲完成碗湯。不過成隻雞腿浸左係湯入面，增加咗食用嘅難度，哈哈😆 另外，果日實在太多人飲酒，都唔見有人食拉麵，仲以為去錯地方😅 不過唔緊要，好食就得啦🤪…Read More

公司最近有台灣同事加入，咁我就帶佢去試下台灣野，等佢可以一嘗家鄉美食，同點評一下有無台灣風味😆我已經食過那個ㄋㄚˋ ㄍㄜ˙ 幾次，佢係以便當為主，兼賣小吃、茶飲，價格相宜。最後台灣同事話唔太似台灣嘅便當，但好好食😋記得要早d 去排隊，12點會比較少人。到左12點半可能要排上半個鐘以上。預留時間，唔係就會返工遲到嫁啦😅🍱那個滷排骨便當 @ HK$68💰大過塊面嘅排骨，一定要試試！肉質易咬唔硬唔乾唔嚡口。醃醬非常入味，配飯一流。🍱香酥脆雞雞便當 @ HK$64💰超級大塊又脆口，加入鹽酥/海苦/香辣粉更滋味。…Read More

經常係social media見到依間泰式餐廳出現，所以今日我都約埋女朋友放工黎依到打下卡📷。之前經過見到都好多人，如果假日無book枱一般要等半個鐘以上⏱，留底手機號碼佢就快有位就會call📞，咁都唔錯，可以行陣街先，唔洗企係到食風🌬。我地今次就㨂左平日黎食，唔洗book枱都仲有位🥰 可惜坐唔到靚靚嘅打卡📷位，不過都唔緊要啦，哈哈😆今次兩個人試咗😋冬蔭功大頭蝦意粉 @ HK$158 💰大頭蝦肉質又厚又味濃，蝦頭仲有超多蝦膏。冬蔭功醬汁令到成個意粉口感豐富，食得津津有味。泰式紅咖喱烤無骨雞配烤餅 @ HK$188 💰無骨雞件啖啖肉，又非常嫩滑，配上烤得焦香金黄唔油膩嘅烤餅，食完都唔會有罪惡感。…Read More

西沙茶座係去西貢大馬路旁邊(泥涌一帶)嘅一間泰國菜，餐廳門口擺放緊一尊四面佛，就好似飛咗去泰國一樣✈️餐廳設有免費停車場🅿️ 仲要有代客泊車🚘 正🥰🥰 係到食完野仲可以行埋去泥涌石灘影天空之鏡 tim🏝不過而家泥涌一帶做緊唔少修路工程，有改道可能，揸車入去西沙茶座要睇清楚入口位置，唔係就好易錯過咗啦😆今次兩個人試咗😋🐷 泰式豬頸肉 @ HK$95💰都係果句，豬頸肉好難唔好食。煎得好香脆，好食。🍍菠蘿焗飯 @ HK$108 💰用焗嘅煮法令飯可以做到好乾身，鬆厚既肉鬆鋪滿上面，清新可口。🥘炒泰國粉 @ HK$114 💰金邊粉炒得岩岩好，熱辣辣，加上青檸更惹味。…Read More

星期日中午1點去到，已經排緊成十張枱，但裡面好似只有十張枱左右，所以已經有晒心理準備要等得比較耐。最後等咗差唔多45分鐘，終於到我啦😆 我食完終於明白，好嘢真係值得一等再等，主要係因為佢價錢親民，款式又多又有創意，即叫即製。另外，環境乾淨衛生，員工又好有禮貌，坐得又幾舒服👍最最最緊要係佢嘅所有野都係大件夾抵食!! 今次4個人試咗4個套餐😋--招牌籠仔蒸飯--🫖籠仔鳳爪排骨飯🫖籠仔豉汁帶子飯🫖籠仔士魷肉餅飯🫖籠仔蒜蓉海蝦飯--滋潤燉湯/湯餃--🫖椰子燉烏雞湯🫖人參灌湯餃--精美點心/小吃飲品--🫖鮮蝦菜苗餃🫖鮮竹牛肉球🫖安蝦鹹水角🫖香煎蘿蔔糕…Read More

