darchling's Profile

今次叫咗：🐯脆炸鮮奶卷•古早芋泥二文治 $48鮮奶卷唔係平時市面上見到嗰啲現成貨🥹外面好酥脆，咬落去係流心牛奶質地，唔甜！芋泥二文治外面嗰層係餅乾，一咬落去超鬆化！成件事好芋泥，食得出係自家製作👍🏻甜度唔高冇落好多糖同牛奶，食得出一粒粒芋頭嘅口感～🐯熔岩蛋之戀(拉絲芝士火腿蛋餅) $39芝士好澎湃，可以超級拉絲🥰講真呢個配搭就實無死嘅，但係都有啲細節位抵讚👍🏻蛋餅皮唔會好乾保持到濕潤，Sauce有啲似千島醬再加左蕃茄醬(唔sure😂)酸度比較高，令到整體冇咁膩！🐯薑蔥排骨飯 $58薑蔥加酥炸排骨呢個配搭有少少港式加台式嘅感覺，說實話就冇係好match嘅，但係分開食都幾好食🤣排骨雖然冇係好Juicy，但係甜甜地係滷過再炸！而且都幾大塊！不過依然都係好懷念想當年啱啱開舖嗰陣嗰塊蜜汁排骨🥹真係好正🐯芒果魯肉飯 $58相信呢個配搭，應該有好多人表示奇怪🤣但食落去又覺得幾得意幾襯🤣不過可能近期芒果當造，芒果太甜冇好做到嗰種酸酸甜甜嘅感覺😂魯肉感覺比起台灣食到嘅冇咁偏甜，好似更符合香港人口味～肉肉係大大舊，令人滿足嘅size☺️🐯珍珠奶茶(中)(少甜少冰) $22出乎意料地好飲😂茶底好香，平時🐯係飲微糖，但呢杯就算係少甜都唔會好甜！幾推薦🥰🐯全手作芋頭鮮奶 $19(加配優惠價)就係原材料最真實嘅味道，芋泥加鮮奶🤣相信係糖都冇另外加，芋泥控應該好鐘意😂不過比較細樽～而家餐廳下午茶同晚市都做緊九折優惠，喺附近嘅不妨試吓🤣好抵食！想睇更多分享歡迎follow我哋嘅IG🥰 @tigeatallday…Read More

🍽️今次叫咗：🐯玫瑰醬燴雞腿肉蛋包飯 $138滑蛋超完美，好似一張金澯澯嘅被🤣蛋蛋冇乜味道，整體靠雞腿嘅玫瑰醬調味，玫瑰醬同預期有啲唔同，偏鹹唔甜少少辣，本身期待會更奶味重啲🙈雞腿肉啖啖肉方便食用，都幾嫩～整體不錯，同埋覺得都幾多幾抵食🤣🐯蜜糖無骨炸雞 (半份) $108炸雞好抵食，上枱俾個份量嚇親😂半份都有成6-7件大大舊炸雞，仲有炸年糕、薯條伴碟好豐富！炸雞質素都唔錯🫶🏻薄皮肉汁飽滿不過我哋揀咗蜜糖味就有啲膩😂最後食唔晒，返屋企氣炸返依然好食🥺炸雞推薦！🐯Lulu豬超鬆軟牛角包窩夫 $72相比鹹食甜品相對普通🙈好在價錢唔貴，打下卡都ok🤣有兩件牛角包窩夫，不過就唔到係超鬆軟😂不過不失～🐯甜蜜蜜Lulu 豬奶昔 $48士多啤梨+蕉嘅奶昔～都係影相用🤣唔係好甜正正常常都ok🙌🏻本身都係衝住lulu豬去打卡，冇諗到價錢合理食物質素都唔會失望。佢哋有4間分店，主要都係港島新界，希望遲啲九龍都有分店方便下九龍友🙆🏻當日星期日去食人比較多坐得有啲逼，平日嘅時候去應該會好坐啲～想有下次指數(5粒⭐️為最高)：⭐️⭐️⭐️⭐️…Read More

