Kikolovestoeat's Profile

見過社交平台有foodie推介呢間無二三, 果陣即刻cap低左圖, 早輪有日放工就約埋兩個同事過黎試下~ 睇餐牌好多樣都想試下, 最後嗌左以下呢堆野食~芥辣八爪魚D八爪魚食落口幾新鮮同爽彈, 有芥辣味之餘亦唔會攻鼻, 好岩做starter~椰菜雞肉沙律 配 無花果醋汁呢份沙律比我地想像中大, D菜都好新鮮,  雞肉就正正常常, 重點係個無花果醋汁整得好好味! 而且出面都比較少見~芝士大啡菇呢個大啡菇整得好OK, 一咬開已經食到個大啡菇勁juicy同鮮味, 口感彈牙,  大啡菇上面仲有D洋蔥同埋日式叉燒, 上面蓋住一大塊炙燒半溶芝士, 整體口感有層次而且味道香濃~鐵板豆腐賣相勁吸引, 鐵板滾熱辣渣渣聲咁黎到, 上面仲有一大堆木魚花郁下郁下好生動~ 主角厚切豆腐有4大舊, 豆腐夠滑有豆味, 連埋D帶蒜香味既醬汁同木魚一齊食夠晒惹味香濃! 我覺得呢個真係必點~櫻花蝦炒野菜一向鍾情櫻花蝦, 所以見到呢個即叫~ 呢味菜非常發揮到櫻花蝦既特點就係...香, 一上枱聞到好香!! 野菜種類亦都幾豐富, 有椰菜, 翠玉瓜, 洋蔥, 紅蘿蔔絲同埋菇~份量亦幾大碟~溫泉蛋明太子醬忌廉小貝柱燴烏冬呢個烏冬係堅好食....! 明太子醬味道好正而且質地creamy, 醬汁又夠晒多比我地撈晒成個烏冬食~ 烏冬咬落彈牙, 連埋D汁同埋溫泉蛋一齊食 入口滑溜!  小貝柱份量都好足...! 最後食埋甜品先走~ 叫左款"咖啡杏仁"烙芙呢個樣子既甜品係第一次見, 一食落口覺得個口感似曾相識....係泡芙!!最鍾意呢種質地~而且焗得好香~  喺上面果D咖啡醬都好香好滑~ 再有D杏仁片脆脆地咁, 食落口感好豐富~呢間無二三既食物出品令人感受到溫度同埋誠意, 地方亦都坐得好舒服, 我地已經約好左下次要再黎試埋麻糬堡同埋其他味既烙芙~…Read More

早前在網上見到有人分享這個海鹽焦糖布雪, 立即好有興趣等放假去試, 早兩日終於買到了! 實物比網上圖片仲大個, 原來除了海鹽焦糖這款新味道, 仲有好幾款味道例如原味, 士多啤梨,朱古力和抹茶, 不過買的時候士多啤梨和朱古力都賣晒, 所以都係先試海鹽焦糖味先啦~海鹽焦糖布雪...面同底兩塊蛋糕蛋味好香, 質感真係好鬆軟!!忍唔住會按佢幾下先食中間海鹽焦糖餡味道特別, 好香濃焦糖味, 個餡整得好軟滑, 又會清晰見到個餡入面有一點點黑色的東西, 估計是海鹽, 食既時候會猶豫究竟口中呢種係鹹味定係甜味呢, 好得意既感覺!! $15幾抵食!仲有, 加$9優惠價買左個"完熟水果蕃茄啫喱"試下~ 原本呢個純粹見特價+包裝成個蕃茄咁得意所以試下..雖然我都鍾意食蕃茄, 但因為以前曾經飲過一種蕃茄汁罐裝覺得難飲..所以對呢個啫喱都唔抱有任何期望! 點知一食呢個啫喱又覺得好OK喎! 佢嘅口感唔係好彈彈下果種啫喱質地, 嚴格黎講應該係.....介乎大菜糕同啫喱之間既口感!比普通啫喱硬身DD. 味道有D似飲緊羅宋湯, 唔會好酸又唔會好甜, 好香蕃茄味! 我好喜歡!…Read More

我由細細個開始已經好鍾意食山崎既日式雲呢拿蒸蛋糕~~但屋企同埋做野附近都冇山崎, 所以都好少買到黎食. 早幾日經過屋企樓下麵包店 凱施, 本來想夾個麵包, 但比我見到有個類似山崎既蒸蛋糕, 叫做芙蓉蛋糕! 有幾款味: 雲呢拿, 朱古力, 黑芝麻, 同埋綠茶味, 於是買左個綠茶味芙蓉蛋糕嚟食當下午茶! 呢個芙蓉蛋糕比山崎果款竟然仲要鬆軟!! 鬆軟到好似一個棉花小圓球 食落去入面濕潤, 綠茶味幾清香~~~下次會試埋其他味道!…Read More

早幾個月覺得他們水準差了而特意寫了一個食評之後, 上星期一個平日晚上再次試下光顧, 今次又覺得水準又好像好返D喎. 所以都公平D 寫多一次食評啦.叫了麻辣腩肉麻辣米線(小辣), 圈了"多韭菜", 今次真的覺得有多到韭菜喇! 麻辣腩肉味道也挺不錯,  大大件厚身, 不是平時在譚仔食那款薄身腩肉, 但食落口也不會難咬和鞋口, 份量都算可以啦 大件有兩三件左右. . 麻辣湯底幾濃味, 因為叫了麻辣腩肉 個腩肉汁落埋個湯底度 所以麻辣味更濃香! 今次煮的米線也沒有太淋身, 算叫做彈牙的, 份量也不少!! 希望一直都KEEP到好的水準, 不要時好時差吧!…Read More

