ar_gum's Profile

今日途經此麵包店，驚見長長人龍，師傅不停捧出一鑼鑼新鮮出爐既菠蘿包，香氣撲鼻，難怪大家都為此而追著龍尾去。店主手腳十分快速，所以等了不到五分鐘便買到了。店後有數座位都滿座了，我們只好買完到一旁的長櫈去。一個菠蘿油一個淨包加個葡撻 有98分美味 皮脆香甜，內包鬆軟。可惜的是剛出爐太太太熱，菠蘿油塊油五秒溶哂，無左個種冷熱交集的口感。菠蘿包都係，放涼五分鐘既口感會更為好味。相比菠蘿包，葡撻一般較為油膩，甜度適中，不過對於本人來說可以再甜一點。酥皮鬆化，饀料香滑，也是因為太熱的關係，要就住食就無咁爽了。最後，依然喜愛及會為菠蘿包再光臨此小店 :) …Read More

今晚突然好想食韓餐@.@上OPENRICE睇到呢間咁多好評又係沙田附近, 一於黎試下首先, 係唔近大圍站, 都要行成10-15分鐘 不過...去完我倆都係大滿足的, 所以大家不防去下啦平日晚餐時間唔係好爆,唔駛等位,正!大部份都韓國服務員,令我們都以為真係去左韓國咁(無錯,就係咁敷淺地代入左)一見到個餐牌已經心花怒放因為有好幾款菜色都可唔辣的前菜和紫菜湯會自動送上，大豆芽勁好味，湯也不是味精湯;)芝士蛋豚肉炒飯服務員來炒時表現專業，也不像我們以前吃到的一團濕飯蛋和芝士融合後會放在飯面，甜甜的燒汁加上芝士蛋漿確是十個美味，還是在我們枱上炒完熱辣辣的端上十分貼心 :) 部隊鍋 也可以不辣太好了，我們都不能吃辣，或者因此湯味較淡，無十分特別的感覺，平時吃開的午餐肉變成了韓版魚糕，本人來說一般一般。忌廉柚子沙冰來時已沒什麼沙冰了，忌廉汔水味也蓋過了柚子味，像喝一般汔水，一般一般。但我們還是會再次光臨因為環境舒適，服務有禮，豚肉飯給我們印象很好，想再挑戰其實美食呢 :) …Read More

平日黎，唔多人不過即叫即做，所以都要等五至十分鐘。不過等都可以係享受，就係望住佢整，幾特別既味道就有幾特別既做法。爆漿蜂蜜雞蛋仔驚喜一，一攞到手，一搣，就爆哂d蜂蜜出黎。 驚喜二，原來係蜂蜜爆珠，又幾新穎bor。 外脆，内軟，達到大眾對雞蛋仔既要求，咁佢贏既，一定係多種特別口味。蜂蜜雞蛋仔，味道相比其他的清淡，但帶微微的清甜，可以同時食到蛋漿的香味，唔會容易食滯，又唔會食到乾口，因為每粒都有蜂蜜滋潤一下。 下次要試埋其他口味呢~~ …Read More

初嘗荃灣的豆腐花小時候吃豆腐花最緊要凍，長大了吃豆腐花最緊要落黃糖，人再大了才懂得吃豆花的豆味。拿，以上只代表個人口味… 未見其鋪先見其隊，看來大家都十分喜歡這間鋪頭的豆花，一邊排隊一邊看有什麼吃，本想吃一碗黃豆， 一碗黑豆，可惜黑豆已售罄，只好吃原味，奉勸想試黑豆的食家要盡早幫襯。原味豆花不過5元，女朋友則選了芝麻糊豆腐花。 好吃的豆花不外乎要香、滑先試一口原汁原味，不加任何配料的豆花，吃豆有豆味，每一口都有黃豆香味於口中回盪。滑溜的豆花自動從口中滑入喉嚨，能吸引到大量食客果然名不虛傳。順便嘗了女朋友的芝麻糊，濃郁黑芝麻味蓋過了豆香…都說了吃豆腐花要吃豆味。好甜的女士們可以加上黃糖，增加豆花的口感和甜度。總括而言，此豆花確為平，香，滑，正…希望有緣再來嘗試此鋪的黑豆花。…Read More