🍽️今次叫咗：大都烤鴨品嚐晚宴(2位用) $688🐯淮揚雙繡 (酸魚及四喜烤夫)雖然話係酸魚，但又冇真係咁酸🤣糖醋魚柳咁。四喜烤夫類似係紅燒麵筋，甜甜地。🐯大都烤鴨(半隻)熱辣辣嘅薄皮配上油香四溢嘅鴨肉鴨皮，加上配菜減低油膩感，一啖落去好滿足😋配菜有蔥絲、青瓜絲、紫蘿蔔絲同哈密瓜，哈密瓜意外地清新！同片皮鴨好夾～二人份量嚟講可以食得夠喉！🐯元貝鴨絲羮元貝味唔算突岀，唔係好食得出特別之處🤣同一般中菜食到嘅羹差唔多～勝在都幾大碗。🐯黑椒雙蔥爆蝦球好食！黑椒加上洋蔥、彩椒炒好有鑊氣！而且蝦新鮮又大隻！彈牙脆爽～🐯乾煸四季豆呢個都係鑊氣滿滿嘅菜式～惹味但又唔會過鹹，好適合配飯食！🐯淮揚灌湯小籠包(四件)本身跟餐有一籠，但係食完都唔夠喉，再嗌多一籠🤣皮薄而且鮮甜超多汁！記得食嘅時候要小心唔好焫親！餐廳環境都算幾雅致坐得舒服～同長輩食飯揀呢間幾得體，而且食物質素都唔錯。不過定價稍為進取。想有下次指數(5粒⭐️為最高)：⭐️⭐️⭐️…Read More

🍽️今次叫咗：🐯龍蝦拼薑蔥雞飯 $128龍蝦都幾大隻！蝦肉彈牙，食得出好新鮮💦蒜蓉加上蒸魚豉油，簡單嘅調味食到龍蝦嘅清甜～雞都幾嫩滑，俾咗大量薑蔥。但咁啱斬俾我哋個部位比較肥，脂肪比較多🙈呢個價錢有龍蝦有、雞食，真係冇嘢好挑剔😂🐯龍躉飯 $58魚好滑，而且有膠質，食落去啖啖肉都幾滿足！不過略嫌調味唔夠入味🙈有大量粉絲墊底，索晒啲魚汁勁正！🐯凍飲 +$6地鐵站行過去大概15分鐘，午餐時間曬住太陽行都幾熱。嚟食飯嘅大部份都係附近地盤工人，餐廳算係街市範圍，環境都幾差，如果介意用餐環境就最好考慮下。本身都聽講要打電話預留定，早一日打去話當日朝早10點先可以留，應該要取決於當日嘅貨量。除咗海鮮飯，仲有兩餸飯任食，有成十幾款餸可以揀，白飯任裝，性價比真係幾高！想有下次指數(5粒⭐️為最高)：⭐️⭐️⭐️…Read More

🍽今次叫咗：🐯炭烤松阪豬頸肉 $98燒得乾身但唔柴，但略嫌唔夠炭烤嘅感覺🙈配上酸辣汁更惹味～份量適中。🐯飛天空心菜 $72一定冇錯之選😆少少辣，好食～🐯濕炒河粉(雞肉) $78呢個河粉好抵食，勁大碟😂但濕炒真係好濕，好多芡汁，會越食越膩，都係叫返乾炒好啲。另外河粉入面嘅配菜都切得比較大舊，尤其椰菜，冇咁熟有啲硬，令到整體口感差啲。味道方面偏重胡椒粉味，有啲唔係好泰嘅feel😂🐯泰式奶茶(凍) $20係俾呢杯奶茶迷上呢間餐廳🥰泰式奶茶一般好容易過甜，但佢哋奶同茶比例剛剛好🫶🏻茶底香濃而且單點先$20咋🥹中海日升中心仲有一間分店，係觀塘返工不失為個午餐好選擇🙌🏻想有下次指數(5粒⭐️為最高)：⭐️⭐️⭐️⭐️…Read More

