Jebee's Profile

好想去歎茶,成班同事贊成一齊去~打電話約咗一點, 預咗要等位, 點知唔駛等即有位,仲係獨立房,有埋電視睇~我地叫左9個點心+4人套餐,埋單$500左右~有馬拉糕、奶黃包、义燒飽、春卷、鳳爪、蝦餃(正)、燒賣、腸粉、燒肉、口水雞(夠辣)、炒飯、窩米 ...+送是日糖水紫米露~整體上d嘢食ok,野食上得好快~丫姐服務又好又快~部長推薦川菜,話好正~個口水雞真係唔錯~不過有同事唔太食得辣,無叫甘多~下次一定要試下丫!…Read More

突然間好想食茶記,於是lunch time同同事黎左呢度食~我叫左個我至愛既廈門炒米~多酸~味道OK丫~有好多配料~不過略嫌炒得油左D~我同事就叫左雞粥+油炸鬼~雞粥好大碗同好足料~我為食,試左2件雞~嘩,好好味~唔知係咪用鮮雞呢~真係有雞味架~值得讚賞!同時間有個阿姐走黎問我地試唔試下川菜~我地見白雲鳳爪幾好食甘,就要左一碟~好夠酸辣~正~愈食愈想食!總括黎講~以茶餐廳水平黎講係OK既~上菜勁快! 叫完唔駛1min就有~丫姐服務又好~但要美中不足係衛生問題~可以乾淨d會更好~…Read More