為為食小天使's Profile

平時商場平日下午時段，除咗飲茶之外，都唔見坐滿座，所以冇諗過要訂位，估唔到這間店舖竟然滿座了，幸好只等了一張枱邊有得入座。朋友話想食日本嘢，所以第一次嘗試這間店舖，裝修很不錯，樓底高地方闊落，見到有午市套餐，想不到刺身幾新鮮，真係可以encore😮因為OpenRice好少見有評價，真係有少少surprise我叫了一個刺身午市套餐一($159)，套餐很豐盛，還可以加錢配烏冬或者蒸蛋，不過我有點飽，所以只叫了套餐，想不到刺身新鮮，份量亦很不錯，食日本嘢又多了一個選擇…Read More

因為之前經過呢條街，見到佢好似都有啲人氣排吓隊，今晚夜晚去食，唔使排隊就二話不說地試吓。其實坐低食嘅人唔係好多，不過就keep住好多外賣，諗住都深受呢一區嘅居民歡迎，就好放心咁叫做幾樣餸菜，不過真係好服😂原來啲人話唔好食係真㗎，可惜我冇睇OpenRice就直接Walk in咗。。首先係佢嚟嘅半打串燒，真係好嚡口。。都明白佢可能為咗快啲出餐，所以做定先，但真係好鞋口。。接受唔到。。唯一覺得正常嘅餸菜就係雞翼串燒，我覺得係正常。。跟住炒金邊粉，真係好奇怪嗰種酸味。。唔識形容，大家想挑戰吓可以去試吓。。仲有最得意嘅帶子，本身我哋問職員，燒帶子新唔新鮮，因為都要$32/隻，對方回覆係冰線，所以冇關係，其實聽到呢度我哋都有勇氣，繼續叫到真係好犀利，其實佢個汁係好食，但係$32要一隻唔係新鮮的燒帶子，真係好唔值，佢仲要寫住係大size，真係唔係嗰回事。。仲要佢張圖係有㗎米粉，出到嚟又唔係嗰件事。。Ok，呢間嘢你贏咗第一餐，可惜輸咗後面99餐，恭喜你俾埋隻👍🏻👍🏻👍🏻…Read More

個人好鍾意食手工意粉，見到上環呢一間咁多好評的人氣小店，所以特登嚟試一試。其中，個人好鍾意食左口魚，就叫咗個左口魚意粉，另外，黑松露意粉都有叫，不過後者相比之下就真係好平淡。中午時分去食，要等兩張枱，還好返枱返得快，注意中午冇得提前預約。我覺得員工服務都好細心，火炙左口魚配油香真係一流，估唔到配意粉都係咁好食！嘢飲方便我就叫咗開心果凍飲，不過我自己就覺得一般。另外，叫咗個烏龍茶蛋糕，其實都幾得意，因為佢係有啲似又喊又甜嘅甜品，大家可以試吓，係幾特別…Read More

呢間餐廳嘅環境裝修好精緻，好適合同姊妹，三五知己聚聚。因為HK Restaurant Week，所以想試吓呢一間喺中環嘅餐廳。見到餐牌嘅選擇都好精緻，頭盤有六個小碟，我自己六款食物都好滿意，但朋友不吃生的食物，經理見狀，好細心特別換咗另一個熟食小碟，真係好欣賞經理咁細心👍🏻👍🏻主菜係烤雞及野菌意大利飯，佢個意大利飯真係好好食，我平時都好少食到有咁高質覺得好食嘅意大利飯，另外佢嘅烤雞都係好入味，亦都好嫩滑，食完之後真係會想再食！…Read More

家人介紹九龍區嘅烤雞好食，原來元朗都有分店，特意嚟試吓，先講結果，後繼冇想像中咁好食，可能之前食過更好食嘅烤雞，這家的烤雞就不是新鮮去國際，因為相信時間成本都不用去，係有做到保溫的，亦都有提供手套方便享用。不過烤雞嘅味道就冇乜味，相比雞胸，雞腿會比較滑，對我來講，試過一次就夠啦。另外叫咗手打雀屎檸檬茶，感覺有啲似維他紙包裝的雀屎檸檬茶，我就不太討好。反而朋友叫嘅炸腩仔配咖喱汁係幾好食，呢個就真係值得推薦👍🏻可能係啱我個人口味，朋友都覺得好食。…Read More

