nick727's Profile

行過見呢間野幾得意，見唔洗排隊，都接近8點。嗰個四眼疑似經理嘅男士彷彿好熱情咁話依家得返兩款恆常湯底同限定嘅麻辣，好快咁剔完佢就即刻埋黎收走。個爐要自己開，我地揀左一個壽喜燒同一個骨膠原雞湯，要等隻熊變返做液體都要啲時間，但嗰位四眼男士見我地未郁手就埋黎話個湯都滾架喇咁嘅樣你話滾？而且個湯未加肉已經一堆泡，感覺唔良好食物其實一般啦，冇咩好講架喇呢篇都係想講下嗰個四眼疑似經理，話說後面嗰枱係ABC，所以係咁講英文，佢就打斷人地傾偈，埋去問人係咪唔係住香港，又話人啲野唔好烚太耐…算啦呢啲都係人地嘅事，但聽到都會想反白眼我地食到最後仲烚緊幾條菜，執枱個阿姐就出場，個爐仲烚緊野佢已經收哂啲吉碗吉兜，想快啲收工我都理解；但我個爐啱啱熄，個煲仲出住煙佢照收走，你唔怕熱我都驚俾你照頭淋呀呢下舉動係200%趕客，我唔係食完坐喺度攤抖，仲食緊烏冬你就清哂我枱，洗唔洗咁呀…Read More

之前就已經有留意呢間日本料理,感覺好似幾高級,所以一直都係留返特別日子先會考慮講明先,今次經驗唔算好好,食物OK嘅,食材的確非常好,但就係唔知點解上菜好慢....我地唔想搞到自己選擇困難所以叫左個二人餐．梅因為另外兩個set都有主題,一係牛一係蟹,想試多少少其他野所以揀左呢個餐一開始前菜,刺身同沙律都好快到好精美嘅擺盤,隻蟹係令人最深印象嘅,一啖搞掂如果散叫我都一定會叫呢個沙律,我就係鐘意食呢啲有少少頹又冇乜特別嘅野,甜甜地又有菜食唔記得係啲咩魚,只記得都係啲常見魚類,嗰兩塊拖羅仲要未溶哂雪添;嗰刻係覺得是但啦兩塊仔我都唔執著嘅然後我地就開始等...等....下一道菜應該係串燒,但大半個鐘之後出現嘅係炸雞而且等嘅期間店員話安格斯賣哂轉個三文魚扒俾我,個餐我都食左3樣野,我可以話唔好咩,而且我已經等左咁耐,仲可以點炸雞之後就係嗰塊三文魚扒係好香而且唔腥,但原本你個餐就應該係俾安格斯...坦白講係失望,而且唔係我一落單就通知我,係已經食左3樣野先出聲,其實咪即係焗我要跟住冷麵都黎埋喇,咁中間個串燒去左邊度其實唔跟次序出我係接受嘅,不過又唔係爆場點解仲要等多20分鐘個串燒先黎?喺差不多食完嘅時候請店員上埋甜品,因為覺得一定又要再等於是又等左20分鐘先見到個甜品,埋單又要再等,唔講仲以為去食法國菜,前前後後3粒鐘野食再新鮮都冇用,店員係有禮貌,環境都好舒適,但我唔覺得以上呢啲出品係需要俾咁多時間等待,就當係我份人太心急啦…Read More

