jerrychanchan's Profile

因為工作關係基本上都係去到邊食到邊，但係呢間真係接受唔到。求其叫左個霸皇雞飯，食飽就算啦！首先個飯唔算太熱，啲雞又肥又無雞味，都算，而家唔係咁容易搵到有雞味嘅雞。重點黎啦！首先啲葱上枱時已經黃晒仲有陣醋味，唔係主菜問題不大，啲雞熟唔透，仲要凍嘅！反轉睇仲有驚喜，內臟都未清晒！唔係咁玩呀！60蚊食啲咁嘅嘢，真係無下次！…Read More

本身都對海翠坊呢間分店無乜期望，不過屋企人想食就無計啦，叫左個二人餐，除左塊豬扒乾啲之外都無乜問題，重點就係杯餐飲度，一凍一熱，熱既就先上，但係就無比糖，前前後後問左兩次，十幾二十分鐘先比到我，算！之後杯凍飲仲離譜，攞到埋黎唔聲唔聲就擺係我左手手邊，大佬呀！食緊碗河粉，都已經睇唔到㗎啦，仲要擺係盲點位！想點呀！又係上次講多過做嗰個人呀！…Read More

一坐低就好快有職員同我落單，態度親切，隔一陣先有個類似經理既物體攞杯茶黎杯茶飲下，但嗰度我過併盤都做好啦！都唔知飲茶先定食野先，真係好亂。廚房岀菜，上菜速度快嘅，食物方面有少少美中不足就係豬扒乾左啲。成餐飯最差嘅感覺就係啲員工同經理不停吹水，有時兩個仲走埋入廚房吹，內容全部都係同餐廳無關，點解我咁清楚，因為佢地對工作嘅地方好有歸屬感，完全有家的感覺，講野大大聲，我完全聽唔到背景音樂係乜！淨係知道有啲聲，完全破壞晒食飯嘅心情！…Read More

一班人想食好啲又周街都係人，接完女朋友，近近地串燒站啦，估佢唔到，聖誕岀新野，唔好諗咁多即叫，西冷牛扒八成唔該(其實八唔八成都無乜所謂),再加個田螺一埋串燒實夠飽啦！西冷其實都唔會話好嫩口，但呢個牛肉味好濃，唔似岀面無纖維又無味道既感覺，嗰份油香好正。田螺啲牛油再加上薯蓉，两者一軟一滑既配合既香且滑配合到不得了…Read More

同女朋友行完街,送埋佢返屋企又係周圍食野既自由時間,行過串燒站睇下有乜食(佢隨時有驚喜),今次真係有喎,三文魚一般都係食刺身,煮熟食我都第一次(好似鄉下仔咁),有新野試試先.食開日本野刺身又貴份量又少,66蚊多得去邊呀,分分鐘唔係新鮮料,一上枱<嘩>,三文魚唔少喎!抱住又驚又喜既心情試左件魚先,味道又唔似係雪藏嗰啲咁鬆散,魚味又濃,加上什菌同忌廉去炒一個有韌度既扁意粉噢!真係估你唔到喎!一定反啅!…Read More

今晚夜收工送完女朋友返屋企有D口痕想搵野食,見到一街都係既M叔叔就無乜胃口,就試下串燒站,硬件唔多講無乜特別,食物先係重點,我叫左羊架同田螺外賣,返到去先慢慢食,羊架味道尚算濃陏及嫩滑,可能我喜歡較生,而田螺都夠(林),最正係牛油加上焗香左既薯蓉,味道好夾,可能外賣關係有D唔夠熱,堂食應該仲正…Read More