hykathy's Profile

今日出開尖沙咀做野.... 就食埋晏先返公司啦.... 同事話想食平民價既日本野.....諗起之前係度食過lunch好似都唔錯既... 就帶佢過來試下啦....Lunch menu... 魚生飯同熟食都唔少選擇... 印象中各自都起碼有7/8款....鍾意食刺身既我... 唔駛諗叫左個魚生飯.... 最平民既角切魚生飯😂... 佢好似叫花雜錦魚生飯？！😛something like that la....Lunch Set有前菜，沙律，茶碗蒸 同湯 都幾豐富.. 幾好味...而且賣相不俗....魚生飯內容都唔錯... 除左一般既三文魚，青瓜，蟹籽，佢仲有幾款白身魚同帆立貝佢仲係用鮮磨山葵...👍🏻👍🏻呢個真係要讚... 因為麻煩既我好著緊呢樣野.... 鮮磨山葵對刺身係絕對會加分... 畢竟太攻鼻既wasabi始終會搶哂魚既鮮味！而且佢啲壽司飯係有顏色架... 佢仲有解釋點解呢..呢樣我就唔多講啦😂😂…Read More

呢間雲吞係之前未搬既時候已經成日食....係我公司搬左冇耐之後... 已經冇乜機會食....因為以前連位都冇嘅....無耐之後...佢地都搬咗....今日睇返以前D相.... 有啲掛住.... 諗起就想再食.... 於是今日就專登行過去食返碗...細雲吞中麻辣今日再食返..發覺同之前都已經有啲唔同..... 中麻辣於我來講都覺得唔係好辣....可以再辣d...而且佢嘅香味亦都冇以前咁香.....唔知係咪因為材料唔同咗呢.....總括來講...好似冇以前咁好食啦.....…Read More

一直都鍾意食台灣野尤其是挫冰... 今日喺附近食完飯....見時間尚早....就過嚟食個甜品傾吓計試吓呢度嘅挫冰....呢度有2款冰....雪花冰同挫冰....因為我不嬲都唔鍾意食好似雪糕嘅雪花冰....所以都係揀返挫冰.....可惜佢挫冰嘅選擇唔多....得紅豆抹茶....兩三款生果.....同埋一個叫幻彩寶寶......幻彩寶寶個名同埋幅圖七彩顏色... 好似幾得意...就一於試吓呢個啦.....佢賣相唔錯...七彩顏色..好繽紛咁......但係嚟到我哋先發覺原來佢係有好多唔同味道嘅爆珠.... 如果鍾意食爆珠嘅話都應該幾鍾意呢個刨冰...只不過我唔鍾意食爆珠...就會覺得佢too much la....佢個冰係幾好食嘅....不過如果有其他配料選擇就更加好啦！！…Read More

今日過開來西灣河搵朋友.... 溜完一輪狗..... 見無乜幾可走到咁遠一於開返我嘅OpenRice record睇吓收藏左啲咩想食又未食架啦......一開見到其中一間就係呢間......即刻雙眼發光....一定要去試....... 因為我一直都好鍾意好鍾意好鍾意食台灣刨冰..... 由細細個過去已經開始食...之後每次過去台灣都要食.....但係而家呢隻冰台灣都已經買少見少.....好難好難搵返呢種清水冰啦....（畢竟我唔鍾意食嗰啲有味刨冰...全部都好似雪糕...一啲都唔似刨冰既.....）先睇下個Menu..... 同以前係台灣食嘅一樣有得自己揀配料.......正呀！！仲有我最鍾意嘅布丁同愛玉... 一望就知要食咩...10分期待!!!我揀咗一個三色刨冰...要布丁..愛玉 同 黑糖寒天.... 當然唔少得要加牛奶啦（即係練奶呀）一見到就知道我真係搵到啦真係我以前係台灣食嗰種刨冰....好開心好開心好開心!!!以後我知道邊度可以解到我呢個清水冰既心癮啦！！…Read More

