wongww2to3's Profile

同幾位幾姊妹暢聚, 最緊要係搵個舒適環境座下食下野. 睇雜誌旺角開咗間新Bar and Restaurant, 今日就特登去試下!環境係半開房式, 望落幾舒服同埋幾多野食揀, 我地三個女仔志在傾下計, 叫咗幾款野食:1) Melted Cheese Twister Fries ($58) 香濃芝士旋風薯條炸到好香脆, 加埋芝士汁係面頭, 作為小食送野飲一流!2) All Day Breakfast ($83)份量好足夠, 一上枱煙肉香氣撲鼻, 已經急不及待想即刻食, 磨菇同腸仔都煎得好香, 仲有法式長包墊底, 三個女仔食完已經半飽!3) Classic Eggs Benedict ($92) 傳統班尼迪克蛋淨係睇賣相已經好吸引! 放係最上面的波蛋上枱時仲震震下, 裏面仲加入咗蔬菜同埋下層薯餅, 薯餅食落好香口好鬆化, 而且仲有少少芒果香味. 感覺好特別!食物水準不錯, Cocktail 都好夠特色. 員工好Nice, 有個靚女仲主動幫我地影相添!…Read More

說來慚愧, 出咗黎工作之後已經好少同屋企人飲早茶, 有假期都想瞓晏D. 今日的起心肝, 同爸爸媽媽出去飲下早茶, 呼吸下清新空氣. 本身諗住去樓下的酒樓近近地, 但難得早起身, 不如去遠少少搵下D 好味D的野食. 去到觀塘宜安街呢間手作點心餐廳, 試下久違了的手作點心味道. 呢間舖頭幾得意, 裝修似係Café咁, 環境幾舒適. 而且有戶外座位, 如果一個人黎的話一忠兩件嘆杯菜都唔錯. 因為雙親大人都比較喜歡食傳統點心. 我地叫咗蝦餃, 燒賣, 灌湯餃, 牛栢葉, 馬拉糕等傳統點心蝦餃 – 蝦肉彈牙, 皮薄但好爽, 好味!佢有半份(2粒)可以叫, 燒賣 – 豬肉好香, 唔會過甜, 味道啱啱好, 大大粒好豐富  同樣地可以叫半份(2粒)灌湯餃 – 灌湯餃係香港已經好難食到, 原因為多工夫而且成本高, 而且未必整得好味. 而呢間灌湯餃做得好的一點係佢湯夠濃. 裏面D料新鮮, 原本清湯再配合多種唔同食材而成的味道, 好濃郁! 牛栢葉 – 牛栢葉唔會太硬, 味道適中, 啱晒老人嫁食 馬拉糕 – 可能因為情意結, 我真係好鍾意食馬拉糕. 食落去軟綿綿, 甜甜地, 好親切的感覺手作點心最吸引地方就係用料夠新鮮, 唔會用雪藏料大量製造. 當然成本應該會高好多, 但食物味道真係好好多. 提外話, 我地早餐仲有優惠, $2 可以換一碗粥, 碗粥都好大碗而且材料份量都好足夠. 手作點心可以做到呢個價錢真係非常抵食. 希望香港可以繼續保留多D手作點心的小店!…Read More

星期五, 當然要鬆一鬆, 今晚班frind係港島, 想搵間可以一大班人又坐得耐D ge 餐廳傾下計. 搵黎搵去都係食安安燒. 一行8人, lunch 已經打黎訂定位, 放工即刻搭車過去搵佢地.食串燒最大好處就係可以叫好多款, 每款少少咁樣, 一班人可以試到好多野食. 同埋食串燒比較Casual, 可以大聲D傾計都唔洗比人投訴^^ 我地真係叫咗好多野食, 以下係其中一D:燒多春魚 – 出面燒到脆卜卜, 裏面好香, D春係一粒粒好分明, 唔會痴埋一舊舊燒原隻鮑魚 – 燒鮑魚真係第一次食, 估唔到幾得意, 食落唔會太硬, 有口感, 而且都幾鮮甜紅薯粉 – 呢個好辣, 每人夾一駐都食到雪雪聲, 怕辣者小心!燒韮菜 – 大大份又多汁, 韮菜 有種獨特香味, 用來燒真係好夾好好味芝士粢 飯 – 燒出黎好煙韌, 芝士都好香, 第一次食燒粢 飯感覺幾好!整體黎講食物有水準同有新意, 唔會淨係得D丸, 肉咁樣, 有好多得意款式出面都未食過, 而且大有生啤飲. 今餐飯食得開心又放鬆, 確實係放工一大好去處!…Read More

經過旺角成日都見到泉章居好多人排隊, 聽母親大人講話佢係老字號, 以前好受歡迎. 今日一家人出去食飯, 就諗住試下. 我地5個人接Booking 小姐話只有6pm 的枱, 而且只可食2小時. 雖然早咗D, 但我地都唔介意早D去.我地叫咗個套餐(無記錯應該$468), 有半隻雞同埋一湯三餸首先係泉章居ge招牌雞, 雖然雞肉唔算好滑, 但雞有雞味, 半隻雞份量都好足夠, 算係唔錯湯 – 普通例湯, 飲得出無加味清, 湯料算多琵琶豆腐 – 炸得外脆內軟, 老人家們都很喜歡梅菜扣肉 – 梅菜偏甜, 而腩肉都幾鬆化, 如果做得好D可以再嫰滑D豉汁蒸大鱔 – 呢個整得好好味, 唔會有醒味, 而且食得出條鱔好新鮮, 推介!!我地最後叫多咗份甜品 – 茶果呢樣係比較失望的菜式, 可能同我想像中的不同吧, 食落個味道似馬拉糕, 但實心而且唔鬆軟, 個人不是太合口味我見6點鐘已經好多人入座, 好快坐滿, 我諗好多上一輩的人都喜歡呢份情意結多過佢D菜色的味道. 香港老店已經越黎越少, 雖然有好多地方的菜都出色過佢, 但個人黎講, 食飯除咗食味道, 亦都係食感情的, 見老人家食得開心, 我都好開心. 希望香港可以保留多D老店…Read More