🍽今次叫咗：🐯酸菜魚(生魚)(例牌) $188 加寬粉$30好大一盤魚呀！🐟魚肉幾大塊厚肉但亦都好嫩滑。酸酸辣辣好惹味！叫咗少油真係冇咁油膩。寬粉索湯而且煙煙韌韌，建議加配！香港越來越多好食嘅酸菜魚，但呢間湯底酸辣比例適中，而且唔會太油，推薦～🐯燒雞泡魚乾 $68正常貨色😂送酒一流！🐯燒豬頸肉 $68份量略嫌有啲少，價錢相對進取。味道OK的～今次好可惜因為得兩個人叫唔到好多菜式🙈但係呢個酸菜魚絕對值得encore～下次叫多啲朋友一齊食先得！想有下次指數(5粒⭐️為最高)：⭐️⭐️⭐️⭐️想睇更多分享歡迎follow我哋嘅IG🥰 @tigeatallday…Read More

🍽️今次叫咗：日常定食-三項 (定食包含味噌湯、麥茶、正氣黃薑飯/五穀雜炊飯) $100🐯蓮藕五目煑呢款冇乜特別，炆煮嘅蓮藕丁～🐯本菇茶杯蒸蛋好滑溜，一杯有啲唔夠喉😆🐯浸煮高野豆腐片絲瓜其實平時唔太鍾意食絲瓜嘅，但係佢哋煮到冇咗嗰個滑潺潺嘅口感，少少脆身，芡汁比較清甜，無負擔～🐯南瓜薯餅外殼酥脆，裡面好creamy～南瓜甜到好似食緊甜品咁🥰🐯野菜天婦羅有蓮藕、南瓜、蕃薯，炸衣都幾薄，冇配天婦羅汁，可以食到食材最本身嘅味道🤭🐯蘿蔔冬菇車麩關東煑呢個關東煮最特別係入面有一個車麩嘅東西，我哋原本以為佢係柚子皮🤣原來係麵筋嘅一種～索滿晒關東煮嘅湯🤤🐯赤味噌田樂豆腐煎得稍微有啲燶嘅味噌豆腐，但都幾惹味💫應該係咁多款菜式入面相對比較重口味嘅款式。🐯薑蔥汁煑茄子有啲薑蔥絲喺上面，配埋一齊食好似食緊薑蔥炒茄子咁。🐯金平牛蒡普通嘅清炒牛蒡絲。🐯信田卷信田卷係由甜甜嘅腐皮包住紅蘿蔔同西芹，一啖落去幾種食材嘅汁水爆開，清新嘅配搭🍃🐯亞麻籽西蘭花薯蓉唔使好食到亞麻籽～整體係打碎左嘅西蘭花溝落薯蓉。成個自己食晒應該都幾膩🤣🐯山葵鮮淮山入口係滑溜溜咁，冰冰涼涼幾啱夏天💧但呢個🐯真係食唔慣，本身兩樣嘢都唔鐘意🤣由於我哋四個人，我哋將成個Menu嘅小菜揀晒，大家一齊share食🤣個人覺得幾好食嘅係茶杯蒸、南瓜薯餅、野菜天婦羅、味噌豆腐、信田卷～除咗小菜每款都好有心機咁料理之外，連個湯同麥茶都比一般好飲🫶🏻五穀雜糧飯有唔少嘅豆子喺入面，所以睇落份曬細細，但係都幾飽肚。至於正氣黃薑飯就係薑飯嘅味道🤣想食得輕盈啲冇咁負擔嘅時候，呢間餐廳會係唔錯嘅選擇！真係好似食緊屋企煮嘅飯菜咁🫶🏻想有下次指數(5粒⭐️為最高)：⭐️⭐️⭐️⭐️想睇更多分享歡迎follow我哋嘅IG🥰 @tigeatallday…Read More

