Miss Kei Ting's Profile

今次係第二次去甘味食之前食過大角咀奧海城間分店,味道麻麻不過今次再食,沙田哩間分店真係好味好多我相信我同老公會再黎食老公點左豬扒撈烏冬我食左兩啖,d烏冬好滑不過豬扒皮淋晒,扣分同埋我都想知正宗既撈烏冬係唔係都會有d湯係底?我點左喬麥冷麵 $38雖然係剩麵冇餸,只有少量紫菜絲 + 青瓜絲做配料而且d麵本身係冇咩味但點完佢既冷麵汁再食,真係好味好多,麵好爽身,入口凍凍地,夏天食一流另外仲叫左個炸魷魚 $2x味道一般,好咸而且炸粉多炸到個皮都硬硬地食落似KFC 炸雞…Read More

菠蘿蛋糕 $5一個,買5送1蛋糕鬆軟,有蛋味面層仲有一塊薄薄既菠蘿片雖然已經係冇晒水份不過同蛋糕一齊食,味道又出奇到夾雖然包裝上的確係幾唔環保每個蛋糕仔佢都會用錫紙托+膠袋仔包住但可見幾蚊個蛋糕,用料都唔會馬虎…Read More

平時其實唔多去甜品店食甜品不過今日既然行開紅磡,就專程黎一試openrice都幾高好評既哩間甜品店點左兩款甜品summer $23個碗裝到滿晒,份量十足佢係刨冰 + 士多啤梨漿 + 生果另外,佢仲用左jelly做底食完真係透心涼老公仲話好味過旺角石磨x既刨冰不過對我黎講,略嫌冰粒粗左少少,未至於係入口即溶焗雪山 $30哩款甜品真係要推介大家一試面層係又厚又軟綿綿又暖暖地既蛋白,入口即溶接住係好大球既雪呢拿味雪糕(雪糕可以揀雪呢拿,朱古力,芒果或士多啤梨)最後係用海綿蛋糕做底蛋白+雪糕+蛋糕一大啖一齊食,口感好特別,好味另外,店主有禮貌,殷勤既服務態度亦值得一讚幾十蚊食到口感特別,用料十足既甜品絕對值得下次再黎食…Read More

最近食過兩次媽咪雞仔蛋原味雞蛋仔,朱古力雞蛋仔,格仔餅都食過原味雞蛋仔 $10 雖然未至於每粒雞蛋仔都注滿蛋漿,實心冇小孔但外脆內軟,有蛋味,好味!朱古力雞蛋仔 $12以往食過既朱古力雞蛋仔都係朱古力融晒係蛋漿,啡色一底,冇朱古力味但今次係第一次食咁有朱古力味既朱古力雞蛋仔!真係食到有一粒粒朱古力格仔餅 $10第一次食咁個皮咁脆既格仔餅脆到咬落去係有聲雖然都好好味,有雞味不過就略嫌少醬d,同埋個皮太脆硬左d以上3款,我覺得原味雞蛋仔最好味雖然每次買都要等約15-20分鐘,好多人幫襯但一定會再食第一次食到咁高質素既雞蛋仔,格仔餅…Read More

見operice都幾多好評,本身滿懷期待,但食完真係大失所望點左兩款甜品 - 珠火寶氣($28) + 盧薈冰鑽(唔記得$25 / $26)珠光寶氣雖然有好多生果,有西瓜,哈密瓜,香蕉,火龍果,芒果亦有好多配料,好有口感,有黑珍珠,爆爆珠,西米,椰果但味道好淡一上檯見碗面有好多芒果汁以為會好香好濃芒果味但食落似加左好多水,溝淡晒d味冇芒果味,扣晒分蘆蓍冰鑽係老公食,不過我都食左幾啖佢其實係蘆薈西米露不過我都唔肯定佢係唔係西米,因為食落係比較硬身哩款甜品味道就冇咁淡但只係食得出好重奶味,似係加左好多煉奶定係花奶總括黎講,兩款甜品都唔好味或者係個人口味,唔鐘意食咁淡味既甜品但食完兩碗甜品,完全食唔出甜品應有既「甜」失望:(…Read More

