kaman_man's Profile

極尚大喜屋日本料理係我既放題「首選」.....價錢抵(唔超過每位$300)之餘, 而且食物質素非常好....雖然有留單情況, 但留單情況尚可接受, 都明白多張柯打總會有遺留。坐位非常寛敝舒適, 環焙境乾淨但廁所就好似無人清潔......…Read More

或者揀左係5PM時段, 員工態度好好, 好有禮貌, 而且收碟速度都好快........食物質素普普通通, 刺身尚算新鮮,但沒有刺身味道,  食完沒有不適問題.....食物款式不多選擇, 味道可以的.....炒既蔬菜款式最好食, 串燒好難食, 又無味又乾, 唔知食緊咩.....環境一般般, 好彩5PM食客不太多......洗手間就無必要都唔會去........寧願食完行去SOGO方便......…Read More

之前聽d朋友講話 "中環大吉" 好食過 "尖沙咀大吉" ，咁就去 "中環大吉" 試下啦(早前去過尖沙咀大吉食,超good)，順便可以慶祝埋父親節......我係book位果時(15/6-16/6)問埋佢地個接線生小姐係唔係用雜誌coupon係$158,佢話係, 咁我同佢講咁幫我book 20/6(六) 四位 同用埋雜誌coupon...佢話無問題.....咁就收左線....20/6當日去到 "中環大吉" 就發生以下情況：1. 我比張coupon 個waiter，佢話 "唔好意思唔用得今日係$188"，我同佢講我打電話book位果時果位小姐話用得.......佢都係重複 "唔好意思唔用得今日係$188" ....咁算啦...都入到去咁就照食.....(e位waiter果態度都ok好)2. 其中有D waiter上菜時係超無禮貌,張D食物好大力放落枱(有發出聲響) (尖沙咀果間佢地個個waiter上菜時都會加多句小心、唔好思意 "借借" 或者係E樣野咩食,服務態度超好)3.我座果間房仔無咩冷氣, 超焗(共有4枱客) (出面有好多吉位,都唔可以轉出去)4.環境超嘈 (尖沙咀大吉果個都好多人,但係都無咁嘈,唔知係唔係中環大吉比較細,所以有影響)5.我有order的食物唔唻，但無order果d就唻左 (送錯order約3次或以上)6. 最出名的蟹粥都唔係太好食,無蟹味 (尖沙咀果間真係好好食,好香同D粥有蟹味)最後埋單位位$188 (未計加一)如果用$188係e到食的話真係唔值....d野食普普通通....完全無驚喜(最好食係燒和牛串燒同三文魚都新鮮,但D蝦刺身就唔新鮮)總言之...尖沙咀果間無論係食物、食物款式、服務態度、價錢都較中環果間好得多.....…Read More