sammi0855's Profile

如果100滿分,50分格,呢間我會比30分。其中一款係紅燒牛腱湯麵。唔記得影食物一上枱的相。anyways開頭見到有4大嚿都幾厚嘅牛腱,感覺唔錯。點知4嚿當中有2嚿係好韌、難咬，另外正常2嚿就完全好好腍、腍都唔使咬,4嚿牛嘅質素好參差😅😅而且呢碗麵收我$80。麵底揀左正常份量，對於男士黎講好細唔夠飽。我朋友揀咗飯類，個飯上枱嘅時候竟然俾咗食麵用嘅大湯匙，d職員做野好似不在狀態咁😅😅見到比錯餐具正常作為客人就舉手請職員幫手換，當時個場唔多人唔忙又無其他外賣客落單，但3個空閒嘅職員當中，客人舉左手又講左5,6次唔該，先有1個職員見到。喺大埔呢個位置,人流唔多,唔係商場舖,非星期六日時間收呢個價錢,加埋咁差食物質素真係唔ok。係裝修、擺設上有心思,不過都係唔值$80。用QR code落單個系統好多食物都無放相，而且網上系統有部分食物(三杯雞飯)喺hardcopy張menu度無出現過同時網上落單又無相睇，令食客有d卻步揀唔揀好。始終唔係本土港式茶餐廳一講個菜名就知實際係點嘅樣。可能係跟足台南的煮法啦，但對於香港人口味食物的味道黎講，真係太濃。(例如個牛腱麵湯底、豬軟骨飯味道) …Read More

難得喺旺角搵到寧靜cafe，估唔到樓下附近係街市,女人街好熱鬧嘈嘅地方,好大對比haha叫左個tea set 的waffle配雪糕。好大份呀,有4大塊,送熱飲,可以揀Americano或者茶包，我揀左飲english breakfast tea,係twinings牌子唔錯🙆🏻‍♀️。價錢好抵$50,仲要沒有加一服務費。好難得香港有d質素cafe係唔需要加一服務。見到有學生上黎溫書做功課,cafe職員會播下d 純音樂,成個氣氛好relax…Read More

星期一中午前同家人黎呢間cafe，原本見到openrice相片中jumbo all day breakfast 好似幾正，又大份，所以就決定黎呢度食。點知去到落單時，職員答jumbo all day breakfast中無牛油果，因為無貨，以士多啤梨代替。再下一句，家人想飲mocha，職員答唔好意思，無奶，所以只有expresso/ 齋啡。就咁一句回應就完。連講句奶幾時返貨都唔講，幾點起會有返有奶的咖啡。究竟想唔想做生意㗎。真係不可思義，一間Cafe可以忍受無奶都繼續營業。平價茶記都唔會因為就冇奶做唔到奶茶。應該係一早就知奶嘅存量。到食物方面，份量真係好足，好大份。打卡影相都幾靚。不過味道方面，代替牛油果的士多啤梨，又酸又乾身。茄汁豆完全凍冰冰，一啲暖都無。喺其他餐廳食過all day breakfast，都未試過係咁凍。剛入黎坐低時間，枱面仲有上一手客食淨嘅食物碎。衛生差左d。…Read More

星期日呢條街間間午市都無位,唯獨呢間。諗住求期一餐半餐算。所有食物加熱飲都要加$5叫咩又無咩。價錢又唔值咁貴,本身一個普通油菜飯已經$48,如果加杯熱奶茶已經$53。味道又唔好食…Read More