紅豆沙: 只能說是紅豆水 , 紅豆真的變了沙, 一粒紅豆也没有. 真的是飲"糖"水
芝麻糊: 和紅豆沙不相伯仲, 毫無黑芝麻的香味, 好像超市買回來的芝麻糊粉溝水. 幸好還有芝麻糊的質感. 未志至水汪汪. …Read More
同寫食評:)今天在學校温習, 剛巧今天是星期四 , 男朋友便提議到 Angelo's , 因為港大學生最近逢星期四下午茶時段, 有任食優惠! , 都應該推出左個幾二個月?? 之前因為減肥和没有時間, 所以一直都没有試 . 今天, 壓力爆燈情況之下, 不得不放縱開心一下!
男朋友之前食過, 叫我不要抱太大期望, 只有最平的pizza , 意粉, 薯條, 雪糕, 他當時食只需38大元 , 這個價錢, 即使難食, 也不會太心痛吧! 
下晝三點, 開始肚餓了 !! 太約四點幾到達, 原來任食優惠時間是3:30-6:30pm , 價錢也從38元提升到50元, 即使50元都值得試試啊, 這些貴價意大利西餐,平時食都要百幾蚊, 現在食二片pizza 都值回票價啦! (一片最平$36 ) . 四點幾 , 有二枱大學生, 都是食任食的 , 吉枱多的是 , 應該是同學們都比心機温習, 唔似得我咁去懶惰 . 食物篇: 任食的種類有 pizza , 長通粉, 炸物, 雪糕, 汽水 . 基本的食物都齊全, 但缺乏肉類和沙津 , (如果有肉類, 價錢應該會暴升
)
PIZZA: 有二款最平的PIZZA , 分別是< 傳統辣肉腸>和 <蕃茄芝士>. 只試了傳統辣肉腸 , 因為攤凍了, 所以芝士凝固了, 賣相也不大討好了:( 幸好食物是會refill 的 可惜不會換款式, , 新鮮熱辣出壚傳統辣肉腸pizza果然好食多了!!!!. pizza批底的厚度是介乎pizza hut 厚批和pizza express 的pizza (薄如餅乾) 中間, 我覺得這個厚度最適中 食一片後不會太飽, 心信辣肉腸該會是這任食中的惟一肉類 (真識做生意) , 芝士份量很多! 底下有一層蕃茄醬, 還有一些特別的調味粉, 十分野味 !! 六時多:竟然有新款pizza 出現 ----<紐約長島> : 磨菇, 黑橄欖 , 意式香腸 , 這個配搭黑沉沉, 令我不感興趣, 又凍了點, 所以只淺嘗一口, 香腸很咸, 有獨特的黑橄欖香味, 但灘凍了的pizza , 很難稱上為好味. 意粉: 貫砌始終, 只有香草三文魚碎長通粉:( 十分普通, :( 杰tata的 汁, 極少量的三文魚碎, 幸好有香草為它挽留一點分數. 聽聞之前會有肉醬意粉, 現在只得一款意粉( 加上不合我的口味), 只有白汁, 没有紅汁, 很單調呢:( 小食 : 薯條和炸洋蔥圈 , 薯條香脆得很, 最喜歡吃有薯皮的薯條, 較脆身, 還有點咬口, 薯條粗長, 十分足料! 還沉上黑椒碎 ! 洋蔥圈麻麻, 我不喜歡洋蔥, 所以只吃了一口, 它看似很大個圈, 但原來洋蔥含量很少, 炸漿多得很! 雪糕: 一直以為 , $50 的價錢應該只有雀巢雪糕吧, 甫進入店裡, 就被雪糕櫃吸引著! , 是angelo的gelato !! . 總共有10款口味 : 士多啤梨" 香橙芒果味 " 橙味香草 " 薄荷朱古力碎 " 雲呢那 " 提子棉花糖" 朱古力味有四款 : 橙味朱古力, 朱古力tiramisu, 旋風朱古力, 麵包朱古力. 食了一點咸點才食雪糕, 可惜, 薄荷朱古力已沽清:( 眼見橙味香草所餘無幾 , 又從來未食過, 就試一球吧! 一直都少食橙味雪糕, 一來少供應, 二來我覺得橙是酸的, 所以最多有橙味雪笆, 橙味雪糕太人工了. 