自己一個人食飯,梗係要食好西啦黎到駱駝漆個地下永遠都一堆人排隊等lift,揀啲位處低層嘅餐廳,行樓梯就到,又唔洗凍冰冰喺樓下等餐廳門口有主廚個紙版,忍唔住笑左其實好多款意粉都想試下,畢竟外面好少有咁多唔同種類嘅粉可以揀.唔同形態嘅粉口感唔一樣,所以即使係製成之前佢地係同一件野都好,切好哂變左樣就唔同講法餐前麵包應該都係自家製?好香口,但係只得一小件,好想食完再食忘記左個湯係咩野,淨係記得店員拎左枝望落好高級嘅黑醋即刻加落去因為唔係好想食肉,要左個菇麵,店員會即場加芝士,錦上添花呢係彈牙嘅闊條麵呀,好正超正超好食,能夠喺度獨食呢種美味真係冇得頂飲品要左店員推介嘅自家檸檬汁,可以見到有檸檬榨,唔酸又飲到檸檬香,唔識形容,都係喺其他地方飲唔到嘅甜品我就冇考慮太多,因為黎呢度重點都係食意粉,點知呢個tiramisu同樣出色成餐飯由頭到尾都冇一樣野係唔好食,幾耐冇試過咁滿意餐飯…Read More

已經好耐都冇喺大角咀呢頭食飯,今日正好有事要黎呢邊處理七點左右搞掂,正好晚飯時間呢間西餐小店好的式,店內座位好少,起初見佢一個客都冇係有少少淆不過見佢咁平,都唔會高期望,都試下啦set dinner都幾多選擇,只要唔係太偏食都梗有一款揀到套裝除左有湯,仲有墨西哥粟米片脆口野搭配牛油果醬,我呢啲平時唔會食牛油果嘅人都點唔停因為唔係好想剧扒,所以要左個肉醬意粉呢度用嘅係扁意粉,my favourite~肉醬份量適中,味道算係淡口,番茄味都唔會over,真心覺得非常唔錯大人要左呢個係豬,雖然唔係超大塊,不過絕對夠飽好易切得開,亦都唔會重口味,大人對個意粉都係讚不絕口最後仲有兩杯飲品埋單先三舊水,有咁嘅質素已經值得喇…Read More

齋睇地址會搵唔到,差啲兜左個大圈,原來餐廳門口喺志和街,starbucks轉角行前少少就係喇因為book左比較夜嘅時段,店內嘅人客比想像中少見到有向牆嘅自閉位,所以book枱時都指定話想要呢種枱,因為覺得坐側邊易啲傾到偈一開始都係見到個拼盤先想黎試下,最鐘意就係一個價錢食到幾款唔同嘅野睇下啲脂肪,少食多滋味入口即化咁滯,喺出面冇幾可食到呢啲牛,亦都證明一分錢一分貨牛舌係大人食燒肉必叫嘅,當然呢度都唔會令佢失望食左咁多肉都要平衡返下....最近我就好鐘意食豆腐沙律,份量都好夠,豆腐好滑…Read More

今次其實係第二次黎呢度上次經驗都已經麻麻地,但都叫做坐得低有食過,但今次就完全係負面體驗....上次係lunch time打算黎試新野,見佢有兩層都幾多位,被安排坐上層樓梯口張圓枱我地4個人,隔左一陣搭左3個人落黎,一睇就知張枱其實頂盡6位.坐7個除左好迫之外,路口嗰幾個人其實好危險,隨時照頭淋,而且枱面擺唔哂咁多個人嘅食物同飲品我地兩邊都各有1個人嘅食物出錯左,單係打啱嘅,但因為時間緊迫選擇接受錯誤嘅食物然後我等左足足半粒鐘以上先有野食,遲過哂周圍嘅人講返今次有幾負面,lunch time冇book枱入到黎,見到地下嗰層有吉位,但唔夠4個人一齊坐,店員叫我地上樓睇下有冇,仲話一係分兩枱分兩枱咁我做乜要一齊食飯?上到去大把吉位諗住坐低,點知有店員話後面有枱8個walk in上緊黎叫我地落返去,仲話其他枱有人book左大家都係walk in,我得4個人就要走?呢啲安排完全不知所謂,既然咁唔憂做都唔爭在少咁幾個客…Read More

