sandylau44's Profile

朋友知道我是麻辣迷, 特登請我到這裡打邊爐...這裡比較"隔涉", 我跟朋友迷失大角咀, 花了差不多1小時才找到此店@@抵達後才得知原來每枱可以claim 2張的士收據(上限$30), 早知這樣就一早搭的士, 不用找得這麼辛苦啦...叫了麻辣鵝掌鍋...很辣...我邊吃邊流眼淚, 真的是名乎其實的"傷心"...不過我嫌沒有麻味, 待應說可以加麻, 可惜其他朋友反對, 所以只好作罷:( 下次一定要試試加麻後是怎樣的味道!叫了很多配料, 如手切牛肉, 雪花肥牛, 醉雞, 午餐肉, 墨魚滑, 帶子片, 珊瑚片, 支竹, 豆付, 著粉...叫了十多碟, 我都記不清楚了...因為我們3個女仔, 眼看四周圍的男仕也沒有叫這麼多, 他們紛紛向我們投以奇怪的眼神, 很搞笑!所有配料也很新鮮, 最正是那手切牛肉, 很滑很好吃!待應們還送我們魔芉及海帶, 我是第一次吃魔芉, 口感很特別...我們還點了小菜火焰蝦, 這個真的麻麻:( 差不多吃完的時候, 附送每人一客的紅糖冰粉...雖然沒有味道, 但解辣一流, 吃下去很舒服...這個不是很多地方有得吃的, 在香港這裡是我吃過的第2間...還叫了一打Asahi Beer, 1渣橙汁, 汽水...埋單才$600左右...我覺得沒有傳聞中的差, 服務態度不錯, 有酒飲, 份量也算大碟頭, 還有野送, 有免費的士...每人才是$200, 我也很滿足了!…Read More

原本想去食隨變, 但因為大排長籠的關係, 想起此店在OR的評語不錯, 就即管去試試吧...如之前的食評所言, 這裡的待應大多是後生靚女, 而且很有禮貎...先來1個中辣大麻的雞煲...我覺得那味道跟隨變的差不多, 很麻很辣很惹味, 這是出乎我意料之好...不過, 那麻辣度不太持久, 麻勁很快便消失了...所以我先後加了很多次麻&辣...配料跟隨變的也是差不多, 基本野沒太多選擇, 不過不失...另外也點了些串燒, 如燒羊架...有點失色, 雖然很香口, 但燒得太老吃下去很"鞋"...3個人埋單500元左右, 我覺得還OK...可能我不會再幫襯隨變了, 因為永遠也等不到位, 而且這裡的人比較友善...雖然配料方面我不太滿意, 但為了那湯底, 我還是會再來的!…Read More

之前有網友向我推介此店, 一直想去試試...但奈何好日唔出太子, 可幸早幾天在附近飲宴, 所以就特意去打個底...想不到站著吃這麼辛苦, 也要大排長籠...平時我在其他地方吃中辣至大辣, 但因為第1次幫襯這裡, 所以先來1碗小辣試試味, 哥仔好好笑容好有禮貎:)第一啖吃下去, 咀巴神經已經感到麻庳跳動...而我一向也不太喜歡酸味, 但這裡的酸很是惹味, 就連那些酸菜我都吃光光...十多幾的天氣, 我只穿了2件單薄的衣服, 但竟然一邊吃一邊流汗...實在太好味了!!!雖然份量及配料較少, 我邊吃邊有些路人在議論, 說$13太貴了...但我還是覺得值得的!…Read More

今次澳門之遊, 最期望的是沙度娜的木糠布甸...去到只有2個客人, 心裡已感到奇怪, 這樣有名的店何以沒有人潮呢? 看雜誌介紹不是說要大排長龍嗎?試了個冰火木糠布甸 ($12)...個姐姐從冰格裡攞出來即焗...等了約5分鐘, 一看之下很細杯, 而且賣相不太吸引...燒焦了的旦白面, 很甜@@下面是木糠布甸, 雪得太久的關係, 超硬! 而且很難吃, 沒味道可言, 我還以為自己在吃石頭版雲哩拿雪糕@@姐姐全程黑面及眼尾也不望你...不過沒關係啦, 十幾蚊買完都走, 也不期望有何服務...期待以久, 可惜換來失望...價錢味道份量全是下下之作...真的不明白好評何來呢?…Read More