🍽今次叫咗：🐯北京烤片x6 $78平時北京烤鴨用豆乾代替左，完全食唔出係素食。可能因為加咗甜麵醬，遮到豆乾本身陣味。係一款幾有趣嘅前菜～🐯KFC: 韓式炸素雞粒 $78加咗韓式甜辣醬嘅素雞粒，甜甜辣辣幾惹味！🐯越式撈米粉(室溫)伴香草、炸豆腐、腰果、及大豆炸物配自家製有機檬汁 $138好食！加咗唔同嘅配料豐富左口感層次，令人忽略咗冇肉食嘅遺憾🤣🐯星州喇沙(濃醬汁)花生椰汁咖喱配印度煎餅 $148帶有花生香嘅咖喱配上印度煎餅，簡直係絕配！不過本來咖哩都係香濃、重味道嘅菜式，其實唔需要有肉都好好食～🐯朱古力心太軟配雪糕 $78非常意外餐廳將我哋自己帶嚟嘅蛋糕擺碟擺到咁靚😍正常心太軟嘅味道，但擺盤100分！🐯Soy Shakes (Secret) $68Secret即係朱古力味，雖然係豆奶嘅Milkshake，但係唔算好飲到豆奶嘅味道，都幾似普通嘅奶昔。🐯Soy Shakes (Strawberry) $68士多啤梨好似落重手左檸檬汁有啲怪🙈係中環嚟講定價唔算高，幾款菜式味道都不錯，令人忽略冇肉食嘅遺憾😙環境都靚同特別，幾推薦同朋友慶生！…Read More

🐯PANE N LATTE BURGER $158麵包烘過更為脆身，面頭舖滿芝麻好香。牛肉漢堡扒煎至微微粉紅色，非常juicy，切開流晒啲肉汁😋漢堡夾有炒過嘅甜洋蔥、蘑菇、火箭菜，增加口感層次。惟洋蔥太甜有啲搶fo同甜膩。🐯TAGLIATELLE TRUFFLE CARBONARA $188見到人哋食評有超多黑松露，但我哋變咗幾片白松露，都算打和返🤣超濃厚芝士carbonara，黃色嘅芝士意粉睇落好似蛋包飯😂松露味道唔濃郁，俾芝士搶晒，而且偏鹹好膩。🐯SIGNATURE HAZELNUT GIANDUJA BOMBOLONI $48好甜😂nutella味，麵包體鬆軟，有好多榛子碎。螞蟻星人應該喜愛🐜🐯SIGNATURE CROISSANT BOMBOLONI $Free 好好食！！！見到個樣好普通以為就咁一個包，原來入面有好軟滑嘅custard cream，仲有少少橙花香，而且甜度適中！食完係會意猶未盡🥹強烈推薦呢款甜點💕成間餐廳裝修、職員都令人覺得好似去咗外國旅行咁～叫嘢食之前可以岀去參觀麵包櫃先，返到座位再一次過落單。最後有啲小surprise嘅，送咗個麵包俾我哋🥰見到隔離枱俾錢埋單有收到，仲以為係vip先有🤣平日lunch time去到都半full，好彩即刻有位，如果唔係都要等一陣。食物整體不過不失，有誠意但未算好好食，職員態度親切友善。打卡的話絕對推薦～包保影爆😆想有下次指數(5粒⭐️為最高)：⭐️⭐️⭐️…Read More

🍽今次叫咗：🐯牛油果香芒大蝦沙律 $162有牛油果、芒果、大蝦，第一啖略嫌覺得太酸，但食食吓就覺得幾開胃～不過四個人share每人一兩啖就冇嚕～🐯手撕豬肉配墨西哥芝士粟米薄脆 $158後尾有啲唔夠喉再追加🤣份量都幾多！面頭嘅醬應該係牛油果醬加酸乳酪醬，食落去酸酸地中和左手撕豬肉嘅甜～撒上蕃茄碎、洋蔥粒、橄欖、青椒令到成個nachos都幾fresh😄🐯招牌德國鹹豬手 $308好好食🥹豬手脆皮入口好似薯片咔嚓一聲🥹而且唔會過鹹。大概都有七至八件厚切。伴碟酸菜冇乜酸味，好在點個芥末籽忌廉汁都可以解膩。少少遺憾係冇得一覽原隻未切嘅樣，係切好再上的～🐯肉眼牛扒配肉汁 $248牛扒係全晚最失望🥲一般嚟講呢個價位嘅扒都唔差得去邊，但呢塊一嚟偏薄身，肉質冇好好。二嚟我哋叫咗medium，切開一睇肯定過熟了，口感有啲梅梅地。三嚟調味亦不足，又冇乜牛味。專門食豬嘅地方都係唔好試其他啦😂🐯炸薯條 加配$48薯條幾好食～外面裹住炸粉會更脆口💓🐯士多啤梨香蕉smoothie $68原本好擔心會好甜同好重香蕉味🤣結果比例都啱啱好，不錯👍🏻餐廳氛圍不錯，定價稍高不過適合多人聚餐/慶祝。但最好只點豬為主題嘅食物😂想有下次指數(5粒⭐️為最高)：⭐️⭐️⭐️…Read More

