辛苦搵黎志在食野's Profile

黃雨下，二人黎時新食晚飯，途中有些少阻滯，不過埂係能夠迎刃而解啦。每人要左個雙層芝士蛋漢堡包同凍奶茶，即叫即整，等左唔洗十分鐘就有得食啦。對住個咁大既包，真係唔知點處置佢。不過，最後都鼓起勇氣對付佢。比起上次食果個雙蛋漢堡，呢個包包更加好食。包鬆軟得黎又烘過，脆脆地，而自制既漢堡亦十分鬆軟，唔似得某o的連鎖式快餐店既漢堡實一實，漢堡入面更加食到洋蔥添。除此之外，隻蛋仲係糖心既添！加上沙律汁，真係冇得彈。不過杯奶茶就冇咩特別。要出左名既餐廳維持好既質素真係唔容易，但係時新就做到。希望下次再黎既時候都可以一樣係咁啦！…Read More

畢業禮過後，「邀請」班主任食晚飯十時左右，好多餐廳已經關門，左諗右諗，都係黎呢度据下扒。不用睇餐牌了！每人一個神戶牛柳餐！豪氣得很。同老師有說有笑，不知不覺大約廿分鐘，一塊塊鐵板已準備上枱了。神戶牛柳，來個medium-well，黑椒汁。不竟花園餐廳怎樣也是花園餐廳，所以要求也沒有太高。神戶牛柳相信不是A級或B級的貨色，但沒有overcook的現象，算是對辦了！肉質沒有出奇的鬆軟，相信沒有經過「化學作用」。有說有笑的一餐。這一餐，氣氛比食物質素要緊，食物雖然只是一般，但最後一次著校服吃飯，實在有記念價值。多謝班主任:)…Read More

又係台灣之旅既一部份，是日同朋友整完護照，有o的肚餓，見pizza hut推出左個好抵食既WOW餐，就同朋友黎試下。三個人叫左個二人同一人餐。要左個批、兩個意粉，仲有蒜蓉包、餐湯同飲品，所以真係好抵食！講返食物，不嬲都好鐘意飲pizza hut既忌廉湯，鐘意佢夠濃，唔會好似一o的餐廳咁見份量唔夠就係咁加水。個批個人就覺得就過左少少火，比較普通啦！白汁雞皇意粉份量多，keep到水準啦。不過蒜蓉包就應該滴左單，o的野食差唔多食晒先記得佢，決定打包比o係會展擺展既朋友吧！個比咁抵食既WOW餐！…Read More

同朋友傾去台灣o的野，去五花八門既旅行社拎完單張後，就搵個地方傾下。人潮中見到有tea食，就衝左上黎啦。安頓好之後就叫野食，要左個炒貴刁，凍啡。食物係普通d，不過有個地方比我地計劃下台灣大計都唔錯，傾幾耐都得！不過侍應人手唔夠多，所以等好耐先搵到侍應！好，八月台灣見！…Read More

沙嗲王係間食物多元化得黎又經濟既餐廳，所以不時都會成為我既飯堂。是晚同家人黎食，叫左泡菜豚肉石頭飯、白咖哩豬扒飯、沙嗲牛肉粉絲，另外要避風塘軟殼蟹同脆豆腐。等左廿多分鐘先有得食(不過其實都慣架啦，有時仲耐)。我要既石頭飯幾好食，上桌即刻炒兩炒，泡菜令整個飯有少少辣，而且十分香。冬天食仲好，因為食到尾個飯都係熱架！避風塘軟殼蟹，推介！軟殼蟹有膏，而且炒得十分香口，正！脆豆腐名乎其實皮係脆既，而入面好滑，有驚喜！而飲品都幾有特色。食完佢會比coupon，所以每隔大約一個月就會黎一次。…Read More

