cheegi's Profile

下午14:00去到冇乜人好正常，QR Code落完單就問個男侍應有冇小食，個男侍應態度好好，俾個下午茶餐牌我再睇睇，放低冇耐，個女侍應問都唔問就直接攞走個餐牌。好！你預我唔會再叫嘢食？上菜喇！款式少，份量又少，中途上錯嘢食，我哋冇為意（因為各自各落單），個女侍應一嘢就拎去扔，其實我想同佢講可以放低，照計錢啦，無謂浪費。叫咗M4和牛、肉眼扒仲有個薯麵，食物質數比茶記好少少。總之，第一次食呢間，亦係最後一次。…Read More

團購，係，又係團購出事。我未食過咁細嚿嘅鰻魚，切到咁細（爭在未切絲），咪鬼比客食丫嘛，又要做放題又要咁小家。款呢絕對唔多囉！我第一次食放題係可以試哂啲款！刺身又唔新鮮！熟食只有多春魚同炸雞皮好少少。總括嚟講未食過咁差嘅放題！完！…Read More

2016年9月12日晚上7:00我哋訂咗5位食晚飯，去到酒樓攞位時，侍應比咗張好近廁所嘅檯比我哋，當時我立即要求轉過另一張檯，而我眼前得一位女主任，佢竟然話：「個廁所行入去轉彎先到，邊有味呀？冇檯比你轉呀！」態度極差！我：「你聞唔到唔代表我聞唔到喎！對住廁所陣味我真係食唔落！」而我當然仍然企係度唔接受佢安排嘅座位啦！最後搵噃另一個侍應安排另一張檯比我哋！我眼見有好多冇人坐嘅檯，而個位女主任嫌麻煩唔轉檯比我。呢啲服務態度真係極差！見我轉咗另一張檯仲望住我（眼神極不友善）！個位女侍應嘅態度都可以升為「主任」？食餐飯都咁受氣！真係唔會再去囉！…Read More

見好耐都冇去過大有商場，打算同朋友閒逛下，點知見到間壽司店，下午茶某啲壽司一碟有三件，見好似好抵又突然發覺自己有啲肚餓，就咁比佢吸咗入去。都幾大嚿，味道算好好味但又唔差用牛油同蒜片煎到好香嘅帶子炸蝦天婦羅熱辣辣，好味吞拿魚腩就一般芝士蟹籽軍艦，吞拿魚沙律軍艦，好味整體嚟講唔差，值得一試…Read More

本身我鍾意周圍試新嘢，之前買咗團購去試呢間。上到去，一大陣煙味。已經唔多Like，有兩檯客一共四個人係度噴緊煙(室內喎)，但買咗團購唔食又唔知幾時再過嚟，諗住嗱嗱聲食完走人啦！坐底之後一直冇餐牌睇，好，主動問佢。佢只比一本野話：你只可以選擇意粉同烏冬呢兩款主菜。我：下？(心諗，我明明記得個團購有四款可以選擇喀。)立即用電話上網搵再比佢睇。佢：哦~咁你係個四款選擇啦！個團購餐有~是日餐湯前菜：田園沙律 或 凱撒沙律主菜：13oz牛扒配薯角(+$15)或牛肉炒芝士烏冬或至尊Pizza或卡邦尼意粉甜品：火焰雪糕或水果果凍。飲品：任選餐牌上$36餐飲叫咗個意粉同牛扒，先嚟個是日餐湯~番茄湯，個碗係熱嘅裡面個湯係凍嘅再嚟個凱撒沙律~將生菜切碎加黑醋汁飲品....全部用好似拖地水水樽裝住不同味道嘅糖水加冰煎塊牛扒要等半個鐘....等到喇，成隻碟得塊牛扒....薯角呢？不過，塊牛扒係好味嘅為咗唔再吸二手煙(食餐飯都怕肺癌)，算，唔想再等個意粉隨後到，唔錯，幾多汁幾好味好喇，叫甜品~火焰雪糕，店員：今日冇喎比個果凍你啦。水果果凍....淡而無味，只知道自己食緊嚿淋滋滋嘅啫喱物體整體係好差，啲店員仲一齊係度噴煙…Read More

當日係星期五算少人，一直期待去呢間試試，唔係因為佢特別好味相反食評都幾差。不過，為咗試下可以望住啲海洋生物食下嘢又幾得意。一家三口我選擇去試Tea傷亡最低，我哋叫咗三個Tea set...1. 肉醬意粉 ~ 份量三、四啖就可以食得哂味道就7-11好味過佢2.福建炒飯 ~ 味道一般，有肉醬意少打頭陣，所以覺得呢個炒飯可以評為一般3.日式叉燒烏冬配豬骨湯 ~ 個湯.....味精水.....其他都一般每一個Tea Set都有一杯飲品同甜品，飲品絕對冇問題，甜品最正，尤其個士多啤利藍莓Puff好好味三個Tea set中肉醬最差環境：得兩張檯最接近個缸，其他都有幾張睇到嘅不過有啲遠...價錢：預咗貴，但諗住食物冇咁差平衡噃，點知...我真的失望了....總結：食物唔掂，今次只在乎體驗。有待改善…Read More

嗰晚我哋11個人去食,第一道菜好快,係炸豬手(好正好好味)之後就等咗好耐先再有食物送上, 士多啤利骨都好好味, 佢哋嘅黃金蠔一流,蒜蓉蒸蟶子就可能蒸耐咗(好韌),椒盬瀨尿蝦都好好味,荷葉蟹飯都好好味,隻豉油雞好滑好好味,其他就冇乜特別喇…Read More