好耐都無食雞煲, 心癢癢又Call 班friend 出黎聚一聚. 今次我地試呢間尚上下夏, 貪佢有得揀部位同埋鴛鴦煲, 4個人可以多D選擇.我地叫左一邊辣一邊唔辣, 而雞部位就全部都係雞脾, 貪佢夠嫰滑. 辣個邊雞煲好惹味, 花椒味都好香, 同埋好多配料. 而唔辣個邊d雞都好入味! 佢D配料裏面仲加埋豬皮, 煲煲下索晒D汁好好味!佢都比左好多醬料我地, 但因為雞煲同埋個邊爐配料都好夠味, 醬料結果用得唔多~其實我地食完個雞煲都半飽. 到第二round 加湯打邊撈, 我地就叫咗藥膳湯底同埋番茄湯. 主要材料就叫咗佢地ge 海鮮同蔬菜. 有一樣野抵讚ge 就係佢地D雞唔會太肥搞到成鍋都係油, 就算加湯落去打邊爐都幾清.海鮮方面, 佢地個聖子同埋扇貝都好新鮮好大隻, 原本想試埋鮑魚, 不過個日我地遲咗去, 所以已經賣晒. 手打三色滑都幾夠工夫, 全部都幾彈牙. 後黎叫左個雜菇籃同埋蔬菜籃, 有好多款同埋份量都好足夠. 呢個價錢食靚料火鍋其實幾抵!呀仲有! 我地後尾叫咗個稻庭鳥冬, 佢同個蕃茄湯真係好夾好好味, 反而夾落藥膳湯就一般, 但D菇同個藥膳湯就好夾. 有鴛鴦煲其實幾好, 可以試到唔同口味, 可以帶出唔同食材的味道!…Read More

講到香港地道野食, 茶餐廳常餐就真係經典. 雖然幾乎每間茶餐廳都有提供常餐, 但質素都好參次. 今日係元朗食咗個常餐, 係下午茶時段, 可惜常餐沒有列入優惠餐牌. 但又好想食沙嗲牛面, 所以都係叫咗都係例牌野, 牛油面包, 揀兩樣餸, 一個面咁樣. (呢度叫特餐) 收$42, 凍飲要加兩蚊, 價錢黎講係貴, 所以有D期待. 點知上到枱, 個份量有少少嚇親, “半塊”薯餅, 一小片牛餐肉, 似兒童餐多D, 味道一般, 沙嗲面份量算OK, 牛餐肉正常, 薯餅係即炸都幾脆. 不過加埋凍飲要$44, 如果以呢個價錢 係元朗仲可以有好多其它選擇.…Read More

已經係網上見過幾次介紹, 可惜我怕人多, 好少過旺角. 見今日放假, 就過去行下街同埋試呢個三重芝士撈丁其實士撈丁係香港已經買少見少, 可能因為芝士成本貴, 同埋食一碗就會飽晒, 利潤相比起其它食品唔高. 而家仲肯堅持做芝士撈丁ge 舖頭, 數黎數去得返幾間. 緊係要黎試一試.係Openrice 做晒功課, 知道呢間要訂位, 我同朋友就訂咗6:30pm, 希望唔好咁迫人, 我地準時到, 間野已經半滿, 我叫咗個黑松露芝士撈丁, 朋友就叫咗個鰻魚汁芝士撈丁, 我地可以Share 食, 大家食多一款.等咗一陣已經上枱, 見到濃濃ge 芝士汁已經流晒口水, 眼見芝士都幾多下, 可以cover 晒成個面, 而且D黑松露都好多. 侍應叫我地要襯熱食先好味. 我地三兩下手勢已經撈好個面, 急不及待放落口食落口, 芝士味好濃郁, 而且好厚身同埋好香. 加埋佢地個芝士撈丁應該係燒過下, 增加咗芝士的香口感 (忘記一提, 呢間其實係燒物店). 黑松露醬同芝士醬好夾, 大家都可以提升各自的味道. 而鰻魚汁就甜甜地, 又係另一種感覺. 以我呢個芝士迷黎講, 呢間芝士撈丁無得輸!…Read More

朋友帶路話試下正雞煲.黎到見到好多人等位, 結果我地等左30分鐘先有得食.一坐低梗係叫雞煲先啦, 大辣, 正!到雞煲上都等左成20-25分鐘,朋友話因為原來佢地d雞係即炒即上.一上即試, 嘩! 正! 汁底夠晒味, 但又唔係一味得個辣字, 又香又辣, 辣又唔會係好攻擊性果隻, 正!隻雞本身亦都好好, 肉質ok, 而且炒到入晒味, 唔同其他好多雞煲咁雞還雞, 汁還汁!另一樣最正就係佢個雞煲內附送大腸, 而且可以媲美d雞, 完完全全入晒味, 每一舊都係精華所在, 而且份量極多, 食極都有!應該會成日幫襯, 但最慘無得book 位, 而且朋友話日日都咁多人. 唯有得閒先過黎食.好彩附近好多位泊車, 都方便d.…Read More