假日難得有時間，可以去郊遊，放鬆下🪂今次就入左大尾篤踩單車🚲，夜晚交返咗單車之後肚仔餓就㨂咗附近一間泰國菜黎食🏝食完睇返Openrice 先知原來依間都幾多人推薦，證明我㨂多人食緊果間係無錯既🤪今次三個人試咗😋--Appetizer--🥬醃肉碎生菜包 @ HK$92💰生菜包都係正常發揮，加入魚露更可口。🐷烤豬頸肉 @ HK$102💰都係果句，豬頸肉真係好難唔好食，今次肉質爽口，好開胃。--Main--🍍原個菠蘿海鮮飯 @ HK$128💰炒得好夠乾身，同埋有好多菠蘿，好清新。🥘炒泰國金邊粉 @ HK$88💰金邊粉唔會太乾身，少少酸幾惹味。…Read More

OMG~~ 係我最鍾意嘅藍色，發現有間裝修咁靚嘅餐廳點可以唔黎試吓😆所以就趁朋友生日，比個藉口約埋三五知己黎慶祝🎉Monmono係一間充滿藝術氣氛嘅日法fusion餐廳，由門口入到室內嘅每一個角落都係全藍，包括牆上的每一幅畫、枱凳、梳化、古董車，杯碟等等全部都係藍色，裝潢復古風 💙🔷🔵話明係打卡餐廳，所以野食都係唔好有太大期望，哈哈哈😆😆😆------------------------------Starters------------------------------Sweet Miso Roasted Beetroot Salad沙律先開一開胃。------------------------------Daily Soup------------------------------是日餐湯係甘筍忌廉湯，濃厚的甘筍味，味道不錯。------------------------------Mains------------------------------Homemade Spaghetti, Scallop & Sakura Shrimp自製意大利面(扇貝和櫻花蝦)櫻花蝦蝦味超級香濃，扇貝大大粒，再加上濃郁番茄醬，非常易入口。Seared Norway Salmon Sashimi Cold Soba香煎挪威三文魚刺身冷蕎麥麵蕎麥麵配上爆口嘅魚籽又係另一種唔同食法。------------------------------Dessert------------------------------Homemade Macaron Ice Cream Sandwich最後仲有甜品，是店舖自家製的！------------------------------Three Courses ~ HK$280 per person 💰(Appetizer + Soup + Main)…Read More

最近想食下齋，之後朋友介紹蓮花健康素食俾我🥙 第一次幫襯，店內乾整企理，仲播住播住佛系音樂，短暫淨化咗我生活上嘅壓力👍👍呢度嘅午餐真係好抵食，中午lunch set HK$60左右包埋前菜同糖水，好適合一家大細黎食，唔覺意點都會叫多左少少🤭大滿足🥰今次5個人又真係好似食咗好多野😋 可能姐姐都覺得我地有啲煩，叫完又叫😆 我哋食咗嘅有：紫菜荔芋卷、菠蘿咕嚕玉、沙拉排骨、蜜燒素豚玉、春卷、腐皮卷、雜齋等等，多到我都唔係每樣都記得要手機食先📷 食完先記得無記錄低，哈哈🤣🤣…Read More

聽人黎依到多數係lunch buffet，但我今次就反而係黎食晚餐！餐廳設有停車場🅿️收$40，但係有少少窄，Sunday driver 嘅我泊得太慢驚阻住人🚘Thai Market 一開始以為係泰國市集，但原來佢係一間泰國餐廳，餐廳門口有架篤篤影相，打卡一流📸 建議坐室外比較有feel，仲有現場唱歌添，不過果日唱泰文歌唔係好識聽🎙今次三個人試咗😋 🦀軟殼蟹芒果米紙卷 @ HK$85💰軟殼蟹眼見都大舊，不過比入面好大條嘅芒果酸甜蓋過咗，唔係好食得出軟殼蟹嘅味道。🍍原個菠蘿海鮮炒飯 @ HK$108💰炒得唔夠乾身，不過有好多菠蘿覺好清新。🥘傳統鮮蝦炒金邊粉 @ HK$98💰金邊粉唔會太乾身，都保持到少少濕潤嘅感覺。🥬泰式辣肉碎生菜包 @ HK$68💰生菜包都係正常發揮。🥥椰青 @ HK$48 💰椰青大大個好清甜色。…Read More

