chanel ho2001's Profile

響網上平台見到有呢間嘅優惠券打算做完gym便搭車過嚟試吓， 今日平日不是太多客， 室內環境不錯很舒服， 有露台很chill 很寫意 服務員態度都很親切， 套餐包括一客自選窩夫，窩夫賣相打卡一流， 我選了濟州金桔窩夫伴雪糕， 另外小食選了餃子， 餐還包了兩杯飲品， 一杯選了韓式檸檬梳打， 另一杯選了捱夜要飲的菊花茶（凍）堂食需令附加一服務費， 整體感覺滿意，下次有機會還會再來試試其他食物…Read More

今晚情人節，行過見到第二位半價，於是入去一試。我哋揀咗日本和牛套餐120分鐘, 原價598. 每次點餐每款口味只可揀一， 十分不便，希望餐廳可改善，和牛屬A4級別, 品質尚可。食咗半個鐘左右，突然呯的一聲，以為有特別節目，原來係跳咗fuse， 整間店漆黑一片，沒有電，冷氣，抽風及電爐可用。等到差唔多八點仍未解決問題，有一位餐廳阿姐話可以按用餐時間計返錢，最後決定埋單走人，最後畀返三分一價錢，如唔走可食到十點半。餐廳都好慘，難得今日生意好；但食客都好冇癮。…Read More

和朋友慶祝生日，join 咗會員有買一送一優惠。地點較偏，在石門站和第一城站中間。早到咗要在門口排隊等入。食物方面，冷盤有蟹鉗, 長腳蟹，藍青口，凍蝦， 刺身有三文魚，吞拿魚，油甘魚，八爪魚和希靈魚， 但今天吞拿魚不新鮮很難食，其他一般般。熱盤我不太好，但有乳鴿食，雖然細隻但幾好味。 另外有串燒，燒牛肉，羊脾，燒味，咖哩， 麵檔，天婦羅。甜品很多選擇，細細杯每款可試少少，另外有H牌雪糕，豆腐花和紅豆沙。折後連加一$477， 坐足3粒鐘，度過一個愉快嘅閒日.…Read More

平時路經門口都有好多人在等位，一直未有機會試， 今次見冇乜人等一於入去試下， 一個人叫咗個下午茶tea set， 黑松露炒蛋大蝦潛艇， 因為炒蛋差唔多鋪滿個包面，食起上嚟好論盡，於是想伸手去個籃度睇下有冇刀想切開食， 但個籃裏只有义同匙羹， 說時遲那時快有個侍應叔叔好快手已經攞咗把刀畀我，都唔使等我叫👍。咁食飽就諗住走啦唔好阻住人哋啲位，起身走去埋單之際，有個侍應叫返我轉頭，原來我起身fing甩左手上嘅戒指🤦‍♀️個侍應哥哥好好叫住我問係咪我嘅即刻畀返我👍👍呢間餐廳畀我感覺嘢食好快到， 如果啲嘢食可以熱啲仲更加好，侍應有禮勤力， 個個都好禮貌， 如果能夠多少少笑容就更好， 會再幫襯。…Read More

見報章報導有特價，一家四口一於去食餐好，打電話去問話要留蟹及落訂500, 我冇留蟹及落訂，早d落嚟食，有就有冇就食其他，坐低見周圍都好多人叫， 真係完全為咗佢而嚟，叫咗一隻重5斤12兩帝皇蟹，另叫咗一碟瑤柱蛋白炒飯，三個小菜，睇住個姐姐從魚缸捉隻蟹上嚟、喺你面前磅重寫枱號。主角嚟啦，皇帝蟹肥美多肉鲜甜，d爪好大隻，好滿足，另外叫咗碟脆皮燒鵝但皮唔脆，菠蘿咕嚕肉冇骨好食，蟹籽蝦球粉絲一般啦，食晒已經好飽好滿足，服務麻麻，有姐姐嚟幫手換碟但人手不足，坐近門口冷氣不夠，門口叫飛姐姐態度欠佳，須改善。…Read More

一行六人，點了宮廷海鲜鍋，海鮮頗多款，龍蝦、扇貝、鮑魚 新鮮 好味， 可惜龍蝦只得一隻唔夠分 ，麵包蟹多肉但略嫌末卜得夠開，很難拆肉食，餐廳亦冇鉗供應， 老人家怕咬崩d假牙唔敢食，呢方面有待改進，貝類量多冇沙抵讚 ，食完呢個海鮮鍋已半飽 ，出面自助嘅食物 普普通通咁啦 ，一般自助火鍋貨式，食埋雪糕已經頂住個肚 ，食到大半先記得原來可以加20蚊食刺身，但係已經好飽喇所以都冇加到…Read More

今次係本人第一次寫食評，原因是不吐不快！本人已遷離將軍澳超過十年，為慶祝母親節於是選了這間近母親居所的煉瓦亭。五月五日已打來訂座，接線生說七點已full, 得番六點半ok嗎？我說ok便留了電話訂枱。末到六點半，老父先到達，電話傳來我冇訂枱的消息，心想老豆你咪玩嘢！過了五分鐘，餐廳打來，話冇我訂位紀錄，今晚full booking冇枱俾我！ 當我到達後跟他們交涉，我show番手機record俾佢地䏲，叫佢check番電話紀錄，唔係我嘅錯。跟住佢地安排我地入座，還末坐好，一個類似經理物體走近講左幾句，我冇為意佢講乜，內容大意係“都已經即刻俾位你地，仲嘈d乜？”點解好似我地錯咁！佢地真係要撿討下，另外一樣嬲嘅原因係叫我地食快d，乜你覺得兩分鐘我地可以食完行返出嚟咩？咁嘅說話都講得出！！坐好了唸住睇下食乜啦，另一位女待應行來話今日每人最低消費150.00，細路都計，我話點解唔係訂位時講埋，而係坐低先來講？覺得不合理及有被屈感覺，佢見我嘈先話细路唔計！我四大兩小，起初怕食唔到900蚊，不過睇完餐牌後原來一d都唔難，因為d價錢係一件嘅價錢，而且頗貴！心情被破壞没有影相，我們叫了一個二人餐368.00, 另有壽司、象拔蚌刺身、生蠔刺身、豬肉串、燒牛舌、海鮮抄飯……想叫拉麵竟然話冇貨(超攪笑)，壽司飯一夾即散，上面件刺身也不覺出眾，連爭鮮三蚊件都不如，都唔明點解可以賣十幾蚊件！象拔蚌刺身208.00又少又薄，不吃也罷！其他串燒之類都係普普通通可接受，没有特別。埋單盛為1308.00,完全乎合佢地嘅最低消費要求，不過咁嘅價錢可以有很多其他選擇，而且不用受住氣食，所以冇下次。希望佢地認真改善下d服務同食品質數。…Read More