黎之前都有少少期望,價錢唔貴,樓層又夠高,但係一出電梯就望到哂成間餐廳個佈局,如果咁啱有人要入電梯,其實個位好窄,若然要等位就更迫坐左喺窗邊啲二人枱,同隔離只有兩隻手指嘅距離內部境走陰暗路線,情調黎講認真唔錯,好適合情侶或者girls talk唔諗咁多要左個二人餐唔記得左個餐前小吃叫咩名....上碟呢個樣係好精美,但卷到成朵花咁想擺落口又有啲難度沙律入面嘅合桃,提子乾添加香脆口感,但係唔知點解全部菜都有少少苦主菜我都係要左個魚,煎得啱啱好,魚好夠嫩滑,配椰菜花蓉減低油膩感,只係減低啫,都係覺得油膩嘅大人要左牛腰脊,exactly即係邊個位我就真係唔知,亦都唔識睇幾分鐘之後隔離枱想叫但侍應回覆佢賣哂轉做第二個部位俾佢個牛就一般,伴碟個薯餅就好好食,我地真係妹仔肚,次次都係buy個伴碟多過主菜甜品係焦糖蕉+brownie;焦糖嘅野其實好多時都令我食唔出下面舊野本身係咩味,所以我決定鏟走哂啲焦糖就咁食蕉至於個brownie,硬到....勉強切左一個角落仔試下味就算,我印象中嘅brownie唔應該係咁硬架服務一般,食物一般,價錢黎講都算可以,如果想平平地食西餐又想要景觀可以考慮下啊.…Read More

坦白講,黎之前我都幾期待,因為以往去過嘅私房菜餐廳嘅經歷都好好,點知呢度都幾令我失望因為今日係大人嘅生日飯,我習慣預早至少三個星期就book定,但whatsapp溝通嗰陣對方都令我有少少淆底好處係唔需要落訂,畢竟都臨近聖誕;有啲地方可能要求落訂,尤其私房菜,驚啲西客訂左枱又放飛機,備左料嘅餐廳就gg喇事前喺whatsapp已經揀好哂菜式,個menu都好多花款同組合,真係唔怕會唔啱食大廈入口都有啲隱蔽,尤其夜晚唔夠燈,好易行過龍入到餐廳,第一個感覺係都幾迫,二人枱其實得我同隔離枱,另一邊仲有張四人,其餘都係六人以上大枱侍應再覆一次之前揀定嘅菜式之後就可以上菜喇雖然個menu係好多野可以揀,不過我唔食蠔,鵝肝,魚子醬,所以其實冇乜野好揀,就要左個海鮮沙律唔係我要求高,但係點解碟邊啲醋會搞成咁架?係唔影響味道,但係扣左好多印象分大人要左個招牌拼盤,佢就話冇乜特別,叫做每樣有啲,一次食到幾種味道要左忌廉湯,原本我都幾欣賞條麵包,但係我飲左兩啖湯佢就索到冧哂,何必呢....因為驚叫得太多野會食唔哂,所以只係加左個黑松露雲吞俾是日壽星冇深究係咪自家製雲吞,皮厚再扣一分輪到主菜,我要左鱈魚,望落好細件但係油脂多,呢個份量算係咁,龍蝦汁稍為少左啲大人要左牛小排skewer,成碟野係個薯蓉最好食,啲牛超多筋,4粒牛入面有3粒都咬唔到最後黎到甜品,我揀左焦糖燉蛋,口味嘅野好主觀,不過我就鐘意啲糖再薄少少至於個雪糕都唔錯,可以話係成餐飯最滿意大人嗰個因為寫左名,我就唔喺度po出黎,佢揀左pineapple crumble,一個字---酸諗住食哂可以快啲埋單走人,點知店方話仲有個燉椰皇送,明明之前whatsapp話like左fb先會送架?但佢又整緊,唔好意思堅持say no,好似會好兀突用料都算幾足,但係太甜,而且之前已經食左一個甜品,依家再黎多個只係覺得too much不至於要負皮呢度,只係每樣野都有少少扣分當然最惡頂就係同我地只有一條走廊之隔嗰張十幾人嘅大枱,大聲講大聲笑個不停,打爛酒杯仲一啲唔好意思都冇成餐飯就黎要同對面whatsapp先知大家想講乜..總結就係冇下次…Read More