小飛象很久前幫襯過一次, 份量很少, 今次來看看有沒有改善吧...地方很大很舒服, 人手很充足, 一叫就有人立即過來...不錯!點了一客烤葡式辣"立"腸 ($30), 半隻非洲燒雞 ($88), 2杯酒($50)...烤葡式辣"立"腸, 熱辣辣! 份量很多, 雖然是細細塊, 但有很多塊...味道很濃烈及辣辣地, 好惹味, 但又不會覺得咸及口渴...用來送酒一流!非洲燒雞跟我吃過的非洲雞有分別...平時吃的是比較濕身及有很多醬料...但今次可能是燒的關係, 很乾身...不過皮燒得很香口, 而且很入味...雞肉也很滑漏呢!啤酒$20/支...芝華士等只是$25...開支紅酒才百多元...很便宜!份量比以前改善了...下次有機會, 也會再去的!…Read More

早上9點多, 很多舖頭還未開門, 沒有選擇的情況下, 早餐唯有在此店解決吧...環境像是街坊餐室, 有很多人在看報看電視, 地方也算乾淨...點了一客牛尾通粉及墨魚仔面, 有點喜出望外!牛尾通粉湯底很香很濃, 我整碗也喝光光...牛尾細舊的有很多舊, 大舊的也有2舊, 份量很豐富...墨魚仔面份量也ok, 但我覺得"簡"水味太重...才廿蚊一碗, 滿意!…Read More

難得同BF過大海玩, 好想試下正宗葡菜..出發前已經睇定晒d美食指南, 看到介紹沙利文好像很有名有歷史, 所以抵達之後就立即來試試看...到達的時候, 已經是晚上10點了, 他們說收11點, 不過仍招呼我們進去...點了半隻非洲雞 ($120)及一客炸馬介休球 ($48)...白飯 ($13)才剛落單, 食物已送到, 前後不夠5分鐘@@非洲雞跟我一向吃過的有分別, 醬料很稀而且不夠入味...最重要是不夠熱, 我立即想到是否因為趕收工, 求其叮熱給我算數...炸馬介休球, 共有6舊...但我們卻吃不出是馬介休, 只吃得出是炸薯仔@@ 雖然味道很香口, 但如個用半百元去吃炸薯仔, 我寧可去m記吃薯條算罷...服務也ok, 不停為你加水...但是總括來說$200元吃了一頓微波爐叮叮晚餐, 而且不夠熱, 心中真的有點不快...我們也不會是阻人收工的人, 埋單走人才10:40, 所以我想食物起碼可以再弄熱一點吧?! …Read More

第2次幫襯...裝修很有日本地道feel, waiter亦很友善, ...今次lunch set點了客北海丼...湯, 我不知道是否面鼓湯, 因為看上去有點似, 但喝下去味道卻不似...無論如何, 也很好喝, 很香很濃熱辣辣...同行友人也大讚呢!前菜, 大路野, 普普通通...北海丼, 有三文魚, 三文魚子, 甜虾, 帶子, 海膽等等...超新鮮超好味!!! 三文魚及帶子很厚很肥美, 海膽鮮甜沒有苦味, 甜虾也很鮮甜很大隻...三文魚子我一向不太喜歡, 所以就不評論了...另外加$1還有鵝肝旦...雖然整休質素很好, 但對我這些平凡打工仔, 真的負擔不起一餐lunch吃百多元, 所以還是偶一為之算了...…Read More

星期六旺角又熱又多人, 路過看到此店環境尚算舒服, 就立即入去食個LUNCH抖一抖...點了一客魚生飯...包括面鼓湯及前菜, 也是大路貨色, 沒有特別...魚生飯真的教人徹底失望! 魚生十分碎濕濕, 而且看上去很"梅", 吃下去很多根...有三文魚及不知名的魚(因太"梅"認不出來@@)...另外還有玉子及三文魚子...剛看到此店食評不錯...但我一點也感受不到><...環境服務價錢也OK, 但食物的質素真的是中下, 而且不新鮮...埋單$4X...不會再去了...…Read More