突然行過呢間小店，就膽粗粗入去試吓，因為小店嘅裏便都比較昏暗，但冇諗過呢一間外貌平實啲小店好好食！店員推介佢嘅豉油雞，咁就試吓，點知意外地好味同埋好滑，超級推介，不過好快就賣晒。第二日中午打去諗住外賣，已經就冇晒。真係會心心念念😍另外叫咗炸雞髀飯，不過相比起出色嘅豉油雞就真係有個對比。嘢飲就叫咗檸蜜，正常發揮。服務態度都係好親切友善依家一定會encore食雞👍🏻👍🏻點解佢仲唔整多啲🤣🤣…Read More

見到人哋介紹呢間小店，門面連個名都無，但評價又出奇的高，所以就去試吓，好彩之前有電話訂位，如果唔係， Walk In未必食到，因為老闆預嘅材料真係啱啱好是日餐湯，蟹肉蘑菇湯，好好味，蟹肉真係人手拆，雖然價錢平，但係真係真材實料，會encore! 想飲餐湯要早啲預訂，唔係就冇材料另外，燴牛肉好林好好食，值得推介烤蘋果西班牙黑毛豬牛角包，出奇地好食，牛角包朔晒啲汁👍🏻不過手工面的煙韌度就唔係我鍾意，大家不妨試試…Read More

去過舊鋪雞地嗰邊食，朋友話佢而家搬咗去呢度改咗名，諗住試吓，一入到去個環境好舒服，坐得好闊落，服務亦都好好，可惜食物質素有待改善好鍾意飲佢個金菇湯，因為以前舊舖覺得好清好舒服，而今次比以前大碗咗，但係就好重蒜蓉，好喊，可能下次叫走船會好啲(?)另外叫咗個燒蝦，燒出嚟個樣都幾靚，不過隻蝦實在係唔太新鮮，啲肉有啲梅，真係好可惜。。燒魚干就正常發揮，最值得稱讚係燒菜肉瓜，啲花好清甜總結，好想俾多次機會佢，因為環境同服務質素都好，價錢亦都OK。。希望食物質素下次會更加好，繼續生意興隆…Read More

原來呢間鋪已經開業左五年，見到好少人寫食評，純粹想喺元朗食日本嘢，睇吓有咩選擇。首先，呢間係家庭式經營，感覺溫暖，但係因為座位好少，所以都見到唔少人買外賣，雖然室內裝修一般，但勝在食物性價比高。牛肉鍋真係好似其他人的評論咁樣，可以夠食兩個人，但因為我實在想試好多唔同嘅菜式，所以就心思思試。見到人流都幾多，所以就叫咗海膽甜蝦大Toro，都幾好食，海膽唔會苦，大拖羅幾新鮮，夾埋一齊食都真係幾豪華火炙左口魚壽司，比起我喺其他店舖食嘅有啲唔一樣，佢哋係切條大堆頭上，係好食，特別係火炙個味出，呢個位置加分燒鯖魚就正正常常，不過真係好大條，同埋個價錢真係完勝不過如果要講一樣嘢去彈，就係附近好難搵到車位泊車，除咗今餐飯嘅價錢，仲比多咗$320😅…Read More

第一次嚟天水圍店舖，總店搬咗嚟呢個地址，個環境好舒服，亦都有地方泊車。店員服務態度體驗一般，話說我哋一行兩個人去食，當時都仲有好多張枱四人枱係空，所以我哋就提議可唔可以坐四人枱，因為都真係食得好快就走，擾攘之下，佢都安排到，不過同時間，亦都安排另外兩個客人坐喺我哋個枱度，但係周圍嘅枱都係吉，所以個觀感唔係太好，結果我哋食完，周圍啲枱都仲係吉。我明白，有時會太多人去食，所以安排會緊密啲，不過如果情況許可，希望店員都可以靈活安排，等食客食得舒服啲。講返正題，嘢食質素方面，我叫咗蛋牛治，同埋菠蘿豬扒包，覺得質素還好，未去到好驚艷…Read More

之前一直都好想去呢間餐廳食嘢，因為有靚海景，裝修都好靚，食物見到啲相都好精緻，點知，都係伏咗首先講服務， 11:30開門，我哋11:40到， reception一個人都冇，行到勁入差唔多廚房位先至見到一個職員點咗兩個$168嘅意粉餐，頭盤感覺都唔錯，特別欣賞個麵包，可惜主菜意粉真係唔得，已經叫咗兩個唔同嘅意粉，但係都係伏咗，一來冇乜味道，二來又好鬼油膩😅 身邊人話仲衰過Pizza Hut（？）好彩加錢叫咗個Tiramisu，甜品就正常，推介👍🏻本身見佢哋平時午餐，三個course都要$450，如果呢個質素，都冇諗過要俾錢再食再貴啲嘅set有一說一，海景真係好靚，唔介意質素唔好，純粹坐吓，都可以…Read More

