user2234's Profile

原來元朗有手工意粉！但店舖一直都好低調，好少網上宣傳。今日經過門口見到店員推介，店家主打手工意粉，套餐有蘑菇湯加沙律菜，重點係冇加一。真心推介比鍾意食手工意粉嘅朋友！叫咗佢哋嘅招牌北海道蟹肉特濃蟹膏意粉$98，出面實在好難搵到咁高性價比嘅手工意粉。 意粉黎到嚟超級震撼，好大碟，而且非常多忌廉汁，完全唔會驚唔夠汁。因為係手工意粉嘅關係，所以都食得出蛋香味，而且有咬口，食完超級滿足！店員態度都好nice，學生仲有學生優惠，呢間小店真係好用心，希望大家多多支持，等佢繼續生存落去。…Read More

下午茶時間心血來潮想食吐司，估唔到元朗都有間吐司店，店家標明吐司內嘅炒滑蛋係「400次滑蛋」，感覺應該好滑，即刻吸引到我試！今次叫嘅吐司係「煙三文魚+牛油果+400次滑蛋」，吐司個出乎預期地脆口，帶有蜜糖嘅香甜，少少似BBQ個種牛油蜜糖燒方包，好有驚喜！400次滑蛋果然好香滑，未食之前已聞到蛋香，非常值得一試。略有不足係牛油果略生，唔夠熟，但整體都唔錯的～星期一至五買吐司，仲送薯餅同飲品，總共$50，抵食👍🏻…Read More

意式雪糕gelato就食得多但材料係由本地農作物製成就好難得！今次試左「本地紅菜頭冧酒提子」同埋「本地花生醬」🥰兩種係唔同風格✨紅菜頭就係清新，清甜味道，帶有雪芭口感，仲食到紅菜頭嘅果肉，夏天熱辣辣食就非常適合💦 好解渴👍🏻本地花生醬口感非常濃郁，除左雪糕本身都有超強花生味，面頭再灑左啲花生碎同少少鹽，好夾而且食完非常滿足🥰另外非常欣賞店主們理念，著重環保同生態保育，如果有需要外賣都會建議大家自備食物盒呢～其實仲有好多款都想試，仲有有咖啡同手工蛋糕，留返下次！ …Read More

相信大家都知無肉食係做開自助餐，但係而家防疫措施限制，已經少左好多人出街食自助餐。所以無肉食推出左$50午餐，全部自助餐嘅茶式都任裝。$50午餐飯盒，包2個盒，一個大同一個細。大盒就係圖上呢個，主要放主食。另外細盒係膠盒，主要放湯/糖水，不過我驚食唔哂就無用到🙈現場菜式全部都任裝，唔同時段菜式會有輕微改變。主食除左白飯之外，亦有炒粉麵，亦有甜品、沙律、炸物，好多選擇😋啱哂平時lunch食到悶，唔知食咩好嘅朋友～…Read More

平時食拉麵食得多，全部都係豬骨湯底/海老湯底，用菇熬製做拉麵的湯底就第一次食！今次叫左「無可能真係豬柳強拉麵」，配四菇濃湯底。如果事先唔知，呢塊豬柳強真係同真嘅豬柳強差唔多味🤣 如果鍾意肉嘅人，想嘗試下食素，呢個都係唔錯嘅入門推薦～ 佢個湯底雖然無用到肉，但都非常濃郁，似係經長時間熬製，特別用心！真係飲到菇香味，令人想飲哂成碗湯佢。食完之後都唔覺得口乾，非常舒服，應該係無加味精而且真材實料煮出嚟～整體來講，素食拉麵真係好難得，而且水準亦高，可以俾素食者更多選擇，希望小店可以撐住💛…Read More

早幾日去長洲玩嘅時候見到呢間新開串燒舖，俾佢個平安包吸引住，第一次見流沙奶黃嘅平安包！見佢都有好多串燒食，決定入去試試。一坐低睇佢餐牌都幾多野食，諗食咩都諗左一段時間😆 流沙奶黃脆脆平安包一串有兩個，無諗過平安包都可以咁好食呢個平安包除左可以打卡，個餡先係重點，一咬落去已經流哂奶黃出嚟，超多奶黃。而且係即叫即製，所以熱辣辣食就最好味～ 脆脆松露包包嘅外形成隻大啡菇咁，好精美！外面微微脆口，入面係松露菇餡，好軟熟辛辣明太子手羽食串燒當然唔少得佢，入面滿滿都係明太子，仲有豐富肉汁～燒翠玉瓜、燒菠蘿當然要食返啲菜啦～佢菜類選擇都幾多我諗食素嘅朋友都啱嚟日本小甘薯一啖一粒，非常香甜煉奶油炸鬼仔未試過，幾得意，有啲似食緊炸饅頭桂花蜜漬車厘茄最後食埋呢個當甜品，感覺好似健康啲車厘茄都有心思，加左桂花蜜，令甜度非常得宜，唔會好似平時食車厘茄好酸咁。不得不提，呢度竟然有得賣Asahi烏龍茶！之前超鍾意飲但唔係周圍有！終於可以飲返啦～串燒舖入面貼左好多舊式poster，有種懷舊嘅香港風格，好親切。整體來講，入面環境都算大，多位坐，坐得幾舒服～ 好適合放假同朋友嚟慢慢食野，坐低傾計。流沙奶黃平安包絕對值得一試，其他串燒亦都好夠味，驚食唔飽仲可以叫埋其他主食。佢個蝦籽撈麵我都好想試，但食兩個包實在太飽啦，可能下次再嚟先再試埋佢！…Read More

太子呢間新Cafe，飲品同長洲角酪聯乘終於可以唔洗去長洲都飲到乳酪，所以就即刻去試下!莓莓角酪($42)去過長洲角酪既人一定會認得!之前去親長洲都排哂長龍先買到呢度暫時但唔多人，仲可以坐低慢慢飲味道唔會好甜，酸酸甜甜，好開胃清新，完全係長洲角酪個隻味我問過店員，佢地都有得就咁外賣飲品下次買返屋企慢慢歎都得~All Day Breakfast ($108)鍾意食All Day Breakfast的人一定要試! 首先佢份量真係好大份，食材同出面既All Day Breakfast有少少唔同佢入面有個"雀巢"咁既薯餅，有條條新鮮薯仔絲係入面食落脆卜卜，其他地方應該好少見，幾特別仲有我最鍾意既大啡菇，上面有厚厚的芝士大啡菇食落超juicy，好滿足同埋塊多士都幾特別，唔係用一般普通方包做係用丹麥多士，好酥脆，再加埋佢吸收左D糖漿雖然感覺邪惡左，但真係好好味! 間中食下係唔錯~濃厚芋泥山($88)滿滿的芋泥蓉，入面係海綿蛋糕芋泥蓉同蛋糕都唔會好甜，好香芋頭味唔係出面甜到漏個種芋泥，係真係芋頭蓉既味，同埋感覺無咁肥但係佢真係好大份，一個女仔應該會食唔哂適合兩個朋友share食就最好Overall都唔錯環境都好適服，入面好大，唔係坐得好迫個種cafe同埋整體裝修同色調幾靚，慢慢坐影下相都OK，店員好nice良心小店值得支持!…Read More