macyso yu kiu's Profile

純以食物來說，味道和擺盤是對得住米之蓮一星。由於當日有最低消費，而我哋又唔想一人叫一份tasting menus，所以散叫，如果只叫食物，又好難超過低消，唯有叫酒，我只能說好貴，一個紅酒杯只估計只係倒咗五分之一😌。令到我已經唔想叫第二杯。服務態度真係好，好到有點煩，當日我哋book左晚上6:15，有點早所以想叫杯飲品先，係你未叫食物前，不停會有人行過嚟問係野，統計當應該行過嚟超過20次🙆🏻‍♀️。最後要講的就枱與枱係有足夠空間，裝修唔講得上靚（我個人認為），但真係好生意，基本上係無空枱，所以會比較嘈。…Read More

香港人一定喜歡之味道～麻辣專誠來訪一試，好彩有訂位，晚餐時間都坐滿人。一心要試食他們的招牌菜～麻辣香鍋，我哋2個人揀左5個餸。萵筍、金針菇、蓮藕仔、豬腸、鴨血 ，正！我哋叫左小辣。特別推薦蓮藕仔因為好少地方有，再配辣汁，無得頂。第二個菜式～鮮椒雞，一上台就聞到陣椒味，食落又唔覺得辣，雞細細件但又有口感。第三個菜式～冷盤麻辣魚皮，講真真係唔係到到有，魚皮脆口，又夠辣味，喜歡魚皮的朋友，可以一試。總括～二個人食左$455，抵！😎…Read More

新年前要見下啲朋友，老友request西式仲要係性價比，又要地點方便，即刻有人推介呢間餐廳比我😉認真講～位置旺角好方便～座位唔多最好book～枱唔多所以唔會好嘈～鍾意飲酒既可以叫😊對於我哋呢啲唔識品酒黎講，唔錯易入口，$48一杯，價錢ok!食物我哋叫左2個晚餐+1個小食頭盤濃濃羅宋湯，如果係火燒友一定鍾意火魔醉蜆呢個無得頂，$88有野睇，都幾多隻而家味道好好👍🏻少少辣味、好香口晚餐慢煮Pork Jelly，好食🤤肉淋淋好易利口配埋個醬啖啖解左啲油牛柳扁意粉勁多牛～正常汁…Read More

鮨一^_^～我真係食個多次omakase，真心係性價比高，衰起啲講，每次都飽到嘔💙所以今次我同朋友都係散叫，但係散叫啲食物質素仍然都係高質🤟🏻頭盤 ～ 金目鯛刺身，見到個樣唔使我多講一個字鮮✌🏻，呢隻魚質你好啱一啲好怕魚醒既人，有口感再嚟就係生蠔，呢個令和出左名有水準，重點係都唔使$100隻，一田價有人開埋比你🫶🏻繼續冷盤～針魚刺身鍾意食魚生嘅人，一定鍾意另外仲有一個特色嘅汁配上，好夾海葡萄沙律沖繩名物燒鵝肝～真係好好食又抵食$64一件😽甲羅燒～😻都係一絕，日本野必食成餐飯食左甘多好野，每人都係$500，去開尖沙咀值得一試。…Read More

成日聽人講好好食，晚餐時間要預早約。多國菜buffet 嘩….款式真係唔少….未食主菜都已經飽飽地。$498任食+一個煮菜我哋2個人，一個叫左鹹蛋黃焗龍蝦配意大利飯，聽個名都已經好期待😚，賣相仲好好添☺️味道好正，鹹蛋原來同龍蝦都幾夾，粟米汁意大利飯好特別另一個主菜特級威靈頓牛柳，個皮新鮮做，脆卜卜，牛柳個口感好好再配黑松路野菌汁，不過即叫即做所以等得內少少。等主菜期間，緊係密密出去攞野食啦！真係樣樣都唔錯😉我特別鍾意滷水。…Read More

喜歡食景的朋友呢個係唔錯嘅選擇，食物亦都不錯不失，價錢亦算是合理。唯一係音樂太嘈😌，同埋太暗，雖然好多侍應，不過睇你唔到。當日有朋友生日所以帶左蛋糕，記得切餅費另加$200。食飯我哋4個人，唔算大食，所以叫左3款主菜。其實餐廳有tasting menu，不過如果你唔飲酒嘅話我個人就覺得就唔需要叫，$688 per head。1. 黑松露意大利粉，$238一個合理價錢，粉的texture好好，汁都幾好味，唔會太濃太淡。2. Rid Eye $588價錢唔貴，如果七成熟，食落口感好好，肉質嫩口。3. 烤Pork，唔記得左價錢，約$300，相對地肉質硬無咩味，配汁食會好啲，不過邊皮脆脆，都算唔錯。兩款肉一齊上，個碟好靚☺️…Read More

