wongtszchinggg's Profile

一入到去坐低個職員就拎住個QR code落單牌抌落枱，唔係放低，係離遠拋過黎之後話手機落單，收銀個女人就勁大聲播大陸電視劇，超嘈好影響食飯體驗。花膠雞湯米線賣相幾靚，但味道都幾差，雞湯味唔濃，米線係幼身米線，個人唔鍾意，不過呢個見仁見智。食過佢本店海南雞飯，覺得味道正常發揮冇諗過佢米線舖啲雞咁難食，超大陣雪味加醃料味，唔新鮮嘅味道，肉質又實又唔滑，同佢海南雞飯嘅雞差好遠，食咗一半就食唔到落去。態度唔好嘢食唔好食，諗唔到要再幫襯嘅理由。…Read More

雲來搬左間舖之後環境好左，乾淨左好多，加上位置之間嘅空間大左，唔會好似之前坐得咁辛苦🖒雲來有飯，湯麵同撈粉食。咁今次就叫左個腩肉雞翼水晶粉，因為唔係好食得辣就叫左BB辣 😋，佢個湯底有好多配料（肉碎，菜甫，花生，爽口脆，芽菜，青豆，蔥，生菜），腩肉事先腌左加左辣，之後雞翼都幾大隻（3隻左右）， 餸嘅份量都幾多💕，水晶粉唔會話好“林”，加左杯凍檸茶（加3蚊），本身唔加野飲會送豆漿，加埋總共34蚊，整體泥講幾滿意😙。另外，同朋友食叫左個豬肚腩肉豬耳米粉，總共37蚊，大大碗，價錢都好合理。😉抵讚位：湯底好特別，唔係其他食薯粉水晶粉有嘅湯底。…Read More