Carol Fong 2004's Profile

本來想問收銀姐姐買一口4粒嗰款可唔可以唔同款，點知講到一半已經話「一買要買4粒」，咁我都知，個牌寫到明係4粒，但係咁樣未聽完就答，又要答非所問，感覺都幾差，更何況我後面都冇人排隊，relax之後，佢問我係要佢哋翻熱定自己翻熱，咁我答自己翻熱ok喇，本身以為佢都係俾室溫嘅我，點知佢係雪櫃拎，想同佢講唔駛雪櫃嗰啲，不過見佢補一句話「會補醬等叮嘅時候冇咁乾」，當然語氣唔多好，我都廢事再講，買完即走。又或者，佢係店長，所以容許咁嘅面口。…Read More

第一次幫襯，叫咗丼飯同便當套餐，估唔到咁大份！呢個鰻魚飯只係「迷你」，再加埋5件壽司、5片刺身、沙律、螺肉、汽水，堅飽！呢個5色丼飯，好新鮮，大大片刺身，飯都多！呢個炙燒丼飯，左口魚真係冇得輸，正！…Read More

可能因為有孖寶優惠，所以都有好多長者幫襯。至於服務方面，唔係熟客當然是係會被略微忽視，熟客就唔駛等位直入，舉手舉好耐都冇人接單，問staff拎menu哦完之後就冇然後，即使係連鎖酒家都會有呢個問題。講返食物質素，正所謂一分錢一分貨，我覺得都ok，起碼出嚟嘅嘢係熱，鮑汁雞腳個味道好送飯，蒸飯米粒夠乾身，粉果餡料多而皮煙韌，薑汁糕有薑汁味，只係薄餐唔夠脆，好似一塊膠片。…Read More

雖然距離西鐵站有一段路程，但都係值得一試，因為餐廳環境寧靜，食物OK，係個假日放空嘅選擇。套餐包了主菜、沙律、茶碗蒸、前菜、烏冬、白飯及甜品，大堆頭，打卡都幾好睇。吉列牡蠣：好大粒，唔會炸到好老，都唔會很多粉牛厚切牛舌：好軟，有驚喜雞軟骨漢堡：好重牛油味，好送到飯一口黑豚肉：油脂比較重另外要講嘅係，服務好好，值得讚賞。…Read More

Starbucks 推出咗新蛋糕，試咗個伯爵茶巴克焦香芝士蛋糕，$45不算平。口味方面，伯爵茶味濃，我鍾意，只係茶渣比較多，理應軟滑嘅芝士都變得粗糙。定係我應該翻熱一下比較好？不過呢件cake嘅性價比真係唔高…….…Read More

本來只係諗住搵有拔絲香蕉嘅店，但亂入嘅情況下竟然行入曾登上米芝蓮推介榜嘅小店。咁佢哋出名嘅係餃子，就叫咗羊肉、魚肉、墨魚試試，都可以揀放湯或煎嘅烹調方法，而我嘅原則係「盡試」！果然，無論湯或煎，肉餡嘅汁都好多，而且油膩感唔會很強，贊！但係我最欣賞嘅都係拔絲香蕉，炸皮好出色，外脆內軟，香蕉半溶化嘅狀態真係好得！…Read More

港式早餐嘅特色就係包羅萬有，一碗麵、一片包、煎雙蛋，再加杯熱飲，都只係$36！呢個通粉所用嘅湯底有忌廉雞湯嘅味道，所以好夠味，而煎蛋亦有多種選擇：太陽蛋、熟蛋、反蛋…可謂各式其式，而我最愛都係奶茶，呢間嘅茶膽幾好。…Read More

好可惜已經冇孖寶，而所謂嘅早茶優惠其實都唔係好抵，廿蚊起嘅點心只有一兩款，其他平均都要幾十蚊，好彩我哋當早午餐咁食，人均百幾蚊先唔覺肉痛。而味道方面，我覺得名點屋較好，而且起碼人哋真係熱辣辣！我覺得推點心車所帶來嘅不便比好處更多，推車仔阿姐淨係行大路，有乜食客都唔知就飄走，成餐得個蒸飯係熱嘅…Read More

有時候唔太想食afternoon tea嘅原因係太甜太膩，呢個下午茶自助餐就剛好解決咗問題。既可以食甜，又可以食鹹。而且生日有優惠，呢個offer超贊另外，有刺身、沙律吧、麵檔、熱葷、飲品，再加上綠茶主題甜品，座位闊落，性價比很高，推介…Read More

性價比算高，最平148起嘅放題，食90分鐘其實好足夠，再加上自取嘅配料同飲料選擇頗多，服務亦唔錯，所以整體都是贊唯一可以改善嘅係牛肉太肥，基本上係1:1，我哋真係食唔落….另外，睇餐牌仲以為有zero可樂…不過有菊花茶同豆漿都有驚喜嘅。…Read More

幾十蚊嘅日式lunch set，包餐飲、前菜同主食，份量唔會話細到唔夠飽，味道又唔係差，所以都多人幫襯。今次叫咗香辣海鮮烏冬，湯底似係雞骨豬骨湯加辣油，不過有d孜然粉味...另外餸就有d紹菜、蟹柳、蝦仁、菇等，算係咁。…Read More

唔知係疫情下少咗飲茶，定係佢不嬲都係咁，有推車點心，不過我都係點優惠孖寶最實際。一飯一點心5x蚊起，都夠飽，至於抵唔抵食就見仁見智。鳳爪排骨飯：凡係蒸飯，個底都必定會有層油，因為醃肉加油係中式做法，呢個當然唔例外，所以我食蒸飯從來都唔會攪鬆個底d飯嚟食，不過比稻香嘅蒸飯好好多，層油半厘米左右，都唔會太嘥。魚仔豬肉蒸飯：魚仔香，不過d肉片食落似豬頸肉，但應該係豬扒切片？食唔出係咩部位，不過油膩感少過排骨飯。柚皮鳳爪：柚皮有3件，微苦，有d乾水，可能浸透得唔夠。雞腳同出面茶樓食嘅差唔多。錦鹵雲吞：呢個真係好耐冇食，雖然炸得夠脆，但仲好多油係雲吞上面，過吓口癮算。…Read More

lunch time唔想食太飽，但一個通粉又唔夠，叫多個土司就啱啱好。肉鬆土司：鍾意佢厚土司加牛油烘底，再塗上煉奶，又甜又香脆，面加勁多肉鬆真係好正！火腿煎蛋通粉：相對就比較普通，個湯底仲要係充滿大光麵味嘅鹽水，不過$26都唔會要求太多。…Read More

基本上餐牌入面嘅嘢都係油膩食物，炒公仔麵、忌廉汁、炸嘢，所以要減肥嘅就唔好入嚟。雞扒肉燥飯：係是日午餐menu選擇之一，雞扒煎/炸得夠香脆，肉燥配飯一流，而飯唔係用碎米，夠乾身，所以整體唔差。蝦仁雲耳炒絲瓜：有鑊氣，蒜蓉炒菜冇得輸，雖然蝦仁唔係大，但唔會話得兩三隻，唯一挑剔就係油膩，不過預咗。公司治：基本上同一般茶記差唔多，但蛋煎得比較老，如果餐廳有輕盈之選就好喇。…Read More

點咗蜂蜜咖啡，咖啡豆應該係偏酸，所以就算有奶有蜂蜜都飲到咖啡酸味。鍾意佢有得揀脫脂奶，適合減肥人士。另外佢地都有輕盈早餐選擇，三文治或者cake，下次可以試吓。…Read More