mccartneyy's Profile

行過見到呢間一直想試既古早味蛋糕，平時大排長龍，今日時間早少少，一於排隊試試佢。出爐時間門口有個牌寫住，想食就要就岩時間趁早排隊買黎食！full晒既就無架喇！排住隊都嗅到香噴噴既蛋香味呀...只有外賣既古早味蛋糕，買返屋企同屋企人開心share... 我就買左原味（$55）都好大盒！食落好鬆軟，兼且真係有好香既雞蛋鮮奶味.... 但認為未有好大驚喜... 期待試其他吾同口味既蛋糕係熱辣辣既時候係最好食架！…Read More

今日黎左《但馬屋》打邊爐，之前都試過晚市食，但要等個幾鐘以上... 所以擇左lunch hour黎食，仲有少人d，吾洗等位:)一試再試梗有佢既原因，一人一鍋吾洗爭之餘，價錢有平有貴，任君選擇，食材都好新鮮，同埋環境乾淨，仲有好多蔬菜丸飲品類自助挑選我就擇左平平地既牛肉、豚肉午市套餐 （$79加一），湯底就擇左美肌鍋同蕃茄芝士鍋。蕃茄味好重，但食吾到有芝士既味😂牛肉、豚肉都好薄，但即場切，感覺都好新鮮！至於美肌鍋味道很淡，雞肉鮮嫩，不過女士聽到都會想試。飲品方面，有好多選擇... 比較推介呢兩款韓國樂天飲品，好好飲得60分鐘，係食得比較急少少、時間多d就更good了…Read More

其實之前上網都有留意開呢間野，之前做野經過呢頭，梗係要買返件試試佢喇佢每日限量供應架，今次就有呢四款。聽講每日既款式都吾同，而且出爐時間只有兩段時間，而且仲有限買，大家想試既話吾好撲空啊....櫃入面放滿一個個吾同口味既大大泡芙，好吸引我就嗌左個阿華田脆脆麻糬，個皮食落好脆同鬆軟，咬落去都食到啖啖麻糬，黏黏地同食落煙煙韌韌，另外d cream好多好滑，有好香既阿華田味，食到成咀都係而且打卡好一流，一定會再黎食其他口味…Read More

朋友今日帶我去食生日飯 門面隻牛牛紅噹噹好搶鏡！我地專登早少少walkin排隊，因為四人以下無得book位....排左陣就開市喇:)我地安排到一個位置. 環境都好法國feel🇫🇷 呢間法國扒房用餐你係吾洗諗菜式！因為佢只有一款餐單，就係牛扒跟薯條牛扒只需要擇生熟度就得了，岩晒有選擇困難既我喇牛扒就嗌左medium，侍應就會寫係枱面。就係似相入面個‘’M‘’字，方便佢地上。前菜就有核桃蔬菜沙律配油醋汁，好開胃仲有法包，外脆內軟，配上香濃既牛油，正牛扒用上Prime 肉眼扒，外面烤得幾靚，充滿炭香味，下面用蠟燭heat住件牛扒，慢慢食吾怕凍！另外附上左佢地既餐廳自制醬汁，多重口感！不過靜係咁炭香味都夠做我認為下次再食可以叫生少少既medium rare，咁就更好因為heat住驚牛排過熟。薯條係可以不斷refill既，但係我地覺得好咸，因為好多鹽..... 希望下次去食有改善喇建議大家想食就早d去排隊喇，因為好快滿場…Read More

今日去左食晏，諗住去支持下小店，行過就搵到呢間了。我地就嗌左個車厘茄長通粉 （$58），味道ok，有好大陣蒜油味，影相出黎就好似份量大兜，但份量其實好少，晏就黎講吾飽肚跟餐有沙律同埋忌廉蘑菇湯配牛角包。牛角包食落幾脆，又熱辣辣，配湯吾錯之後嗌多個全日早餐 （$108），有黑松露炒蛋、茄汁豆、蜜糖雞翼、魚手指仲有兩款腸仔。另外一樣有跟沙律同埋忌廉蘑菇湯配牛角包。首先想講下個茄汁豆，食落口好凍😾 同埋吾淋。未食過咁難食既茄汁豆，另外其他都好油，我覺得呢個不值一吃餐飲就跟餐嗌左蜂蜜紅茶同埋凍既蜜桃紅茶（+$3），味道都吾錯👍🏼…Read More

