johnson4814's Profile

好耐無同朋友出黎旺角,咁岩朋友話好耐無食日本野 ,見附近有間板長,諗都無諗就上左去。朋友好鐘意食海膽,見咁岩好似海膽做緊推廣,就叫左個新野試試。原本以為一人份量,點知都幾足料,幾大碗,同朋友2個分先食得哂!本身我都唔係好接受到海膽,但見到碗丼既賣相幾好,忍唔住都試左D,真係幾新鮮,好食!之後仲試左幾款火炙壽司,當中最鐘意火炙魚背同火炙三文魚!真係入口即溶!!下次一定會再番食!!最後同朋友一人叫左一個甜品share食。布丁好重牛奶味,唔錯。最意外既係甜番薯,入口雖然凍既,但真係好甜好甜!!未食過咁甜既番薯!!整體唔錯,而且有驚喜。環境又幾靚,可能因為同朋友食晚餐,可以一邊食一邊傾。如果下次想食日本野既時候,應該會考慮再去板長食。…Read More

來來回回,這個位置也開了2,3次小型餐廳。但是最終也是結業收場。最近,這個位置又開了一間新的日式餐廳,於是便來嘗試一下。入內,店面很少,但位置也算充足,可能是剛開業,沒什麼人在吃。在外面看的時候,還以為是日式定食店,但原來不是呢(笑),有點失望(笑)還打算吃から揚げ定食。店內麵食比較多,如拉麵,烏冬等等。我比較喜歡飯類,定食類,所以這次叫了一個日式豬扒蛋飯來試一下。由於午市有學生優惠的關係,所以都只是$33,比起快餐店,這邊要好十多倍,而且價錢也比較便宜。說回日式豬扒蛋飯,豬扒是立即炸,立即加蛋汁,所以即使是外賣,拿到回家,也不會軟掉。湯汁的味道也調得不錯!但我略嫌湯汁不夠,可以再加多一點點。飯附送的味噌湯,不過不失的味道。之後再追加了一個咖哩薯餅!平時吃的薯餅是"軟棉棉"的,可是這個卻留有少許薯粒!雖然咖哩味道不算強,但我比較喜歡這個!整體來說,是很滿意的!因為在區內,很少見同類型的餐廳了。有的都結業了。所以這間我認為十分值得推介大家去嘗試一下。…Read More

一直行過呢間點心店都無試過入去食一次。今日心血來潮走入去叫左一次外賣，稍微嘗試一下呢間點心店既水準。入去裝修唔錯，算係不過不失啦，叫左兩個鳳爪排骨飯，一個山竹牛肉球，一個燒賣，一個蝦餃。鳳爪排骨飯，入口味道唔錯，而且飯既硬度適中，唔會好似有D鋪頭咁整到爛飯咁，排骨蒸得夠軟，整體黎講，好食！到嘗試蝦餃，認真講，好少街邊點心店做到咁有水準，平時咁有水準既通常都係一D大酒樓。蝦餃皮薄，蝦大，而且唔會穿！我認為味道雖然未到最好，但都係中上。燒賣，肉味相對較少，但係係我既接受範。但係肉比較彈牙，肉汁都好多，唔錯。牛肉就比較失望，牛肉肉味雖然唔錯，但係比較軟身，唔夠彈牙，而且馬蹄相對都少，比較失望既一款點心。整體黎講呢間鋪頭值得一試，因為外賣關係，未有機會嘗試茶水，所以可以期待（？）等候時間都相對比較長，可能外賣關係，要等一次過入袋。好啦，大家一定要去試一試！…Read More