甘地's Profile

今日夜晚又走去呢檔南華美食食, 已經有半年無去了除了食好好食的咖哩魚旦之外, 今次仲食左煎薄撐, 估唔到, 好正 煎薄撐係由一個年紀較大的阿姐負責炮製, 其實薄撐已經煎熟, 當有人要時阿姐就會放之落PAN度再煎, 薄撐有韮菜之外, 仲有辣的菜保, 食的時候爽爽地口, 好惹味晏晝係無開門的, 要四點左右先門口, 早得滯去係無得食的, 晚晚都幾多人幫襯, 生菜魚肉碗仔翅都有好高的水準, 值得大家去試…Read More

經過佢地門口, 店員小姐捧住一小杯的試飲裝給路過的人試飲, 我就唔係一個貪小便宜的人, 要試, 自己出錢買杯MOCHA飲, 反正價錢唔貴咖啡味比朱古力味蓋過, 咖啡的味道薄得滯, 有點似飲朱古力之感, 不過口感尚算滑, 可以話係一杯不過不失的咖啡, 價錢都合理, 可以一試但, 商場太大塵, 根本無可能坐係度飲:(…Read More

上次食過越棧的牛肉粉, 覺得好食, 所以就俾了一個笑臉佢 (詳情請看我之前的食評), 不過今次幫襯了奧海城的分店, 水準似乎差了一點...今次再幫襯"一個湯底的傳說中"的生牛肉粉餐, 記得上一次食, 牛肉味很夠, 不過今次湯底偏甜, 牛的味道比較少, 而且湯粉下得太多 (或者係湯比較少), 食到一半, 河粉已經索乾了湯, 其實我都食得幾快了, 所以最後都係食唔哂:(連鎖店, 品質能否統一係成敗關鍵, 越棧看來要再下苦功了, 敬請留意奧海城店的質素!!…Read More

CRUMBS 的名字最近在OPENRICE 好HIT! 今晚去試食一杯原味YOGURT 要了我的銀包32塊, 細細杯, 感覺有點肉赤:( 不過, 味道真係好正, YOGURT 好幼滑, 入口慢慢溶, 同行的朋友選擇了加上藍莓的口味, 但我都係食返原味下次都會再試, 不過等旺角店開先啦, 比較就腳, HEHE…Read More

睇完阿jan 之後, 行落尖沙咀宵夜去也輕鬆一下仲未收, 又有粥, 又有麵又有飯, 宵夜都不作他選了, 選擇好多, 梗有一款啱女友吧我自己叫一碗帶子粥, 女友食冬菇蝦球湯麵! 我的帶子粥價錢唔低, 一碗八十幾蚊, 不過味道就有點失望了, 首先粥底係完全唔咸, 無嚟味道, 而且最唔掂係粥底, 又唔係好似潮州粥一粒粒, 又唔係廣東粥咁煲到爛, 就好似係將飯加水煲一陣就俾我咁, 難食:( 縱使帶子鮮甜啖啖肉又如何, 咪令我食哂d帶子而已...女友的冬菇麵就好食得多, 冬菇炆得好香好好食, 麵係上海麵, 有彈性, 湯底係惹味上湯, 有d後悔點解我唔食麵一個好食一個難食, 構成一個ok食評…Read More

偶爾發現這間金寶泰式海南雞飯, 門口掛住一隻一隻的肥雞, 就唔再周圍行, 入去食晚飯餐廳標榜海南雞飯, 當然要試試, 除此之外, 還叫咖哩牛腩煲跟法式包, 特級火車頭一碗及春卷一客, 春卷用他們提供的coupon 只須十二蚊一碟海南雞飯的水準係唔錯的, 雞肉有很豐富的油脂, 咬落肉地幾滑, 雞肉的水準合格有餘; 到油飯了, 一粒一粒的飯都滿滿的充斥雞油香味, 顏色較深, 但味道很不錯, 招牌的菜得啦~咖哩牛腩煲的牛腩好林, 筋同肉的比較差不多係一半一半, 咖哩汁稀了一點, 雖然係煲上, 但沒有一個火爐去座熱, 同想像中有出入, 最初以為一邊食一邊滾, 熱辣辣的, 但原來唔係; 火車頭係牛肉, 牛什, 豬手什麼都有的一大碗湯粉, 味道都幾好, 特別係湯係好夠味的, 不過一碗要六十九蚊, 兩個人食又好似唔係好夠, 一個人又多過頭春卷好脆, 但太細條值得一讚係無加一收費, 最憎係要收加一的餐廳…Read More

晚間在新寶戲院睇戲, 散場選擇以扒醫肚在戲院的斜對面, 就係扒王之王, 餐廳要上樓, 不過好彩有"車立", 都唔駛爬樓梯咁辛苦 環境幾舒服, 雖然燈光唔係好充足, 但勝在樓底高同坐位之間有比較多的空間, 一點都唔焗促:)我自己食一份厚切西冷扒, 9oz 的, 五成熟, 要黑椒汁, 扒的肉質很好, 沒有任何鬆肉粉加工過, 天然的味道, 牛扒幾juicy, 厚度適中, 我選擇了用鐵板上, 始終比較香, 好食好多! 一份扒收 $148, 但覺得都係值得的因為叫了扒, 所以可以優惠價錢$14 要十粒無殼的田螺肉, 配薯蓉, 味道就... 難食:( 早知唔叫.. 不過塊扒真係唔錯, 所以even 田螺失敗了, 依然要俾個笑!…Read More

