sheungng's Profile

今曰中午去咗港島香格里拉酒店Cafe too 食半自助餐，食物質素同服務態度都超級好！ 服務員真係好細心，由剛剛入坐已經好詳盡解釋餐牌內容，而且仲溫馨提示我一d需要係場內自取嘅食物位置係邊度，讓我好快就可以出去攞到我想要嘅食物喇！ 當我不小心將餐具跌在餐桌上，立即有職員過來拿碟子給我盛載餐具，我們剛剛食完前菜及餐湯，已經有服務員主動詢問我地需唔需要點主菜？吃完主菜，職員又好主動問我地需要唔需要上甜品？用餐過程非常暢順，而且職員有禮，好窩心又體貼！食物方面，沙律bar 嘅蔬菜非常新鮮，而且好完整，放得好整齊！ 主菜方面，羊架整得生熟度適中，食落去都好軟身，唔會韌，調味唔太濃，味道適中！ 至於帶子幾大粒，唔韌，食得出新鮮，好味道！甜品方面，佢會先送上幾件甜品加一碗雪糕，如果想再要嘅可以再問職員order, 特別欣賞個雪糕有點柚子味，而且係碗底放咗d朱古力曲奇脆脆，唔太甜略帶少少苦味，再加上佢係雪糕上面會噴上朱古力漿，加埋一齊食剛剛恰到好處， 唔覺膩又好味，幾特別！ 甜品樣樣食少少都已經好滿足而且用恒生卡兩位只需557元，lee個食物質素同價錢真係超值，正…Read More

食物味道ok, 但從未試過咁差嘅服務，本來氣氛不錯，和家人一起吃點心聊天，怎料才吃完點心不久，當還在喝茶的時候，突然待應收拾我們的杯碟茶具，好愕然，茶還熱，杯我還在手上，怎麼這麼突然，待應一聲不響，直至我們告訴他我們還在喝茶喎，他才說一句 *有人訂了位* , 他之前從來沒告訴我們有人訂了我們的座位，也沒告訴我們幾點要還枱，而且我們見到其實有第二張空枱在後面，今次的午茶經驗，實在是我多年來最糟糕的一次，不會推薦此酒樓給朋友！ …Read More

尋日去咗燉食咖哩牛筋腩飯及雲腿菜乾豬肺湯！ 個咖哩牛筋腩飯真係好有驚喜，炆得d牛筋腩超林超入味，仲要連裏面d薯仔都炆林曬，我仲食到除薯仔之外，無果無試錯味，佢都好似加咗蕃薯一齊炆，令d咖哩增添咗d甜味，送飯一流呀，估唔到燉湯店有炆得咁靚嘅咖哩牛筋腩飯，可惜掛住食無影相，下次一定會再幫襯！ 燉係以燉湯為店嘅主題，點可以唔揀返個燉湯試下呢，於是就揀咗盅雲腿菜乾豬肺湯，好足料，除配料外，仲有3舊豬肺，豬肺真係好好味呀，因為足料煲，所以湯味都好濃，食出唔係味精貨，真材實料！正呀！…Read More

尋日幫fd買碗$25蚊魚蛋粉，準備攞碗粉走，問店員攞辣椒油，醋同胡椒粉，店員俾2包醋同辣椒油，但胡椒粉就叫我去自己落，咁唯有問佢胡椒粉有冇得另外裝起，店員就變得態度極為惡劣，話「自己落啦，實食飽你!」無咪話無囉，洗唔洗咁話人呀，我未聽過胡椒粉食得飽人囉，我又唔係貪佢包胡椒粉，只係因為幫朋友買，唔知佢食唔食胡椒粉，廢事加落碗粉度啦，估唔到買一碗粉都俾人咁對待， 我以後都唔會再幫襯佢，叫埋朋友唔幫襯，廢事大家受lee d 店員氣!…Read More