Thomas1213's Profile

上星期剛剛吃完尖沙咀xx 豐。無比較無傷害。食物質素上海姥姥高幾班！淨係小籠包都贏幾條街！湯汁豐富，肉餡鮮甜。鼎xx 果個又厚皮。d 肉鞋烚烚。難食到爆！叫左個上海粗炒，味道剛好。推介！另外叫左魚羹、豬手、皮蛋豆腐。甜品叫左雷沙湯圓、豆沙包。熱辣辣！好食！ 唯一不推介食物係酸辣湯。味道太酸。而家有飲品優惠。茉莉花茶買一送一。 總括而言，成餐飯都幾好食，值得推介。不過眼見七點後需要排隊，如果唔想排隊就最好六點食啦。…Read More

路過southside 又肚餓。呢個商場真係無乜食物選擇。見到呢間foodlab 就試下。都知佢係大快活期下。所以無乜期望。見佢餐牌唯一特別係個西班牙叉燒就食燒味飯啦！叫左個雙拼燒味飯，叉雞飯。黎到見到個叉雞飯d 叉燒個樣好靚。所以食左雞先。點知竟然好好食。d 雞超滑，喜出望外。再試叉燒。反而平平無奇！可能我叫左個西班牙叉燒比較瘦。佢應該比普通大快活貴d 。但都唔錯！其他食物我見到普通大快活差唔多。不用來吃啦！…Read More

平時係荔枝角食早餐都係食開果幾間。唔係沙爹牛就炸魚。今朝諗住試下新嘢。點知中左大伏！真係伏到一啖都食唔落。佢個餐叫秘制炸醬麵餐。跟炒蛋麵包凍飲！個問題係邊？就係圖片只供參考！佢幅圖個麵似係油麵。撈果隻！炒蛋正常，奶茶都正常！但碗麵就……..黎到竟然係一碗辣肉碎湯麵。辣到飛起果隻。完全同幅圖唔一樣。結果無食到埋單走人！好懷疑間舖係咪俾人頂左手。連午餐個menu 都換埋。少左選擇，個menu 又樣衰左。真係唔會再黎！…Read More

收工同朋友經過西環。行左幾條街搵食。都係酒吧西餐多。突然發現係街尾開左間新餐廳，見無乜人就入去試下！餐牌有d 簡單，主食有巴剎雞飯/湯麵/撈麵，同炸豬飯/麵揀。仲有個老鼠粉。我揀左個炸豬肉撈麵。又幾好味，份量係小。但叫埋其他小食就剛剛好。小食叫左個炸皮蛋餃同串燒雞。串炸雞好味，熱辣辣既，有個爐烤住。皮蛋餃正常。朋友叫左個豬油渣麵同咖啡。話個咖啡好得。總括黎講係好味既！下次會想試下個主題食物同其他小食。…Read More

荔枝角台式食店臨立，呢間洪祖師見未試過就即管試下。套餐69 蚊包飯、小食、飲品。其實食品唔係好差。不過對比附近兩間台式小店就好差！鹵肉飯似碎肉飯。而且味道不足。附近黑布優勝很多很多。鹵肉大粒。味道剛好，又甜又香。小食叫了鹽酥雞，極咸！唔配白飯跟本吃不下！個飯十分單調。寧願吃d2 place 樓上另一間外賣店。好吃很多，有很多配料。飲品叫了杯凍特濃朱古力。不好喝。似港式茶餐廳朱古力。但明明在吃台式食物。由於性價比極低。所以不建議人吃！另外等候時間也長。但其實無乜人叫外賣。。…Read More

收工經過，見到新開。其實唔係第一次食。係希慎廣場食過幾次。無失望。覺得好食過希慎。食左鹵肉台灣腸飯。值得一試！最重要係材料豐富。不過有d 港 式？ 加左粟米落去。無咁油膩！…Read More

同朋友約係旺角食點心，上黎OpenRice search 下，search 到呢間新餐廳，就黎試下，兩個人叫左個二人套餐再加多個點心！二人套餐包一個飯同三個點心再跟兩杯飲品，個飯叫左牛肉就平平無奇。點心叫左春風得意腸、燒賣同菜苗餃！個腸粉好好味，應該係即叫即整，入面條春卷又熱又脆，一流！燒賣都好好味，平時麻麻地燒賣既我都覺得好好食，蝦肉彈牙又鮮甜。菜苗餃都高質，菜同肉比例剛剛好。另外加左個懷舊點心炸粉果，又係好好味，新鮮熱辣。總括而言，成餐飯十分滿意，員工都有禮貎！佢仲有其他招牌食物，太飽無食到！下次會再去！…Read More