🍽今次叫咗：🐯奶油咖喱魚柳 $68奶油咖喱偏甜，相對比較creamy，唔會辣比較適合大眾口味。魚柳非常好食🥹大大塊而且炸得幾好，魚肉同炸皮唔會好易分離。魚肉滑嫩亦都冇魚腥味。強烈推薦💓🐯香料咖喱軟殼蟹 $75相比起奶油咖喱多咗啲香料嘅味道，唔會好濃郁令人好難接受。比較鹹啲、惹味啲，亦唔會太辣。適合重口味啲人士！不過配軟殼蟹有啲太膩，可能都係配牛羊肉比較夾！🐯蒜蓉烤餅(6片) 跟餐加$15好大份！以為係六片細細片結果係滿滿一籃😍唔係香脆派，煙煙韌韌嘅麵包質地。不過火候控制有啲參差😂我哋兩籃烤餅唔同時間嚟到，一個烤得好啲一個相對冇咁焦黃。🐯芒果乳酪 跟餐加$13唔甜，芒果味唔算濃，重奶味。🐯印度乳酪 跟餐加$13質地濃稠，呢杯奶味更重。好似將原味乳酪飲咗咁🤣唔會太甜。星期五晚去到都差唔多full，餐廳只接受walk in。枱與枱之間嘅隔離比較迫夾，唔算坐得好舒服。但食物質素真係唔錯！價錢亦都好抵😍想有下次指數(5粒⭐️為最高)：⭐️⭐️⭐️⭐️⭐️…Read More

📍Billow大埔大埔滘紅林路2號白鷺湖互動中心地下B號舖我哋去到大埔墟站再轉的士🚕🍽今次叫咗：🐯日本珍寶蠔 $138/2pcs本來想試生牛肉他他，但當日冇晒。職員推薦我哋試呢款當日朝早先運到嘅珍寶蠔。Size係普通生蠔兩倍大🤣處理得幾乾淨，肉質鮮甜肥美，大家食完都覺得意猶未盡😋可惜嘅係其中一隻開岀嚟比較細隻🥹🐯慢燒法式豬腩肉·蘋果蓉·焦糖洋蔥 $268有4件，豬腩肉煮得非常軟熟，肥瘦適中。配上蘋果減低油膩感，脆皮增加層次。旁邊白色嘅醬唔知咩嚟，但係酸酸甜甜都幾特別🤣🐯安格斯牛柳(180g)·封煎鴨肝·薯蓉 ·燒蘆筍 $308我哋叫咗medium，牛柳軟稔、牛味濃。鴨肝入口未到即融但冇膻味，味道不錯。薯蓉幾creamy。🐯燒大虎蝦·龍蝦汁扁意粉 $238除咗大虎蝦外，下面仲有幾隻蝦。龍蝦汁加咗啲蕃茄，龍蝦味唔算明顯，但整體都係一個幾開胃酸甜嘅意粉。🐯 酥脆窩夫 ·黑松露蜜糖·焦糖香蕉·雲呢拿雪糕 $148因為慶祝生日所以叫職員幫手寫左字🤣係牛角包窩夫幾好食，黑松露味都幾濃郁而且意外地夾，但除咗蜜糖仲有焦糖香蕉、cream、雲呢拿雪糕，如果唔share都幾膩。餐廳好難book，要預早兩個星期先至搶到indoor嘅位置🥹食物定價稍高，幾適合拍拖/慶祝/打卡嘅🤍想有下次指數(5粒⭐️為最高)：⭐️⭐️⭐️…Read More

