Veron H's Profile

終於記得呢間餐廳，係threads 睇到人介紹地點真係有d難搵到係大廈入面記得要禁完1，再禁右下角既203要行樓梯先再搭LIFT上到去環境ok ，闊落，坐得舒服，可以幾個朋友當私竇聚會地點😂老闆態度友善，睇得出好用心會親自介紹食物套餐有沙律，湯，主菜，甜品，飲品加錢要左熱橙皮茶主菜叫左熟成牛小排同油封鴨腿野食我俾78.34分，合格$2xx 一個餐，坐得舒服又唔會趕人走希望之後會梗加多人識同上去食啦可以留港消費支持下仲有心煮野食既人…Read More

食過最難食嘅串燒店已經等嘅時間比較長上到嚟仲要完全唔熱室溫甘樣上有啲串燒係$40 4串以為好抵，但係上到嚟勁痴條竹籤牛舌完全無味 成餐飯食到懷疑人生無既野入坐後落完單先講到底排隊嘅點喺邊？ 賣廣告唔係問題，但係可唔可以檢討吓自己啲質素先最好笑的嗰十幾張枱，根本佢哋出餐就冇睇過張單，永遠攞住啲串燒行到嚟張枱度問你係咪有落單？串燒唔係淨係落蒜蓉同埋孜然粉就夠味🙄🙄真係有錢去買六合彩都冇咁嬲，千祈唔好去食…Read More

去之前記得book位，唔好以為四層樓有好多枱，地下嗰層得兩張老實講去打卡嘅話真係好好影店主應該用咗好多心思佈置，但係食物質素待應質素全部都唔合格。 首先入到去，如果喺地下嗰層係用唔到數據一定要用佢哋wi-fi， 同店員講想搬去天台坐， 佢哋都安排到， 只係本身檯面有支水可以飲下，上到去天台就已經係冇人理嘅狀態 上到去見到餐牌其實真係冇乜嘢可以選擇， 個便當睇落靚，但食物質素普通 ，個個和風凍食，其實係麻醬烏冬加沙律，小學生都整到 ，飲品超級普通，一個茶包加桂花或者玫瑰，但係店主完全冇諗過飲到最後 係會飲過桂花一粒粒，因為個樽冇茶隔。兩點半去到茶已經冇咗其中一款，又無哂蛋糕？！問d店員個個好似發緊夢咁樣，其中一個女侍應甚至連最基本嘅套餐優惠都唔記得，係甘問人，天台得四張枱 ，我哋去嗰時得三張檯嘅客人， 送錯野食，叫2個正餐，都可以整錯一個，嘢飲又送錯其他枱。其中一款玫瑰烏龍有另一枱客叫咗最後一杯我聽到佢哋問點解玫瑰烏龍無樽，得一杯，因為佢個樽本身應該可以斟到三杯，個店員話因為玫瑰烏龍已經冇曬樽但係如果客人想refill都可以， 其實都係用個茶包同埋玫瑰放落個樽，點解店員唔用另外一個樽頂替先又或者先同客人講聲先 走個時發現雪櫃竟然仲有最後一件蛋糕🤷🏻‍♀️what the xxxx，個店員根本無問過其他職員。淨係去影相嘅話會開心啲，因為冇一個侍應係有返工嘅想法個個都hea住嚟做 ，野食又唔吸引， 一個麻醬烏冬收你78，飲品仲要加$18 我相信店主應該冇做過餐飲業，如果可以嘅話佢請返有經驗嘅侍應會好好多，起碼彌補到啲食物咁差。…Read More

諗住朝頭早食下豬潤粥，暖下胃，之前食過呢一間係唔差諗住再幫襯 粥底係唔差嘅，但係唔知點解舊豬潤係棗紅色，跟住完全唔係豬潤嘅質感，好似豬血糕咁，完全唔係豬潤本身嘅顏色，仲要舊舊都係咁，好恐怖浪費哂個粥底…Read More

食過第三次既餐廳，都係甘好味，今次叫左乳豬,烤雞沙律，都係甘好味。烤雞沙律真伋好正，又有牛油果，個烤雞又夠味遠就遠D，為左美食無辦法拉。今次又帶唔同朋友黎食，個個都好滿意❤️❤️…Read More

湯底雙拼，藥膳加麻辣小辣，湯底完全無乜特別，藥膳勁似酒店個種浸雞腳個種，麻辣得辣無香無麻其他野食，小貴拉，尖沙咀價錢，一串5蚊，魚蛋得一粒，枝竹一舊囉，不過尖沙咀無計la，安格斯牛168一碟得8片，諗住一餐貴都算拉，d野勁唔新鮮，鵝腸勁瘦勁沙🙄最應該提既係服務，有2個男既起碼叫有心做，起碼都理下人，有望下餐廳舖面，另外個三個短裙女，呢三個真係經典，前提如果呢三個係老闆既女朋友，甘係我錯，如果真係請番黎既侍應，個個老闆應該真係睇中佢地個「樣加長腿」佢地三個不停傾計，企係走廊不停吹水飲野，仲要係我地面前食腸粉，完全係girls talk party 。真心，我食放題火鍋都無甘嬲…Read More

上網搵到呢間餐廳講真，門面就真係唔多吸引，係巷仔入面，不過d野食味道又真係ok 三日前pre order 左瀨尿蝦，蜆，蟹，蝦，講過budget同人數俾佢聽，佢地會識得點買先講椒鹽瀨尿蝦，好大隻，成枝筷子甘長，d姐姐侍應會問切唔切開兩段，方便食，好入味，好正個蜆就麻麻拉，太多沙，麻麻地，新鮮就真既個黃金蝦好味，好入味薑葱炒蟹無得輸，好正，好足秤，十個人食老食食唔哂廚房得師傅一個，所以d餸會一道道出黎仲有其他小菜，金銀蛋時菜好ok ，食完仲想叫多一碗5款海鮮，三個小菜，仲叫左野飲同啤酒，一個人都係270，我就覺得好ok la ，起碼新鮮過西貢先拉！…Read More