Jessibo's Profile

因為疫症關係多左係屋企食飯，同一時間都多左買外賣，但外賣返到屋企又好易凍左令到食物無咁好味～無意間發現呢間西班牙餐廳出左外賣食物包，咁就當然要試下啦！跟返職員指示，返到屋企只需要將海鮮包落鑊煎香，然後裝起海鮮。跟住落果包飯再加適量既水翻熱，煮到收水，再落返岩岩裝起左既海鮮落去，咁就搞掂嫁啦！真係超方便！只係十幾分鐘就可以係屋企都食到餐廳級水準既西班牙海鮮飯🍽無論係賣相，定係味道都十分誘人～海鮮仍然鮮甜彈牙，特別鍾意粒帶子同蝦🍴（因為個食物包已經係Semi-cooked，所以帶子呀蝦呀呢類海鮮真係略略煎香就可以啦，太長時間反而會老哂）除左西班牙海鮮飯，都仲有其他菜式有推出呢個外賣食物包，下次要試埋其他菜式先得～ （比起外賣，呢個食物包仲環保好多♻️ 用少好多外賣膠盒/餐具/膠袋etc）💡不過要留意番，所有既外賣食物包都需要提前一日預訂。…Read More

在炮台山想搵間健康既餐廳試下，search之下發現左呢間小店標榜無味精有營食肆，於是就決定試試佢🥴因為疫情關係，只好外賣（下次會記得自備餐具，為環保出分力♻️♻️♻️）水餃粒粒都好大粒，有飽足感～仲可以睇得出皮唔厚，而且餡料滿滿，雖然以水餃黎講價錢唔叫平，但係呢個地段而且健康，都叫抵食🥴套餐仲有跟野飲，我就選擇左無花果蘋果餐飲，同樣好味！…Read More

入門口前先探熱已經成為左武漢肺炎下嘅日常👐🏻 六點入座，餐廳入邊未算好多人。由於訂咗位，被安排坐餐廳入面嘅卡位，位置闊落，都幾舒適。餐廳使用QR code落單，有方便都有唔方便，同行既長輩就鍾意睇返實物Menu多啲，始終圖片大張好多，而且對佢哋來講，感覺上清晰好多。鴨肉嫰滑 伴碟嘅醃蘿蔔好入味 下邊有豆腐墊底 好滑既豆腐湯底味道唔錯 白蘿蔔非常入味牛展爽軟 而且厚切 唔錯 不過牛肚就麻麻哋喜歡麵條口感～侍應會喺旁邊幫你加入脆米然後撈勻呢下都幾貼心成個泡飯口感豐富 而且唔會好鹹個人黎講幾鍾意…Read More

同男朋友拍拖５周年了，一直都物色緊一間環境優美而且食物質素高既餐廳，終於係今日俾我搵到🌼上到去，環境氣氛非常好，駐場歌手配合氣氛表演～第一道係海鮮拼盤，鮑魚特別出色，口感彈牙而且味道十分討好🌻其他海鮮亦好鮮甜，互相配合。餐湯有黑松露蘑菇湯，好濃郁既菇香氣，每一口湯都有滿滿蘑菇口感，可惜忘記影相～前菜既焗法式田螺，擺盤精緻，猶如小小既藝術品～令人係每次上菜前都會默默咁期待黎緊既菜式～黑松露年糕，份量唔會好大碟，一點兒都唔會覺得膩，黑松露香氣配上年糕既煙韌，真係回味無窮🌻男朋友點左黑毛豬， 估唔到肉汁仲保留到，肉質透出微微粉紅色，口感唔會太韌，哈哈哈深得佢心～而我選擇左香燒法國鴨脾，一入口覺得比較咸相對其他菜式比較重口味～係上甜品既時候，駐場歌手黎到我地身邊，唱起情歌，個感覺非常浪漫，有一種洋溢幸福感覺🌼更值得一提既係，侍應服務非常好，很友善～…Read More