canaan_wong's Profile

之前食過幾次，都係食鍋物，正正常常。今次第一次同男友喺度撐枱腳，相當滿意。一段時間冇嚟，啲枱櫈換晒，冇咗之前嘅迫狹感。見到扒餐好抵，分別點咗肉眼扒（+$5鐵板上）同豬鞍。肉眼同豬鞍都好大件，而且厚切。最驚喜係豬鞍幾好食，食落唔會乾柴。原本呢間平時lunch time經常要排隊，好多時連收工時間6點已經見有人排緊隊。本身都擔心店員做到黑面（理解嘅…咁忙…），服務態度都正正常常，侍應哥仔仲主動話幫我哋倒黑椒汁。現金埋單仲有95折，埋單$173非常抵食，男友仲想再去試其他。加油啦～保持質素…Read More

幫襯咗兩次，兩次都冇失望，飲品味道都好好飲。大多手調飲品店都係睇唔到製作過程，又或者只係用機shake ，㩒幾個製出杯飲品，快靚正。呢度最值錢係可以睇住佢哋以調酒師嘅手勢為你調製杯飲品，仲要成品好飲，又好心機砌靚杯drink.$38杯，性價比真係好高。門面裝潢好似酒吧咁，幾有特色，但諷刺地同葵廣有點格格不入。呢啲咁chill嘅飲品值得去更好嘅地方，祝你哋做得起，可以喺海濱公園、西九、PMQ等見到貴店分店。但願唔好太貴😂同埋搵人改好啲drink名…Read More

第一次見咁樣嘅煎餃，形狀扁扁的，餃子皮對摺，有啲餃子唔埋口，用筷子揭起好似一個扇貝咁😂口感脆卜卜但食落有啲油溢味。湯餃就皮薄啲，透出餡裡面嘅顏色，唔錯。另外，杯羅漢果幾好飲，推介。…Read More

以為蘋果酥盒甜到漏結果唔係而有唔同口感嘅蘋果，有甜亦有清新爽口特別一讚個餅底，酥脆香口。只係呢間似乎唔適合飲熱美式咖啡😅明白個玻璃杯加個杯套為咗隔熱，只係堂飲咁做有啲怪，可能冇用有耳的陶瓷杯…Read More

食物係唔錯第一次嗌杯cappuccino 都有驚喜有去食第二次個蛋治係出色嘅但建議餐廳用QR code 落單免加一比較好仲要客人出去埋單服務態度都可以的，只係用餐體驗就扣分了…Read More

喺屯門已經食過佢嘅大阪燒，但座位少冇機會堂食。去到有得用自助落單機而唔係QR code 落單，介面同麥記相似所以好易用，身上冇現金好彩可以用八達通/信用咭。揀咗個套餐，牛丼+茶碗蒸+味噌湯，已經揀咗少飯都好大碗😂牛丼我覺得好食過間有名連鎖已合格有餘，多牛又多飯，飽到食唔落個茶碗蒸。感謝揀天水圍開分店，又多一個選擇。…Read More

星期日晏晝即興去飲咖啡，去之前睇左幾篇食評都指服務態度差，都有d怯怯地可能入唔到。員工就話有張枱，但係比較多蚊，問我惹唔惹蚊，如果介意就等位，2,3張枱。咁我覺得都ok, 可以等下。然後叫我WhatsApp留位，叫我附近行下先，有位會打俾我。忽然，有枱人走，幸運地唔駛點等就有得入。門口負責賣花既員工都有向我講歡迎；由坐低到落單，招呼都正常，有遞籃俾我放手袋；枱面有熱水壺供應；飲手沖咖啡，員工向我介紹隻off menu既西達摩獅子王。一斟出黎，一浸花香湧入鼻，亦有d堅果香，入口順滑，堅果之中帶d甜，沖得幾好飲既手沖。飲完之後仲問我覺得點，好唔好飲。另外點左伯爵茶卷蛋，伯爵茶味都幾足，但係年紀大左嫌甜左d (正常甜度黎，只係個人鍾意再少d甜😅)Last order再點杯 香蕉牛油果野莓奶昔，成杯都幾足料，明顯飲到香蕉同牛油果，十分creamy, 而且冇另外加冰粒，唔算好凍。可能呢杯少人點喇，我見1,2 個staff經過都望一望過黎，然後好似同老闆講｢你整個杯奶昔喎｣(當時坐我斜對面).最後埋單到行出門口，員工都有向客人講多謝、bye bye. 禮貌程度比我想像中好，可能有睇呢度既食評作出左改善喇。唯獨服務費加12%有d貴😅…Read More