greyhound喺黃埔都開左一段日子,唔知係咪呢個舖位嘅宿命,開乜野都好似唔多人幫襯咁呢度一向都冇set dinner,份量算係偏少,但對於我地黎講就啱啱好柚子沙律係食得有啲麻煩,因為d料全部都好濕碎,用菜包又會滴到周圍係味道就好正常,係一般嘅柚子沙律,唔辣呢個薄餅有少少辣,唔記得左佢全名係咩我呢啲唔係好食得辣嘅人都食到,係溫和嘅辣,外皮又幾脆,值得一試比起之前兩樣,我覺得個意粉係比較遜色,主要係啲蘆筍多渣唔爽帶子都算幾大隻,但係香草味就唔係好覺飲品就叫左杯香茅....佢冇中文名,就咁叫lemongrass drink老實講係開頭幾啖會明顯少少感受到香茅味,之後我就唔知自己飲緊乜,所以都冇飲哂…Read More

今年我地兩個生日都係星期日,第二日要返工,唔想食完太夜返到屋企所以選擇左尖沙咀有陣時就係忽然間會想食某d類別嘅野,於是就黎食鐵板燒記得某年生日都係食鐵板燒,不過就喺山林道,都唔知嗰間野仲存唔存在呢度大廈入面有d隱蔽,不過樓下一堆招牌好易睇到,就算真係咁不幸發雞盲,亞士厘道咁短,行哂你總會搵到嘅呢度一人同二人餐其實計返總數差唔多,我地揀左二人餐我不嬲麻麻地海膽,但係呢度配上山芋食起黎比平時易入口沙律微酸,合桃增加不少口感食鐵板燒嘅好處係可以睇到哂廚師喺你面前準備同烹調食材,而且上枱嘅野絕對夠哂熱辣辣我揀左冬瓜湯,都係想試特別d嘅湯;另外兩款係龍蝦湯同磨菇湯春卷少少地每人兩條,個碟仔好精美~其實我都幾揀飲擇食,蠔係另一樣我麻麻地嘅野不過呢度煮熟左,同埋有櫻花蝦俾返d香脆口感隻蠔,咁就易接受好多鮑魚準備中值得一提嘅係餐廳幾乎全女班,食到呢度先見到有位男士走出黎不過佢只係幫我地面前嘅廚師姐姐備料,同以往去過嘅好多餐廳都好唔一樣其實只要有柚子汁我就乜都食得落咁滯,所以我覺得呢個鮑魚有加分八爪魚難免都係擦膠咁嘅質感,好在細細碟,否則食到嘴仔軟黎到主菜其實可以揀食牛定食豬,因為大人好鐘意食牛舌,所以都冇考慮過要豬廚師姐姐仲會問要幾成熟左邊兩條係牛舌,好好味,唔識形容咁好味右邊係和牛,有少少俾牛舌比下去~炒飯準備中個炒飯入面到底有d咩料我就唔知,不過成碗飯個味道好平衡,落左咁多種料入去都冇搶走各自嘅味道雖然已經好飽但係我都有食哂碗飯甜品我就覺得太甜,係和菓子嗰種甜,好似係紅豆湯?之後兩件生果都食唔出味…Read More