今日lunch又同飯腳試新野..... 呢度鋪頭細細... 望入來見到個姨姨... 應該係泰藉既.... 見到佢.. 就有啲感覺... 呢度好似幾地道....睇下個餐牌先... 都唔少選擇... 我睇到樣樣都覺得好吸引... 好想食....最後叫咗個泰式濕炒雞河粉.... 加左個炸蝦餅小食同埋飲龍眼冰.....炸蝦餅夠香脆...蝦肉夠彈牙！唔錯龍眼冰清甜又有龍眼肉姐姐仲好sweet咁問我食唔食辣....俾咗啲辣椒我....仲有好幾款唔同嘅添....美中不足就係呢排天氣熱....鋪頭唔太夠冷氣... 我食食吓都有啲熱…Read More

今日諗食乜... 男朋友話想食餃子.... 於是就過左來啦....睇下個餐牌..... 食物唔多選擇就係三款餃子同埋湯麵........我哋最後決定要雲耳併韭菜煎餃同埋白菜湯餃....每粒餃子都脹卜卜好足料.... 湯底清甜一啲都唔腥... 好味道... 仲有個辣菜甫.....值得推介！！…Read More

呢間餐廳成日經過都冇位... 今日見到有位就決定一於試下啦.....呢個係今日嘅lunch Menu.....見到有窩夫呢個選擇我當然二話不說就揀呢個啦🤣🤣 夠特別嘛.... 而且見附近每一枱都總有一個人會叫... 先黎一個湯... 今日既係南瓜薯仔湯.... 好重既薯仔味加淡淡既南瓜香.... 好飲...跟住就輪到主角出場..... 窩夫...配埋一個 花生加砂糖既醬 甜甜地 鬆軟又飽肚.... 好味道！ 雞扒亦都煎得香脆....唯一可惜係淡左少少..如果加返少少鹽就very good啦！！餐飲我揀咗熱嘅水蜜桃綠茶....一壺咁上....都幾大壺... 斟到好多杯.... 正....如果唔係趕住返去返工....呢度都可以同朋友來坐下傾吓計食下野享受一下:)…Read More

知道呢間美國餐廳來在香港開分店...一直都想試但亦聽講好多人要排好耐今日早放... 一點去到諗住攞定位等男朋友收工就齊齊食lunch.... 點知.... 佢俾左部機...同叫我大概3:15先返去..... 噢.. 要等2個幾鐘.... 男朋友連早餐都未食就梗係唔願意等啦.....於是我哋就去咗食其他野.....因為拎左佢部機嘅關係....我哋lunch之後都要過返去還返部機俾佢.... 本身男朋友都話飽唔食...但見到出邊仲有人等位同埋我哋都入得....所以最後都入咗去食咗個蛋糕做下午茶.....我地叫左 咸焦糖芝士蛋糕（前）同埋Godiva朱古力芝士蛋糕(後）蛋糕一來到... 我就雙眼發光.... 望落去已經好吸引.... 而且.. 仲好大件🤣2件蛋糕都好好味.... 但係同鹹焦糖相比朱古力芝士蛋糕就相對地失色 咸焦糖既味道balance 咸咸甜甜咁 好好味.... 而朱古力就冇乜特別.. 好香濃 但亦都比較漏.....所以我會推介大家試吓鹹焦糖芝士蛋糕走果時又好多人排緊隊啦🙈🙈🙈🙈…Read More

好耐無食一壽.... 不過今日5點幾經過 見到門口已經有好幾個人排緊隊..... 好奇之下八卦下.... 原來而家6點已經係黑夜... 有半價呀.....男朋友出到來... 經過見到唔駛等.. 我地都決定入去試下......以下就係今日食過既野......食完最後$330埋單.... 價錢就係抵既... 不過野食呢就麻麻.... 睇黎都唔會有下次啦…Read More

不嬲都鍾意食crepe... 過開來灣仔... 又有少少時間.. 過來歎返個lunch...最鍾意呢度有lunch set.... 百幾蚊 有1個咸1個甜既crepes 同一個set drinks 今日食左菠菜煙三文魚 同埋 海鹽焦糖.... 咸既 菠菜又嫩 煙三文又香 再加埋個蛋黃汁..... 好豐富呀甜既呢個係我最愛既配搭 甜甜既焦糖 加左少少既咸 講唔出既好味道 再配埋杯latte 為我呢個豐富既午餐劃上一個完美既句號…Read More