最近考試壓力太大, 好想飲下野輕鬆下...但係人老左, 好怕去d劈場...所以今次試下去諾士彿台d酒吧... 上到去有d呆一呆, 因為裝修都幾靚, 而且比想像中大...估唔到假期都唔係咁多人, 只有5成左右, 我地仲可以坐張大梳化枱潻原來呢度每晚都有live band, 7點半就開始...d客人都好斯文, 所以可以靜靜地傾計聽歌, 好好feel...除左飲野之外, 仲可以叫景樂集團旗下餐廳既野食, 如俄羅期餐廳, 西班牙餐廳, 天與地等等, 大約都係幾十至二百幾蚊...呢度d酒都唔貴, 開支紅酒都係$2xx, 啤酒happy hour都係$2x-$3x...隨時平過出面d酒吧...好滿意^^有得食有得飲, 環境又咁靚, d枱又大又舒服, 又有live band, 價錢仲要唔係貴...一定會再幫襯!!…Read More

hung hom好似越黎越多麻辣舖頭...上次專程落hung hom去某間麻辣米線時, 路過看到此店, 心裡一直掛念...可惜期望太高往往會換來失望...終於有機會一試...環境很迫夾, 不過也沒關係啦, 吃米線也算是快餐的一種吧, 吃完就閃人...點了客豬大腸米線中辣...豬大腸普普通通, 尚算軟熟但不太入味...湯底令我有點失望, 中辣沒錯也很辣, 我對面的人叫大辣, 整碗也是血紅色的, 看起來很不錯...但吃下去卻很淡沒有麻不夠香...不過份量也很大, 而且也是廿多元, 所以總括來說是ok的...…Read More

自從join左景樂member之後, 差不多每次晚飯也光顧此集團旗下餐廳...之前世界盃既時候已經想去試下...但係打去book佢話有時間限制, 咁唯有等最近完左先再去啦...我們選擇坐樓上, 格局有點像酒bar, 7時多也只坐了3-4枱客人, 靜靜地坐得幾舒服...3個人叫左5樣野, 名稱唔係太記得, 大約如下: 醬"提", 黑醋排骨, 鴨松差子燒餅, 竹笙炒菜, 炒年糕...食物水準不錯, 無論味道和份量也很滿意...環境食物服務很不錯, 埋單85折後3百多元, 抵!…Read More

油麻地, 長沙灣松記都食過N次...銅鑼灣呢間好似開左大半年, 路過終於有機會一試喇!每次去松記, 都係食幻彩明珠, 今次當然唔例外啦!味道同其他分店差唔多, 都係咁好味不過生果既份量好似少左DD...埋單$19蚊, 比其他分店貴$3...可能係舖租既問題啦...…Read More

午餐沒有太大胃口的關係, 剛好路過此地, 求其入去點了客豆漿及鍋貼...星期六中午時間, 但只坐滿4成左右, 我1個人還可以坐4人卡位呢...味道不過不失...說真的, 此店的食物大多是十多廿多元, 還能有何要求呢...但唯一令我覺得差勁的, 是收銀那位小姐...我不知她是員工還是老闆娘, 我全程也聽到她在大呼小叫我已經坐最後最角落的卡座, 隔離的枱加了位還坐了一家大細約7-8人, 但也遮蓋不住那位小姐的噪音...傾計不是問題, 但沒有必要大大聲至整間舖頭也聽得到吧@@...而且作為員工或老闆也好, 也應該儘量不要騷擾到客人吧...想不到, 這裡之前的食評也有提及那位小姐...一次就夠了......…Read More

自從妹記搬左之後第一次幫襯...伙記態度依然有禮, 仲會同你有講有笑...食物方面有點令人失望了...味道跟以前差天地, D小菜無晒鑊氣, 而且只係暖暖地唔夠熱, 感覺似用微波爐返叮一樣...上菜速度超快, 啱啱落單, 啤酒未到, 小菜已到@@所以更加肯定係一早整定叮返出黎...可取的是份量依然足料, 以及價錢經纃, 今次每人也只是夾了百多元...所以拉回分數, 不足以比1個喊面...…Read More