這個橙味香草是橙色, 夾雜著"海帶"般的東西, 真的不太討好, 這些"海帶"應該是香草吧, 甘甘甜甜, 而橙色的雪糕也不出所料, 没有橙的味道 , 卻甜得很. 提子棉花糖和士多啤梨的色素真嚇人; 淺紫色, 粉紅色 , 我不敢吃>< 開始進軍四款朱古力! 首先試橙味朱古力, 橙味不突出, 雪糕十分香滑 , creamy ; 旋風朱古力, 所謂的旋風就是白色的煉奶吧, 有一粒粒的朱古力碎, 這款的口感不錯. 其實這4款朱古力雪糕的味道真的大同小異, 只能靠它們的配料 而出. 我個人最中意朱古力tiramisu ! 朱古力雪糕帶有芝士蛋糕味, 不會太甜, 還有朱古力蛋糕碎增加口感! 而麵包朱古力可以不試, 只是少量雪硬了的麵包粒藏在朱古力雪糕裡. 二人總共食了6杯! 十分滿足!!每杯的分量大約有一大球, 當然可以要求增/減量, 店員都很樂意幫你! 飲品: 汽水和清水 可改善之處 : 放置食物的地方有蚊, pizza 一涼了, 就有蚊在上面盤旋 :( 令我不敢吃了 :( ; 可以環保一點吧, 因為自助人士是用紙碟和紙(/膠) 杯, 很不環保! 環境篇: 一直都以為餐廳在播歌 , 原來是真人live show ! . 一開始以為是她自己自告奮勇大展歌喉, 但她不停地唱了2個小時, 應該是Angelo's 請她來唱歌的! . 真的唱得不錯! 廣東歌, 國語歌, 英文歌, TVB主題曲都有(oncall36小時都有)! , 還有吉他伴奏, 感覺很悠然自得 . 餐廳的光線較為陰暗 . 服務 : 店內有不少員工 他們都很樂意幫忙, 例如見你站在 雪糕櫃前面, 會立刻問你要什麼味道 . 小食refill 也挻快. ! 原來這個優惠叫" hku mixer ", 應該是想以低價吸引大學生來談天, 交流 , 大學現在很擠迫, 没有容身之所, 所以的而且確真是一個好地方! 由大學行下來大約15分鐘, 挻方便! 也是下午茶的好地方! …Read More
門外櫥窗有切餅賣. 芝士蛋糕果D . 店內就有cupcake 同cookies 賣. cupcake 款色大約有6-8款 : 今次我買左朱古力cupcake . 盛為24元! 其實我覺得只不過係朱古力孖寶蛋糕上面加上朱古力忌廉和朱古力針 :( 很普通. 不過, 朱古力味真的很濃旭. 但真係唔值呢個價. :(包裝: 係用一個平時買外賣粉面的膠飯盒來裝住個cake . 係幾有特色. 但不便攜帶, 和不夠體面呢…Read More
叫左袖珍魚片粥同袖珍及弟粥. : 袖珍粥類款色比較少, 没有雙併或三併, 這次只是小試牛刀. 就叫袖珍粥吧不算很細碗, 料就頗多. 但一"不"起粥, 心感不妙 , 粥水分離, 感覺好像在飲湯 :(:(:( 媽媽煲的粥很"杰", 因為她想食得飽肚D , 杰當然不好. 但這裡是另一個極端: 水 得 很. :(幸好, 魚片都算新鮮, 足料. P.S. : 原來一碗碗粥由粥品專家運到牛腩麵店的途中, 都會蓋著, 不用擔心有運送途中有灰塵落在粥面. :)…Read More
