albeefoodie's Profile

之前喺日本同埋泰國都食過呢隻泡芙條，見到香港有都好想試吓。20幾蚊一條，價錢貴日本少少。佢有好多唔同嘅味道選擇，例如士多啤梨、朱古力、抹茶etc.都係貴幾蚊雞～我就叫咗原味試下，落完單好快就有！薄紙袋裝住比你拎住食但係摸落外皮唔熱，同日本外熱內凍個種有好大落差，所以有少少望！咬落外皮雖然唔熱，但係都唔係淋哂，係脆，都OK! Cream有奶香味，唔夠凍，冇乜特別驚喜如果呢個價錢性價比就麻麻哋，試一次就好～…Read More

依家做緊優惠平日星期一至五午市放題$98（11-3點任食），我地簡左最平個個choice都38款食物簡。冇漏單，上菜快五花肉同豬頸肉都推薦叫多幾次文字燒個人就麻麻地，主要都係菜御好燒芝士系列都好好食，可以額外叫兩舊年糕一齊燒，增加口感 配料醬料任加，encore左3次！炒麵中規中矩，同平時食嗰啲冇乜分別，想飽肚可以叫一個兩個人share!! 上面會有個吸油煙機，食完件衫唔會好大浸味～ 側邊會有拍示牌教你點樣整，仲有計時器俾你，跟住佢個教學一定唔會燒燶，仲整得幾好食最後食到差唔多3:00，店員就主動送一球雪糕比我地…Read More

入到去會有個等候位置排隊，有位坐，店員主動幫你量體溫，可惜冇check手帶（我見官方fb有講），入坐前會再主動叫你用酒精搓手液消毒下同提供紙袋俾你放口罩枱與枱之間真係有1.5米！今次試下吉列豬柳泡菜湯烏冬$75，特飲試左桂圓桂花茶+$12，另外再叫左唐揚炸雞+$18。好快就上左唐揚炸雞，但皮唔算脆，有6件，普普通通。泡菜湯好濃，少少辣，烏冬煙韌有咬口，而且份量係比平時多吉列豬柳配上豬扒汁同芝麻醬，直接倒上自家製豬扒醬汁食，醬汁比其他吉列豬扒專門店酸味重少少，但係炸功的確出色，脆口少油，食落幾juicy!! 個set冇得轉豬扒仲驚豬柳好薄唔好食，但食落都幾似薄豬扒，有咬口的：）炸豬柳冇皮肉分離嘅問題，係炸粉厚左少少，但可以接受飲品都好意外地覺得幾口飲，叫左炸物咁熱氣飲返啲潤喉野balance下。午餐人均$100，要加一，少少貴，但整體都唔錯下午茶價錢幾抵…Read More