星期五黎講度到食飯都好多人，尤其係旺角區，朋友就提議食花園餐廳，去到發現都幾多人去食，好采既係等左一陣就有位了。:)扒既款式都好多，我地分別叫左西冷牛扒同黑椒牛柳，五成同七成熟。扒都好大件，吾洗加飯都夠做，不過鋸開黎睇，五成熟都偏熟。黑椒汁黎講都無得輸，另外仲配有薯菜...前菜就有餐湯，羅宋湯同忌廉湯。雖然有好多人好繁忙，但主菜就好快有得食 同埋侍應態度都幾有禮貌仲有好味既餐包。餐飲正正常常無乜特別。埋單around $300內…Read More

同朋友行開旺角想搵間野食下傾下計，上網就搵到呢間樓上cafe. 一入到去環境都大，自由選擇坐位，雖然好優閑吾會趕你走，但燈光昏黃昏暗，坐得耐對眼都幾攰下其實。我地嗌左個忌廉明太子三文魚意粉🍝（$108），賣相都okay，食落好creamy好味... 肚餓好快清晒吞拿魚碎蛋芝士牛角包🥐 （$58）料都多，入面既生菜、芝士同沙律醬等等都好夾 食落好滋味本身想叫個輕食d既小食- - 雞翼，但無售。最後就嗌左個炸物拼盤（$118），有薯條🍟、薯圈、洋蔥圈、炸蟹捧、炸蝦🍤、炸龍利柳等等好多炸物選擇 份量都好多....野飲方面就嗌左茉莉花、桂花茶飲。可免費加水😌總結係：食物環境吾錯、岩晒同朋友chill既地方；但上菜速度較慢，不過職員都好有禮貌…Read More

APT = A personal tailor👩🏻‍🍳🧑🏻‍🍳👨🏽‍🍳位於灣仔既一間走簡約風格cafe。咖啡或者係多士、沙律等就如其名，可以按自己既喜好自由配搭。餐牌都非常簡潔，如果有咩吾清楚，店員都樂意解釋。我就嗌左 3 topping ($80) ，fig & walnut bread with lemon cream cheese. 至於 toppings，就有soft- boiled eggs🥚，avocado🥑 (+$12) & smoked salmon (+$20) - 牛油果🥑三文魚好新鮮- 牛油果有一片片 仲有醬，口感可以好吾一樣- 配不同種類果仁味道好搭，有驚喜飲品方面就嗌左杯passionfruit soda ($42)- 百香果既果肉好香👍🏼- 不過飲落都偏酸😖朋友就嗌左 3 topping ($80) ，sourdough bread with lemon cream cheese. 至於 toppings，就有scrambled eggs 🍳 ，asparagus (+$12) & smoked salmon (+$20) - 炒蛋+盧荀既配搭 🉐💯💯💯- 濟cream cheese 配三文魚，簡單得黎都好好味總結黎講：兩者相比，面包底方面，下次我會擇sourdough bread，食落面包較軟熟同埋較好味。另外既係，預先打去book位吾洗等咁耐下次會再黎chill下…Read More

係openrice見到環境都幾靚，主打泰式fusion菜又好吸引，而評論又講到好好咁，就book左同d朋友黎試下。炭燒豬頸肉·椰糖芫茜辣辣汁（$118）豬頸肉幾爽口+香口，配埋個辣汁都幾開胃架。炸軟殼蟹青木瓜沙律 （$86）呢個配搭係幾特別既，但係食落吾係話特別match。雖然係炸，但軟殼蟹食落好淋。斑蘭青咖喱烤雞（$108）+油酥手抓薄餅（4片）（$52）對於食吾到好辣既我黎講食落口係覺得幾辣下，但辣得黎幾過癮，咖哩偏甜身，而雞肉都算大份同嫩滑既.... 想食下啲汁既同時，就撕d薄餅黎點下，咁就易ko呢碟菜喇！燒菠蘿蟹肉炒飯 （$138）菠蘿都燒得幾甜，我特別鍾意佢既腰果、肉鬆、提子乾。撈埋蟹肉、炒飯一齊食好特別蝶豆花椰子奶蓋 （$48）買相吾錯，味道清新但偏淡。泰國珍珠奶茶奶蓋 （$48）玫瑰蘋果茶 （$32）…Read More

今日又去左試新野，平時行呢個商場都吾係好覺眼有呢間上海野。一入到去，原來都幾大間之餘，設計上都幾時尚。茶包係可以因應自己喜好去選擇，而我擇左普洱。想飲咩自己擇吾洗同人爭。小籠包（$36），皮薄多汁，熱辣辣好味道至於呢個火腿津白（$75），火腿好咸，菜就好淡味，而且一大紮，好難趙開....上海粗炒（$68），食落濕濕地，做吾到個隻乾身既口感...酸菜魚🐟 吾太辣又吾太酸🌶 魚肉係滑既 至但係味道覺得一般除左小籠包值得再食之外，我認為其他可以吾洗再嗌。…Read More