今晚同朋友試左呢間位於銅鑼灣既大熱飯店。朋友叫左個期間限定既黃金鹹蛋燕麥豬扒飯，我就叫左個豬扒肉燥撈麵。另外加再兩個小食，分別係芝麻雞翼同炸蝦。首先先講下個主食豬扒飯。感覺好乾，炸豬扒同鼓油飯唔係十分出色，朋友覺得豬扒肥膏位太多，個飯就十分普通。至於我果個炸豬扒撈麵，我自己就覺得豬扒可以一試，但不是吃過最好味的豬扒。至於個肉燥撈麵也是一般。無乜特別，也不是十分好味，汁好像不夠多。小食就真係不太好味，炸蝦有點炸過龍，雞翼亦比較乾。食完成餐飯感覺係乾爭爭。喉嚨有點不舒服！:(…Read More

同朋友兩個人食，叫左兩個丼飯。一個1 號係海膽帆立貝丼，另一個係三文魚帆立貝丼。附送味噌湯、飲品同甜品。利用openrice book 枱仲有9 折同免加一。味噌湯正常，無特別。飲品有好多選擇，全部係罐裝飲品。先講海膽飯，賣相ok 而且海膽鮮甜。但問題出係個飯到！唔知係咪雪凍定擺得太耐，個飯身偏硬，另到個飯失色不少。帶子、三文魚、同三文魚子都正常，但並不是特別鮮甜。飯都算大碗。吃一碗已十分飽。仲可以tim 飯。總括黎講，不過不失。如果飯煮好d 就好了！…Read More

為左慶祝父親節，成家人去左食呢間牛放題。先講食物，本人唔好牛，但都覺得幾好味，有幾個唔同部位俾你叫黎食！埋到位，先上隻牛船、豬肉、刺身、同海鮮拼盤。先講肉類，d 肉都唔錯，好有肉味。至於刺身就選擇較少，但味道都不錯，有頭甜蝦最為好味，但個海鮮拼盤就差d 了。貝殻類有幾隻燒完唔會自動開殻，蟹腳都麻麻。除左燒肉，都仲有d 前菜、天婦羅、飯俾你揀，但唔多choices ，食物叫做普普通通。飲品櫃最令人滿意，有好多酒同飲品俾你揀.甜品係movenpick 雪糕最好，仲有其他雪條、小蛋糕。食物可以，但服務就有待改善了，無人收垃圾，要自己拎去俾佢d staff! 要經常追單，encore 左甜蝦、帶子。要親身去追先有，問d staff ，佢話要見到我地食哂d 刺身先會再上，問題係我凈係想食蝦同帶子，而唔係佢送上黎果d 乜魚物魚！我果兩樣一早食哂！成件事係食餐飯要不斷行黎行去交垃圾，追單，問佢拎醬汁，我俾既係498 唔係298.....都係食番其他日式放題好過！…Read More

今次已經係第三次幫襯老虎堂。於由係台中飲過覺得非常好味，所以香港一開，就已經再三幫襯！但係味道時好時壞。第一次幫襯係開張日，覺得味道偏淡，飲得黑糖珍珠鮮奶，當然就要愛好佢既濃味，很多人就話佢太甜，有d 白痴甚至話佢無茶味，其實知唔知自己買左乜黎飲？第一次有點失望而回。當然由於實在太愛這間店，所以有再一次去光顧，第二次去的時候，感覺不同了，正正是我去台中飲的風味。甜度剛好，亦喜歡珍珠那軟淋淋既感覺！但今日再次光顧味道又再次淡味了！除左味道外，員工辦工速度也時快時慢，有時等一陣已經清左好多等候既人，但有時等半個鐘先得幾個人落左order! 最好請番d 醒少少既員工！…Read More

終於黎呢間漢堡包店朝聖，原本諗住熱潮已經減退，但原來都仲有好多人排，排隊排左大約20分鐘先落到order ，再等15 分鐘先有包食!本身對個包無乜期待，本人並不愛好吃包。但食落覺得個包唔錯，叫左兩個single 既shack burger 同個 cheese fries! 首先講個包，塊肉幾有肉味，而最欣賞反而係個包皮。唔係連鎖店既包，係自家制！好有包香，食完都好飽，至於個fries 就麻麻地，似細細個食茶記果d 波浪薯條！環境都既靚，可以望住維港同日落食住個包！下次去一定要試埋佢d dessert!…Read More

因工作關係，到了南灣半島！上次在這間餐廳吃了一頓鐵板餐晚餐，覺得不錯，所以再次光臨！ 今次叫了下午茶的焗豬扒飯，份量大。豬扒有一整塊，飯又是炒底的。茄汁酸度剛剛好。以35 蚊既價錢，十分超值！另外凍飲叫了凍奶茶！味道也很好。奶和茶的比例剛剛好，有茶味，有奶味而且夠凍！睇番以前d comment 話員工服務差、上菜耐，今次完全沒有呢個問題！等左唔洗十分鐘已經有得食！隔離台有個大叔要求多多又話要牛油又呢又路個待應都無黑面！…Read More