其實通菜街食日本野既餐廳好多同老公都試左好幾間係operice見到哩間御之拉麵屋都幾多心心,評分好似唔錯所以就同老公黎食lunch我叫左個金茹豆腐肥牛鍋送一碗白飯 + 一碗魚翅湯白飯唔咪珍珠米,失望魚翅湯好重味精味,老公仲話見到d侍應放入微波爐翻熱金茹肥牛鍋好足料,肥牛,豆茹全部份量都好多,足夠二人食用不過都係好重味精味,好鹹總括黎講係抵食,$4x大大鍋,不過味道唔得佢好似有做放題但食過今餐之後,真係吸引唔到我再食佢既放題…Read More

本身老公book左位7:00pm我地早左去,6:35pm就到店員都為我地安排座位因為第一次去,冇諗過d位係咁迫,要同另一對情侶搭檯佢有限時間,比我地食1小時15分鐘7:45pm last order,8:15pm要埋單雖然都夠時間食,不過時間算小,一般放題好似都可以食2小時由於好肚餓,所以一開波刺身,炸物,壽司樣樣都有落單,食得好冇次序刺身 : 貝柱,三文魚,八爪魚,黃金墨魚,蝦,飽魚片 (竟然冇我最鐘意食既北寄貝?!)壽司 : 八爪魚壽司,蟹子壽司,甜蝦壽司,玉子壽司(嚴重漏單,本身仲點左幾客和牛,黃金蝦,全部都冇到)串燒 : 雞翼串燒,雞肉串燒 (雞肉唔好食,肉質好鞋)炸物 : 魷魚鬚,蝦球,海老天婦羅,炸餃子(魷魚鬚最好味又唔厚粉. 炸蝦天婦羅都唔錯,蝦肉唔霉,炸粉厚度都ok,接受到)其他 : 八爪魚丸,一口牛,迷你冷茶麵,豬軟骨(八爪魚丸最好味! 燒得剛剛好,裡面熱辣辣又帶點流質狀態. 豬軟骨都好味)甜品 : 是日甜品 - 紅豆糕(疑似紅豆布甸,都食到有少少紅豆味,但好溶好淋pat pat既感覺,未至於難食,但味道一般)雖然上菜速度都好快,一上就差唔多全部跟住上但講真食物選擇唔多,食物質素亦未見特出(雖然以每人$163價錢都算合格啦)同老公食完第一round,已經諗唔到第二round叫乜,冇咩想再order又係個句 : 同價錢仲有好多選擇所以未必會再食…Read More

7點幾行到去,已經見到門口好多人等緊位等左成個鐘先入到去食左 :三文魚刺身 (我唔食三文魚所以冇食,不過見色澤麻麻,應該都唔太新鮮)吉列炸蝦卷 (睇就好似好大件好抵食,實際係多飯蝦細 -_-)玉子壽司 (又係蛋係凍既玉子壽司,我都係鐘意食蛋係暖既多d)八爪魚壽司 (好長既八爪魚,不過不失啦)炸餃子 (放係鐵板上,等左好耐,應該都係即炸,唔咪微波爐翻熱,都好味,略嫌炸粉厚左d)金茹肥牛卷 (同樣係放係鐵板上,熱辣辣,肥牛肥瘦均勻,全晚最好味!)另外仲要彈一彈環境,d位勁迫勁窄店員見你一食完,即刻過黎幫你執''木台'',出單比你埋單,擺明你食完就趕你走其實價錢唔算平,但質素只屬一般所以未必會再食老公都話 : 同價錢同質素仲有好多選擇…Read More

近排食左兩次B仔涼粉不過比預期失望真係咁好食? 真係值哩個價錢?講真價錢唔算平相同價錢仲有好多選擇,所以未必會再黎食第一次食左:芒果糯米糍 - 皮夠薄又煙韌,包住大大粒好甜既芒果,好味芒果班戟 - 皮夠薄,芒果都夠甜,不過太多cream芒果腸粉 - 腸粉好滑,不過芒果好酸,扣晒分!第二次食左:芒果糯米糍 - 食過翻尋味,不過今次芒果好酸,扣分!芒果冰以為係刨冰,點知原來係一杯芒果汁,冇冰既感覺不過芒果好甜,飲得出係鮮榨腸粉 - 冇咩特別,又唔滑,味道一般另外,今次服務既女店員態度真係需要改善一下上甜品時,就咁拋係 ''木台' '面倒瀉左少少又唔講句唔好意思:(…Read More

