大野's Profile

好耐好耐冇寫評，今次真係忍唔住。野食方面睇食評本身都預左一般，睇到報道覺得幾有創意，都知而家飲食業難做，真心純粹係想嚟感受一下個氣氛支持下。價錢貴都算、嘢食真係唔係個個頂得住，超鹹超重味精🤮🤮🤮，色香味俱冇～大排檔？？？仲要食到有頭髮😒同店員反映～侍應咩都冇講直接收走…咩料，唔好意思都冇句！？好野，一定冇下次。4個人埋單$2553，貼錢買難受😣大家想見識下都可以黎，首先睇吓自己想要啲乜嘢啦！😬…Read More

已經好耐冇寫食評 但呢一間真係不知所謂！真心寫黎提醒下……… 實在太差，應該一早在時代巨輪下淘汰地存在😩事源搬左黎呢頭半年都未試過呢間，俾我印象貴，今日約左老朋友諗住食好啲咁啦～起碼個價錢係🤔順手用埋啲消費券 ， 咁就入去試下啦， 當日入到店得我哋同另外一檯，講緊嗰時已經係晚餐時間， 感覺有啲唔對路 ，可能因為都唔平，不過都入左嚟，試試佢啦！原本諗住有朋自遠方來，嗌咗2人餐都差唔多3千大元埋單！當然有少許期望啦～入正題～前菜：味道正常 份量極細刺身：黎到嚇一跳，擺盆同埋size味道都係放題質素！真心癲最好野係壽司：一人一粒冇味海膽～完。想點？燒物、沙律、湯都非常一般水平之下，燒蟹腳上檯已經熟曬，但裏頭冰既！咩料？主食：我叫左鵝肝，有兩件都話可以分下，朋友叫既銀雪太細，都冇試佢啦！樣正常其他：甜品烏冬都冇咩好講！Local質素份量係：連蘿蔔絲都食埋都係6成飽🙄好心啦～呢個質素我差點以為返左水x屋年代！客又唔多，招呼茶記咁上下🙈🙈老實講， 呢個價錢喺附近食日餐質量都好過佢係絕對有！仲要食好飽～咁呢個阿媽家姐價，咁冇誠意， 斟完第一杯茶畀你之後，要叫人先識加水！CP、野食、招呼都係我暫時遇到最差，超搵笨！絕冇下次…Read More

自從疫情開始，已經好少外出用膳，之但係，冇可能日日喺屋企自己煮嘢食㗎？！所以，間中外賣，就算覺得幾咁唔環保，都要㗎啦！而因為工作地點喺灣仔，呢度美食雲集，中西日印泰台都齊晒，每逢放工時諗起要食咩都真係幾難揀，由遙遠的港島拎返自己屋企大西北，點可肯定保持食物冇壞呢？都唔好話唔係一個大考驗。申完一輪～今日同大家介紹下呢間💛想食壽司就會揀佢嘅——家賀屋！之所以揀佢，有好長嘅故，筆者簡單啲講：我嗰肚比較敏感，唔新鮮嘅嘢一落肚，肯定會成晚抱住嗰馬桶，之但係，呢間嘢，我由市中心拎到返大西北，返去消毒埋自己先食落肚，都冇事唷！——所以，我真心唔係好明白點解啲人會話佢質素差？仲要冇圖冇真相？！Fine～比啲相大家睇下無妨😃不過今次叫嘅都係普通嘢，普通得來又人見人愛，最愛係嗰青龍，以前堂食嘅時候一定會叫，好食又好睇，盡顯餐廳嘅用心。仲有皇帝蟹棒——呢個名詞應該係由細到大喺某間X氣食壽司最有集體回憶㗎啦🤪可惜今時佢放棄咗我，而我都費事“熱臉貼冷屁股”，都係支持返同路人算啦～家賀屋嘅蟹棒絕對會比你嘅味覺搵返啲回憶。…Read More