其實我都喜歡上茶樓, 但現在的茶樓都趨向集團化, 點心千篇一律, 質素下降 , 又貴, 因此都少去了 :(:( 好彩現在開了不少有質素的點心店! 點心愛好者能夠隨時一盎二件! 但點心店在上一輩的眼中可能都比不上酒樓, 因為不能坐得耐 :(這一帶都有不少食肆, 但人流不太多, 周遭都比較黑暗. 聚點坊夜晚不多人, 不用等就入得! 没有茶壺/茶包, 只有一個杯, 原來係選擇了飲那種茶後, 侍應會幫你斟茶, 感覺真的好似普通茶餐廳呢. 茶錢要2蚊一位. 我要了普洱. 點心選擇不多, 價錢適宜, 大約十幾蚊一個點心. 叉燒腸: 皮薄! 裡面的叉燒和蔥粒隱約可見 粉腸並不一夾即破, 都幾"煙un" ! . 叉燒就有點乾. 整體都好好味!! 流沙包: 很細少, 只有一個小孩的拳手般大. 我覺得個皮有點乾, 還見到少少毛髮, >< (要注重搓面粉過程的衞生!! ) 流沙度都幾好! 充滿奶黃味, 但我再是喜歡充滿咸蛋黃味的傳統流沙包. 燒賣: 比較普通. 又細粒, 入面的蝦又少又細 . 唔抵 煎蛋牛肉飯; 不太好山竹牛肉的味道和氣味. 所以無咩點食. 飯粒分明! …Read More
朱古力粒係牛奶朱古力, 所以都係過甜. :( (但總好過白朱古力 )以後想食mrs field 都只會9半後買, 正價真係幾貴! …Read More
本來想叫豆腐mousse cake , 因為低脂無咁肥嗎 XD. 但最後都是選擇了我最喜歡的朱古力我覺得職員不太有禮貌呢. 完全没有提醒我們, 飲品可以選擇人物圖案:(:( 好細緻的charlie brown 正面圖案! 真的不忍心喝下去 朱古力真是普通得無得再普通 , 但都算味濃的:)又是charlie brown ar! 哈哈 我是一個愛朱古力如命的人. 這個是朱古力藍苺芝士蛋糕. 朱古力層有很濃的朱古力味, 非常實在. 結實程度比下面的藍苺芝士多好多 . 藍苺芝士(其實果幾粒應該不是藍苺, 因為它們比較大粒. 大藍苺?/ ) , 芝士十分creamy >< . 配上苺子. 可以解膩:) 餅底是朱古力oreo . 整體上都幾滿意: >據我所知, woodstock 應該係一隻雀仔(snoopy 的朋友) . 呢個係雞卷 , 所以就用woodstock 做開頭瓜 粉紅色的雞卷有點嚇人. 烘焗後的芝士十分吸引! 但真的不夠熱:( 內餡是少量的雞粒,蔬菜和洋蔥粒, 真係相當唔抵食, 味道尚可, 還有沙律醬 但我覺得點了沙律醬後有畫蛇添足的感覺. 唔加好過加:( 朋友點的Latte 和 ginger cheesecake . 我試了一口cheesecake . 薑味不濃, 但有一粒粒的薑, 奇怪的. 但芝十份量相當多. 我們坐了二個多小時. 拍拍照, 真是一個暢談好地方! (但食物就真的不要有大期望)…Read More
晚上7點半 , 好客山東坐滿人客, 好彩有咁岩有二個位:) 呢到的裝飾真係好似內地的餐館. !! 感覺十分"山東" ! 叫了2種餃子: 芹菜牛肉餃子 同 羊肉餃 一碟有十隻. 再叫多二個小炒, 蔥爆牛肉,同 手撕雞 . 芹菜牛肉餃子: 餃子脹卜卜. 十分吸引! 餡料非常飽滿, !! 但這裡的餃子皮好像没有我在北京時吃的那麼厚. @@ 可能是為了迎合南方人的口味, 點上陳醋後真係急不切待要放入口裡!! 哎了一口, 冷不防地湯汁四濺, 芹菜味十分濃郁, 可惜我真係唔多喜歡食芹菜 :( 羊肉餃 :羊肉餃入面有蔥, 增添香味 , 羊肉果然無咩羶味>< 相比起芹菜牛肉 , 這款比較清 :) 把整隻餃子放進口裡, 別有一返風味, 還可以完全防止湯汁四濺 這裡的餃子真係會令人食上癮>< 新鮮手制果然係唔同D ! 蔥爆牛肉,同 手撕雞 都偏咸, 所以我地叫左碗飯來送. ($6一碗) 蔥爆牛肉, 鍋氣足.比較普通. 手撕雞應該係呢到的招牌菜(好多人都叫) 全都是雞脾肉! . 肉下面有青瓜浸住係豉油入面. 雞脾肉應該係冰鮮雞, 很淋, 一點彈性都無. 味道幾多的. 面頭重有幾多芫西, 蒜頭. 辣椒, 呢到的碟頭飯同面食都好大碗/碟! 但係呢到好多蚊知係到飛 :(:(:(:(:(…Read More