🍽️今次叫咗：🐯串燒拼盤 $86雞、牛、豬串燒各2 及 豬頸肉串燒頗普通，唔睇顏色其實食唔出究竟係咩肉。沙嗲汁剩係得甜味好一般。豬頸肉燒得唔夠喉，份量偏少。🐯新加坡火山包(軟殼蟹) $168覺得賣相有啲圖文不符，唔夠澎湃🥹有軟殼蟹、蝦、青口、蜆，食得岀啲海鮮都係一般貨式，咩價錢就咩質素啦🙈咖喱汁都俾得幾充足，可惜咖喱比較甜，正正常常。計埋啲麵包，其實份量都幾多，兩個人食唔晒。🐯海南雞喇沙摻摻 $76摻摻喺油麵加米粉～喇沙湯底好食嘅，平時可以食到嘅味道，冇乜特色不過正常質素。食到後面有啲鹹。海南雞幾嫩，份量都唔少。原本以為係間Cafe，結果似係街坊新加坡菜😂山長水遠入到去食，所以覺得有啲落差感。不過好在佢定價唔高，性價比都OK，但唔建議專登去食，如果住附近不妨一試。想有下次指數(5粒⭐️為最高)：⭐️⭐️…Read More

🍽今次叫咗：🐯果蜜白桃粉雪冰 $52入面配料都幾豐富！面頭有新鮮白桃粒、白桃果乾同埋cream cheese，一啖落去甜甜鹹鹹咁幾得意。中間牛奶冰好幼滑，配上水蜜桃果醬🍑食到最底仲有粉紅色嘅水蜜桃布甸，好似尋寶咁💓大熱天時食返啖真係透心涼🌬幾鍾意佢新鮮果肉加果乾呢個配搭，一啖可以食到成個桃唔同時期嘅狀態😆🐯青森蘋果氣泡飲 $28呢杯就相對普通，青蘋果果漿+梳打水，有少少青蘋果果粒。我哋覺得完全冇味道，所以都忍唔住問職員拎多杯糖漿😂性價比幾高嘅一間冰品店，希望有機會再試埋其他款式！想有下次指數(5粒⭐️為最高)：⭐️⭐️⭐️⭐️想睇更多分享歡迎follow我哋嘅IG🥰 @tigeatallday…Read More

🍽今次叫咗：🐯蛋包鮮蝦金邊粉 $75外表幾靚，但係由於蛋包包住啲粉搞到有啲黐埋一舊🥹調味偏甜，對我哋而言外觀大於味道。🐯菠蘿海鮮炒飯 $82入面有蝦有魷魚，但啲魷魚冇味好難食，好似嚼香口膠咁🥲炒飯比較稔身，主要都係提子乾同肉鬆味道。🐯燒安格斯牛肉(青檸) $110本來以為係燒牛肉，其實係類似牛肉沙律。酸酸辣辣幾開胃嘅，但牛肉有啲韌。而且睇落好多但入面全部都係椰菜絲。🐯古法咖哩軟殼蟹 $218有啲失望😣軟殼蟹炸粉偏厚，咖喱味道正常。勝在有個蒜茸包可以點下咖喱食。🐯沙嗲串燒(半打)(豬/雞) $82沙嗲調味偏甜，肉量OK，不過不失。🐯飛天通菜 $64認為係全枱最好食😂份量多，有啲辣但係幾惹味。🐯泰式奶茶、泰式凍咖啡、鹹檸七飲品正正常常。服務有啲差強人意。我哋一行五個人，本身坐咗喺隔離鋪六人枱已經睇緊Menu，都坐左15分鐘。後來打算落單時，職員發現我哋係單點，要求我哋轉去第二間舖。離開咗原本個舖位，但其實另外一張枱都未準備好，喺門口等咗一陣先入到去。過到去仲要係一張四人枱，幾位男士迫埋一齊坐根本食唔到飯。職員服務都唔積極，明知我哋四人枱叫五人份量嘅食物其實張枱一定擺唔落，但係見到吉碟都冇盡快收。職員安排混亂，非常影響用餐體驗。而食物質素亦冇到非常吸引可以挽回分數。想有下次指數(5粒⭐️為最高)：⭐️⭐️…Read More