本身點心都係食開同商場嘅雄點心都食過三、四次，但今晚收工夜咗又想食點心雄點心又收22:00，一見呢間新開又收夜晚00:00，就入去試試。兩個人叫咗8個點心，點心即叫即蒸首選推介蝦餃，雖然拎到上枱啱啱蒸完個賣相麻麻地，但攤一陣之後再食皮薄蝦爽彈牙👍👍👍之後會推介燒賣都係好食，炸雲吞炸得好好食，老婆都讚👍👍鮮蝦腸粉，同樣皮薄蝦爽彈牙👍👍其他四款點心正正常常唔會難食，唯一要彈就係喼汁冇乜味，放落個牛肉度都只係食到牛肉原味🥲其實而家香港地好少餐廳開到咁夜，真係啱晒我哋呢啲夜收工搵嘢食嘅人，10點去到仲可以慢慢食👍👍呢一個真係值得支持，下次會試吓佢哋嘅小菜好唔好食，以後喺呢一區食點心呢間係我嘅首選👍…Read More