難得一場黎到荃灣，感呢度就好似台灣既小型夜市，食街。首先既正餐就俾呢個刀削麵吸引住。 店舖唔大但大家都拼抬坐，所以都唔駛等。每位最低消費$30 ，又怕兩個麵會太濟，所以叫左一麵一小食。花雕雞刀削麵雞麵分開上的，雞既酒味十分香濃，雞肉也很多，很滑。麵即叫即削，確實很好吃，好有口感，就算食到尾都唔會因為浸得奈而淋。湯底不濃亦很有牛味及清香。 蒜泥熏蹄蒜泥分量太多了多到座山咁，也很辣，不能吃辣的建議叫小蒜泥，否則像我們一樣整晚都籠罩住蒜味，很可怕。肉和一般的差不多，比外面的能吃出原味。 個人十分愛這裡的刀削麵，下次來或許淨麵已經滿足了。…Read More

週年感謝祭軟雪糕買一送一 人龍整晚都無斷過，長長人龍十分旺場活動亦令面書喜愛人數激增數倍，厲害。講番雪糕，今次選擇了純抹茶口味，個人對焙那種有隻焦的茶味感覺一般，所以抹茶已經滿足了。雪糕size沒有因大賣而減少，依然大大杯，裡面也不是空心的，吃到底還是有雪糕的。杯筒十分脆，也不會吃到一半漏雪糕，很好吃，一個好食的雪糕筒絕對令替雪糕加分不少。重點來了，雪糕十分香滑，而且奶味不會過濃而蓋過抹茶味。但此抹茶味並不像顏色般濃厚，只帶清清的抹茶香，但以這價錢(買一送一)及此店的抹茶味也很合理。只是如果想吃更濃，像我要求更高的抹茶控來說，一次試過便夠了。 …Read More

難得有機會到何文田工作當然要一來感受這充滿香港風情的地道粥店地點是熟食區，找了一會兒，走到最旁才找到。舊式的店舖，充滿單輪車的擺放，得悉店主熱愛單輪車亦是高手一名吧。看到店主如此快活的生活，明白到他的粥，他的好伙記，為何如此美味，如此樂於工作。因為簡單就是快樂。所以簡單的粥品，炒麵，油品，已經能令人大開胃口。店員都不用下單，大叫一聲，然後粥品已送上。皮蛋艇仔粥 生滾粥底十分綿，端上時還有氣泡冒上皮蛋彈牙不爛，一碗有大半隻吧艇仔料有豬肚，超多爽口魷魚，魚肉片，花生等，十分十分足料，配上清淡的粥底，能吃出每款料的口感及其鮮味。 南瓜肉丸粥淡黃色的粥底，還能每口吃出南瓜肉，香甜亦不蓋肉丸的鮮。肉丸也有四五粒，彈牙結實。 炸兩 ，有點點冷了，也不是十分香脆，但風味搭夠，又平，所以還是吸引的小吃，送粥一流。 …Read More

做完運動黎食碗米線而家既米線，離不開三個元素，湯，米線，餸。清湯，呢個譚仔既湯底較清 ，食到底唔會好多湯料係底，亦不會口渴。米線，彈牙之餘不太林， 又不會太難咬同消化。餸，感覺芽菜，腐皮，等配菜較別家少一點點，不過影響不大。重點 係 今次既魚腐，出乎意料地 好好好味!!!! 比外面的任何餐廳還留下深刻。彈牙，係呢個魚腐既精彩之處，咬一口還食得出魚腐一層層既層次。味道很鮮味，本身的魚味已經很足，還有一丁點惹味。大讚!!!! 雞肉米線，足料! 土匪雞翼即叫即上枱，但熱到辣口，剛炸起吧，外皮十分脆，也十分之香，肉滑。 餐廳姐姐都好好人，上菜快手亦都同我地聊了一下，哈哈，服務很好。…Read More

誤打誤撞來到這小店自家小店，感覺優閒餐牌只有數款主食點了沙律和自家bago sandwich house salad with smoked salmon $4x 新鮮fresh沙律菜三色椒青瓜配上酸酸地的意式醋，清新又開胃，岩哂下午茶慢慢食。 bago sandwich $6x 自家制bago好軟熟，但包底脆脆的烤過，拎起手都好方便，唔會掉哂入面d料出黎。裡面有cream cheese, 片cheese, ham, 火箭菜, tomato, 芥末醬cream cheese 多到漏，但又唔會蓋過ham 既味道，火箭菜同蕃茄係絕頂既點綴，厚實既bago之中又有點juicy 同爽脆。重點係都幾足料所以挺飽的。坐得舒服，食得輕鬆，不錯的優閒下午。 …Read More

