ckw0710's Profile

這次嚟呢間食，貪佢比較近馬路，好容易搵到。叫左個香草牛扒拼煙肉飯，配個中湯，仲有杯凍檸茶少甜，都係收55蚊。價錢唔算特別平，但都算好合理。一上檯份量非常多，牛扒兩塊，煙肉兩塊， 黑椒汁亦非常多。 如果你係大胃王，一定滿足到你。本來對裝修好靚嘅冰室冇咩好感，但你一間都算做得好好， 值得畀一個正評。…Read More

今日同老婆產檢，之後想搵嘢食，去咗呢間門面比較靚仔嘅餐廳，入到去嗌左三樣嘢， 一塊北京餡餅，一碗豬手麵，仲有一碗雞扒米粉，其實價錢唔算貴，加埋都係80幾蚊，不過質素確實令人有點失望。先講下碗豬手麵，分量相當吝嗇，得兩舊豬腳，強調係豬腳，所以相當冇嘢食，碗麵好普通，一炸雪菜冇特別樣。尋味指數係一粒星。然後講下雞扒米，我食咗少少雞扒，非常乾，味道一般。唯一正常啲係快北京餡餅，皮都脆脆地，函購多，性價比算高。不過響競爭激烈嘅葵涌廣場，呢間野真係冇競爭力，入去食嘢純粹係買個位坐，唔怕中招嘅不妨入去幫襯下。…Read More

今日喺OpenRice度發現咗呢度原來下午茶，五折於是同老婆兩個人去試。發現原來味道真係唔錯，我哋叫咗一籠小籠包，一個雪菜蝦仁炒飯，再加一個五香牛肉豬骨湯拉麵，仲有一個蒜泥白肉，四樣味道都好。只不過原來唔係每樣野都有半價，炒飯係原價。其實佢餐牌都有寫，只不過好難分邊啲係半價邊啲係正價，所以我建議不如全部半價，咁啲人食得仲開心。其實呢度有首創嘅七色小籠包，只不過今次兩個人冇嗌到，下次一定要試吓，我推介你食下午茶，唔好食晚市。最後埋單＄215…Read More

難得聚會，想搵間似樣d既酒樓，點知黎到呢度中左伏。劣質火鍋，肥牛全部肥膏肉丸好低質湯底味精，之後不停加水變白烚食物種類，配料都少食過一次一定唔會返轉頭而且收費每人140元，一d都唔值…Read More

下午茶佷個海南雞飯，35蚊有熱飲跟，價錢正常，但飯黎真係嚇一跳，然後得啖笑，一隻綠色碟只有5件雞，4分3碟油飯，少得可憐。雞味正常，飯好淋，醬油好少，5分鐘食完，決定不翻兜…Read More

今天又是兩口子到金山吃晚飯，我以前一樣，質素高，食物美味。我們點了三菜一湯：1. 半斤白灼蝦蝦好新鮮，雖然是白灼，但味道很好，鮮甜，配上那辣辣的甜豉油，是非常好的第一道菜。2. 豉椒炒蟶子皇這個有點貴，4隻蟶子要80大元，不過味道也好，只是蟶子皇略為大，所以肉質有點韌。值得一讚是豉椒汁不是太醎，和外面的不一樣。3. 西蘭花牛肉帶子這個不是這樣的皇牌菜式，但一樣不俗。因為我們只有兩個人，點這道菜有多點東西吃，牛肉夠鬆化，只要西蘭花可以熟一點，軟身些會更好吃。4. 是日例湯：粉葛豬展這裏飲湯最好，一小鍋不過40元，但質素高，感覺像住家湯，非常夠火候，而且整鍋可以勺出5-6碗，平靚正。…Read More

買左一舊三文魚手卷，9蚊，價錢其實唔貴，味道亦都唔錯，只不過當我俾錢個時，竟然唔俾豉油同wasabi我，我問佢攞，佢竟然話二選一！唔係卦，咁都要慳，我即刻感覺唔良好。。…Read More