除左多人之外，係呢頭返工食晏真係好多選擇，今日就擇左食泰國菜。一入到去個環境就好似置身係泰國，裝修都好特別 暗暗地非常有氣氛！我就嗌左個午餐套餐1 - - - 泰式海南雞飯配熱奶茶 （$75要另加一、熱飲外其他都要加錢）有d似日式便當🍱首先d蔬菜食落都暖暖地，可以清減一下d油膩既味道。另外油飯都ok主菜海南雞既肉都好滑嫩又吾會話好肥膩，食落都感覺健康。再加埋姜蓉同埋泰式醬汁配搭油飯，食落好滋味 食完再飲個湯，入面有冬瓜，幾清甜可口最後食完仲附送一件甜品，椰汁味重，很特別既糕點…Read More

今日同事帶我去食好西，食日本菜🇯🇵。 地理位置方面真係吾帶吾識路.... 因為佢吾係大街位置，而且門面望落黑蚊蚊，行過都會以為係d高檔貴價野。入到去店面細細咁，但原來有個神秘既通道上去上邊二樓。環境都好日式，而且都容納到一大班三伍知己黎食添啊午市黎講都有好多選擇，樣樣都好吸引呀！不過價位普遍都要百幾蚊...首先就黎左個沙律🥗，蕃茄仔都好鮮甜。我就嗌左個天婦羅🍤烏冬壽司定食（$98）再要加一。 烏冬份量都好多下食完好飽肚。天婦羅炸到好甘香，吾會話好多炸粉，食落都好香脆可口 令人想一食再食另外就附有三件壽司，望落色澤都好靚好新鮮，而且食落入口即溶既感覺，好正啊食完真係吾夠喉呀 下次一定會再來食百幾蚊我覺得物超所值 推介…Read More

個個因為豬什慕名而來，但我就想試返平時食到既睇下有無咩料到。門口同內裡既設計裝橫其實都幾吸引，有d似傳統既舊式店舖。平時見到都大排長龍，單人匹馬去係易搵d位既！我就嗌左墨魚丸加魚皮餃兩個餸，首先試左個湯底，係好鮮甜，亦都幾清下... 都幾好味...墨魚丸同平時食開個d都幾吾同下，平時個d食落去都好粉下... 但呢個吾同之處係在於好爽甜彈牙 而魚皮餃雖然同平時個d無咩吾同，米粉份量，係女仔黎講我都係覺得僅僅夠飽.... …Read More

今日黎左一間環境好正既地方食lunch打邊爐，吾好以為好似好貴咁，其實都只係$55蚊 （再加一服務費）咋！任選三款，如果想再加野食都係每款另加$8咋野飲menu都有好多選擇入面既環境都幾靚幾大，樓底都好高，仲有落地大玻璃俾你欣賞下風景我地當然叫左一人一鍋啦而我就叫左個田園新鮮番茄湯底，味道清甜，都唔錯！仲跟左個飯添啊！本身就有粟米、芽菜等配菜。而配料方面我就要左魚皮餃、芝士腸同埋雲吞餃既 女仔黎講食完都幾飽....野飲方面我就叫左杯盆栽珍珠奶茶，份量真係好大杯而且係吾洗加錢就有得飲 珍珠既口感又有咬口....濟飲野都好抵呀！總結黎講有咁既環境食咁抵既中午飯都真心抵同行朋友推介香辣三杯雞湯底，可以試試佢…Read More

今日就黎左呢間有別一般既壽司店黎食個晏，因為間鋪都比較舊舊地既感覺。Lunch時間咁我就嗌左個特價午餐，壽司湯烏冬 （$53），上菜都好迅速，其實本身都擔心食得吾飽，但食完都岩岩好的。烏冬既口感吾係稻庭烏冬又扁又軟，而係好似讚岐烏冬咁又圓又粗，食落好有咬口，好煙韌。 湯底無太大味精味，份量都多。壽司黎講有五款，分別係三文魚壽司（兩件）、象拔蚌、甘蝦同玻璃蝦壽司各一。 壽司黎講都吾錯，都幾新鮮，而且飯都暖暖地。雖然門面好簡陋，但都有隱藏美食而且個價位都算平，同行朋友推介食咖哩飯，下次試試佢先…Read More