突然間想食生蠔，之前已經聽過好多人推介～Oyster Station，今次我哋就去咗銅鑼灣呢間食。你行入去已經見到Eden心情特別好☺️，去到門面座位夠多容易訂位。即刻試店舖既特色$10隻生蠔，賣上唔錯，店員講話你法國🇫🇷產地，第一隻我仲加咗啲檸檬汁同埋蠔汁，之後食落去就已經食到好濃烈嘅海水味，之後嗰幾隻我都添加任何汁，食到一啲好新鮮嘅味道。如果鍾意大隻啲既蠔，仲可以揀佢Menu另外一個set，$218/6pcs雖然我冇叫到但係$10隻蠔質素，我覺得一定唔會差。😊之後我都叫咗兩個小食，都係正常水準。兩個人都只不過係食咗四百幾蚊，真係性價比之選，誠意推介。😘👍🏻記得喺OpenRice訂位先啦！蠔友快啲試下啦！…Read More

經過呢一間店舖成日都想試吓，細細間但係經常坐滿人。夜晚諗唔到食乜就一於試吓，一試鍾情細細間店舖但係食物嘅本色亦都唔算少，竟然有我喜歡嘅軟殼蟹。脆炸軟殼蟹芥末吐司配薯條～呢個餐嘅份量夠，一啖軟殼蟹啖啖芥末加埋吐司～一個字形容好正😉⋯⋯薯條都好有口感，新鮮脆炸好香口。濃蝦湯海鮮飯～呢個其實可以配扁意粉，幫我今日又想食飯試吓個味道好夾，幾十蚊好足料而且仲好大個，熱辣辣上菜～正！真心性價比高。整體而言非常滿意，建議你哋繁忙時間可到OpenRice預約，如果唔係應該都要等位！😃…Read More

今日突然間想去chill，再睇吓有啲乜嘢特色cafe，一於就試吓呢一間打卡推介餐廳，去到先發現原來旺人氣同網上評論一樣。一去到即刻揀嘢食，當然都係揀佢啲人氣食物，我同我朋友都唔屬於大食嘅人，叫左個明太子意粉同埋一個芝士炸雞扒，再加兩杯果茶。第一道～上個芝士炸雞扒已經非常興奮，賣上非常吸引，食落去仲啖啖芝士醬，唔好咁芝士控，好味😋一共四塊都只不過係$88，抵食👍🏻第二道～蟹肉明太子醬意粉，基本上係佢哋嘅signature，枱枱都叫，日式配西式既fusion，意粉軟硬度剛剛好，味道亦都非常之好。整體而言性價比高！…Read More

本身都係叫外賣，一入去冇人理，本身諗住走，個客反而仲叫我行入去叫，一行到去就知出事。都唔知佢係侍應定咩，總之你講食乜第三個餸都可以講五六次，釣魚諗住其實外買酸辣粉都可以好快嘅啫，點知可以喺度等15分鐘。都真心嬲其實如果今日唔係好想食粉面又想食啲酸辣真係一定走，咁嘅Service真係差到冇人有，不過我都明白小本經營咁就算數。最離譜係返到去屋企見到碗麵，真係完全唔想擺落口，仲有陣怪味，應該係啲豬腸。永不會有下次…Read More

本身我甚少食甜品，但係一打開個Menu就忍唔住覺得自己一定會叫😅今次主要食晏，估唔到喺沙田開咗單咁特別嘅餐廳，款式都覺得足夠。我哋叫左2個午餐，係沙田新城市來講都算係抵食，價錢都好抵食，環境、座位今次太多人所以冇影到，正常人去到都會覺得好靚。午餐包一個餐湯、主食、飲品（飲品可以加錢叫特飲）其中有一杯我哋叫朱古力好好飲，又唔會太甜。1. 湯 ～ 一般嘅蘑菇湯2. 主食～炸雞芝士漢堡配薯條👍🏻，薯條熱辣辣炸得夠脆。炸雞又唔會過大，又唔乾爭爭，剛剛好。～龍蝦汁海鮮意大利飯👍🏻，飯軟硬適中，汁味夠濃。3. 甜品～Apple Crumble French Toasts，淨係見到個樣已經覺得好開心，同埋好大舊share食就可以。一啖Toast加Apple，一啖雪糕，我冇諗過原來咁夾😍值得再去👍🏻，鬧市中有heart的餐廳。…Read More