今日過開灣仔上堂... 因為上堂中間會有break 又有小食提供...結果到lunch Time嘅時候都唔肚餓....但係又唔想傻瓜瓜咁呆坐個幾鐘...不如出去搵啲嘢食啦....逛下逛下見到角落頭呢間小店有雪糕食.... 又有位坐下.... 就決定試吓.... 見到個Menu真係覺得眼花撩亂樣樣都好想食最後揀咗一個好似最豐富又差不多樣樣都試得到嘅好豐富既一個雪糕... 綠茶味香濃雲呢拿味軟滑... 配埋軟林林嘅紅豆同其他配料...大滿足！…Read More

身為前九龍城人... 對呢個地方總係念念不忘... 久不久就要返來搵食...海裕... 我只係記得細個既時候係度食好貴既鮑魚刺身🤣🤣... 但同老闆傾開先知原來已經開左24年啦..今日食左唔少野.... um... 老實講 已經無以前果種啲野好新鮮好好食既感覺... 學爸爸話齋... 咁多年 我地食野既要求高左.. 但佢就無點進步... 唔講其他 講下今日令我心心眼既一道菜富有柿大蝦沙律... 賣相已經唔錯 用返個柿裝住個沙律... 富有柿好甜又juicy... 加埋趣卜卜既蟹籽.. 少少西芹粒同埋蝦刺身... 非常好食... 呢個值得encore....…Read More

呢間麵檔可以話係我飯堂... 只要中午自己一個食飯.. 十居八九我都係過來...只從第一次過來食過牛什米之後... 我次次過來都係牛什米走青 好食既野 係食幾多次都唔會厭既😂😂每碗粉麵都會配有少少菜... 配埋腩汁既菜 特別好食 除左菜... 牛什都唔少... 牛肚..牛肺..牛膀..牛腸.... 牛肚牛肺唔太特別.... 牛腸夠肥... 始終而家咩都講健康既世代.. 已經好少食到咁肥美既牛腸... 牛膀呢... 以前我不嬲都覺得呢個部位「鞋」口唔好食.. 但呢度既牛膀質地好仲有啲甘香... 正！仲有不得不提.... 辣椒油都好香好味... 配埋碗牛什米勁正.... 鍾意食辣既朋友一定要試！…Read More

一直都念念不忘呢度既厚豬扒...今日終於趕得切lunch hour過來好彩今日都有厚豬扒.... 不過唔係我掛住既蘋果汁.... 而係幾特別 係胡椒忌廉汁... 第一次見...一於試下佢.. 豬扒依然鬆厚嫩滑...肉質好好... 個汁都有驚喜... 忌廉汁帶有胡椒既香辣... 好味！！ 午餐亦包括沙律/餐湯...我揀既係沙律.... 朋友仔就揀左餐湯... 佢既即磨咖啡都唔錯... 夠香... 唔酸又唔太苦... 歎完一杯... 又可以繼續下午既工作啦…Read More

早幾日門口經過.. 已經聞到好香... 好奇下揭下餐牌.. 即刻有staff出來介紹招呼.. 雖然覺得好吸引 不過因為已經同朋友約好.. 所以只好下次再試...當今日約食生日飯問想食咩... 即刻諗起呢間可以試下... 經OR可以訂位 連電話都唔駛打 夠哂方便我地一行6人... 無特別request 佢都安排左間房俾我地因為大家都鍾意食刺身類... 都睇下佢地有咩推薦先來做緊promo既小龍蝦.... 唔駛$200一隻.. 可以做刺身.... 佢真係好新鮮... 到上枱時果啲鬚都仲郁緊.. 龍蝦細細隻 但都唔少肉呀.. 食完我地+$60加工... 整個龍蝦味噌湯即開原隻海膽... 好少見到開完既海膽係佢原本既姿態上枱.. 幾特別.. 可惜唔夠鮮甜... 活魚刺魚就好好味... 超級鮮甜... 值得推薦... 可惜我唔係太記得係咩魚.. 好似係石鯛.. 食完刺身 +$60 頭同骨仲可以炸左做小食佐酒最後再試左個燒肉併盤... 啲牛睇落去幾新鮮幾靚... 可惜都食唔到肉既甜味... 如果以一間以牛做主打既餐廳來講.. 呢個牛真係令我失望...…Read More