中七既grad din完結了!但因為接侍同影相既關係，所以唔係食左好多野。接住下一場之前同個朋友黎食碗魚蛋粉先。每人叫左碗魚蛋粉，幾分鐘就有得食啦。魚蛋同魚片各有三件，而河粉份量亦多。試一下魚蛋，發覺十分彈牙，而且同魚片一樣都有濃郁既魚香，真係對辦!而河粉亦十分出色，好耐都冇見過咁晶瑩既河粉，非常爽滑，雖然魚湯味道較淡，真係已經好好味!整碗吞下十分滿足而凍檸蜜就一般貨色吧，吃完趕緊去唱通宵k。…Read More

shopping完，同朋友上黎食少少野。要左個瑞典肉丸同buleberry cheese cake share食，肉丸依然好食，不過o的汁好似冇沙田果度咁好食。個cake就真係麻麻，餅好碎不過mose夠挺身，一般吧。所有食物都只係加熱，cake亦係盒裝cut出黎，所以沒太大期望。只有兩個服務員，一個洗碗，一個賣野，好冇效率。…Read More

十二點，一個食宵夜既時間，不過因為training既關係成為我晚飯既時間。唔想太夜訓所以食少少野算了，要左個北菇蒸雞飯，飲熱奶茶。胃已經痛了幾小時了，好在幾分鐘就有得食。不嬲都覺得呢度既蒸飯好好食，今天更加覺得好食。滑雞無滑，可以盡情的吃，飯的水份亦適中，好食!熱奶茶沒什麼期望，但有驚喜!十分滑而且有茶味廿蚊換了一餐好食的晚餐。…Read More

之前同朋友黎食過，覺得幾好食，所以一家人黎食飯。睇兩眼，同另一間金利來唔同既地方就係價錢，呢間價錢稍貴少少。要左之前食過好好食既鹽焗雞，不過今次雞太老，麻麻地。另外要左個芝士焗西蘭花(伊麵底)，賣相好得，質量亦有，芝士唔會好漏，好好食!伊麵沾上芝士食，不過份量太多了，食唔晒。鼓汁蒸白鱔，又是讚的一味，白鱔上鋪上大量豆豉，豉汁亦算可口，份量亦很多。加埋飲品同白飯，兩百有找。可惜呢度年尾就拆，想食呢區既食肆就要珍惜機會了。…Read More

一個小朋友的生日，黎左食晚飯。一坐底已經唔對路，桌上留底上手吃剩既粉絲，唔開胃。點了些小菜，要個雞，雞肉不滑，老雞是也。冬瓜鱔煲，冬瓜幾清甜，鱔亦入味，不錯。紅燒豆腐煲，有菜鋪底，不過真係好麻麻。另外要多打小籠包，早知唔貪平要，小籠包用錫紙兜裝著，完全痴底，加上皮超厚，差差差!西瓜汁原全冇甜味，係唔係應該8讚佢冇落糖?唯一覺得好食既係炒莧菜，不過好彩小朋友食得開心，不過這食肆已汁凹。…Read More

烈日當空踢波後，同朋友黎呢度食午飯。入到去岩岩好有位，就睇下有咩食，叫左個牛扒餐，汁要黑椒汁，配薯菜，飲羅宋湯、凍檸樂。朋友就要豬扒公仔麵、多士同魚柳沙律。今日上菜好快，羅宋湯淡淡地，唔夠濃。牛扒薯菜好大碟，佢地既黑椒汁係加入蒜蓉既，雖然唔係好辣，但係夠香。凍檸樂用罐裝上，好大杯，可以自己添飲。朋友話牛扒餐比較抵，下次精明o的啦:)另外，呢度既雞扒餐，蒜蓉汁都一絕！…Read More

一早去踢波，買個撻食。買左個咖喱牛肉撻，盛惠九蚊。搭完巴士去到球場先食，仲暖暖地，個撻都幾大個，不過撻邊就硬左少少。餡就幾好食，咖喱味又香，係衰在個撻邊。下次試埋其他:)…Read More