la creperie地點都幾隱蔽,由灣仔地鐵站行過黎唔算勁近去到大廈門口有少少唔係好肯定,原來呢座係酒店式住宅黎,但下面只有一個吉嘅管理處喺管理處後面上樓梯就到la creperie喇唔想俾自己太多選擇,最方便就係叫二人餐驟眼睇落唔多野食,兩個main兩個甜品,兩杯飲品飲品揀左lemonade,因為唔想飲梳打類,都幾清新,入面粒青檸唔洗再篤,上枱已經調好哂味帶子意粉係個set入面唯一嘅意粉,我以為crepe會食唔飽,所以先咁揀白汁份量剛好夠,有3粒大帶子,同好多菇,感覺好豐富兩個main同時上菜,張枱只係啱啱擺得哂三角型其實唔知點樣可以分一半~所以好隨意咁切左個角出黎夾住d餸食估唔到嘅係d芒果好甜,成份野嘅配搭對我黎講係好特別食完哂main其實就會主動上甜品店員會上左菜之後先淋點著左嘅酒,把握時間影完呢個相就已經燒完咁滯呢份crepe就冇其他水果,中間係mango sorbet,但係質感同平時食到嘅sorbet唔一樣,似雪糕燒完之後有淡淡嘅酒味,似乎gimmick成分比較大另一個望落就普通d,四隻角係cream黎,中間係椰子雪糕,上面再加左d椰絲水果方面係芒果+士多啤梨食到一半其實已經飽左,估唔到薄薄一塊皮可以咁飽肚唯一唔好處係塊crepe會痴住隻碟,所以唔能夠好順利咁食…Read More

星期日要搵一個有得book枱又唔限時嘅地方有d難度之前去過plato地舖,覺得都ok,但估唔到令人咁失望四個人,唔想諗得咁辛苦,叫兩個二人餐抵d又可以share餐飲只係包$34或以下,諗住都係咖啡奶茶檸茶檸水啦,點知$34只有espresso同4款twinning茶包可以揀,飲奶茶都要加$2呀!!咁咪等如擺明焗你加錢飲其他野餐湯好快就到,冇得揀紅白,一律得紅湯其他食物上菜完全冇跟次序,總之煮好乜野就上枱強烈建議酸忌廉另上一開始食嘅時候係食唔到忌廉有任何酸味,去到差唔多見底先感受到有幾酸.可能我少食酸忌廉,真係唔知原來酸味會沉沈澱.仲要浸到個底d薯條就黎變薯蓉炸魷魚圈都算係咁,成餐飯最好食,不過份量少左d粒帆立貝係幾大嘅,有挑腸都算係咁,但味道就一般叫做主菜但係份量奇細,我真係理解唔到件扒同成年女士手掌差不多長,夾硬都切到每人兩條仔另一個黑毛豬鞍,比呢個西冷更細,每人分到一條仔,大約同成年女士嘅食指差唔多大意大利飯煮得比較軟身,濃到爆嘅龍蝦味唔係個個都頂得順同埋我唔明點解每碟野都擺多條蔥喺上面,冇美感之餘仲好浪費飲品叫左兩杯薄荷朱古力,兩杯榛子朱古力,好甜,飲唔到其他味道見到menu有4款甜品都唔洗加錢,本來想每款一件,但係冇哂mousse cake,所以揀左兩件cheese cake兩件tiramisu.望到個雪櫃入面一盒盒,都唔知係唔係自家製,味道都還可以,但飲完杯野咁甜都食唔出味…Read More

自從上一手間西餐摺左之後路過幾次都冇入黎,因為佢冇任何menu擺喺門口,咩價位都唔知,點會盲中中咁入直到有次大人行過見到終於有個menu睇下先決定入黎試一試一行入去唔夠兩步就係撲鼻而來嘅厚重油煙味被安排坐喺開放式廚房對出打斜擺嗰d枱,心知不妙,至於點解就留返最後先講香草麵包,暖暖地,淨食又得,加油醋亦得想叫個小食,又唔想熱氣,試下個mini burger夠的式,豪氣d可以兩啖食哂一個,本身入面夾左紅薑,唔喜歡食薑嘅朋友要留意我就幾鐘意呢個組合,咁樣食就唔會覺得油膩,份量點到即止舊肉juicy到一咬就爆哂汁,幾驚彈落自己件衫度呀海鮮闊麵,我以為係一塊塊做成千層嗰種,見到英文係lasagna丫嘛,點知係變成一pat野味道其實都冇乜野,個汁唔錯,蝦同帶子都好大,只係d麵會疊埋哂,總之就一餅野鱈魚唔係好大件,都係兩三啖嘅份量,煎得夠香menu上面寫住伴番茄清湯,hm......可能我見識少,因為喺一間法式私房菜餐廳食到個番茄清湯真係清湯黎嘅所以呢度都係當佢汁咁點就算,好濃,真係當湯飲應該受唔住最後講返點解坐呢張枱係不妙?因為唔止路過出入嘅客人會撞到我張櫈,連店員甚至疑似老闆嗰兩公婆都係不斷地撞/踢到我張櫈.自問已經特登將自己迫到盡量貼埋張枱度,仍然避免唔到瘋狂撞擊嘅狀況可能有人會話點解唔要求換枱?當時係晚飯高峰時間,再加上就算換左我都避唔開接二連三嘅蚊滋騷擾....不了.…Read More

