Pet Pet 食不停's Profile

每次來體育館都一定會食個飯先走今日食鮮茄雞扒腸仔飯+凍奶茶共$51奶茶茶味夠香濃，雞扒炸得香脆嫩滑，飯軟硬適中啱我口味😂食完飯見未夠鐘上堂，點多份燒賣（唔記得影相🫣）$12有6粒，好食😋推薦來呢度玩食點嘢先好走🤣…Read More

雞煲美食坊在vcity對面，天主教小學隔離。好味，奶茶好飲，麻辣湯，手工麵，碟頭飯都好出色附近食店中呢間最值得幫襯不過樓面只有老闆娘一個，做唔切如果趕時間的話，就唔好幫襯。…Read More

必食豬扒真係好好食，佢比一般嘅厚少少，食落鬆脆，而且有少少肥肉邊，我最鍾意食呢個部位嘅豬扒😍公仔麵餐選擇多，佢係用韓國辛辣麵/芝士麵，😋再配奄列，多士。多士仲可以奶醬多或油占多，用麥包都得。👍我揀咗豬扒芝士麵、蘑菇奄列、油占麥包多士、即磨熱咖啡，$45食得好開心！😋…Read More

今日想食韓燒，得兩個人諗住搵間任食可以食多幾款。上openrice搜尋下睇下有乜嘢好介紹。竟然搵到工業區有間新開韓國燒烤任食。合晒我要求，即時去試一試😋環境尚算企理，我鍾意佢座位唔迫，因為而家好多小店為咗坐多幾個客，座位密質質，雖然價錢平但係坐得好唔舒服。呢間坐得舒服👍🏼試咗牛扒、豬扒、雞扒腸仔、冬菇、菠蘿等等食物味道好好，燒豬大腸好食😋有人蔘雞湯供應，湯有淡淡人蔘味道，一讚👍🏼仲有甜品，老闆自家製嘅紅豆糕、咖啡糕、桂花糕等等非常美味一定要食。仲有飲品種類比較特別，例如說冰糖雪梨。啤酒不是用最難飲嘅ice beer，而係喜力有點驚喜！我會再去。…Read More

晚上一個人見成10㸃鐘，唔想食咁飽，決定去海皇食碗粥。叫左個皮旦魚片粥，越食越反胃，成碗粥無味，魚片無魚味仲要有少少腥，粥米又唔香。搞到成碗粥又腥又冇味。上次食過艇仔粥都無咁差。結論係千祈唔好食魚片。…Read More

第一次幫襯晚飯，聽講環境非常好，所以去試吓。有set dinner，叫咗一個肉眼扒同，一個意大利飯，肉眼肉質鬆軟非常有口感，但係無牛味，叫五成熟俾咗差不多全熟。意大利飯的煎魚煎得非常香脆。我是坐室外的當晚天氣都很涼，餐湯上左無耐便上意大利飯，叫佢拎返入廚房暖住唔好上菜，轉頭又攞個牛扒出來。搞到飲完湯個扒都凍哂！:(上餐，上茶放餐具等等，不是放在你面前，而是隨便放下便走整體食物還可以，但是服務真的是有很多進步空間…Read More