成日聽人推薦依間餐廳，決定同屋企人揸車嚟試下！餐廳設有停車場🅿️收$30，但因為停車位只有10個左右，同比較窄，建議先打電話Book位同早少少問定仲有無位泊車😆環境空曠，坐戶外更加有泰國感覺 ！咁就當返咗鄉下食餐飯🤪餐牌選擇非常多，結果忍唔住叫咗好多樣野試。 點知份量都幾大，最後我哋都食到超級飽，好滿足🥰今次四個人試咗😋 ------------------------------Appetizer------------------------------🍤泰式天婦羅炸蝦@ HK$118💰金黃誘人的天婦羅一向都係我最鍾情嘅食物之一，今次嘅拼盤係一半炸蝦一半炸粟米餅，油炸後裹著酥脆的外衣，一口咬下口感外酥内軟，啲蝦都超級大隻。🐷炭燒豬頸肉 @ HK$98💰豬頸肉真係好難唔好食，整體做到脆邊嘅效果再加埋泰式辣醬，真係好開胃。------------------------------Seafood------------------------------🦪清邁鐵板蠔仔蛋 @ HK$118 💰蠔仔份量超多足料，差唔多每啖都有，而且多汁唔乾，香口酥脆，好食!------------------------------Rice & Noodle------------------------------🍍菠蘿海鮮炒飯 @ HK$108 💰伴碟有一節菠蘿好清新，飯都炒得好亁身。🥘干炒泰式金邊粉 @ HK$108 💰金邊粉相對下較為乾身，但都係好食嘅。🍝馬拉盞海鮮墨魚汁麵 @ HK$148 💰好多嘅海鮮，辛辣的味道好突出，令佢更惹味。估唔到佢咁好食，哈哈😂…Read More

之前經過開都要排隊, 竟然今次星期日晚唔洗等位之餘仲唔滿座, 咁就入咗去食😆😆今次三個人試咗😋🐮牛肉船麵 @ HK$66💰麵彈牙岩岩好，脆卜卜嘅炸豬皮好惹味。牛腩大大舊炆得好入味、好淋又唔油膩。另外阿叔仲建議同時可以加魚露、白糖、白醋、辣椒粉入船麵湯底，船麵會更加香口！四大調味，缺一不可🙃🐷馳名楊叔叔豬手飯 @ HK$66 💰豬手分量好多，滿滿嘅骨膠原，食落唔算油膩，易入口。🐷燒豬頸肉飯 @ HK$63 💰豬頸肉分量都唔少，幾香口，可惜有少少乾。…Read More

No Money So Lonely~~沒錢就是寂寞~~聽到依個名就覺得玩味十足，有夠盞鬼， 點都要試下。之後睇返原來餐廳係主打fusion菜, 同埋都係Mamaday嘅姊妹店。聽講假日都好full，但我個日好好彩，walk in 都竟然唔使等😆今次兩個人試咗:人人都嗌的啖啖蟹肉擔擔飯 HK$158蟹肉豐富飽滿，配搭花生醬花生粒，口感有層次及多元化。花生醬味道強烈，適合愛花生醬嘅朋友。大板燒配章魚海鮮意大利麵 HK$138同章魚燒一樣，意大利麵上放咗好多海苔同沙律醬，而每一條意粉又充滿燒汁嘅味道，再加埋啲海鮮做配料，真係同食章魚燒一樣味。夏威夷果粒茶 HK$48芒果椰奶沙冰 HK$52只係餐廳份量有啲細，大食嘅我有啲唔係好夠，哈哈🤣🤣🤣…Read More