果日條街勁熱，行行下入咗去呢度食個tea!  咁熱自然想食雪糕，就叫咗窩夫伴牛乳雪糕喇~ 窩夫幾軟熟，唔係烘到硬掘掘嗰種，i like it~ 溫度只係微暖，而且好快就上枱，相信唔係即製~ 食既時候覺得同平時街邊的格仔餅有點相似! 上面加了些朱古力醬，整體味道是可以的~  這間食店標榜自己是用北海道3.6牛乳~ 所以對他們的牛乳雪糕有點期望!不過.. 一吃之下對最期待的牛乳雪糕就有少少失望，因為我都食唔出有牛乳味嘅!?..就像是普通的呍呢拿雪糕! 這個下午茶餐連凍飲$39~ 不過不失啦!餐廳環境方面~ 確係幾舒服的~ 地方乾淨，裝修光猛~ 還有音樂播著! 下午時間都有不少人在這裡悠閒地坐下~ 當作一間cafe同朋友傾下計坐下都還是可以的! …Read More

昨晚臨訓抹茶癮起, 想起了半熟工房的綠茶半熟芝士撻, 今天就出去買來吃! 等咗3分鐘就到手了, 綠茶半熟芝士撻雖然外表好青綠~綠茶味好香好濃郁, 但食落口的綠茶味道都冇乜苦澀味, 而且亦都唔會搶左陣芝士味, 芝士味仍然幾重! 加了綠茶味的芝士撻味道層次更加豐富 撻皮一如既往有頗香牛油味, 而且好鬆脆~好味!!食完一個都有d飽飽地~抹茶癮起的我亦得到大滿足了…Read More

因為知道大家樂又出番呢款厚吐司, 今日專登黎食個TEA的. 今次呢款叫做"西班牙腸芝士碎蛋厚吐司", 比之前的款式有點不同了, 一試之下, 嘩 不得了~比之前果款仲要更加好味! 印象中之前果款吐司上面的配料同PIZZA好似, 食落口就好似食緊PIZZA咁, 今次呢款除了有食緊PIZZA的感覺(因為有少少青椒粒和西班牙腸)之外, 仲有粒粒碎蛋, 同埋芝士味更加濃, 吐司上面舖既配料厚厚一層, 焗出來聞落好香食落味道口感好豐富在快餐店食到呢樣咁好味既野都相當驚喜, 希望大家樂會長期有呢款吐司下午茶啦!我揀了配春卷, 少少脆口, 少少熱, 味道都不錯的. 跟餐的雪菜肉絲米就不過不失啦, 純粹為左想飽肚D而點的熱奶茶就維持一貫不錯的質素!…Read More

今日想食D 酸酸地開胃的東西, 就點了煎蛋免治牛肉飯! 賣相不錯, 一塊大大又煎得靚靚的太陽蛋的放左飯上面, 棕紅色的蕃茄肉醬, 加幾粒綠色的青豆, 顏色繽紛, 未食都胃口大開了~ 食落個汁都幾好味, 唔會太酸或者係太鹹, 而且真係有用上新鮮蕃茄去煮~重要的是無論隻太陽蛋或者蕃茄肉醬的溫度都是熱的! 我的慣常食法是食幾啖之後就把太陽蛋的蛋黃拮穿, 再跟蕃茄肉醬撈埋一齊配白飯吃~好在個醬汁份量夠多, 好讓我可以撈勻成個白飯吃~ 好飽…Read More

今天第一次來"德興"食米線, 之前嚟呢度食過海南雞覺得不過不失, 今次試下米線水準如何. 有清湯,酸辣,麻辣和蕃茄湯底. 我叫了麻辣湯底雞絲米線. 除了雞絲, 佢仲有一款餸叫雞肉, 我問過店員原來雞絲係海南雞拆肉出來, 而雞肉就係類似平時在譚仔食嗰種! 雖然我已經叫了最小辣, 但他們的麻辣湯底都相當夠辣仲要愈食愈辣, 食到尾聲真係眼水都標埋...不過味道唔錯, 麻辣湯底幾香! 雞絲份量都幾多, 大大件, 米線份量都幾多, 質地都不錯, 彈牙軟滑. 除了辣了些少之外, 估唔到呢度米線水準都不錯. 下次會試埋酸辣湯底. 價錢29蚊包一杯凍菜蜜, 算抵食.…Read More

這間米線以前番工LUNCH成日食, 果陣覺得味道幾好, 湯底又夠香, 昨天是轉工後呢幾個月第一次來吃....唔知係咪廚房師傅已經換了, 覺得湯底和份量都差了. 今次叫了之前食開的酸辣湯底 (小辣), 首先這個酸辣湯底除了辣味之外就只有鹹味, 酸味只有在吃酸菜的時候才食到.. 而湯底入面的鮮肉碎食落去冇乜味道, 印象中之前食的肉碎是有醃過的味道的.雞肉... 細細粒得幾塊...這張相是一來到未食之前影的... 係咪唔多覺有雞肉的蹤影呢.... 即使我圈咗"多韭菜"...都係得幾條..哈哈. 米線份量亦少咗...像下午茶的份量, 食完都唔夠飽..  又唔算叫做難食...所以唔想比喊面咁差...極其量是比"OK"啦. 希望這店可以改善一下, 我還是掛念以前的米線水準!!…Read More