年三十去維園行花市，行完就去天后，見到呢度咁多人，於是入去幫襯一下。一見到個餐牌已經O嘴，一碗牛腩河竟然要38大元，係38大元，真係貴到離晒譜。不過既然一場黎到，都試一試有幾好食先啦。等左一陣，可以入坐。之但係個鋪真係好逼，我地被逼向一張好細既圓枱食，同2個人搭枱。其實榙枱都無所謂，最大鑊係好逼，好似面貼面食咁，真係感覺都扣晒分。之後叫左2碗清湯腩河，D腩係新鮮，不過無咩味，亦有點韌，可能本身係咁，我都唔知。不過我真係覺得唔算好味，所以我一邊食一邊落醋同豉油調味。如果呢度都算好食，我諗旺角花園街一堆鋪頭都好過佢，最起碼人地一碗最多20元。總結一句，貴、普通=唔抵。…Read More

今天見無咩特別想食，就去左呢間近近地又就腳的金滿都食飯。見門口無咩人，都唔敢期望太高，不過入到去先知原來很不錯。點左4樣野食：1. 生牛肉湯河2. 豬扒炒檬粉3. 牛油蒜蓉雞翼4.椰汁黑糯米唔形容咁多，一句講晒，4樣野都好食，而且價錢不貴，埋單到係130蚊，坐得又舒服，絕對可以一試再試。…Read More

我地二個人六點半就到左，所以唔洗等位，但係到左七點半左右，我見到好多人排緊隊，所以要食，我建議早D去，費時要等。我地叫左兩個餐：1. SET DINNER豬扒意粉 $58我覺得呢個真係超正。首先野食豐富，先來個炸帶子沙律，所以上餐包，之後上餐湯，跟住有主菜，然後再上飲品，最後上甜品雪糕。你話一個餐有咁多野食，真係去邊度搵。其次係D野超好味。個炸帶子沙律好正，份量夠，又夠凍，味道一流。羅宋湯又係正，仲有舊牛腩，夠味，超好飲。主菜唔駛講，二大塊豬扒跟個茄汁意粉，豬扒做得真係好好，好腍，而且夠味，仲要有成二大塊，真係抵食夾大件。檸茶又係正，香濃有茶味，雪糕更好，超好味。2. 西冷牛扒鐵板 $98呢個就差D，但勝在夠大塊，如果係食肉獸類既朋友可一試，不過味道我覺得麻麻地，幾韌，同埋無咩味，所以唔太推介。但係其他跟既野，包括餐湯、餐飲、甜品同上面一樣正，可以話瑕不掩瑜。總之，呢度真係好，有機會一定要試。…Read More

如題。今日黎呢度BBQ，我地一行9人，只係要左一個爐，因為每個爐開爐費要30蚊，唔知點解要俾，我黎燒野食，你緊係要俾爐我啦，遲D可能酒樓都會學呢招，打邊爐要收「開爐費」。野食係OK的，基本上應有盡有，但係無D較好既食材，例如蝦或者魚，我上次去西鐵樂園就有。不過環境真係好唔掂，首先係逼，我唔明點解D爐可以咁近，爐與爐之間真係伸隻手過去都燒到，所以坐得好唔舒服。另外放低野既空間亦好少，得一張枱仔，我地放低D袋已經無位放食物。我仲見到有一部分位置竟然有帆布蓋頂，我覺得同燒炭自殺無咩分別，D熱氣全部聚埋一齊。最厲害係見到好多人打牌，真係能屈能伸既表現。其次係走廊完全無位行，因為實在D爐太近，所以大家都自動散開，佔據左走廊既地方，結果當然係走廊形同虛設，要出入極度困難。再者係果度地方都算大，我地編左去一個好遠既地方，每次攞野食要行好遠，大大減低去攞既意欲，當然係食得好不爽。最後一句，我覺得賺錢唔係一定要賺盡，好似佢咁好生意，我就唔會有下次，仲會上黎寫食評，希望大家去之前可以考慮清楚，實在有好多好多比佢好既選擇。仲有一樣，我地人頭費係108位，真係史上最貴。…Read More