對於我呢個屯門人來說當然是好事!!! . 我好中意食蛋包飯!!． 宜家唔洗出到市區果邊都食到了！ 我食過的蛋包飯有二種,: 1. 蛋完全包住D飯 , 形成攬球形. 2. 蛋皮就咁蓋住D飯 . 汁料比較多. 我就中意前者, 好似比較考功夫, 而且由細到大睇電視, 書, 都係第一種, 蛋包飯面頭重要有少少茄汁 , 簡簡單單, 黃色紅色, 已經想當吸引了 . 第一次食係情人節去食, 大約8點到, 排左個半中先入得去 :(:( 呢到的裝修不見得很特別, 最特別的是蛋形胡椒粉器皿. 呢到的蛋包飯款式都幾多下:) 我都係簡D有"人氣"標志的穩陣D . 我就簡左吉列鹿兒島黑豚燒汁蛋包飯 (燒汁, 芝士忌廉汁 , 茄汁飯. ) 賣相幾簡單, 豬扒好juicy , 炸得幾好! 蛋皮半凝固. 份量幾多, 溶入D飯入面真係超正! 汁方面呢, 令人失望, :( 燒汁同芝士忌廉汁都似係罐頭湯, :( 男朋友叫左 hayashi 牛肉蛋包飯 ; 又是另一人氣食品, 但係我無咩點試到. 第二次食係下午茶時間 (5:00 pm ) ,我終於都試到hayashi 牛肉蛋包飯 , 配野飲 , 55蚊, 唔收加一 但係我覺得個size比正價細D ge , 對於一個女仔來說都係一個正常的晚餐份量! . 賣相很不錯, 牛肉份量不多, 個汁先係重點, 睇過wiki 同之前的食評得知hayashi 係指西式牛肉汁. 我幾中意呢個汁, 好似係燒汁混合茄汁咁 再加上芝士忌廉汁(白色果D ) 多重口味! 呢一款蛋包飯就係我所講的第二種蛋皮蓋在飯上的蛋包飯. 奶茶杯很有英式feel 奶味很重! 去過北京的蛋愛飯, 在台北時, 蛋蛋屋又無開, 無緣食到. 我最想都係去日本食正宗的蛋包飯!!!!!!!!!!!!!!!!!!!!!!! …Read More
今日就來左呢間歷史悠久的粥店! . 當然要來一碗雞什粥 , 可惜坐左係店入面, 睇唔到佢整的過程, 小時候, 每次食雞都會有埋雞什食, 我最中意食雞心同雞潤, 但係宜家食親ge都係冰鮮雞, 真係好耐無食過雞什了, 雞什粥都幾大碗下, 除左蔥, 雞什, 豬什, 佢重有菜甫 , 幾有特色, 但係我唔中意食咸野, 所以覺得同碗粥唔係好配合. :( 粥底綿:):):) 但鮮甜得過分, 令人不得不過覺得佢落左唔少味精:(:(:(:( 雞什同豬什都幾咩特別. 總括而言, 都值得一試, 但係不宜多食. (驚D雞腸洗得唔乾淨, 同埋味精 :( , 內臟都不宜多吃 )重叫左一個牛肉腸! 係預先蒸好的, (好似只有炸兩係即整的) 腸粉好好食!! 其實我唔係好中意晶瑩通透, 皮薄的腸粉, 我反而中意d 厚D,綿D的, 多D口感 呢到的腸粉正合我心意. 但係牛肉不突出呢. …Read More
好貴呢. (呢到最平都要17蚊一碗粥)拎過來果時, 覺得好大碗 可能係因為個碗比到人咁ge 錯覺, 但實際上係正常的份量. 料都幾足, 瘦肉絲都切得幾粗, 好有口感 但係皮蛋有一種"生"味 (以前係一D粥店D皮蛋都有呢種生味, :( 可能係因為唔夠熟la ,係屋企煲就唔會咁. ), 粥底: 幾清 , 但係有D水同米分開ge 感覺. 唔係好綿:(…Read More