聽聞劉森記蝦子撈麵好出名專登同老公過黎深水埗一試叫左個三拼撈麵(蝦子、墨魚丸、雲吞) $32其實唔味幾明點解蝦子要計其中一拼?我見佢個餐牌差唔多每款麵都會有蝦子原本以為三拼係可以揀三款餸...麵好爽身,唔淋,煮得剛剛好,唔重鹼水味雲吞隻蝦亦新鮮蝦子雖然係好多,鋪滿晒麵面不過冇蝦子香味總概黎講冇預期咁好味…Read More

一間裝修幾懷舊既鋪頭同老公兩個人點左一碗熱豆腐花$7 , 一杯凍豆漿$4滑一滑既豆腐花,好味!好味過旺角既呀媽豆腐花不過略嫌豆味唔算太濃豆漿就比較有豆香味而且有一種同平時飲開既豆漿好唔同既味道有少少似百褔黑豆漿既味道不過唯一美中不足係衛生都幾差可能我同老公坐正對住廚房個位地下濕笠笠又有蚊滋係側邊飛:(…Read More

一間唔太起眼,茶廳式既西餐廳估唔到會令我食到又滿足又滿意既一餐:)是日除夕夜晚餐,點左兩個餐:1)焗田螺牛扒餐 (蒜蓉汁,7成熟,配薯菜)2)美國空運西冷牛扒餐 (黑椒汁,7成熟,配薯菜)先黎蒜蓉包,熱辣辣好脆,不過覺得油左d應該係搽左好多牛油係麵包面,再拎去焗?接住係餐湯,都幾多料羅宋湯到主菜出場,薯蓉焗田螺,牛扒薯蓉焗田螺雖然我都係覺得油左d,應該加左好多牛油焗不過好好味,好鐘意食d薯蓉至於牛扒份量非常夠絕對稱得上抵食夾大件(哈哈 師奶仔心態)兩件扒都叫左7成熟,切開肉有少少紅,但冇血滲出肉質好淋,唔會靭,好味:) 食完咁大件既扒已經好飽點知店員送上免費既朱古力雲呢拿雪糕球4小粒老公話冇咩特別,超級市場都有得買埋完單走個陣,店員仲好有笑容講左句「多謝晒,新年快樂」今時今日有哩種服務態度,加分:)值得再黎食…Read More

慶祝我生日 + 第一次同老公過聖誕老公一早book定位,帶我黎松坂食日式放題我第一次食日式放題:)雖然望完張order紙,已經覺得食物款式唔算多不過都叫左好多野食,有d仲叫左兩次刺身:北寄貝,蝦.三文魚,魷魚,赤貝(都算新鮮):炸物:炸帶子,炸餃子,炸蝦(雖然蝦都幾新鮮,d肉唔咪淋pat pat,不過好厚粉,扣分!)壽司:芝麻炸蝦卷(隻蝦都係比較厚粉)燒物:燒肥牛金茹卷,燒蒜香牛肉卷(兩款都好味),雞串(似急凍貨再翻熱),雞軟骨串,多春魚其他小食:炒牙菜,焗芝士帆立貝(免費送,略嫌太多芝士,好油膩)最後黎多一客紅豆雪糕(拎到黎已經有少少溶,不過都好味)另外,店員服務態度值得一讚招呼唔錯,又經常主動幫你收碟.加水加飲品總概黎講哩間日式放題值得一食:)…Read More

之前睇過雜誌介紹十勝庵紅豆魚仔餅已經覺得好吸引今日專登行過黎禾輋一試紅豆魚仔餅 $13可惜....凍冰冰既一個餅(唉我又唔醒水叫個店員幫我翻熱)個皮已經凍到有少少靭紅豆份量又少我覺得大判燒仲好味佢:(可能係我食得唔合時,食左d凍冰冰既賣剩餅又可能如果個魚仔餅係熱辣辣,會好味好多不過我諗再食機會都幾微…Read More

是日晚餐 :五香牛肉+ 菜肉水餃雙拼刀削麵 $33 (送凍豆漿一杯)麻辣豬肚 $16先講刀削麵其實我係第一次食每塊麵厚度平均食落煙煙韌韌口感幾特別有少少似食緊年糕而且麵既份量亦相當多足夠二人食用另外,菜肉水餃幾好味,好入味由於我唔食辣所以老公一個人食晒成碟豬肚老公話食完個嘴好麻總括黎講一試無妨:)…Read More