尖沙咀旺中帶靜的居酒屋，一去到餐廳已經覺得有啲好日本傳統嘅感覺。當日我哋有訂到枱，竟然免費有個串燒拼盤贈送😍，我朋友話個和牛、羊肉串好食，而我覺得其他雞翼、雞軟骨等，正常水準之上，送既嘅都非常有heart 💋其他食物，水準都非常之好，鹽燒油金魚鮫，脆卜卜，肉質又好再配酸汁非常之夾。清酒煮蜆都非常之入味，好有少少酒香甜味。至於刺身飾物好鮮甜，選擇亦都算多，叫咗一個拼盤再加一份海膽都冇令你失望。開心到忍唔住叫埋甜品。甜品方面都算多種類，味道都好好。你係個一口泡芙，唔甜又覺得無味。價錢我覺得非常之性價比，坐足全晚又冇趕客走，侍應們都非常之好態度，我覺得餐廳嘅老闆好有心思，有前菜都甜品都有下苦功係為食客設計餐單。多角度照顧你嘅需要。真心推薦…Read More

今日行過諗唔到食乜，經過赫德道呢條小巷，突然間有個人介紹我哋間餐廳可以食飯飲嘢。眨吓眼都有兩年冇落酒吧就想去試吓啦上到去一睇個張枱坐住個優惠，$438一支紅酒或者白酒+六隻生蠔，抵！即刻叫咗你試。唔錯生蠔大大隻法國，新鮮。可能太耐冇落酒吧所以好興奮，當日都叫咗好多食物🙌🏻其中最特別嘅一款就係佢嘅王牌～西班牙王者紅蝦手工幼蛋麵，汁好好味，起初食落去以為係龍蝦汁，濃濃嘅海鮮味～正！麵質咬咁好彈牙。座位好闊落，又有歌聽住，好舒服嘅感覺！而且佢有live Band位置，相信疫情前都應該有。侍應門服務都好有禮貌。樓下其實仲有只係飲嘢嘅位，感覺好似真係去咗外國嗰啲酒吧咁！推介👍🏻…Read More

土瓜灣的驚喜～估唔到行行吓見到門面有間咁日式嘅居酒屋，二話不說就衝左入去試吓。餐牌的食物都算多，日式小店算幾好，叫得夢之丼，當然要試吓佢嘅丼飯。我哋兩個人一人叫咗一個丼再加其他小食。等待期間，留意吓啲環境，座位唔算多，數埋好似7-8張枱。不過不停都有客入嚟，好快就爆滿，所以如果想食都係book位好啲。服務員都好細心介紹今日有咩新鮮食材花錦魚生丼～蕃茄咗豉油好夠味，粒粒魚生入口新鮮、賣點係隻蛋撈埋一齊食，幾得意😎夢之丼～飯都係加咗豉油，樣樣都係醫生材料，新鮮之餘仲好足料，推介🙌🏻蟹黃醬燒蟹膏豆腐，味道好特別亦都好重蟹膏味，值得一試🙌🏻整體味道非常滿意，如果住附近或者附近返工都值得推介大家嚟試😋…Read More

生日飯，期待左食好內，之前食過2間都有啲失望。今次真心係性價比高，亦係我最有heart的師傅。先講地方，細細間好似傳統日式餐廳，bar table 有7個座位。當日得我哋3個人，包左場好舒服。刺身 - 9款蠔好正、拖攞不得之了、醬油漬帶子好鮮甜、北海道馬糞海膽好甘甜…..回味壽司 - 6款每舊都感覺好同，鮮北海道帶子…間直AAA+，最回味就係日本包菜配左口魚裙邊壽司，真係無得嘆。前菜、熱食、甜品柚子汁蘿蔔味道酸酸甜甜，好開胃；吞拿魚下顎魚肉好滑、好多膠質；最後就係椰子雪糕好滑又唔係好甜。Menu 只有2款：1480/1680當日係食1480 ～ 迪，當然師傅有upgrade左個飽魚比我哋試，炆左6個鐘😋加左蟹膏醬。基本上樣樣食材都新鮮再加上師傅好有心思加左啲唔同既味，令到成件更出，同埋口感好特別。…Read More