和小朋友玩完活動後，例牌家長聚餐！上網搜尋後，見這裏有點心飲茶，整體評價也不錯，便來一試！價錢絕對大眾化，服務沒有網上說的那麼差，可能是運氣還好。樓底雖然有點矮，但整體來講，坐得闊落、空間夠，我們四大三小坐了張十二人大圓枱我們叫的點心也不少，但開餐時間我們做家長的總會高談闊論，所以沒有多拍照了！整體味道是正正常常的，一般酒樓貨色，那也就不探討了！只可以說：樣子越普通越傳統的點心，味道更好。建議不要點有些太有創意名子的點心🥧⋯⋯那麼這裏也是一個不錯的選擇！加上以七個人黎計，埋單都不到五百，港島區算係可以接受啦:)…Read More

這間滷水店，在灣仔已經很多年。由原本的店搬到新地址一段時間沒有幫襯，今天在附近工作，和兩位友人選擇在這裏食個快餐！新店比以前光猛，但搬新店的後遺症就是加價😂味道是不錯的，你點的所有食物都會出現在碟頭飯上，絕對不會有多餘的東西！那怕是一粒蔥，一條菜！鵝片飯 $62 有七塊鵝片，當然部位不是最好，滷水味適中，不會過鹹！小貴，賣相一般。我個人是可以接受的！最少鵝肉不是柴的三拼飯，份量不少。友人愛食鵝腸，這碟頭飯最大敗筆：是鵝腸都不太能吃，比較不乾淨，太多肥膏影響鵝腸整體爽脆嘅口感。還有鵝腸內像是未消化的東西伴在一旁，確實令人胃口大減！以前我也來吃過鵝腸，當時叫了一個鵝什，沒有這個情況！希望這次是一時失手，否則又在灣仔少了一個開飯的地方…Read More

5號先出糧，長期糧尾既小弟，喺4號呢個極度尷尬日子！唯有搵啲平平哋，而且一個人食起來唔太古怪嘅食店啦車仔麵當然是不二之選，選個四餸面就已經有四種不同嘅口感和享受！應該係落雨嘅關係，店面冇乜人。首先講環境：尚可，燈火通明冷氣夠！唔知係唔係位置問題，唯一係聞到一些坑渠的氣味令整體感覺不太良好。我覺得車仔麵最講求嘅係餸菜選擇夠多，第二係靠湯底。我揀咗個四餸麵，黎結束呢個月嘅苦困四餸面上檯，老實講賣相已經好唔吸引！選了辣汁，但少得可憐連粒蔥花都沒有...睇來睇去都係得三個餸，叫店員來問才知道雞翼尖賣晒！但張單冇改？豬紅：好大陣血水味；南乳豬手：普普通通，有點淋；咖喱魷魚：唯一食得下，但應該是水魷班扮土魷🦑！口感淋但咖喱入味，湯底看似清淡，其實幾濃郁，唯一問題係飲完勁頸渴，冒着破產嘅危機都忍唔住叫咗支芬達:(埋單46蚊，係幾經濟？或者啦但如果係食呢D質素係咪會有第二次？可能要等到下個月4號再考慮⋯⋯又或者會加多少少食好D!嘢食環境今次來講，認真麻麻…Read More

辣得過癮住在灣仔 有地區便利。常有經過這小店 不過經常座無虛席,其實係位置不多所以想食都要趁早川味小食紅油豬耳仔 $32紅油加上芫茜 麻香撲鼻 雖然係薄片但爽口十足。呢個我最愛之一不過要注意小店既前菜都係偏辣的。牛肚涼麵 $43牛肚份量不少  牛肚好有嚼頭,香辣可口另外配料有青瓜，肉碎，又有豆之類。伴完後食口麵 麻麻地辣誰不知,後勁凌厲。真係幾辣下唔食得辣真係會頂唔順。不過貪辣既我認為辣得過癮,有起伏位,幾好食津路烏龍茶 $6支 Wellcome都買唔到呢個價錢不清楚正宗唔正宗，單以食物味道黎講，確實都係色香味俱全。況且價位相當經濟有位的話 應該都會常去～…Read More