archuma's Profile

見佢新開張就去試吓。。用餐70分鐘填左點心紙俾個姐姐入單，疊埋心水抱住期待嘅心態等食。點知。。。。。20分鐘過去。。。。一樣都未到。。。再過10分鐘共30分鐘，我問其中一個姐姐，佢隔左一陣無回應比我，於是就問佢啦姐姐：落左單㗎喇我：咁唔該你幫我跟吓，因為等左好耐姐姐：要等一陣，出面好多人我：（我開始火火哋）出面多人關我咩事，我張單落左出唔倒野食，你可唔可以幫忙同廚房跟吓？姐姐繼續似機械人咁：出面好多人我：我而家話請你去廚房跟進吓的張單當然。。。都無野食到我再問另一個姐姐，佢去左收銀枱發現我張單未入！！頂！我即走！唔會再嚟！…Read More

太安樓出名多野食，所以經常跟同事由公司搭叮叮到太安樓搵食。今次食尼間主打台灣野，叫左一品臭臭煱，一d都唔臭，好多餸，仲好好食，可以配飯或粉絲，配台灣辣醬好惹味。食完為左要做運動，唯有放棄叮叮，要行番公司😂😂…Read More

一日喺觀塘街上接過午餐傳單，順便一試。餐廳環境細細，只有一張大枱及一張四方細枱，原來晚市主打私房菜。午市有抵食套餐，今次叫左雞湯花菇花膠煲配白飯。湯底好清甜，花膠唔淋身有咬口，花菇浸左湯底夠鮮味。成煲都無肉類，本以為唔夠飽，原來配飯食再飲埋湯好滿足。店員好仔細介紹餐廳，又送我哋自家製醬汁，配飯一流。最後又送我哋自家製花膠甜品，口感似爽口大菜，味道唔太甜，正！有機會嚟試試佢哋嘅私房菜👍…Read More

我哋一行三條女又搵野食，正喎！又大閘蟹放題又廚師發板串燒，見個套餐餐單幾豐富，應該ok 啩....點知....我哋book左6：45pm 時段，樽裝汽水自己攞，啤酒要另外收費。坐咗一陣，職員開始上菜，首先每人一隻大閘蟹，係熱辣辣嘅，應該即蒸好，幾多膏唔錯。職員每隔十零分鐘會上另一轉大閘蟹，共食左5轉。串燒由廚師發板，但見每枱果個爐仔+兩舊點燈籠都嫌細嘅蠟燭仔，驚驚哋...但見餐單都幾多野食，心諗應該都ok啩， 點知...我哋只食左生蠔、蜆、蝦、牛肉粒、雞肉、翠玉瓜 <STOP >於是我問職員串燒係咪完啦，佢話仲有茄子 & 咩菜 （當時聽得唔清楚）唔係啩，咁少！我哋三條女食量一般，唔飽喎！我哋再等左一陣，嘩！水吧位置無左燈嘅？！廚房入面黑蚊蚊嘅？！𠵱！開始無冷氣嘅？！只見職員行嚟行去好忙，於是小妹向職員詢問先知原來電源有問題搶救中雖然說好的茄子&咩菜未到，唔知要等幾耐，就算到咗都係唔飽，決定走人。朋友訂座時已俾晒錢，我哋咪走出餐廳門囉，點知畀個職員嗌返轉頭，小姐你哋未俾曬錢，要收加一！頂！嘢食未到齊仲要收容一，條氣好唔順！總括：- 大閘蟹由職員分配，唔係放題，想食真放題唔建議嚟呢度- 串燒種類跟餐單不符，廚師發板可圈可點- 餐廳無濕紙巾提供，差！p.s.三條女最後大滿足，因為轉場食pancake …Read More

一向大愛車仔麵，可惜公司附近已冇車仔麵舖頭。今次同事帶我嚟銅鑼灣呢間食，原來我經過好多次每次都排長龍就卻步。我哋等咗一陣就有位喇😁舖頭裝修古色古香，有一個大牌匾好昅睛👁️大尊$49 - 豬紅、蘿蔔、咖哩魚蛋、紅腸、豬皮、菜麵底可揀：油麵、粗麵、幼麵、河粉、米粉、米線仲可以加罐裝飲品，只係$2 only超級底👍👍👍味道真係唔錯，可以再嚟👌👌👌…Read More

餐廳位於公司附近，有時做得辛苦晏晝豪一豪，幫自己打氣😀第一次嚟呢間溫野菜，環境好舒服絕對冇復出嘅感覺。由於小妹唔食牛，選擇唔太多，所以我只係揀咗午市B餐。鹿兒島茶美豚肉+雞腿肉 $155 -每個餐可以揀幾款湯底，我就揀咗清清地嘅昆布湯底。除咗肉類之外每個餐都附上一盒蔬菜，另外可以揀飯、烏冬或蕎麥麵，小妹今次揀蕎麥麵。整體嚟講：肉質嫩滑，蔬菜新鮮，蕎麥麵清清地飲曬我口味。另外我亦order咗青檸梅子梳打，食完大大份火鍋飲返杯梅子梳打消滯👍👍👍…Read More

同事介紹一間餐廳食salad，唔好以為食salad會捱餓，呢間真係又飽又好味。我點嘅係自選沙律$68 - 德國咸豬手+粟米粒+tangerine+羅馬生菜 😋😋生菜好新鮮、tangerine好甜一啲都唔酸、德國咸豬手夠飽肚又有骨膠原，正！呢間餐廳近公司坐得有舒服，食材又夠新鮮，所以間唔中都嚟食👍👍👍…Read More