想搵個地方靜靜地坐底傾下計，飲杯野，high個tea ，其實唔駛好貴既東海堂真係唔錯唔係間間都有既小cafe 今次都係抹茶就緊嫁啦東海堂抹茶一直都人氣高企呢間有埋軟雪糕真係無得輸抹茶味濃而不會被奶味蓋過加上沙冰都絕對唔係只有冰而係濃厚既抹茶奶所以呢個價錢算係經濟 朋友選擇熱飲咁岩推出左紫薯熱飲睇落靚之餘，一貫既風以-濃！ 好香既紫薯味，飲落好滑，仲有好多紫薯肉係底 ，都好有口感同有飽肚感。唔係間間有，要食就要黎呢間先有。…Read More

米芝蓮餐廳，人氣高企今次主要食粥粥底是鮮魚湯底煮成，清淡但帶有魚香，濃而不像味精的味道。粥綿又熱辣辣。不錯。 配上油炸鬼，食粥的良品，唯油炸鬼過油，油味重，凍了有點硬，要浸於滾粥一會兒才可口。 價錢偏高，不過感覺是有質素的食物。 …Read More

作為一個抹茶愛好者，綠色的東東總能吸引我的眼光這裡的抹茶雪糕奶味特濃，所以並不是本人大愛，但這裡的puff 卻不得不吃 外皮鬆脆，内料豐盛，就是滿滿的抹茶醬。它不重奶味，反而是濃厚的抹茶味，所以大愛。還有套餐，感覺抵D 配了雪糕抹茶沙冰 這個配答互補不足，沙冰較甜，但抹茶味較重。雪糕奶味比抹茶味重，感覺很漏，但兩者一起，一半沙冰一半雪糕，大讚! 不太甜，不漏，但濃厚抹茶味，正! …Read More

對這裡的沙律甜品一向有好感加上環境不錯所以睇完戲就黎食個晚飯烤雞沙律 呢個很不錯，有蔬菜之餘還有脆脆，芝士，豆，蕃茄，口感加在一起很有趣，味道十分夾 沙律醬可要求另上，食之前要加上檸檬汁，更加開胃，喜歡牛油果的朋友更可加錢配上。瑪格利特pizza 本想叫個較清的pizza 所以選了這個只有蕃茄和數種芝士的pizza 很期待但食落失望了，餅底太脆太乾了，感覺有點烤過頭了，芝士蕃茄味道其實很好，不過乾得滯，食一塊已經想停下來了。最後，甜品! 呢個蘋果批，還是很好吃，大大球雪糕，配上熱辣辣的批，冷熱之間，要速戰速決呢，蘋果金寶味道很好，金寶甜脆的咬落很有口感，還有點肉桂味，為這個批點綴不少。呢個價錢還行吧，只是今晚的pizza失望了。…Read More

今次已經係第n次食由紅磡追到銅鑼灣 再係沙田開分店真係就哂腳:) 先唔講食物，服務 有質素! 雖然要等，但等黎都係想食好味既野然後個姐姐話個底整得唔好，問我地介唔介意等多陣，即刻再整多底俾我地。既然佢咁講，一定係等既(前題係唔趕時間牙下) 咁我認為佢對呢個小食都係有佢既執著同堅持既。尊重佢哈哈!朱古力粒雞蛋仔唔駛講一定係必食 外脆 內軟 加上 粒粒都有朱古力 真係無得頂 食朱古力食到悶 呢度仲有多款選擇 今次試埋栗子雞蛋仔 唔駛講，無疑的 料是十分十分足的八成都有大大粒栗子所以呢個口味是很飽肚的加上栗子相比其他口味較淡，無咁甜 所以如果好甜又怕濟的朋友可以另覓口味。下次要試埋其他口味呢<3…Read More

兩個人想食餐light 少少又坐得舒服既餐廳 其實pizza hut真係方便又不錯既選擇前菜- 意大利沙律~~雜莓蔬菜配紅莓汁， 清新又開胃。 唔太餓所以叫一個燒雞餐兩人食啱啱好燒雞出奇地好味皮脆多汁薯條就正正常常不錯的選擇，岩哂想傾下計，有野食下又經濟既一餐…Read More