老實說，我不覺得寶哥值那麼多個「讚好」。第一，價錢貴。每位最平要158，未計8蚊醬油，加1服務費。如果將呢D都加起，每個人起碼要180元，180元打個邊爐，實在非常之貴。第二，食物少。寶哥雖名為放題，但實質可選之食物極少。例如丸類只得牛丸和火腿丸，蔬菜類亦只得生菜、紹菜，兩三類菇，我想全部加起來，也不過10數樣食物，實在無咩好揀。第三，質素一般。收得180元，以為有甚麼好野，卻發現食物好一般，特別係個招牌湯底，真係唔覺有咩味。雖然佢有和牛、海鮮類食物，但係打邊爐食真係有D徙，而且佢個鍋可以煎野，但係效果唔好，所以都係麻麻。總括而言，我覺得物無所值。…Read More

同帽子兩個人去食生日飯，黎到呢間向童軍總會附近既酒店餐廳。我地6點鐘就到左，但其實我地BOOK左6點半，個侍應好好，都放我地入去坐，不過要等到6點半先可以攞野食，我地就等到6點半。果度D野食款式都好多，而且味道不俗，由於太多，我略舉幾味難忘既菜：1. 串燒雞翼。呢個真係好好食，雖然雞皮略肥，但燒得好好，入味得黎D肉好嫩，香口又唔覺得熱氣，我忍唔住食左2串。2. 長腳蟹。一般要300-400百蚊先食到長腳蟹，但呢度200幾就食到，其實味道無想像中咁好食，不過始終係貴價食材，所以味道一般都覺得值回票價。3. 凍蝦。個樣雖然唔係好靚，但勝在味道鮮甜，唯獨蝦腸較骯，完美主義者未必鍾意。4. TIRIMISU。好滑，唔算好甜，個個都岩食。5. 生果。新鮮，好味，大大舊，REFILL快，正。而且侍應們換碟快，服務不錯。…Read More

朋友結婚，請我到煌府飲。之前其實無黎過，對呢度一D印象都無。入到去已經覺得好靚，我地係去鑽石廳，成間房用左好多水晶同鏡，出黎個效果確有鑽石之感。野食就更加好，全晚有10幾道菜，隨便舉幾道為例：1. 西蘭花鮑魚仔：西蘭花好新鮮，而且切得唔大唔細，好綠，睇到都想食。鮑魚仔都好鮮香，雖然好細隻，但少食多滋味。2. 東星斑：蒸得好岩時間，條魚非常滑，而且蔥絲夠多，豉油味香，整體非常正。3.蛋白炒飯：D飯真係可以一粒粒唔黏埋一齊，而且好有彈性，飯味甘香可口。4. 干燒伊麵：用上湯浸過，所以D麵好有味，而且好林，一食再食。OVERALL：呢度係結緍擺酒既好地方。…Read More

一直都想試下呢間餐廳，因為聽聞呢度真係平、靚、正，尋日一試，果然名不虛傳。我地兩個人叫左好多野都係123蚊，非常抵。焗芝士肉醬飯，味道相當好。份量都唔算多，兩個人吃剛好。野菌忌廉意粉，意粉爽口，個汁亦香濃，正。周打海鮮湯，非常好味，個湯有好多配料。蒜蓉焗包，夠熱，而且軟熟，好味。辣雞翼，推介，好味，一句講晒，夠熱，正。抹茶雪糕，好味，只賣10元。以上都係123元落樓，而且我地咁岩向唔多人時間去，坐得非常舒服。推介其他人去試下。…Read More