考完AL一個月，咁岩今日又見工，幾日前book左呢度食自助餐。呢餐就當係慶祝搵到工啦！book左六點九既室外枱，但因為唔熟車程既關係，遲左大約半個鐘先到。到去攞位，見個場唔爆，所以遲左都冇影響佢地，仲驚唔留枱比我地添。一行出室外，就嗅到一陣炭香，原來係炭燒大頭蝦。安頓好就去拎野食啦!首先拎左冷盤，迷你龍蝦仔同凍蝦都幾鮮甜，後者都絃彈牙，藍青口冇沙，味道仲好得添！不過凍蟹就唔好食，冇乜肉不特止，仲好似唔係咁熟添。其他小食如八爪魚、筍片都唔錯。美中不足就係冇生蠔，滿足唔到我呢隻生蠔怪。食完冷盤，就拎戶外既ＢＢＱ食物啦，大頭蝦燒到熱辣辣，蝦頭既膏好甘香！蝦肉亦彈牙，不過我嫌蝦過熟，如果可以好似o係新葡京食過既白灼大頭蝦咁唔熟得晒，帶點嫩滑就更好啦！但都encore左幾云。繼續食室外既廚部，嗅到炒魷魚幾香，就要左碟啦，辣辣地幾好食，不過就太過鹹，差少少。然後食烤蒜蓉扇貝，蒜蓉味重，正！海鮮雜菜湯幾清甜，而且用砂鍋煮，唔怕好快就凍晒。室外既ＢＢＱ仲有燒鰻魚同肉類。燒鰻魚有肉汁燒，不過就唔係一般日本蒲燒鰻魚既醬汁，薄薄地一層，但正因如此，令燒鰻魚帶出黎既油份更加特出，食落都幾油膩，食到滿口是油。另外，肉類如燒雞翼、羊架就唔算出色，係好一般。羊架一o的羶味都冇，十分失望。食完室外既，就試下室內。三文魚刺身非常新鮮，而且冇筋，正！吞拿魚冇脂肪，唔好食。沙律款色唔多，不過生菜千島醬已經夠fresh。多春魚、魷魚筒都凍晒，而室外既炒雜錦海鮮都幾好食，個汁好香，不過美中不足既係硯有o的沙。甜品就幾失望，因為水準唔高，blue berry cheese cake既cheese cake好實，芝士味亦較輕。o的撻都ok既。值得一試既係紫菜蛋糕??食落幾得意，有紫菜味既。甜品唔好食，唯有食生果補數，菠羅西瓜幾甜，哈蜜瓜就好淡。buffet唔包凍飲，但熱飲就自己沖，我都整左兩杯熱檸茶飲。總結黎講食物幾多元化。環境拎滿分，戶外非常之靚，芭蕉樹下用餐，仲望到個泳池，不過室外加上夏天，有蚊都係無法避免，怕蚊就坐室內吧。推介一大班朋友或者三五知己黎食飯，坐出面個feel幾好。服務都好好，加水同收碟都幾密，係到尾段少o的客人先冇咁密，而且侍應態度誠懇，有禮貌。五星級酒店黎講食物仲有進步既空間，甜品方面可以做得更好。但環境就好好，除此之外，戶外既食物都幾好食，所以值得比個笑既。希望餐廳o係不足之處有所改善啦！有三人同行，二人價錢既優惠，除返開每人二百幾，幾抵食！不過對於九龍人黎講，要搭咁耐車入黎食就真係麻煩少少，有機會再黎！…Read More

下晝去探阿婆之前，黎呢度食下午茶。眼見價錢咁平，都驚唔好食。要左煎雞扒拉麵、豬軟骨拉麵、三文魚刺身同炸雞軟骨。十分鐘就黎到，拉麵太稔，而且一o的都唔彈牙，真係麻麻地。不過煎雞扒唔錯。三文魚刺身都幾新鮮，唔錯。炸雞軟骨加左檸檬汁黎食，辣得黎又酸酸地，好食。不過飲品就唔好飲，百香果茶唔好飲，好似用水喉水沖出黎咁。卡位地方大，服務都唔係大家講到咁趾丫，可能係少人既關係啦！…Read More

景福宮，一間o係觀塘好耐既韓燒，以前都覺得幾好食，不過而家已經差左。龜背既爐一爐兩食，設計差。首先，燒野既位太細，好難燒；其次，火鍋o係側邊，根本好難淥熟o的野；再者，燒完既油直接留落火鍋果度，搞到成個湯底都係油。先食前菜，白菜仔同芽菜已經冇以前咁香，但泡菜好味，夠入味！熟食方面，豬腳薑夠入味，好味，人參雞湯亦足料，出色。但韓燒方面，質素就較差，肉類味道比較淡，醃得唔夠入味，比起其他任食韓燒差。不過牛脷就好好食，一定要試！甜品試左朱古力mousses，朱古力味濃，好味！飲品就要五花茶，清清地，唔會太甜，幾好喎。以前都覺得幾好食，不過希望改善爐既設計同肉類既質素啦。服務幾好，有主動加茶同湯，同環境都算好，油煙亦唔會太大。…Read More