chayayeung's Profile

呢排係九龍城做野 都食過幾間唔同嘅泰菜呢間泰式美食 不論食lunch set定散嗌都叫數一數二好食1.燒魷魚，燒得啱啱好唔會乾，魷魚鬚位有啲焦邊邊好香2.肉碎炒飯，本身想叫set lunch嘅肉碎飯，可能泰姐姐聽錯咗，落咗炒飯不過炒得好香，好惹味，算係意外驚喜。3.炒金邊粉次次去泰國餐廳食set都會嗌炒金邊粉，貪佢唔使諗快靚正，同埋呢啲係普通嘢，就算唔好食，個味唔會衰得去邊。呢間炒金邊粉真係好好食，炒得唔會濕，酸酸甜甜好開胃呢間嘢食過幾次，都嗌過冬陰功呀串燒呀其他都好好食有時朋友問我九龍城有咩泰菜好食，有時都驚介紹錯，令到人中伏。但係呢間就真係未試過有朋友同返我講中伏，回報返黎都係好好食，值得一去。…Read More

今日長洲一日遊,遊完晚黑去海邊食海鮮~好多選擇之下見呢間幾平就排隊啦星期日竟然唔係太多人,排左一陣就有位坐:)不過係後欄位叫左4個送:不過不失:)有菜有豆腐有斑塊成碟晒冇咩味個汁好快出晒水唔好以為好大碟好靚其實D殼係個底搭到勁高:(豉椒炒-一條椒絲都搵唔到,又係一D味都冇成碟野應該係烚完D聖子(唔新鮮)跟手淋個汁甘面就算:(四碟送最後悔嗌佢細細隻P.S:4碟野食睇住係廚房拎出黎但係熱都唔熱蒸扇貝一落枱就用手拎,正常辣親先係..但係......個殼凍嫁囉四碟送一碗飯兩支可樂=$203…Read More

呢排有人話想儲放題經驗值話去試晒兆萬d放題去之前睇過負評勁多,條友唔信話張傳單靚仔仔唔會差掛..於是就上左去,唔洗等:)兩個人坐左係八人枱中間,大背包都冇位擺,隔離左右四個都係大陸遊客..畫左幾round野食,得7成上枱:(野食未齊人未飽就趕人埋單:( 兩個人比左三百幾四百蚊飽得6,7成走:(第一樣黎,飲落去好明顯溝左水,超淡,已經知中伏:(而且飲完之後畫多第二杯已經冇黎(畫左兩次):)燒粟米有兩隻,牛油燒同蜜糖燒一樣冇燒過痕跡,一樣味,咸咸地...:(燒雞串-最穩陣,好味!但係無論畫幾多串幾多張單,都係比兩串仲要比得兩碟燒蝦-ok燒雞翼-咸咸地,入面未熟!:(食甜品,jelly都係溝水-_-仲有食雪米糍同小泡芺..呢兩樣就真係比足啦,不過見到d侍應拎泡芺係用手拎,....總結係搵食前一定要睇openrice,而且相信他…Read More

自從有次踩完單車有朋友帶我黎食,就鍾意左呢種大牌檔風格仲了反起細個回憶..:)不平的石屎地下,木枱膠椅膠枱布,嘈雜環境,廚房炒送聲真係大牌檔先有..於是我帶男朋友去食..記得條路係沙田街市條天橋行到尾...好遠呀!!平日冇咁多人,好快有空枱..兩個人咩都想食,嗌左三送一飯個福建(?)炒飯好多料呀,唔多味精!食完飯,當然食唔晒,要pack兩盒番屋企超級飽!行番條路出火車站岩岩好消化少少!下次再黎!…Read More

就黎聖誕,今日一大班親戚去住大圍個auntie屋企開party佢地先前訂左d壽司刺身,順便拎埋先上去..鋪頭pack好晒連埋豉油wasabi一袋袋擺入雪櫃,到交收個時,一拎出黎就走得,方便快捷,:)其實呢間外賣嗌過兩三次了..多數嗌一大盆三文魚刺身次次嗌d野食都好新鮮..新鮮過平時去超市/大集團好多(食落就知分別)三文魚價錢計落比出面平少少,所以一有聚會又就到腳都會買盆齊齊食..但係地方就隱蔽左少少,唔係大街,第一次真係要搵一搵先搵到..><今次第一次係呢間嗌壽司,,正!d飯唔會散!d醋味唔太酸岩岩好!最緊要係上面舊帶子&蝦蝦好鮮甜,d魚生夠厚夠大塊!(因為呢排食過幾間都係薄到爛熔熔遮唔晒舊飯:( )仲有刺身!!!!見到咁大盆都笑住流晒口水!!食落去個陣魚油香味由喉嚨湧番上黎!!!!又肥美厚切又新鮮,食得兩三舊已經比人搶晒!menu寫住$230 45塊,,但係嗌過呢兩三次都有多兩三塊…Read More

MACAU一日遊,拎住本旅遊書&地圖去覓食尋寶{{唔食香港有分店的}}但,,張地圖係錯的,搵極都搵唔到呢間,正想放棄去大三巴,佢就出現係我地隔離兩個人係澳門一面行一面食,為左試多D,好多時都係兩個人SHARE一碗野..但係堂食,特別係細鋪,緊係想你嗌多樣/食完快D走....不過呢間個呀E好NICE,叫我地出面落雨慢慢坐嗌得一碗,仲比多隻慈更我地^^(好多都唔會)嗌左凍雙皮奶岩岩食個時好滑,但好淡味,冇咩奶味(心諗:黎錯左)食食下有陣薄荷雪糕個隻薄荷味,涼涼地,好得意!!!食完先係喉嚨透出好香濃的奶味!!一碗野,三層味覺,正呀!!…Read More

琴晚想食煲仔飯,本來去油麻地四季(上次去又平又好味),但係又唔想出去諗起大埔都有間出出地名嘅 陳漢記喎,而且兩年前食過都OK雖然好似比四季貴少少,但當慳車錢啦..六點半到,,要排隊落埋ORDER..嗌左一個窩旦牛,一個排骨雞等等等到7點先有位入去,,以為先前落左ORDER,,一埋位就有得食..點知唔係!要再等到搭八個飯先黎!!!好彩中間點左碟炸兩先冇咁餓..等到個飯終於黎,等咁耐以為係大師作品..點知超失望!:(個飯好濕身,冇煲仔飯個香味,個煲唔夠熱,焗唔到焦(得好少),牛肉同個煲仔飯豉油都冇味:(唯一好就係D牛肉夠嫩...講番碟炸兩,D腸粉超滑,,又大碟!!不過D油炸鬼UN左D(夜猛猛黎預左)下次食蝦米腸叉燒腸可能仲正!唔怪得都有好人唔食煲仔飯而嗌左粥(睇人地碗粥個樣好綿)加腸粉啦..我仲笑人夜晚黎食早餐…Read More