其實我都幾鐘意黎頤之味食野,因為覺得半開放式座位唔會覺得有壓迫感令我猶豫嘅就係價錢...所以我都行左個圈先決定入座二人餐有好幾款,豐儉由人,我地揀左個偏平價嘅底下透明嗰d我唔係好知道係咩黎,爽口但冇味鐘意食蟹籽同三文魚子嘅朋友應該會好鐘意個沙律刺身個碟好似太大,顯得刺身好少好細件;尚算新鮮,吞拿魚始終有種雪味咁店方其實會睇下客人食到咩程度先黎下一道菜,唔會一下子出哂黎搞到張枱擺唔哂又食唔切,唔錯唔錯玉子燒黎到嘅時候仲係完整一份,店員會即席切開;甜度適中,但齋食玉子燒好似爭咁d野咁大隻碟...再一次覺得件事dry左壽喜燒每樣野少少地,其實黎到呢度已經有d飽日本豆腐真係好滑滑滑滑滑滑,全部變哂做豆腐都冇所謂食食下喺入面搵到粒心型魚餅原本個餐入面係跟三文魚炸蠔卷,不過我地兩個都唔食蠔,師傅轉左三文魚加州卷蟹湯細細碗,但每人都一定有半隻蟹,超濃味!最後係芝麻雪糕,好凍好硬濃濃芝麻味,唔似係平時街買到嗰d平野…Read More

話說之前去左隔離食飯,走嗰時見到呢邊二人餐都好抵,眼裡淨係見到$168呢個字眼所以今晚同朋友黎試下,坐低仔細睇先發現事情唔係咁單純..好早黎到,未夠7點,店內得一枱,應該都係坐低冇耐我地被安排坐佢地隔離,但帶位嗰時冇俾menu,等隔離落完單先拎menu過黎當然係瞄準二人餐menu,d食物相都影得幾差,仲有少少起格,圖片不能參考話說$168係有米pizza+意粉+沙律+無限汽水但原來以上都係指定款式,要轉款每樣就+$28後悔冇睇清楚就中入黎,我錯了~沙律賣相算係咁,不過上枱時已經parma ham包住左個蜜瓜,汁另上都幾值得一讚,可以自己選擇要幾多先落d菜都ok新鮮差d漏左講,跟餐指定唔係呢個沙律,呢度+$28意粉就冇轉,要返指定嘅溫泉蛋肉醬肉唔係好多,我選擇撈埋隻蛋黎食;意粉質感尚可,我個人都冇乜要求嘅最後係米pizza,都幾薄,呢個都唔係跟餐指定款朋友唔食洋蔥所以叫佢走左,店員當時話呢款有三色椒洗唔洗走,講左淨係走洋蔥,但最終似乎走哂...所以個pizza得返帶子+蟹柳始終都係飯黎,所以得個邊係脆,唔難食嘅,但唔會wow囉所謂無限汽水係喺你面前開罐百事倒落個裝左冰嘅杯度,又真係可以一罐兩份;不過我地冇添飲我算細食,所以覺得夠飽,但朋友就話佢仲有肚可以落去食甜品,可能男士會覺得唔係好夠喇…Read More