諗住搵信和廣場附近有咩好食，又想地方冇咁嘈吵，又想座位坐得寬闊啲，想環境事事正正，OpenRice map睇吓附近有咩食，就搵到呢間，出奇地評價好少，相信係新餐廳，見到啲相幾精緻，就膽粗粗就去食同行有兩個BB ，冇諗過呢間餐廳都會有BB座椅，同埋BB餐具，雖然國內好流行，但係香港唔係間間餐廳都有，呢個都幾欣賞👍🏻入返正題，總括嚟講啲嘢食都好出色，午市$198/位，食物十分精緻，真係一人一啖，質素真係幾高，個人覺得佢個蝦球🍤好好食，因為係配有鹹蛋黃。好老實，依家大環境，如果平時做嘢食飯未必會選擇，但係假期放鬆吓，一班人聚一聚，見吓客，想要舒服環境，唔想要咁嘈，食物質素又要得，呢間真係銅鑼灣首選🥇…Read More

見到呢間餐廳對住海景好靚，所以就同朋友喺度慶祝生日，估唔到咁有驚喜。一開始搵餐廳有啲難度，因為好隱蔽，上到去就係另一片天。前一天本身打算夜晚訂枱，點知佢哋原來好早就收工，原來佢哋淨係做早餐時段，係近呢三個月先至開放午餐時段。之前見到有人介紹話佢哋嘅BLT牛肉漢堡好食，所以就點咗一份，牛嘅味道不錯，食嘅時候都係啖啖的肉汁，份量都比想像中大，真係五星好評。另外就叫咗個蟹肉意粉，亦都好出色，真係好叫錯。因為同朋友慶祝生日，預先問咗職員可唔可以喺甜品上面寫Happy birthday ，但原來佢哋只有三款嘢飲可以安排，甜品就沒有了。朋友叫Latte 都有比surprise到~ 望住無敵海景，真係好完滿嘅一日。…Read More

呢間好值得推薦‼️😮👍🏻因為之前喺社交平台見有Foodie分享，感覺好似好抵咁，又喺旺角附近，所以就特登走去食。行通菜街由家樂坊行過去，首先會經過烤魚工房，仲以為呢間嘢係烤魚工房的分店，但係睇個地址又唔係，跟住一直行。我哋係夜晚8pm 打電話book 8:30pm，以為好full，出奇地可以留枱俾我哋。去到店舖，發現啲枱好大，如果比起烤魚工房，真係坐得舒服好多。坐低咗，見到佢啤酒🍻$48買一送一，朋友即時叫咗，本身以為呢個價錢係細細杯，點知係正常size，真係鍾意飲酒嘅朋友會覺得好抵。我自己就唔好酒，叫咗百香果水果茶🍹，$28大大杯，比起其他餐廳，真係平一半價錢。去到呢度，我哋個用餐體驗覺得都幾良好，性價比幾高。跟住重點都係叫咗條香辣烤魚，見過價錢係$298 ，以為個份量會好細，點知條魚其實都幾大，同埋幾多肉。我哋好似叫咗BB辣，不過佢嘅辣都係比想像中辣少少，如果唔係食好辣嘅朋友就要小心。⚠️另外我哋都叫咗啲串燒🍡，基本上都好好食，係唯獨是叫雞皮嘅時候，燒得唔熟，朋友就同侍應講呢件事，侍應就叫廚房在另外燒過一串新嘅俾我哋。新烤的雞皮，就真係熟晒，脆卜卜好好食😋最後叫咗個黃金饅頭，其實唔係好多舖頭有炸饅頭食，通常都係北上先至有得食，呢間整得到真係有心機，炸得好食。可以喺我心目中嘅炸饅頭，排行榜第二名🥈總結，侍應service好好，朋友問啲九唔搭八嘅食材問題，對方都好有心機回答😂同埋佢哋嘅性價比真係好高，平均一個人$240又有得飲酒，同埋叫好多嘢食，絕對真心推介，希望佢可以做得長久💪🏻😬…Read More

第二次晏晝過嚟大埔德美食飯，唔係呢一區嘅街坊，放假都特登嚟食，因為午市套餐性價比真係好高兩個人食都唔使$300，包有沙律、蒸蛋、同麵豉湯❤️蒸蛋真係好滑，正正正我自己就叫咗一個10貫壽司午餐🍣，除咗一般有啲三文魚壽司，竟然仲有海膽壽司，都唔使$150，仲要有埋前菜，真係好抵食，質素亦都唔錯，至少自己嗰區搵唔到呢個質素，所以成日放假都心心念念想嚟食🥰 另外我哋都叫咗一個西京燒銀鱈餐，兩塊大大塊，配沙律醬好滿足🫶🏻…Read More