尋日本來想去茶樓飲茶, 但係落小巴見到點心居, 又記得而家旺角一帶開左幾間點心小館都有唔錯的水準, 所以就決定喺度食點心了我試o左山竹牛肉($10), 酥皮义燒包($12), 牛肉腸($12), 潮州粉果($10) 同北菇滑雞飯($16), 價錢中等, 味道普通而已旺角某點心店以酥皮义燒包最出名, 這店的相同產品, 味道給比了下去, 义燒的餡沒有一搣開就流汁的义燒醬, 酥皮本身係幾乾的食物, 又因义燒又乾, 所以變成有點乾啃了北菇雞飯好像不太熱, 飯粒有點漲的感覺, 所以食的時候感覺一般, 腸粉不過不失, 皮不算薄, 豉油都只是普通的味道如果填肚嚟講都可以滿足, 但滋味就談不上了…Read More

星期日下午去到曾記, 為的就係多位食家大讚的潮州粿品不過上到去, 唔係好多人, 全場只得五枱客, 曾記就有三枱, 見到兩個女仔食緊一碟好似炒蘿蔔糕的, 就叫了一碟, 叫炒糕粿, 另外仲買兩隻椰菜粿食炒糕粿味道就唔錯, 用甜豉油炒, 加埋雞蛋入去炒, 都炒得幾香, 不過無肉, 而且有點甜, 味道唔係太啱我, 椰菜粿都係普通, 味道比較淡, 粿皮唔係好薄, 同預期的有出入味道唔算好好, 可能要食韮菜先好味啦…Read More

去到新世紀的 foodcourt , 都唔知食咩好, 最後在越棧買了一碗生牛肉湯河了事味道尚算ok, 以 foodcourt 的水準, 已經係唔太差, 雖然湯底牛味不是很濃, 但配料充足, 特別係洋蔥, 蘿蔔的加入令到味道的甜度大大増加, 河粉份量適中, 都可以填飽個肚的牛肉比較un, 不過夠薄, 不會趙得太辛苦, 食完碗粉, 夠鐘入場睇戲了:)…Read More

打風之夜在翠華食晚餐, 這間翠華人客唔多, 裝修好靚, 唔知係唔係d街坊覺得高級得滯呢?睇云哂全部的食物, 都係食返文昌雞飯, 即係海南雞飯, 張相就影得好靚, 實物唔知得唔得? 不過見佢地有個專用地方做碟雞飯, 覺得好似好認真咁:)雞肉十分之嫩滑, 雞皮同肉之間有層薄薄的油膏, 隻雞真係靚, 又有雞味, 六大件雞肉, 好食又抵食! 油飯有椰油的香味, 味道都唔錯, 又唔會太硬, 整體好夠水準!碟雞飯比起好多間所謂海南雞飯專門店的水準有過之而無不及了…Read More

兩日前落開筲箕灣, 專登去安利食魚旦粉今次去唔知點解唔多人, 店內只有五六枱客, 但係唔理啦, 都嚟左, 以前食味道都唔差, 如果真係唔好食, 下次咪唔嚟law!叫左碗魚旦米食, 魚旦細細粒, 有四粒, 魚片更加細塊, 有兩片, 不過細係細, 味道卻係唔錯, 魚旦有魚味, 咁先係最重要, 不過講真, 好似無之前食咁彈牙:( 塊炸魚皮浸入湯之後, 咬落去, 哇, 都係咁好食!我覺得最弱一環係個辣椒油, 唔夠香, 唔夠辣…Read More

估唔到咁靜的舖位都可以俾佢做到咁旺, 附近都係黑媽媽的巷仔而已... 講既係小甜谷, 人氣急昇的甜品店, 特登同女朋友試..去到打張枱俾我同女友坐門口, 俾個大風扇吹住, 不過咁多人, 張就吓啦, 甜品揀左桂花糕, 楊皮甘露同北海道牛奶燉蛋白, 個桂花糕完全唔好食, 只有紅早的味道, 其他的完全欠奉.. 楊枝甘露就好稀, 味道又唔夠甜, 相信好多食客都有我呢種感受!個燉蛋白算係比較好味的一個, 但真係好細杯, 廿幾蚊兩啖已經食哂了..一次過, 下次唔會食了, 唔好味...:(…Read More

尋晚落大雨, 一個人在九龍城搵食, 見龍鳳店無人 (可能打風, 條街都唔多人), 就入去食碗蛇更充飢去呢度的蛇更, 兩個字 "好味!", 蛇肉夠多, 仲好有咬頭, 用菊花辦, 薄脆撈嚟食, 真係一流, 配料好足, 食落唔會覺得只係得"更", 鍾意蛇更唔會太杰, 太杰通常因為落得多粟粉之類, 我好憎呢種做法, 不過龍鳳店的蛇更就係較流質的湯, 用足料煲令到佢好食, 抵讚咁好食, 但係唔知點解無咩客.. …Read More

見到openrice的網站推介定食 Doraya, 今晚就同女友去食幾個月前嚟食過個藍鰭吞拿魚定食, 覺得味道幾好, 不過食完之後都無醒起呢間舖, 哈哈, 唔係推介都唔會去食呢原來定食doraya都開左分店係九龍, 不過今次都係食番銅鑼灣店, 新推出壽司, 一件件咁叫, 好令我可以食吞拿魚定食之餘, 可以食吓其他種類的魚生! 講番個吞拿魚飯, 今次比上次更好食, 因為有魚脂的香味, 上次覺得無今次魚味咁重, 都係有八至九塊大大塊的吞拿魚, 真係食到夠皮兩塊甜蛋好軟熟, 係食碗飯之外, 味覺上的另一個享受, 係呢度食有去左築地食魚生飯的感覺呢:)…Read More