楓*'s Profile

前排做PROJECT做得太辛苦, 男友話帶我去食好野! 去到熟食中心門口就見到大大張POSTER..原來我地就係食呢間! 佢有兩個舖位..係正門口! 野食款式都幾多第一樣讚既係: 叫完食物, 佢會俾個牌你, 食物整好就會送過黎, 唔洗自己攞! 我地叫左呢到好出名既咖哩牛腩農夫包, 第一次見食麵包會有手套附送! 食落就知有手套方便好多, 易食啲又唔會整糟手!先試既係羅宋湯, 我都係第一次覺得羅宋湯咁好飲 佢好甜,好香蕃茄味,但唔會好味精既感覺! 我覺得似飲緊蕃茄湯多啲另外個咖哩: 一入口覺得甜甜地, 但去到喉嚨啲辣味才慢慢散發出黎! 而且我覺得有少少香草味, 這樣令到個咖哩更加香! 咖哩裏面有2,3舊薯仔, 因為佢有炸過, 所以唔會溶晒!而牛腩呢: 佢好林好有牛肉味, 不過份量略少 好似我俾50蚊只係買個包咁>^<至於個包: 外脆內軟, 從相片可見, 麵包非常鬆軟. 一路食個包都keep住係暖暖地, 始終麵包係熱食才好味, 呢一點佢做得唔錯再喝一口凍咖啡, 濃濃既咖啡香充斥整個口腔, 而且佢好嫩滑, 唔怪得佢係依到咁出名啦=] 不過我就略嫌它沒有了咖啡應有的苦澀味, 同埋我覺得頗甜! 整個餐既份量都幾多, 可能係個包都幾大個啦! 一個女仔食未必食得晒! 不過佢呢個貌相真係幾吸引人, 路人見到我地個包都談論起來!…Read More

3月6日男友生日=] 原本打算係九龍城食完飯去睇聲光園,想不到咁快賣晒飛T^T 九龍城出名食泰國野, 而且我又唔想再同男友食西餐, 不如試下新野啦!! 加上朋友仔介紹就黎左小曼谷喇~ 去到既時候見到佢有間分店開正係佢對面, 應該好好生意啦! 兩個人唔需要BOOK位, WALK IN得喇波, 我地6點8去到已經好多人等緊! 結果等左九個字先有位 不過好就好在我地係坐對面個間分店! 唔洗咁多人, 油煙又少啲! GD. 睇到MENU, 好多都已經加晒價! 雞脾菇串燒 $10十蚊串菇, 我覺得貴左少少! 不過個雞脾菇意想不到地juicy, 但個沙嗲醬就麻麻地喇! 好重麻醬味 (幾乎都只係得麻醬味) 炸蝦餅 $5X大大粒! 熱辣辣既蝦餅到喇 佢炸得好靚, 金黃色的但又冇好油膩既感覺! 一見到佢就會好想快啲放佢入口, 加埋個醬簡直ichiban丫! 我地兩個都好中意個醬, 佢甜甜地, 同個蝦餅好夾. 男朋友既新食法: 將啲伴碟既生菜絲夾係蝦餅中間, 咁樣食提升左蝦餅既口感, 彈牙得黎又爽爽地, 唔錯唔錯! 不過只係兩個人食個份量就多左少少!泰式芥蘭炒咸魚 $4X我地對個菜名感到好奇, 點解唔係咸魚炒芥蘭..哈. 咸魚好甘香,應該有額外炒過, 配上芥蘭後咸度剛好! 而芥蘭都幾甜, 又唔會好硬! (有時啲芥蘭會有陣臭青味, 但係佢冇) 略嫌細碟咖哩炒蜆 $72主角出場喇! 咖哩炒蜆, 真係好大碟, 而且每隻蜆都好大隻 蜆肉好鮮甜, 但有少少沙! 咖哩汁稠稠地但一啲都唔辣, 岩晒啲唔食得辣既朋友仔! 不過如果佢係微辣的話應該會更好味! 同埋依家略為甜左啲! 雖然我地有好多個蜆殼, 可惜既係有啲蜆肉不知走到哪碟去了! 全碟只剩下9隻. 但總體黎講幾好食!蒜蓉包 $3X蒜蓉包焗得好脆, 好香! 點埋咖哩, 入口之後最濃既味道, 唔係咖哩, 唔係蒜蓉, 而係麵包味, 真係好食到不得了 同埋個包黎左就好快啲食喇, 一林左就即刻好大分別! 我覺得點左咖哩好食啲, 叫咖哩的朋友一定要加埋蒜蓉包丫!男友好想食乾炒魚麵, 但係賣晒 如果叫多個飯/麵又會太多波! 因為仲要食蛋糕..嘻 結果因為我想知咩係馬拉盞, 所以叫左個馬拉盞炒通菜代替馬拉盞炒通菜 $4X印象最深刻既係碟菜有好多蝦米仔, 蝦米味散播整碟菜! 因為我地冇飯所以覺得咸左啲! 尼碟比芥蘭大碟, 好似食極都食唔完咁 (可能係我地已經食到有啲飽) 最後, 雖然冇得試魚麵同薏米冰, 但我倆都好滿足! 啲食物好味道, 而且佢地會將我地點既菜排序, 逐樣黎, 唔洗凍晒! 順帶一提, 佢地啲服務好好, 那個叫安仔的waiter真係好NICE!!!…Read More