話說屋企人今日返香港，諗住出去食下飯，一坐低叫咗嘢食，隔咗幾分鐘前張枱嗰幾個女仔已經話叫職員捉曱甴，咁我話曬都幫襯咗8年，暫時未遇到呢啲情況！點知唔走就係惡夢會開始開始，一開頭都好地地大家有講有笑，食物亦都冇問題，食埋食去都係嗰幾樣，平時我哋唔會叫蔬菜，因為老人家想食，今日就叫咗一碟油麥菜！跟住食到差唔多飽，最後仲有半碟，屋企人話錄埋佢食埋，咁我就叫咗兩個打包盒加個袋，諗住仲有好多丸，食唔曬打包返去，啲菜熟咗夾上嚟，屋企人就見到有三份一隻唔知乜嘢網狀嘅突咗出嚟，即時掉喺骨碟，我拎隻骨點嚟睇夾塊網狀嘅出嚟睇，越睇越似一隻翼，咁我即時通知職員過嚟睇下，佢問我咁而家點係咪想取消碟菜？一句道歉都冇！我即是話差你個幾十蚊咩，我要嘅係態度！你有一句唔好意思我都算喇！之後我話我打包盒取消佢，佢拎住個盒反問我個盒都要取消呀？我話隻翼落去煮完你估我仲會打包咩？谷鬼氣即時埋單走人！！有圖有真相！…Read More