尖沙咀區嘅分店已經試過，難得觀塘新開，不坊試試。餐廳環境唔算太寬敞，單邊位置需要面壁進食，中間放咗幾張連接四人枱，基本上同其他人一齊坐，位置較迫，好似飯堂嘅感覺。冬陰功海鮮湯河 + 洛神花茶 - 味道一般冇太大驚喜水門海南雞飯 + 椰青 - 海南雞肉質較乾，好彩有雞湯及辣醬汁附上，相對搞惹味。小朋友食雞飯時用不上辣醬汁，服務員主動遞上辣醬汁一碟，服務態度又好，讚！整體做街坊生意，都算幾抵食。…Read More

太古坊一帶多左新oofice building，自然多左餐廳選擇。比起茶記都要$70、80，我prefer狼質素嘅餐廳食lunch。餐廳環境好舒服，可以令人暫時忘記繁忙嘅工作👍我哋一行3人嘅飯腳，每人一份SaladPestro Marinated Chicken Beast with Salad and Homemade Lemon Vinaigrette Dressing $92Smoked Salmon Salad with Homemade Lemon Vinairgrete Dressing $95Pork Neck Salad with Papaya and Sweet & Spicy Dressing $92Lee 個係lunch set，每份都配一杯熱飲Vege 好新鮮，protein又嫩滑。價錢好似高左少少，但試埋食物質素，餐廳環境，抵啦！…Read More

銅鑼灣登龍街有好多間拉麵舖，今次嚟到呢間舖面細細嘅金田家，有驚喜！👍黑豚拉麵 - 講真未試過拉麵上面鋪咗咁多塊嘅豚肉，感覺好抵。仲有好淋又入味，湯底又夠濃郁，面底夠彈牙。雞白湯豚骨拉麵 - 湯底清甜雞味，比起黑豚拉麵，豚肉數目雖然比較少，但正在夠入味唔黐牙。小食吉列蝦 - 呢個小食就普通，食一嚿之後就覺得好油膩，好溜。好彩叫咗一杯洛神花梳打水，係有你絕配！👍…Read More

途經中環搵食，俾餐廳嘅相吸引左，見佢又唔使排隊，入！首創麻辣香煎雞扒煎蛋飯 - 見佢幅圖咁靚就叫啦，點知....喂呀！貨不對版喎！只係一塊大塊雞扒上面鋪咗少少麻辣汁 ，豉油又唔見得出特別。神級鹹蛋黃雞脾重煎蛋湯公仔麵 - 一隻大大髀嘅雞髀加鹹蛋黃炸，要話好香口啦，唉...有油益味喎😵‍💫😵‍💫如果無試過，可以一試無防。不過唔會返炒囉。…Read More

同事帶我去威，食一間健康又好味嘅lunch。呢間餐廳位於太古城，近工作嘅太古坊附近。聽講尼度好快無位，所以我哋急步去。一坐落冇幾耐，就立即order嘢食，回頭一睇，嘩！餐廳門外已經排長龍😱好彩👍慢煮雞胸南瓜用沙律 $128慢煮雞胸入口好嫩滑，件數又多。雞胸肉下面配上新鮮沙律菜、紅石榴、南瓜、提子乾、杏仁，口感非常豐富西班牙黑毛豬叉燒飯 $148黑毛豬叉燒，加上煎好半熟蛋鋪喺面，配上秘製醬汁，wonderful！叉燒入口即溶，半熟蛋加秘製仔醬汁配埋白飯入口，燒味舖嘅叉燒飯冇得比喇。…Read More

我一向鍾意食湯米線/湯飯😋呢間位於megabox嘅BnR，裝修別緻，以為食貴價新派菜，原來食湯米線🥰，啱晒我口味。BnR雞淮山麵 $68藥膳雞淮山飯 $68食物上枱香噴噴，第一啖當然係試吓個湯底....嘩！好清甜，材料十足。再望吓個碗，每件雞都好大件，舖滿個碗咁，而且入嫩滑，麵 / 飯 + 湯一齊送入口，真的令人食個唔停。尼個價錢，無得輸👍…Read More

公司附近食salad地方好少，食開嘅一間唔知點解又執左😭😭無意中發現朝新野👍三文魚salad + 三個toppings 再送湯 $74 ：送嘅湯一d都唔hea，粟米湯飲落有咬口👍toppings我揀左蝦、蟹籽、雜菌，個底我轉左我最愛嘅椰菜花飯。整體蝦肉好爽口，蟹籽咬落卜卜聲，煙三文魚份量十足，唔覺唔覺食晒成兜😁😁😁無carbs唔怕😁😁😁…Read More

N年前嚟過tea buffet，印象深刻。N年後再嚟，餐廳稍為裝修左，有d model feel.既然Tea, 唔會同dinner buffet多元化比較，但......一d都唔差👍刺身、壽司、煙三魚、沙律、熱盤、粉麵、粥、甜品一樣有。值得一提📢📢📢 花膠鮑魚燉雞湯 真係嘩嘩聲，不單止有服務員幫你攞，每盅有兩三件大大舊厚身花膠，食落好 nim口；鮑魚原切，雖然煲左湯但仍然好淋；湯底又夠清甜，小妹飲左兩中落，已經覺得自己靚左😂😂…Read More