越南野也不少, 津津都算係幾出色的一間, 店很少, 放到4/5張枱, 人客多數都係外賣拎走, 可能係因為呢到太少位同埋外賣唔加錢 . 我叫左香茅豬扒湯河: 我最中意食河粉 (但其實我好驚佢好肥>< 但係唔緊要la !! ) 香茅豬扒很香, 但浸係湯入面, 所以唔多脆了, 調味幾好, 有時食越式河粉. 重要配上香茅系列的肉類, 總會弄得很油 (河粉本身食油份也少了 ~_~) . 但係津津的湯出奇地清淡, 還有不少芽菜, 略嫌不足的是, 整碗粉欠缺一些綠色元素, 可以加返d 芫茜 ..(雖然對芫茜無咩好感, 但係碗粉靚d, 食都開心d :)) 咖喱牛腩飯 : 咖喱十分香， 咖喱汁係稀的那種，辣得令人更開胃．我食左一舊牛腩，牛腩本身油脂分佈平均．炆得十分淋同入味！ 很多人都推薦越色春卷，但係本人對佢就有點失望LA . 即叫即炸, 熱辣辣的, 越式春捲皮包住紅蘿蔔絲, 黑木耳絲, 粉絲 . 口感上的享感是值得一讚的. 但可惜我覺得入面係欠缺一點肉味, (我十分喜歡廣式春卷><) . 點上魚露, 減低少不少油膩感和熱氣…Read More
星期一至五都有set lunch , $78包野飲. 但係我地想食ge 野set lunch 到無 , 所以都係散叫.]甜品: 香蕉可可, 賣相唔係真係好靚, 但係重點都係面包姐. , 面包上面有香蕉切片, 有cream 同埋碎果仁. 多士剛烘熱完 , 重係脆的 好香牛油的面包>< 食呢款甜品好唔方便, 成日都想一口食晒咁多種配料,, 但係嘴巴無咁大, 食不下. 吉列豬扒三文治配薯條, 眼看好似唔係好大份, 原來豬扒都幾厚, 豬扒壓到底下面包扁晒 三文治夾住生菜絲, 豬扒, 重有豬扒醬汁, 幾好味, 豬扒唔係好肥膩, 但係我覺得咁好食的面包, 係應該獨立來吃食 , 先食到佢ge 原味 薯條是M記的貨色 :( …Read More
, 自從佢搬左去隔離, 我都無食過la . 宜家齋係一碗米線都要18蚊 . 比以前貴左二蚊 唔緊係la . 都比其他食肆平. 要左碗湯米線, 加腩肉($4)同雞絲($4), 我最中意就係果D酸菜, 非常開胃!! 腩肉無以前咁辣 , 都係咁入味, 又唔肥: D 雞絲係雞胸. 都ok . 湯底重有D肉碎同芽菜, 食一半都好飽!! …Read More
煲仔飯要等得耐 , 就拿拿林落左單先. 我覺得白鱔幾好食的 , 但係男朋友唔中意食 . 惟有簡第二D, 窩蛋牛肉係我的最愛 . 再叫多個臘味滑雞 . 一個煲仔飯大約50蚊. 如果係真係有質素的話. 呢個價錢是值得的:)等左一陣, 就諗住叫個菜, XO醬西蘭花炒先魷 . 以為炒先魷會上先過煲仔飯, 但係都係要等好耐 = = . 最後三樣野一齊上. XO醬西蘭花炒先魷 . XO醬味道唔突出. 好似無落過咁濟, 份量正常, 偏咸, 用來送飯幾好. 西蘭花係底果到索晒D汁, . 西蘭花炒得幾好 , 唔會太硬 / 有生味. , 重有蔥段同草菇同紅蘿葡絲一齊炒! 窩蛋牛肉: 有時D店鋪會同肉餅, 但我偏愛牛肉片, 比較原汁原味, 十分足料! . 急不及待要攞D蛋去D飯到. 加上甜豉油, 真係令人食指大動>< ...牛肉片幾滑, 又入味! . 臘味滑雞 : 臘味係煲仔飯的最佳拍檔! . 臘味的香味滲晒入去D飯到. 油d都唔緊要, 好食就得LA . : DD . 臘味有臘肉, 臘腸同潤腸, 我唔係咁中意食臘味 , 因為覺得好咸, 所以無咩點食, D雞就肥左D , 都幾滑ge . 相比之下臘味滑雞充滿油香, 而窩蛋牛肉就較清淡了. 飯焦: 同坤記的差唔多 , 像禾蟲,一樣的飯焦, 正 坐到10點, 淨返一半客人, 員工圍在一起食飯 , 很温馨. :)…Read More
